Levetekɔ 3:3 - Yálá laawoo hɛɓɛ (dc)

³ Niilaa haláá tii, nwulɔi gaa gboyɛli ɓa, da yii a kɛ gboyɛli mɛ̨i, ya ɓə da naa həli Yai-Laa ɓa, di gələn.

Yálá laawoo hɛɓɛ

³ Niilaa haláá tii, nwulɔi gaa gboyɛli ɓa, da yii a kɛ gboyɛli mɛ̨i, ya ɓə da naa həli Yai-Laa ɓa, di gələn.

Bible

³ Zâla láa soŋ-nuui é ǹaoi-laa sala kula niŋai m̀ɛ́i-ŋai ŋí kula Yâwɛɛ ma a kéreŋ sala, goi sãai ma wûlɔi kélee,

Levetekɔ 3:3 Kruisverwysings

Mąątɛ̨nɛ̨ 119:70

Di lii ɲɔ̨nwɔ̨ɔ̨ di kwəi kpɔ kɛnɛ̨, nwɛ́i, ə́ wɔ tɔn nwooiɠaai ɓə da níí hon.

Lɛɛ gbɔwɔ ɓa 29:13

Ɉuwɔ wulɔi ti a kɛ gwəi hɛnŋąą diɛ, ɲɛlɛ ɓa, da gwəi kwɛni kɔ́w hveelɛi ɓa, ə́ gəlee həɠə, ə́ gələn ɉaláá kulɔi.

Lɛɛ gbɔwɔ ɓa 29:22

Mɛlaa huwɔ wulɔɠaa həɠə, nwon, nwulɔi ti a kɛ gwəi hɛnŋąą diɛ, ə́ ɲɛlɛ da gwəi kwɛni kɔ́w hveelɛi həɠə da nwulɔi a kɛ diɛ, da mamįiyee wɛlɛ, yili kaa a ɉaláá kulɔ nuą hee ɓɛlaa hilɛ.

Hanwon 23:26

Nón, ə́ kilitɔɔ mą́ą́, ə́ ɉíɛ pələ pɔɔ həɠə.

Azaya 6:10

Nuąi tii kili walawala, 'di wəli hu kpɔn, di ɲɛ̨i pu, 'di hvo pɛli kɛɛ kaai a di ɲɛ̨i kɔ́w, 'di hvo mɛ̨nį mɛ̨n a di wəli, di hvo mɛ̨nį kpaɠala kaa a di kili, di hvo pa nee di hɔn mąą pənə, diɛ ɓalo.»

Izikiɛ 36:26

Gáá pai lii nįnɛ̨ tooi ka kwəi, gɛ́ kili nįnɛ̨ too ka hu. Gili wala wali tii ka hu yɛ kwɛni, gáá pai gulɔi ka hu, gɛ́ kaalon gili too ka hu.

Izikiɛ 44:15

«Ɉaláá laa həli nuą, diɛi a Levi huwu, a Sadɔkə lonnii, diɛi tii kɛi nwɔ́ kɛɛnąą mąąhəɠɛɛi mąą kólóɠaa kɛ, ɓɛlɔwai Israɛlə lonnii di lan na, diɛ di mąą kwɛa mą́ą́, diɛ ɓə pai kɛi di mąą lɛɠɛi mą́ą́, diɛ mą́ą́ mɛ̨nįɠaa ɲɛ̨i kulɔ. Di kaa pai kɛi tɔɔni nííla; di ɉuwɔ wulɔ da ɲąmą di laa həli mą́ą́. Mɛ̨nį kəlee ŋą Hééɓomun Yálá woo li.

Levetekɔ 1:12

Da ɉu tee a gbun gbɛa-kpɛaa. Ɉaláá laa həli mun ə ɉuwɔ nwun ganin da nwulɔɠaa kəlee laa ɉaláá kulɔi gwɛi mɛ̨i nwɔ̨n ɉu.

Levetekɔ 1:8

Di ɉuwɔ kpunŋaa, nwun ganin da nwulɔ laa ɉaláá kulɔi gwɛi mɛ̨i.

Levetekɔ 16:25

Nɛ̨ŋɛ̨n mąąhvaalɛɛ haláá taatɛlɛɛɠaai tii ə di wulɔɠaa kələn ɉaláá kulɔi.

Levetekɔ 3:16

yili pulu, ɉaláá laa həli mun ə ɉuwɔ kpuwɔɠaa tii kələn ɉaláá kulɔ kəhi mɛ̨i. Haláá kɔ̨nɔ̨n ni, yai da gələn, mąą kun nɛ̨ɛ̨, yɛ Yai-Laa liilaa. «Haláá huwɔ, nwulɔ kəlee kaa a Yai-Laa nwɔɔ.

Levetekɔ 3:2

A ɲee pɛlɛ daatɛlɛɛ tii nwuɔ̨, di nwun dee gee kaa kələ laaləi. Aarɔn lonnii a ɉaláá laa həli nuą, di ɲąmą pu ɉaláá kulɔi koo ɓa nąą kəlee.

Levetekɔ 3:4

Nwulɔi a kɛ gwəi kwɛni kɔ́w hveelɛi ɓa, da ɲɛlɛ hunwɔ̨ la, da gəlee kulɔ.

Levetekɔ 4:10

Da gɛ kpɔlɔ yɛ bələi da gɛ la a liilaa haláá nįŋɛ̨. Yili pulu, ɉaláá laa həli mun a di kələn ɉaláá kulɔ kəhi mɛ̨i.

Levetekɔ 7:30

Yaa kpinįi ə pa a ɉaláá kɔ̨nɔ̨n, a Yai-Laa nwɔɔ. Ya ɓaa ɉuwɔ wulɔɠaai a pa a diɛ, ə bɛlɛ gəŋə ɓa; yɛ naa həli, yɛ bələi da naa həli la Yai-Laa ɓa.

Levetekɔ 7:5

Ɉaláá laa həli mun a di kələn ɉaláá kulɔi, yili kaa a nu pɔɔŋą pɛli haláá hɛn da gələn a Yai-Laa nwɔɔ.

Levetekɔ 9:10

Nɛŋɛ̨n mąąhvaalɛɛ haláá huwɔi tii, nwulɔ, gwəi kwɛni kɔ́w hveeelɛi da ɲɛlɛ hunwɔ̨la, ə di kələn ɉaláá kulɔ kəhi mɛ̨i yɛ bələi di Moisə tí la.

Maafîu 13:16

«Kɛlaa, kaa ŋɛ̨i ɓaa nwɔ́ kalan nɛai, ka wɛi nwun nąnɛ̨ɛ̨ nuą ɓaa a kaa. Mąąhɔlɔɓo, ka ɲɛ̨i a kɛɛ mąą kpɛɛ, ka wəli yɛ mɛ̨nį mɛ̨n, yɛ ŋąą kaa.

Maafîu 15:8

«‹Nu huwui ŋɛ̨i a mą́ą́wiɛ lɔ a naaləi, Kɛlaa, di wɔ kiliŋąhiɛ mąą kwɛaa mą́ą́.

Lomaŋ 5:5

Kilitɔɔmąą laa yaan hva nu ɓowo. Gbala ə tɔɔ, Yálá ə nwɔ wɛlikɛmąąlaa yɛɛ gu nįį pɔ Kili-Mąąhəɠɛɛ háálai, yai ə dɛɛ gu pɔ.

Lomaŋ 6:6

Mąąnɛ̨ɛ̨ ka gu mɛ̨nį ŋɛ̨i kpaɠala kaa a nɛlɛɛ: Gu kɛ pələ pɔlɔi wɔlɔ gu kɛ ɉu, yili ka ti gu nɛɛ Kristə ɓa yɛ haa la wulu ɓa. Ə gɛ nɛ̨ŋɛ̨n gɔlɔi ti hu ə kala, ə lɛɛ, gu hvo kɛa kɛ a nɛ̨ŋɛ̨n nwɔ luwɔɠaa.

Dutɛrɔnome 30:6

«Yai-Laa ka wɔ Yálá yaa kpinįi gaa pai ka lii mąąhəɠəi, kaa, ka ka huwuhu nuą kəlee, kaa pɛli Yai-Laa ka wɔ Yálá wɛli la kɛi a ka lii kəlee da ka wɔ yɛnɛ̨ɛ̨ kəlee.

Samuɛlə dɔlɔɔ 2:15

Hvo lɛɛ lɔ a yili, gɛɛ di hvo ɉuwɔ wulɔ kələn, ɉaláá laa həli mun ɲee pɔ mun ə kɛi pa, nui kɛi ɉaláá hɛnŋaa kɛ, yɛ kɛ yili ɓa: «Ɉaláá laa həli mun nwɔ mɔn ɉuwɔ hve, hvo pai huwɔ yilɛɛ hon ɉii ə́ yəi, huwɔ nwunu ɓə gaa bɔ.»