Levetekɔ 21:10 - Yálá laawoo hɛɓɛ (dc)

¹⁰ «Ɉaláá laa həli mun gɛnɛ̨mun nąn nonnii ɲɛ̨i tɔwɔi, yai tii di nwulɔ mąąhəɠɛɛ pu nwuɔ̨, diɛ ɉee, yɛ ɉəɠəɠaa too gwąną, mąą hvo nɛ̨ɛ̨li hvo nwuɔ̨ kɛ yai-yai, hvo mąąhəɠəɠaa huɓɛla,

Yálá laawoo hɛɓɛ

¹⁰ «Ɉaláá laa həli mun gɛnɛ̨mun nąn nonnii ɲɛ̨i tɔwɔi, yai tii di nwulɔ mąąhəɠɛɛ pu nwuɔ̨, diɛ ɉee, yɛ ɉəɠəɠaa too gwąną, mąą hvo nɛ̨ɛ̨li hvo nwuɔ̨ kɛ yai-yai, hvo mąąhəɠəɠaa huɓɛla,

Bible

¹⁰ Zâla láa soŋ-nuui kɛ́tɛi nyii da wulɔ pú ŋ̀ûa, da m̀aa waa, da zâla láa soŋ seɣei tɛ́ɛ bɔ́i, é kɛ́ ŋ̀uŋ su kulâi, vé ŋɔseɣei fâla a gɛ́ɛ malôŋ sèe ƃôi ŋɔnúu da saa mɛ̂ni ma.

Levetekɔ 21:10 Kruisverwysings

Zɛnɛse 37:34

Nąąlɔwai, Ɉakɔbə ə nwɔ həɠəi hu ɓɛla, ə mąąwɛli hee ɓo, ə non nwɔlɔ ɓo kpɔ a ɉu kwɛa.

Samia Veerɛi 15:30

Davidə ə kɛi olivie yee tɛ, ə kɛi ɲee tɛ a wɔlɔ; həɠə pɛlɛɛ nwun mɛ̨i, ə kɛi hiɛ kɔ́lɔ hvo kɛ gɔwɔŋa. Nu kpului tii kɛ bɔ, həɠə ə kɛ gəlee nwun mɛ̨i. Di kɛi li, diɛ ɲee tɛ diɛ wɔlɔ.

Zôo 1:20

Nąąlɔwai, Ɉobə ə nɛɛmą ə muhəɠə ə tɔɔ, ə nwɔ biliɉui huɓɛla, di nwun gbəlaan mo, ə too nɔi ɓa, ə kwɛli hvilɛn Yálá ɓa.

Mąątɛ̨nɛ̨ 133:2

Gaa lɔ yɛ, mąątí wulɔ kun nɛ̨ɛ̨ a kɛ nu nwuɔ̨! Yɛ yɛɛ gbɛlɛ hu, yɛ yɛɛ Aarɔn kpɛlɛ hu, yɛ yɛɛ, nwɔ həɠəi kɔn bɔ.

Lɛɛ gbɔwɔ ɓa 29:7

Ə́ nwulɔ mąąhəɠɛɛ həɠə, ə́ bu nwuɔ̨, ə́ mąątí a da.

Izikiɛ 24:17

Ya kɛ lɔ ɲiŋɛi ə́ hu pələ, mɛ̨nįɠaai da gɛ haa mɛ̨nį hu, hvo pai da kɛi. Ə́ wɔ ɓɔlɔi lɔ ə́ nwuɔ̨, ə́ wɔ kɔ́lɔɠaai lɔ, hvó həɠə pɛlɛ ə́ laaləi, ɛlɛɛ, hvó kɔ̨nɔ̨n ɉon gwəlii mun da yəi.»

Levetekɔ 13:45

«Nui hvólóɲɔ̨n gaa mą, mąąnɛ̨ɛ̨ ə həɠə haɠa too gwąną, hva nwun ɉu pili, ə naa ɓa ləɠa mɛ̨i kpulu, mąąnɛ̨ɛ̨ a kɛi hiɛ, yɛ tómą yɛ kɛ mą: ‹Nu ɲɔ̨n gaa pai! Nu ɲɔ̨n gaa pai!›

Levetekɔ 16:32

«Nui a nɛ̨ŋɛ̨n mąąhvaalɛɛ kóló kɛ, yaa ɓa ɉaláá laa həli mun; yai da ɉee a nwulɔ mąąhəɠɛɛ, ɉaláá kulɔ mɛ̨nį ɓa, a nąn mąąhvalin. Ə ɉəɠə kwɛlɛɛɠaa kɛ mą, ɉaláá kulɔ həɠəɠaa li.

Levetekɔ 4:3

«Akɛ ɉaláá laa həli mun di ɉee diɛ nwulɔ mąąhəɠɛɛ lɔ mą ya ɓə nɛ̨ŋɛ̨n ɉəɠə, ə nɔi nuą kəlee kɛ la tii a nɛ̨ŋɛ̨n ɉəɠə nuą. Mąąnɛ̨ɛ̨ ə pa a nįŋɛ̨ hilɛ lon kpɛɠii hvo mą Yai-Laa pɔ, a nɛ̨ŋɛ̨n tii ə ɉəɠə mąąhvaalɛɛ haláá.

Levetekɔ 8:12

Ə nwulɔ mąąhəɠɛɛ tii ta pu Aarɔn nwuɔ̨, ə da lɔ mą, yɛ naakwɛlanmo la Yai-Laa ɓa.

Lonon mo 35:25

Mąąnɛ̨ɛ̨ galanɉonŋąą di nu paamun gulɔ nwąną kulɔ kɛ mun ɲəi, di pənə di li la mąąkilɛ taa hu, ɓɛi ə gbɛa mąąkilɛ laa. «A lɛɛ laa, ə lɛɛ ɉu, ɉaláá laa həli mun gɛnɛ̨ɛ di ɉee, a nwulɔ mąąhəɠɛɛ, ə haa.

Lonon mo 6:7

Ə kɛ a nąn mąą mɛ̨nį, ə mą kɛ kpɛli nee, nąn non ɉulɔnu, ə mą kɛ mąąhala; mąą hvo nɛ̨ɛ̨li hvo gbɔwɔ mąąliɓi yɛ tunwɔ̨n da powa ɓa, mąąhɔlɔɓo gbɔwɔ tɛɛ tii ə mo Yálá pɔ, gɔlɔn ɉɛn gaa nwuɔ̨.

Maafîu 26:65

Ɉaláá laa həli nuą nwun nąmui tii ə mąą həɠə hu ɓɛla, yɛ diɛ: «Aa Yálá lalan. Yili ɓa tii, ə mą kɛ kɛa gu hvo kɛla takpɛli kwɛli li, ka kəlee kaa nąą kaa, ə lɛɛ kaa nwoo ɲɔ̨n tii mɛ̨n.