Levetekɔ 11:24 - Yálá laawoo hɛɓɛ (dc)

²⁴ «Ɉuwɔɠaai tɔ́n gaa mą, nui lɔpee a tunwɔ̨n da powa ɓa, a kɛ tii, mąą nu aa gbɔwɔ mąąliɓi a volói tii, ə lɛɛ la ɉu yələ ə wulu.

Yálá laawoo hɛɓɛ

²⁴ «Ɉuwɔɠaai tɔ́n gaa mą, nui lɔpee a tunwɔ̨n da powa ɓa, a kɛ tii, mąą nu aa gbɔwɔ mąąliɓi a volói tii, ə lɛɛ la ɉu yələ ə wulu.

Bible

²⁴ “Ǹúui kélee a lɛ̂ɣɛ zãâi ŋí da poma mai, maa nuui fé pâi kɛ̂i a m̀aa waa é lɛ́ɛ la zu ɣele wulii é kɛ́.

Levetekɔ 11:24 Kruisverwysings

Azaya 22:14

Yai-Laa Mɛ̨nį Kəlee ŋą Hééɓomun, yai ɲee a pɛli mɛ̨nį kəlee ɓa ə mɛ̨nįi ŋɛ̨i ɓo mą́ą́, yɛ mą́ą́: Nɛ̨ŋɛ̨n tii hvo pai kulɔi kaa a yələ ta, hvo kɛli ka haa. Nąmu Yai-Laa Mɛ̨nį Kəlee ŋą Hééɓomun, yai ɲee a pɛli mɛ̨nį kəlee ɓa aa gwɛla.

Levetekɔ 11:23

Kɛlaa, koon-koon ɉɛn lɔpee gɔwɔ kaa mu nąąn, tɔ́n gaa mą.

Levetekɔ 11:25

Nui lɔpee a di ta powa kpəŋə, mąąnɛ̨ɛ̨ ə mąą həɠə waa, mąą nu mąą liɓiɛ ə lɛɛ ɉu yələ ə wulu.

Levetekɔ 11:31

Huwɔ yiiɠaai da tala, yiiɠaai tɔ́n gaa diɛ, diɛ ka tii, nui a tunwɔ̨n da powa ɓa, aa gbɔwɔ mąąliɓi a volói tii, ə lɛɛ ɉu yələ ə wulu.

Levetekɔ 11:8

Mąą hvo nɛ̨ɛ̨li ka hvo di huwɔ mįi. Ka hvo tunwɔ̨n di powa ɓa. Tɔ́n gaa diɛ.

Levetekɔ 14:46

«Nu a lɔ bɛlɛ́n, ɓɛlɔwai tɔ́n gaa la bɛlɛ́ ɓa, akɛ tii mąą nu aa tɔ́n ɉee gbɔwɔ ɓa ə lɛɛ ɉu yələ ə́ wulu.

Levetekɔ 15:10

Nui ɲɔ̨n tii kaa mą, hɛn nɔpee gaa mu, nui a tunwɔ̨n mą tɔ́n gaa mąą nu ɓa, ə lɛɛ ɉu yələ ə wulu. Nui nwɔ̨nɔ̨ a ɉɛn tii kpəŋə, mąąnɛ̨ɛ̨ ə mąą həɠəɠaa waa, ɛlɛɛ ə gbinį lee waa a yá, tɔ́n a lɛɛ mąą nu ɓa ə lɛɛ ɉu yələ ə wulu la.

Levetekɔ 15:11

Ɲɔ̨n gɛmun tii a túnwɔ̨n nu ta ɓa, a wala ɲəi waa, ə gbinį lee waa a ya, tɔ́n gaa mą ə lɛɛ ɉu yələ ə wulu.

Levetekɔ 15:15

Ɉaláá laa həli mun a donwələn tii tɔ̨nɔ̨ kɛ a nɛ̨ŋɛ̨n mąąhvaalɛɛ haláá hɛn, ə dɔ̨nɔ̨ kɛ a haláái da gəlee kələn. Ɉaláá laa həli mun a nɛ̨ŋɛ̨n mąąhvaalɛɛ woo ɓo mɛ̨i Yai-Laa lííla Dɔ́n ti kulɔ mɛ̨nį ɓa mą.

Levetekɔ 15:21

Nui lɔpee a tunwɔ̨n nwɔ gbin ma, mąąnɛ̨ɛ̨ ə mąą həɠə waa a yá, ɛlɛɛ ə gbinį lee waa, tɔ́n a lɛɛ mąą nu ɓa ə lɛɛ ɉu yələ ə wulu.

Levetekɔ 15:22

Hɛn lɔpee a hee mɛ̨i, nui a tunwɔ̨n ɉɛn tii ɓa, mąąnɛ̨ɛ̨ ə mąą həɠəɠaa waa, ə gbinį lee waa a yá. Ɛlɛɛ, tɔ́n a lɛɛ mąą nu ɓa ə lɛɛ ɉu yələ ə wulu.

Levetekɔ 15:23

Hɛn da akɛ nwɔ gbin ŋą a wala kɛ tii ɓɛi a hee laa, nu a tunwɔ̨n ɉɛn tii ɓa, tɔ́n a kɛ mąą nu ɓa ə lɛɛ ɉu yələ ə wulu.

Levetekɔ 15:27

Nui lɔpee a tunwɔ̨n ɉɛnŋąąi tii ta ɓa, tɔ́n a kɛ mąą nu ɓa, hvo kɛ li ə mąą həɠəɠaa waa; tɔ́n a lɛɛ mąą nu ɓa ə lɛɛ ɉu yələ ə wulu.

Levetekɔ 15:5

Nui a tunwɔ̨n gbin tii ɓa, mąąnɛ̨ɛ̨ mąą nu ə mąą həɠəɠaa waa; ə gbinį waa a yá, ɛlɛɛ, Dɔ́n a lɛɛ mąą nu ɓa ə lɛɛ ɉu yələ ə wulu.

Levetekɔ 15:6

Ɉulɔnui ɲɔ̨n gaa mą, ɓɛi lɔpee a hee laa, nu ta a hee gɛɛnąą ti ɓa, mąąnɛ̨ɛ̨ mąą nu ə mąą həɠəɠaa waa; ə gbinį waa a ya, ɛlɛɛ, tɔ́n a lɛɛ mą, ə lɛɛ ɉu yələ ə wulu.

Levetekɔ 15:7

Nui a tunwɔ̨n ɲɔ̨n gɛmun ti ɓa; mąąnɛ̨ɛ̨ ə mąą həɠə waa ə gbinį lee waa a yá, tɔ́n a lɛɛ mą, ə lɛɛ ɉu yələ ə wulu.

Levetekɔ 15:8

Ɉulɔni ɲɔ̨n tii kaa mą, a nɛayá pili nu yii tɔ́n və mą; mąąnɛ̨ɛ̨ mąą nu ə mąą həɠəɠaa waa. Ə gbinį lee wa a yá, tɔ́n a kɛ mąą nu ɓa ə lɛɛ ɉu yələ ə wulu.

Levetekɔ 16:26

«Nui di dɔɔ yɛ li a Azazɛlə nwɔ ɓolu hilɛi, a gbɛa mąą hɛnŋąą waa, ə gbinį waa gɛɛ hvo kɛ tɛi taai.

Levetekɔ 16:28

Nui a li ɉɛnŋąąi tii kələn ɉii, a lɛɛ daa pulu ə mąą hɛnŋąą waa, ə gbinį waa, hvo tɛɠa kɛ tɛi taai.

Levetekɔ 22:4

Aarɔn kwəilon lɔpee hvólóɲɔ̨n a kɛ mą, a wala kɛ tii lə́ŋąn, hva pɛli ɉaláá hɛn mąąhəɠɛɛ ta mįi, hvo kɛli a gbɛa dɔ́n tii kulɔ gbɔwɔ ɓa, ə mąąhəɠə. Bələ lɔ ɓə gaa la, nui a tunwɔ̨n hɛn mąąliɓiɛ ta ɓa, ə kɛ a powa, ə kɛ a nui mąąkalayá kaa pui;

Levetekɔ 22:5

Ə kɛ a nui aa tunwɔ̨n ponun da ɓa yii tɔ́n gaa mą, a wala kɛ tii, aa tunwɔ̨n nu ta ɓa, mąą nu mąąliɓiɛ a tɔ́n ɉuwu lɔpee ta laa pɔɔ, di kəlee di mąą mɛ̨nį a kɛ lɔ tii.

Levetekɔ 22:6

Nui a tunwɔ̨n ɉɛnŋąąi tii ta ɓa, mąą a liɓi, ə lɛɛ ɉu yələ ə wulu; hva pɛli ɉaláá kɔ̨nɔ̨n mąą həɠɛɛ ta mįi, hvo kɛ li a gbɛa nwaa.

Levetekɔ 5:2

«Awala kɛ tii, hɛn tɔ́n gaa mą nuą tɔwɔ, nu ta a tunwɔ̨n mą dɛɠii; yɛi kɛ a lɔwɔ huwɔ yii aa haa gbɔwɔ ɓa bowa, yii mąą hvo nɛ̨ɛ̨li nu hvo tunwɔ̨n mą, yɛ ə kɛ a taatɛlɛɛi haa gbɔwɔ ɓa bowa, yɛ ə kɛ a tala huwɔ ta powa; mąą nu aa gbɔwɔ mąąliɓi, aa ɉɔn gɛ.

Levetekɔ 7:21

Nui lɔpee a tunwɔ̨n tɔ́n ɉɛn da ɓa, ə kɛ a taatɛlɛɛ, ə kɛ a nu kan, ə kɛ a huwɔi lɔpee, tɔ́n gaa mą mąąliɓiɛi. Hɛn da naa həli Yai-Laa ɓa, a da mįi, mąąnɛ̨ɛ̨ di mąą nu kulɔ ɲəi bɛlɛ́n nuą lɔwai.»

Lonon mo 19:7

Yili pulu, ɉaláá laa həli mun ə mąąhəɠəɠaa waa, ə gbinį waa a yá; yili pulu, ə tɛ taai. Kɛlaa, tɔ́n a lɛɛ mą ə lɛɛ ɉu yələ ə wulu.

Korɛntə dɔlɔɔ 15:33

'Ká hvo ka kpɔwɔ ɓowo: Hiɛ gee pulu ɲɔ̨nwɔ̨ɔ̨, a nu yíi pələ lɛlɛɛ hukala.

Korɛntə veelɛ 6:17

Yili ɓə gɛ, gu Nąmu Yálá yɛ kɛ diɛ: «'Ká kulɔ kani nuą ti lɔwai, 'ká diɛni 'ká ká ɓɛla ɓo, ka hvo tunwɔ̨n hɛn gɔhɔɓoɔ ɓa, ká gɛ ti, ŋą́ ɲéé hee ká mu.

Ifisiɛŋ 5:11

'Ká hvo ká yee too kpinį kólóɠaa hu, diɛi di tɔlɔ hvo diɛ, 'káámun, 'ká di too pono ɲą.

Kolosə 2:20

Yii kɛa ká Kristə ni kaa haa, ɛlɛɛ, káá kulɔ yɛnɛ̨ɛ̨ hɛnŋaa yəi. Lə mɛ̨nį ɓa, ká dɔn bɔ yíiɓo, yɛ ká kɛ ni, a ká hɛlɛnŋąą yɛnɛ̨ɛ̨ ɓa?

Hebreu 9:26

Akɛ yili ɉuwu ɓə kɛ, Kristə ə li gbɔwɔ kulɔ a haláá geemɛ̨i tamąą, ə həɠə kpɔ yɛnɛ̨ɛ̨ kɔwɔ tɔɔ yələ ɓa. Kɛlaa, a tɛ̨ą. Ə gɛ lɔ taanɔ̨n gbən, a vóló ɲąąkpɛɛi yələi ŋɛ̨i, ə too la pono ɲą, ə nɛ̨ŋɛ̨nŋaa waa, a gbɔwɔ kulɔi ə mo a haláá.

Zɔ̂ŋ Maa-ŋuŋ 1:7

Kɛlaa, a kɛ gwa kɛi hiɛ kɛɛ pono hu, yɛ bələi Yaa kpinii gaa la a kɛɛ pono, akɛ tii gu kəlee gu kaa ɉu tanɔn, Non Jesus ɲąmą a gu mąąhəɠə nɛ̨ŋɛ̨n ɲəi.