Levetekɔ 10:11 - Yálá laawoo hɛɓɛ (dc)

¹¹ Ɛlɛɛ kaa pɛli Israɛlə lonnii mąąkwɛlii diɓoɠaa diɛ, diɓoɠaai Yai-Laa ə di tɛɛ Moisə pɔ, yili yaan yɛ nɛ diɛ.»

Yálá laawoo hɛɓɛ

¹¹ Ɛlɛɛ kaa pɛli Israɛlə lonnii mąąkwɛlii diɓoɠaa diɛ, diɓoɠaai Yai-Laa ə di tɛɛ Moisə pɔ, yili yaan yɛ nɛ diɛ.»

Bible

¹¹ Fɛ̂ɛ ka dɔ̂ŋ-ŋai ŋí lɛ́ Eezuɛ-belai kélee dîa nyii Yâwɛɛ è dɛ̀ɛ Mose pɔ́i.”

Levetekɔ 10:11 Kruisverwysings

Kɔlɔnikɔ Veerɛi 15:3

Israɛlə ə lamun, Yálá kpɔ-kpɔ hvo kɛ ɲəi, haláá laa həli mun və kɛ laa yɛ nuą mąąkwɛli, tɔ́n və kɛ laa.

Kɔlɔnikɔ Veerɛi 17:9

Yai-Laa ŋą tɔ́n ɉɛɓɛ́i ɓə kɛ di yəi, di tɛɛ la Ɉuda lɔi hu taaɠaa kəlee hu, diɛ nuą mąąkwɛli mą.

Kɔlɔnikɔ Veerɛi 30:22

Ezekiasə wooɠaa ə lévi lonnii lii hon, ə kiliŋąhiɛ lɛlɛɛ too diɛ yɛ hvilɛn na Yai-Laa ɓa. Ɛlɛɛ ɉɛli guu ta pɛlɛ mą a hvóló mɛ̨ihveelɛ, diɛ liilaa haláá kulɔ, diɛ di nąnni di wɔɔ Yálái Yai-Laa hɛɠɛɛɓo.

Nehemi 8:2

Ɉaláá laa həli mun Ɛsdrasə ə pa a dɔ́n ɉɛɓɛ́ nu kpɔn gəlee ɲɛ̨i ɓa; hinąą mąn, nɛ̨ąą mąn, ə mą kɛ nui lɔpee a mɛ̨nį hukpɛ, di kəlee di kɛ laa, ɲąnįn mɛ̨ihveelɛ naa nwɔ dɔlɔɔ tɔlɔɔ li kɛ.

Nehemi 8:8

Di kɛi Yálá nwɔ tɔ́n ɉɛɓɛ́i ɓo a ɉu pɔ̨nɔ̨ɔ̨, diɛ mukulaa lɛ, mɛ̨nįi di kɛi mo, nuą diɛ ɉukulaa kaa.

Ɉeremi 18:18

Nuą di kɛ laa diɛ kɛ diɛ: «Ka gu gilima həɠə Ɉeremi ɓa, gu hvo pai hvɛɠɛi a gu mąą kwɛli mun, a gu liɛwoo ɓomun, a Yálá kwəi mɛ̨nį hukulɔ mun. Ka gwəli gu mɛlɛtoo a naa kala pələ, gu hvo gu wəli tɔɔ nwoo ɓa.»

Ɉeremi 2:8

Ɉaláá laa həli nuą, di hvo kɛli diɛ: «Yai-Laa kaa mi?» Nuąi Yálá nwɔ tɔ́n kaa di yəi, daa ɲagban naa kulɔ, daa lɛ̨ą mą. Nuą ɲɛ̨i tɔwɔ nuą daa tɔɔ ná. Yálá kwəi mɛ̨nį hukulɔ nu, diɛ ɓə kɛa Baalə kwəi mɛ̨nį hukulɔi Di hvilɛn ŋąą kpɛli-kpɛli hɛnŋaa pulu.

Malasi 2:7

A tɛ̨ą, haláá laa həli mun gɛ kólo ɓaa, ə nuą mąąkwɛli a Yálá kɔ́lɔn mɛ̨nį, yaa tii ɓə nuą da pa bɔ, diɛ mąąnįn kɛ a kpaaləi mąąnɛ̨ɛ̨ di hiɛ la. Mąąhɔlɔɓo, ya ɓə gaa a Yai-Laa Mɛ̨nį Kəlee ŋą Hééɓomun laawoo laa həli mun nuą diɛ.

Maafîu 28:20

Yiiɠaai ŋį́ ka tí la, ka nuą mąąkwɛli mą a ɉon bələ. Gáá ka pɔ a yələ kəlee, ə lɛɛ ɉu yɛnɛ̨ɛ̨ ɲąą ə kpɛɛ la.»

Gɛlaɠaa 20:27

Gbala ə tɔɔ, ŋį́ Yálá nwɔ mɛ̨nį pɛliɛ kəlee lɛ kaa, və́ dɔ̨nɔ̨ kpɛli loo li kaa.

Dutɛrɔnome 17:10

Bələi di kaa pai moi la kaa, gɛɛnąą tii Yai-Laa ka wɔ Yálá ə ɉəɠə ɉu nąą, ka gɛ tii. Mɛ̨nįɠaa kpɔ di kaa pai moi kaa, ka gəlee kɛ.

Dutɛrɔnome 17:11

Mɛ̨nįɠaa di kaa pai moi kaa, ka hvilɛn bulu, ka hvo həɠə mɛ̨i, ka ɉon di. Ka hvə həɠə nwooɠaai da mo kaa di mɛ̨i, kaa li ɓa mįi yee hu, a wala kɛ tii, kɔ́ɓɛyee hu.

Dutɛrɔnome 24:8

Ka gɛ a nɛlɛɛ hvólóɲɔ̨n ɉuwui lɔpee gəlee ɓa; mɛ̨nįɠaa ɉaláá kulɔ nuą Levi lonnii da mo kaa mɛ̨nįi tii hu, ka ɉon a nɛlɛɛ; ka bɔ mɛ̨nį kɛ. Ka tɔɔ a ka nwąnąąi, ka túwɔ́ yɛ bələi ŋą mo la diɛ.

Dutɛrɔnome 33:10

Diɛi tii ɓə da ə́ wɔ yɛnɛ̨ɛ̨ yíi ɓo pələ lɛ Ɉakɔbə ɓa, diɛ Israɛlə nuą kalan a ə́ wɔ tɔ́nŋąąi hon bələ; diɛ ɓə da lansan kələn ə́ lííla; diɛ ɓə da haláá kulɔ yɛ́, yii da gəlee kələn.

Tɛsalonikə dɔlɔɔ 4:2

Káá kpinįi mɛ̨nįi ku ká mąąkwɛli mą yɛ həɠə gu Nąmu Jesus pɔ, ká gɔlɔn.