Ɉeremi 9:4 - Yálá laawoo hɛɓɛ (dc)

⁴ Diɛ di kee ni ɓowo. Nu ta hva tɛ̨ą ɓo, daa di nɛn mąą kwɛli lɛɛ kɛɛ ɓa. Daa kala, di hva kɛa pɛli pənəi di hvo pa bɔ́. Di hɔn mąą hva kɛa hvalin.

Yálá laawoo hɛɓɛ

⁴ Diɛ di kee ni ɓowo. Nu ta hva tɛ̨ą ɓo, daa di nɛn mąą kwɛli lɛɛ kɛɛ ɓa. Daa kala, di hva kɛa pɛli pənəi di hvo pa bɔ́. Di hɔn mąą hva kɛa hvalin.

Bible

⁴ Ka ká mɛi káa a kálâoi-ni. Káfe kákili tɔ̀ɔ kákaayɔɔ-ŋai dîa. Kpɛ́ni fêi, kákaayɔɔ-ŋai díkaa a núu pɛlɛ-ƃela yɛ̂ɛ Zeeka. Ǹyaŋ núu kélee káa a núu láa kara-ƃela.

Ɉeremi 9:4 Kruisverwysings

Zɛnɛse 32:28

Yɛ Ɉakɔbə ɓa: «Ə́ laa ɓaa a gbɛɛ?» Ɉakɔbə yɛ mą: «Náá ɓaa Ɉakɔbə.»

Mąątɛ̨nɛ̨ 101:5

Nui a mɛlaa laa kala loo pələi, gáá pai nwumɛ̨i, tɛɠɛɓoɉu kɛɛ kaa, ɲɛ̨i kulɔbɔ kili, vá pɛli niilaai di pɔ.

Mąątɛ̨nɛ̨ 15:3

Hva mɛlaa mąą mɛ̨nį pili ɉu, hva ɲɔ̨nwɔ̨mąn nu ɓɛlɛ kpɛɛ mą.

Hanwon 10:18

Nui a wɛlikpɛɛmąą mɛ̨i kpulu, nɛn gaa na hveelɛ. Nui a laamąąhiɛ kɛ, ɓowomun ni.

Hanwon 25:18

Nui a lɛɛ kɛla hvaa ɓo a mɛlan gaalon naa, gɛ pələ kaa yɛ, gbɔn gɛnɛ̨, yɛ ɓɔwa kwɛa, yɛ mɛ̨ɛ̨kɔw ɲąą kulaa.

Hanwon 4:16

Nwąnąlɔ nuą di hva yíi, akɛ di hvo mɛ̨nį ɲɔ̨n gɛ li. Da wala mɛ̨nį nwąnąą laa nu ta ɓa, yíi hva pa di ɲɛ̨i.

Hanwon 4:17

Mąąhɔlɔɓo, di kɔ̨nɔ̨n mąą mɛ̨nį ɲɔ̨n, too mɛ̨i ɓə gaa a di kpələ lɔɔ.

Hanwon 6:16

Mɛ̨nį mɛ̨ida kaa laa, yii nwɛli hvo Yai-Laa ɓa, di kaa kpɔ hɔlɔmun mɛ̨ihveelɛ; diɛ ɓaa:

Hanwon 6:19

lɛɛ kɛla hvaa ɓomun, nui a hvaa too leegaaɠaa lɔwai.

Azaya 59:13

Diɛ ɓaa: Ku nwun dɛ mɛ̨nį Yai-Laa pɔ, kuɔ lənə mą, ku pulu tínɛ̨n mɛ̨nį kuɔ Yálái ɓa a ɉukwɛaa, toomɛ̨i da nwuɔ̨-mɛ̨ni mąą kili tee mɛ̨nį ku kwəi, kuɔ lɛɛ mɛ̨nį mąą kiliŋąhiɛ kɛ, ɛlɛɛ kuɔ mo.

Azaya 9:16

Yili ɓɛ gɛi, Yálá hvo pai di wɔ hilɛlɛai mąą hvaalɛɛi, hva di wɔ təlilɛai da di wɔ kalanninŋaai ɲɛ̨imąąwɛli kaa, mąąhɔlɔɓo, di kəlee di hva mɛ̨nį haŋąą kɛ, di hva kulɔ di woo ɓa; nuąi tii kəlee da kɛ woo ɲɔ̨n moi Yálá ɓa, ə mą kɛ tii, Yálá nwɔ liiɲąnwąnąi ni li pɔ, ɲee haŋąą ni di pɔ, yɛ haŋą diɛ.

Ɉeremi 12:6

Yaan, ə mą kɛ, ə́ nąn nonnii, a ə́ yəi bɛlɛ́n nuą kpɔ-kpɔɔ daa kulɔ ə́ pulu. A tɛ̨ą, di kaa nu kpulu ɲąą tɛi yɛ́ ə́ tɛɠii, hvó ə́ kili lɛɛ diɛ, ə mą kɛ di kaa pələ nɛɛ ɓoi yɛ́.

Ɉeremi 6:28

Nu huwui ŋɛ̨i kəlee kaa a kulɔ nwoo mu nuą, di kili walawalaa; diɛ ɓo a laa kala nuą, di walawalaa yɛ kwɛli kpəlee a wala kɛ tii kwɛli kpɔlu. Di kəlee di kaa a lɔi kala nuą, túwɔ́ pələ ɲɔ̨n gulɔ nuą.

Ɉeremi 9:8

Yili a kɛ tii, mąą hvo mɔ̨ɔ̨ nɛ̨ɛ̨li və́ di hutɔɔ? Vá mɔ̨ɔ̨ pɛli nwąną kulɔi nu huwu taaləi ŋɛ̨i ɓa? Ɲą́ą́ Yai-Laa nwóó li.

Izikiɛ 22:9

Laa kala nuą kaa ə́ pɔɔli, diɛ nuą ɲąątɔɔ ɲąmą pu mɛ̨nį ɓa. Da kɛ haláá kɔ̨nɔ̨n mįi yeeɠaa nwuɔ̨ ə́ pɔɔli, mɛ̨nįi hva nu mąąhon, da gɛ ə́ pɔɔli.

Levetekɔ 19:16

'Hvó ə́ kaayɔwɔ ta laa kala, ə́ ɓɛlan gaalon ɲąmą wulu hvo lɛɛ ə́ nwuɔ̨. Ɲą́ą́ ɓə gáá a Yai-Laa.

Malasi 2:10

Akɛtii, ku kəlee ku nąn hvə mɔ̨ɔ̨ tanɔ̨n? Kɛlɛi ku pɛli Yálá kaa lɔ tanɔ̨n-ee? Akɛtii, lə mɛ̨nį ɓa, ku kwəi hvo kwələ li ku kee ɓa, ɛlɛɛ, mįnɛ̨i wɔlɔ Yálá da ku kalaɓɔlɔni di ɉəɠə, kuɔ gala?

Maafîu 10:17

'Ka ka mɛ̨i kaa, nuą mąą mɛ̨nį ɓa. Mąąhɔlɔɓo, di kaa pai kɛi lii a kaa kiti pɛlɛ́ɠaa mu; diɛ ka kɛ́lɛ́ a hvaɠa di wɔ Yálá hvɛli pɛlɛ́ɠaa mu.

Maafîu 10:21

«Nuą kaa pai kɛi di kpɔ-kpɔɔ ləɠəni paai, nu taɠaa diɛ yili ɲɔ̨nwɔ̨mąn gɛ a di lonnii. Lon yɛ pɛlɛ gaamun ma, baa mɛ̨nį ɓa.

Lukə 21:16

Ka káá nuą, ka kaayɔwɔɠąa ə mą kɛ ka ɓɛlaa, di kaa pai kɛi ka tɛŋɛn gwɛlɛi. Di kaa pai nu tamąą paai ka lɔwai.

Tɛsalonikə dɔlɔɔ 4:6

nu ta hvo kɛ gaa mɛlan vului, yɛ mɛ̨nį nwąnąą laa mą mɛ̨nįi ŋɛ̨i hu, gbala ə tɔɔ, gu Nąmu a yili kəlee gwələ kulɔ, yɛ bələi ku gbɛa mo la káá, kuɔ mąąlaŋąn.