Ɉeremi 9:14 - Yálá laawoo hɛɓɛ (dc)

¹⁴ Yili ɓa, Yai-Laa Mɛ̨nį Kəlee ŋą Hééɓomun, Israɛlə nwɔ Yálá, yɛ diɛ: Gáá pai pilíí ɓa tɛɛi di pɔ di mį́i ŋį́ kili ya tɔɔ di la di gbələ.

Yálá laawoo hɛɓɛ

¹⁴ Yili ɓa, Yai-Laa Mɛ̨nį Kəlee ŋą Hééɓomun, Israɛlə nwɔ Yálá, yɛ diɛ: Gáá pai pilíí ɓa tɛɛi di pɔ di mį́i ŋį́ kili ya tɔɔ di la di gbələ.

Bible

¹⁴ Kɛ́lɛ, dí lɛ̀ɛ díkpîŋ kili-ŋa-siâi pôlu a wolii kpɔ̂lɔ-pere, ǹyaŋ díkaa nɔ́ Bêe ɣalai pôlu yɛ̂ɛ berei dínâŋ pɔlɔ-ŋai díwɔ́lɔ ǹɛ la diai.

Ɉeremi 9:14 Kruisverwysings

Zɛnɛse 6:5

Yai-Laa ə gaa yɛ diɛ: Nu lonnii kwəi kiliŋąhiɛ kaa lɔ kɛa mɛ̨nį ɲɔ̨n ma a hvóló kəlee.

Zôo 9:18

Hva kpɛli nɛ́ɛ́ laa, və́ nɔ̨́ɔ̨ yala tanɔ̨n, kɛlaa, a náá hvɛɛ a mɛ̨nį ɲąąnwąnąą,

Ɉeremi 11:8

Kɛlaa, di hvo gɛ, di hvo di wəli tɔɔ! Di hvo di wəli tɛɛ bɔ́! Nu kəlee ə kanąn gwəi kili ɲɔ̨nwɔ̨ɔ̨ ɓa, di kpowola wala-walaa; ŋį́ di tí a mįnɛ̨i ŋɛ̨i hu woo hon mɛ̨nį, di hvo gɛ li, yili ɓə gɛ, gɛ́ mįnɛ̨i ŋɛ̨i hu wooɠaa pɔ mɛ̨nį nwąnąą laa diɛ.

Ɉeremi 13:10

Yaan, di kaa a nu huwu ɲɔ̨nwɔ̨ɔ̨, di hvo gɛi di hvo di wəli tɔɔ nwóó ɓa. Di kanąn ŋąą lɔ di wɔ wəlii kpɔlɔi ɓa. Diɛ li diɛ kwɛli hvilɛn haliɠaa diɛ; diɛ di mąąwiɛ, diɛ pɛlɛ di lííla. Di kaa pai kɛi yɛ bələi tii ɉąą yili kɔ́lɔi tii kaa la; tɔ̨nɔ̨ lɔpee hva kɛ mą.

Ɉeremi 16:12

Yii ɓaa ka wɛi, ka túwɔ́ pələ ɲɔ̨nwɔ̨ɔ̨i dɛɛ ka nąnni di wɛi ɓa. Ka kəlee ka kanąn ŋąą ka wɔɔ túwɔ́ pələ ɲɔ̨n ma, ka hva ti, ka hvo ka wəli tɔɔ nwóó ɓa.

Ɉeremi 2:23

Ə tɔɔi ɓa mį, yɛ́ kɛ diɛ: «Və́ kɛ gɔ́hɔɓo li Baalə haliɠaa pulu?» Ə ɲɛ̨i hee tai ɲee lɔwai yɛɛ kɔ́ɔɠaa hu, bələi ə́ túwɔ́ la, yɛ́ kpinįi ə́ gaa, ə́ hvaa mą! Ə kɛ pələ kaa yɛ hoo haa yii nwun ɉu hvo pɔ̨nɔ̨ li, yɛ gilɛ həɠə pələ kəlee,

Ɉeremi 2:8

Ɉaláá laa həli nuą, di hvo kɛli diɛ: «Yai-Laa kaa mi?» Nuąi Yálá nwɔ tɔ́n kaa di yəi, daa ɲagban naa kulɔ, daa lɛ̨ą mą. Nuą ɲɛ̨i tɔwɔ nuą daa tɔɔ ná. Yálá kwəi mɛ̨nį hukulɔ nu, diɛ ɓə kɛa Baalə kwəi mɛ̨nį hukulɔi Di hvilɛn ŋąą kpɛli-kpɛli hɛnŋaa pulu.

Ɉeremi 23:15

Yili mąą mɛ̨nį ɓa, yii Yai-Laa Mɛ̨nį Kəlee ŋą Hééɓomun kaa moi, Yálá kwəi mɛ̨nį hukulɔ nuą tii mąą mɛ̨nį hu, ya ka, yɛ diɛ: «Gáá pai di paa hali tɔɔi di la, gaa a pili mąą ya, gáá pai dɛɛi di pɔ di gbələ. Mąąhɔlɔɓo, Yálá kwəi mɛ̨nį hukulɔ nuąi Ɉerusalɛmə daai, diɛ ɓə nɔi kala mɛ̨nį aa həɠə di pɔ pələ, yɛ hiɛ nɔi nąą kəlee.»

Ɉeremi 23:27

Di wɔ hįįɠaa tii da kɛ ɉukulɔi di kee ɓa, di kaa bɔ di náá kili kpɛɛ nwɔ́ nuąi ŋą, yɛ bələi di nąnni di lɛ̨ą la náá ɓa, Baalə mąą mɛ̨nį ɓa.

Ɉeremi 3:17

Mąą yələi tii a pa həlii; da Ɉerusalɛmə taa laa hee, diɛ kɛ mą: «Yai-Laa nwɔ tɔɔkpəlin.» Nąąlɔwai, lɔi kəlee kaa pai pai Ɉerusalɛmə pɔ, Yai-Laa laa tii di ɉee mą, mąą mɛ̨nį ɓa; ə lɛɛ, di hva kɛa di pulu pənə, di hva kɛa kanąn di wɔ nwąnąlɔɔ túwɔ́ɠaa diɛ.

Ɉeremi 44:17

Bələi gaa la ku kwəi, bələ ɓə ku kaa gɛi la. Ku kaa haláá kulɔi yələkɔlɔn ɉu tɔɔ-nɛ̨ɛ̨nui ɓa, kuɔ gɔ́ a lɔɔ, yɛ bələi ku kɛi gɛ la Ɉuda taaɠaa hu da Ɉerusalɛmə daai; kuɔ-o, ku nąnni-o, kuɔ tɔɔɓɛlaai-o, da ku ɲɛ̨itɔwɔ nuą, gɛi ku kɛi mo tii, ku kɛ ku nɛ̨ɛ̨ hu, ku hvo kɛi ɲɔ̨nwɔ̨ɔ̨ kaa.

Ɉeremi 7:24

Kɛlaa, ya ka tii, di hvo gɛ li di hvo di wəli tɔɔ mą, di hvo bɔ mɛ̨nį kɛ; di túwɔ́ a di liiɓa, a di wɔ wəlii kpɔlɔ ɲɔ̨nwɔ̨ɔ̨. Di ɲɛ̨i kɛ mąąnɛ̨ɛ̨ di ɉee mą́ą́, daa tinɛ̨n di pulu pələ ɓə di ɉee mą́ą́.

Ɉeremi 8:14

Gu kaa ɓɛ tɔɔni kpɛli-kpɛli lə mɛ̨nį ɓa? Ka gu gu ɲąąkpɔn, ka gu lɔ daɠaa hįi kaa mą ɉu; ka gu lɛɛ laa gu haa mąąkpɔn. Hvo gaai guɔ Yálá a gu laakwɛlanmo haa ɓa; aa pilimąą tɔɔ gu la, gu haa mɛ̨nį ɓa. A tɛ̨ą, kwaa ku hɔn gɛ a Yai-Laa.

Woolaa 3:15

Aa góó laahvɛɛ a kala nwąną nwąną aa ɉón.

Amɔsə 2:4

Yai-Laa woo ka, yɛ: Mɛ̨ni tɔ̨nɔ̨ hvəi gɛi gɛ́ haŋą Ɉuda nuą diɛ, gaa kpɔ a mɛ̨nį haaɓa, kpɔ hɔlɔmun nąąn. Mąąhɔlɔɓo, daa lənə Yai-Laa nwɔ tɔ́nŋąą diɛ, ɛlɛɛ, di hvo bɔ liɛwooɠaa hon ni, mąąhɔlɔɓo, daa həɠə daa hvilɛn haliɠaa pulu, diɛi wɔlɔ di kalaɓɔlɔni di hvilɛn di pului.

Galatə 1:14

Ɉuifəɠaa di wɔ kalan bələi hu, ɲéé tɛɛi kɛ mɛ́laa kəlee diɛ; ku huwu la mɛ̨nįɠaa hu; váŋą kɛnɛ̨ɛ̨ kɛ dɛ́ɛ́ diɛ.

Ifisiɛŋ 2:3

Gu kəlee gu kɛ a di ta, gu kəlee gu kɛi gu kpɔwɔ tɛɛ gu kɔlɔ liiɓa mɛ̨nįɠaa pɔ, guɔ niiɓa mɛ̨nįɠaa kɛ, gu hvilɛnŋąą kɔlɔ liiɓa mɛ̨ni pulu; ɛlɛɛ, gu kaa pələ hu, gu kɛ a nuąi Yálá ŋą liiholui hvilɛnŋąą di pulu, lɔ yɛ nu takpɛliɠaa.

Piɛrə dɔlɔɔ 1:18

ká kili ə pu tii ɉu káá, di hvo kɛ ká nwun mąąɓo li, diɛ ká kulɔ ká nąnni yíi pələ ɲɔ̨nwɔ̨ɔ̨ tii yəi, a hɛn kala kaa mą, a wali, awala kɛ tii, a hɛni,