Ɉeremi 9:10 - Yálá laawoo hɛɓɛ (dc)

¹⁰ Yai-Laa yɛ diɛ: Gáá Ɉerusalɛmə daai lɛɛi a kwɛni hįi, a lɔwɔ huwɔɠaa pɛlɛi, ŋį́ Ɉuda taaɠaa lɛɛ a lɔi pun, Nui lɔpee ta hva lɛɛ daaɠaa tii hu.

Yálá laawoo hɛɓɛ

¹⁰ Yai-Laa yɛ diɛ: Gáá Ɉerusalɛmə daai lɛɛi a kwɛni hįi, a lɔwɔ huwɔɠaa pɛlɛi, ŋį́ Ɉuda taaɠaa lɛɛ a lɔi pun, Nui lɔpee ta hva lɛɛ daaɠaa tii hu.

Bible

¹⁰ Ŋá mò ńyɛ̃ɛi, “Ŋa pâi wɔ̂lɔi ǹyée kɛ́tɛi mɛ̂ni ma. Ŋa láɣi vɛ̃ɛ-kpâlaŋ su taa-tulɛi láa mii mɛni ma. Ǹaa a lɛɛ a bûŋ, núu da fa tɛ̂ɛ naa. Núu fa ŋɔ́nɔ ǹiŋa-ŋai wɔ́lɔ-woo mɛni naa. Ŋ̀ɔni-ŋai díkaa ŋ̀elei su díkelee da pú. Vɛnɛ-sãai da lí.”

Ɉeremi 9:10 Kruisverwysings

Azaya 41:15

Ŋą́ą́ ə́ kɛ a ɉugbun ɲąą kuláa, ə́ kaa pai yeeɠaa ɓuwɔi, yɛ́ di hu taɠa taɠa; ə́ kaa pai yee kpukpuɠaa hunwɔ̨i, yɛ di kɛ a munuun,

Azaya 49:19

A tɛ̨ą, ə́ kaa a lɔi pun, a lɔi mąąwɛliɛ, kɛlaa, ə həɠə yiihu ɓa, ə́ hu kaa pai koloi, ə́ hu nuą tamą pələ ɓa, ɛlɛɛ, nuąi kɛi ə́ hukala, diɛ li kwɛaala.

Ɉeremi 12:10

Nɔi ɲąąkɔn nuą kpulu kɛnɛ̨ɛ, daa nwɔ́ viɲə yɛai lɛan, daa ɓɔlɔɔn diliinŋaa mɛ̨i, daa nwɔ́ tíi lɛlɛɛ ŋɛ̨i kɛ a kpomó mąąwɛliɛ.

Ɉeremi 12:11

Daa mąą pənə a lɔi pun. Daa nɛɛ ɲə́i a húwɔ kpili, a mąąwɛli lɔi. Ɛlɛɛ, nu ta mąą kpaan və ɉu.

Ɉeremi 12:4

Nɔi kaa pai lɛɛi wɔlɔi, ə lɛɛ ɉu, lə yələ ə ɉəli? Ɲea kɔ́wɔ hu kala tiliin gəlee kaa pai lɛɛi kpalai, ə lɛɛ ɉu, lə yələ ə ɉəli? Ɉu huwɔɠaa kəlee da nwɛ̨nįɠaa diɛ haa; nɔi nuą lii ɲɔ̨nwɔ pələ mąą mɛ̨nį ɓa, a diɛi kɛi diɛ: «Yálá hvo ku wɔ pɛlɛ́ɠaai kaai, da mu mɛ̨nįɠaa.»

Ɉeremi 14:6

Ɉuwɔɠaa da tɔɔ ɲeeɠaa nwuɔ̨, diɛ vaŋa kun mo yɛ lɔwɔ yilɛ, di ɲɛ̨i lon vii aa kpɛɛ kala tiliin gwɛlii; kala tiliin və kɛa hɔlɔɓoi.

Ɉeremi 2:15

Diɛ huluun mɛ̨i yɛ yala lonnii daa kɛi kɔ̨nɔ̨n mį́i, diɛ kpəɠi mą, diɛ nwɔ lɔi lɛɛ a lɔi pun. Diɛ nwɔ taaɠaa kələn, yɛ lɛɛ a taa kpoloonŋaa.

Ɉeremi 2:6

Di hvo kɛli diɛ: «Yai-Laa tii ku kulɔ Eziptə lɔi hu, gaa mį? A yaai tii tɔɔ ku tɔwɔ nɔi pun ɉu, da gbalə lɔi hu, moloon nɔi tii hu, a nɔi hu kpalaa tii, yii gaa a nu nwun na pili lɔi, ɉu kpinɛ̨ɛ̨, a lɔi yii nu hva hee ɉu.»

Ɉeremi 23:10

Di kəlee di kaa a wɛli hon nuą nɔi tii hu, nɔi kaa haa wɔlɔ ɓoi, diɛ nɛ̨ŋɛ̨n naa kɛ, gala tɛlinŋaa daa kpala gbomoi, mɛ̨nį ɲɔ̨n mə da mąą gilɛ həɠə, hulu mɛ̨nį ɓə di hvaŋąlɔɔ mą diɛ gɛ.

Ɉeremi 50:3

Gaa tii, ɲələi pələ, nu huwu ta kaa woloi mą, yɛ nwɔ lɔi mąą pənə a lɔi pun. Nu kan-nwoo huwɔ-oo. Gəlee daa pu, hɛn da hvo lɛɛ li laa.

Ɉeremi 7:29

Ə́ wɔ mɛ̨nį laakwɛlanmoɔ nwun nəɠai mɛ̨i tee! Ə́ bili! Mąąwɛli wələɠaa too bələɠaa pɔ. Mąąhɔlɔɓo, ə́ kaa a nui gaa Yai-Laa nwɔ liiholi laai kwɛlii, ɓɛlɛ aa kpɛɛ Yai-Laa kwəi.

Ɉeremi 8:18

Gáá mɔ̨nɔ̨ hu, yii naai hvo mą, ɉú aa haa,

Woolaa 1:16

Yili mąą mɛ̨ni ɓə gáá wɔlɔi la. Ɲɛ̨́ikɔw aa ɲąmą tee. Mąąhɔlɔɓo, níílaa mun mąą aa kwɛa mą́ą́. Yaai kɛ a pɛli níílaai, ə níí too ɉu. Ɲówó hvaŋą kɛnɛ̨ pələ ɓa, nónnii nwun na aa pili.

Woolaa 2:11

Ɲɛ̨́iyá aa ɲɛ̨́i-kwəleen mɛ̨i pu, góólon ɉu aa kɛ tukpu-tukpu nwáná aa yɛɛ a gɔ́wɔ́, mąąhɔlɔɓo, nwɔ lɔi lɛlɛɛ hu aa kala. Lɛapɛlɛɛ da ɲįnį kpələ lonnii diɛ haa a kpələ wɛli gwəli hąąiɠaa ɓa.

Woolaa 5:18

Siɔn yee mąą a wɛli kɛa; lɔwɔ-yilɛɠaa diɛ gilɛ həɠə mą.

Izikiɛ 14:15

Ɛlɛɛ, ŋą́ lɔwɔ huwɔ ɲɔ̨nwɔ̨ɔ̨ɠaa ɲąątɔɔ nɔi ti ɓa, di nɛɛ a lɔi pun, ɉu lon da hva lɛɛ laa; nu ta hva pɛli tɛɛi laa ɉuwɔɠaai ti mąą mɛ̨nį ɓa.

Izikiɛ 27:2

Hulɔnu lon, ə́ woo laa Tirə taa mɛ̨́i.

Izikiɛ 29:11

Nu kɔ́wɔ hva kɛa hvilɛn naa; huwɔ kɔ́wɔ hva kɛa hvilɛn naa. Nu hvo pai kɛi laakwɛlan bow nąąn ɲee mu.

Izikiɛ 33:28

Gáá pai nɔi kɛi a lɔi pun, mąąwɛliɛ; nwɔ huwala walai ə kɛi nwun dɛ ɉu, ŋą́ ɉu kala. Israɛlə yeeɠaa da lɛɛ a lɔi pun; mąąhɔlɔɓo, nu hvo pai kɛi tɛɛi laa.

Izikiɛ 6:6

Ɓɛi lɔpee ka káá pai kɛi laa, da daaɠaa pu, diɛ ɉaláá kulɔiɠaa hu taɠa taɠa, diɛ ka wɔ halaa kulɔiɠaa hu kala la ti; nąą ɓɛlɛ yɛ kpɛɛ la mą; diɛ ɉali mąąnįnįnŋąą yali yali, di mąą mɛ̨nį yɛ kpɛɛ; diɛ ɉali kɔ́ pɛlɛ́ɠaa wolo, diɛ ka yee pɔɔ taɠa taɠa.

Osia 4:3

Nɔi ɲɛ̨i mąą aa wɛli, ɉu nuą kəlee diɛ kpala, ə mą kɛ lɔwɔ huwɔɠaa, da yələi nwɛ̨niɠaa. Ə mą kɛ gboloyá hu hɔ̨nwɔ̨leeɠaa di kaa pai kpɛɛi.

Zooɛ 1:13

haláá laa həli nuą, ka ka hąą yili, ka ka woolaa. Kaai ka kɛ tíɓo kɛi ɉaláá kulɔi, ka ɲiŋɛ̨, ka pa ka mąąwɛli həɠə too ka kwaną, ka yii ɉu. Kaai ɓaa nwɔ́ Yálá nwɔ tínuą, Yálá kɔ́ lɛɠɛ da gɔ́ lɔɔ hvo kɛa hɔlɔɓoi, ka wɔ Yálái yəi bɛlɛ́n.

Zooɛ 1:19

Yai-Laa yɛ́ ɓə gáá wɔlɔi yɛ́. Nwɔ̨n aa gbomoɠaa kələn Nwɔ̨n nən aa nwulu pɛlɛɛɠaa kələn.

Amɔsə 5:1

Israɛlə nɔi nuą, mɛ̨nį gɛ́ ŋį́ mo, 'ka ka wəli tɔɔ mą. Ya ɓaa: woolaa yii gáá gɛi ka mąą mɛ̨nį ɓa.

Amɔsə 5:16

Yili ɓə gaa mą, Yai-Laa yii gaa a Mɛ̨nį Kəlee ŋą Hééɓomun Yálá, yɛ mą: Gwɛli hąmąiɠaa kəlee ɓa, nuą kaa pai kɛi di woolaai. Bələɠaa pɔ, nuą diɛ gboo təli, diɛ kɛ mą: «Aa kɛ a mɛ̨nį oo! Aa kɛ a mɛ̨nį oo!» Ka káá pai kɛi tíi kɛ nuą təli, diɛ haa too diɛ. Diɛ haa wələ too nuą təli, woolaa mɛ̨nį hu.

Mise 2:4

Mąą yələi, da kaa ka laa too, a yɛlɛ mąą wələ, mɛ̨nįi tii aa gbɛa mun hɔlɔ kɛ, di kaa pai kɛi diɛ: «Daa ku hukala kpɔ tɛ̨ɛ̨ tɛ̨ɛ̨, daa nwɔ́ nuąi kwɛlin gulɔ di yəi, gulɔ mɛ̨nį ɲə́i nwun maa lə? Di kaa ku wɔ tíiɠaai ɲąąkwɛlɛi kulɔ nwoo mu nuą lɔwai.»

Mise 3:12

Yili mąą mɛ̨nį ɓa ɛlɛɛ nwɔ̨nɔ̨, ka mąą mɛ̨nį ɓa, di kaa pai Siɔn hin ɉii yɛ tíi, Ɉerusalɛmə yɛ lɛɛ a pɛlɛ́ kpoloon buɔ ɉimįnín ma, ɛlɛɛ, ɲeei tii Yálá hee pɛlɛ́ tɔɔ mɛ̨i, kala kpili yɛ tɛ mą.