Ɉeremi 8:16 - Yálá laawoo hɛɓɛ (dc)

¹⁶ Hvo gaa, ku yowoɠaa di wɔ hooɠaa di tin gaa tɔɔi Dan, di wɔ hoo hilɛɠaa kɔ́wɔ mu tin yɛ nɔi kpɛlin. Di kaa pai nɔi da ɉu hɛnŋaa kəlee mįi diɛ daa da ɉu hee ɓo nuą mį́i.

Yálá laawoo hɛɓɛ

¹⁶ Hvo gaa, ku yowoɠaa di wɔ hooɠaa di tin gaa tɔɔi Dan, di wɔ hoo hilɛɠaa kɔ́wɔ mu tin yɛ nɔi kpɛlin. Di kaa pai nɔi da ɉu hɛnŋaa kəlee mįi diɛ daa da ɉu hee ɓo nuą mį́i.

Bible

¹⁶ Kwa kúkpɔara-ƃelai dí kɔ́ pɛ̀lɛkɔ soo-ŋai lɛ̂wo-woo mɛnîi Daŋ ŋɔlɔii su. Dísoo sîrɛ-ŋai kɔ́ɔ mu-tìŋ a gɛ̂i ǹɔii kɛ́ kpɛ̃̀liŋ. Da pá a gɛɛ dí ǹɔii su kara da zu-sãa kélee, é máŋ kɛ́ yɛ̂ɛ daa-lee-ŋai da dísu sãai.”

Ɉeremi 8:16 Kruisverwysings

Zôo 39:20

Gbɛɛ ɓə a gɛ hoo yɛ laŋin yɛ ponin? A tomą, yɛ nuą lii kulɔ diɛ.

Mąątɛ̨nɛ̨ 24:1

Davidə nwɔ Yálá mąątɛ̨nɛ̨ wələ. Yai-Laa nwɔɔ ɓaa, a lɔi da ɉu hɛn gɔwɠaa kəlee, nwɔɔ ɓaa, a yɛnɛ̨ɛ̨ da ɉu hee ɓo nuą!

Ɉeremi 10:25

Yai-Laa! Ə wɔ liiholi ɲąątɔɔ nuą tii di hvo ə́ kɔ́lɔn diɛ; a diɛi tii di hva ə́ təli a ə́ laa; gbalai tɔɔ di kaa Ɉakɔbə mįi. Di kaa ɉuwu kpɛɛi, diɛ nwɔ lɔi hukala.

Ɉeremi 3:24

Ə həɠə ku lokolo yələ ɓa, kwɛli hvilɛn ŋɛ̨i kuɔ nuą di kɛi mo Baalə ɓa, yili aa kuɔ nuą kwɛlin gəlee mį́i; di wɔ taatɛlɛɛɠaa bɛlɛɛɠaa-oo, ə mą kɛ gbɛa-kpɛa, di lon ɉinąą, ə mą kɛ di lon nɛ̨ąą.

Ɉeremi 30:16

Kɛlaa nuąi kpɔ kɛi ə́ mįi, da gəlee mįi. Ə́ yówóɠaa kəlee, da nwɔ kwɛni hvo kulɔ li ɉu. Da li kɔluwɔlaa hu. Nuąi kɛi too ə́ mɛ̨i, diɛ kpɛli, da too di mɛ̨i. Nuąi kpɔ kɛi too ə́ yəi hɛnŋaa hu, diɛ kpɛli da too di wɛi hu.

Ɉeremi 30:5

Yai-Laa woo ka: ɲɔw woo kaa tɔɔi, tín ni, nu kəlee hu aa pu mą.

Ɉeremi 4:24

Ŋą́ ɲɛ̨i hee ɲeeɠaa diɛ; di kaa kpɛli ɉii. Ɲee kpu kpuɠaa kəlee diɛ gɛ ɉuwu-ɉuwu.

Ɉeremi 4:7

Yala aa kulɔ ɲəi gban mu, nɔiɠaa kalamun aa hvilɛn bələ ɓa, aa həɠə bɔɔli, yɛ pa kuɔ lɔi kala mɛ̨nį ɓa, di kaa pai kuɔ taaɠaa kələn ɉii diɛ naa lɛɛ a taa kpoloon.

Ɉeremi 47:3

Mąąhɔlɔɓo, di kaa nwɔ hooɠaa kɔ́wɔ mu tin mɛ̨n ɉii, da gɔ́ kɔ́ wotoloɠaa tii, da nwotolo kɔwɔɠaa hiɛ tin. Lon gaa nuą yee hu aa haa, di lonnii mąą mɛ̨nį niihɛlɛn hvo kpɛli kɛa diɛ

Ɉeremi 5:17

Di kaa pai too ə́ wɔ mɔ̨nun ɉu da ə́ kɔ̨nɔ̨n, di too ə́ lon ɉinąą mɛ̨i, da ə́ lon nɛ̨ąą; di too ə́ wɔ viɲəɠaa kəlee mɛ̨i da mɔlaa wuluɠaa; diɛ ə́ wɔ taaleeɠaai mąąkpɛ hįįɠaa wolo; a daaɠaa tii ə́ kilitɔɔ kɛ diɛ, yɛ́ ə́ kpɔɔ kaa la liilaa hu, ə mą kɛ, kɔ́ kaa pai.

Ɉeremi 50:42

Daa kilɛn, da kpalaɠaa həɠə, di kili walawalaa, di hva nu ɲɛ̨imąąwɛli kaa. Di tín gaa yɛ gboloyá huluun dín, di kaa hoo mɛ̨i, daa hvólóon a di yɛli, yɛ kɔlaɠa, di kaa pai kɔ́ pɛlɛi yɛ́ Babilonə.

Ɉeremi 51:29

Lɔi mąą kaa kpɛlin ɉii, nwun mini-mini yɛ yɛɛ laa, mɛ̨nį Yai-Laa ə mo, gaa kɛa gɛi. Yaa ɓaa, ə Babilonə lɔi mąą pənə a lɔi pun! Ə ɉu ɓo; ə ɉu nuą kəlee kulɔ ɉu.

Ɉeremi 6:23

Nwɔ kulaaɠaa kaa di wɔ kpalaɠaa da mį́i kɔ́wɠaa kɔ̨nwɔ̨i. Di kili walawalaa ɲɛ̨imąąwɛli hvo di hu, di tin gaa tɔɔ yɛ gboloyá aa kɛi huluun, di kaa heeni hooɠaa mɛ̨i; di háán yiliɛ kɔ́ kɔ́ mɛ̨nį ɓa, daa tɔɔ a di yɛli, Siɔn taa! Yɛ́ ɓə di kaa pai pɛlɛi yɛ́.

Nahumə 3:2

Hvaɠa tinŋaa kaa tɔɔi, da wotolo kɔ́wɔ mu tinŋaa hvooɠaa diɛ gilɛ həɠə, wotoloɠaa diɛ li a gilɛ.

Habakukə 3:10

Yeeɠaa da ə́ kaa, di mąą a kpɛlin. Tulɔ kpɛa kpɛa diɛ lɔi yɔwɔ. Yaɠaa kəlee di lee yɛ huluun, yɛ tɛ kpɔ yələ liiɓa.

Korɛntə dɔlɔɔ 10:26

Gba la ə tɔɔ, «lɔi da ɉu hɛnŋaa kəlee kaa a Yálá nwɔɔ.»

Korɛntə dɔlɔɔ 10:28

Kɛlaa, akɛ nu ta a kɛ káá; haláá kɔ̨nɔ̨n ga, 'ká hvo da mįi, nui tii ka kilaa pono mąą mɛ̨nį ɓa, da ká kwəi kili mąą mɛ̨nį ɓa.

Nwun mąąɓo 18:29

Di Laisə laa həɠə mą, di di nąn Dan laa hee mą, yai kɛ a Ɉakɔbə lon da.

Nwun mąąɓo 20:1

Israɛlə lonnii kəlee woo tɔɔi ə kɛ tanɔ̨n, di kəlee di di ŋąąkpɔn Mispa daai, Yai-Laa lííla. Di kɛi həɠə Dan lɔi hu, ɲələi pələ, ə lɛɛ la ɉu ə həli Beɛrə-Seva ɉɛɠɛɛ pələ, da Galaadə lɔi hu, voló həɠəi pələ.

Nwun mąąɓo 5:22

Nąąlɔwai, ɉooɠaa kɔ́wɔ mu tin ə kɛi tɔɔ, diɛ nɔi tan a di kɔ́wɔ.