Ɉeremi 7:28 - Yálá laawoo hɛɓɛ (dc)

²⁸ Mo kani diɛ, yɛ́ diɛ: Kaa kɛ a nu huwu yii hva nwəli tɔɔ Yai-Laa di wɔ Yálái woo ɓa, ə lɛɛ, mɛ̨nįi a ka kalan na, ka hva ɉon; kulɔ nwoo ɓa laa nwun na aa pili, aa kpɛɛ di lɔwai.

Yálá laawoo hɛɓɛ

²⁸ Mo kani diɛ, yɛ́ diɛ: Kaa kɛ a nu huwu yii hva nwəli tɔɔ Yai-Laa di wɔ Yálái woo ɓa, ə lɛɛ, mɛ̨nįi a ka kalan na, ka hva ɉon; kulɔ nwoo ɓa laa nwun na aa pili, aa kpɛɛ di lɔwai.

Bible

²⁸ M̀ó dîa yɛ̂ɛ ‘Ǹɔii ŋí ƃé vé ŋ̀óli tɔɔ ní Ŋɔɣâlai Yâwɛɛ ma. Dífa díyee sèe sɛŋ lɛ́ɛ mu. Tɔ̃yâ a láŋ ǹá. Tɔ̃yâ a tée kpɔ́ ǹá-gbɔ ma.’ ”

Ɉeremi 7:28 Kruisverwysings

Mąątɛ̨nɛ̨ 12:2

Yai-Laa, 'pa kilɛ-mą́ą́! Tələnmo nuą daa kpɛɛ, tələnmo mɛ̨nį aa kpɛɛ nu kanŋaa lɔwai.

Mąątɛ̨nɛ̨ 50:17

A yɛ́i hutɔɔ wɛli kpɛɛ yɛ́, yɛ́ lənə nwóó ɓai?

Hanwon 1:7

Nu ɲɔwɔ Yai-Laa ɓa ɓə gaa a kili mɛ̨nį kəlee kɔ́wɔ tɔɔi. Kilikpɛɛɲəi nuą di hva kili mɛ̨nį ɓɛlɛ kɛ mą, da liɛwoo.

Azaya 30:9

Kulɔ nwoo mu nu huwu ka tii, lɛɛ kɛ nuą ɓaa a diɛ, di hvo bɔ di hvo di wəli tɔɔ Yai-Laa ŋą tɔ́n nwoo ɓa.

Ɉeremi 11:10

Daa pənə daa hvilɛn di kalani pɔlɔɠaa kɛ nɛ̨ŋɛ̨nŋaa pulu, a diɛi tii di hvo gɛ, di hvo di wəli tɔɔ nwóó ɓa. Ya ka, diɛ kpɛli mąn daa hvilɛn haliɠaa pulu, diɛ kwɛli hvilɛn diɛ. Ɉuda nɔi nuą-o, Israɛlə lɔi hu nuą-o, mįnɛ̨i ŋɛ̨i kwa diɛni ku ɉəɠə, bələ ɓə daa mąą kala la.

Ɉeremi 17:23

Ka nanii tii, di hvo di wəli tɔɔ, di di kili walawala, di di wəlii kpɔlɔ, mɛ̨nįi ŋį́ kɛi nɛ diɛ, diɛ di wəli kulɔ ɉu.

Ɉeremi 2:30

Ŋą́ą́ ka lonnii kɛlɛ, aa lɛɛ a kpɛli-kpɛli, di hvo di wəli tɔɔ li niɛwoo ɓa. Kaa Yálá kwəi mɛ̨nį hukulɔ nuą paa a ɓɔwa kwɛa, yɛ bələi kɛɛ kala yala a gɛ la.

Ɉeremi 32:33

Daa di pulu tɔɔ mą́ą́, di hva di ɲɛ̨i hee mą́ą́, bələi mąn váŋą lɔɔ la di mąą kwɛlii, di hva di wəli tɔɔ nwóó ɓa. Di hva di yee hee di mąą kwɛli woo mu.

Ɉeremi 5:1

Ka tɛɛ Ɉerusalɛmə gwəliɠaa pɔ, ka naa mąąkpɛɛ, ka gaa, ka ka ɲɛ̨i laa gwəli lɔwaiɠaa ɓa, akɛ ka káá pai nu tɔ̨nɔ̨ kpɛli kaai, a nu tɔ̨nɔ̨ kpɛli, yii ɲee hvo túwɔ́ pələ ɲɔ̨n ɉu; dələnmoɔ, yɛ tɛ̨ą kwɛli; akɛ tii ŋį́ daa ŋɛ̨i mąą hvaalɛɛ.

Ɉeremi 5:3

Yai-Laa! Kɛlɛi tɛ̨ą mɛ̨nį ɓə ə́ ɲɛ̨i a tɔɔ ɉu-e? Yáá di kɛlɛ, Kɛlaa yili hvo diɛ a mɛ̨nį ta. Yáá damąą paa, kɛlaa mɛ̨nį ə́ kaa nɛi diɛ di hvo di yee heei mu, daa di nwun nwalawala yɛ kwɛni di hvo gɛi di hvo həɠə di hon ɲɔ̨n bulu, di hvo pa ə́ pɔ.

Ɉeremi 6:17

Ŋą́ di mąąkpɛ mun dɛɛ di pɔ, yɛ ɲɛ̨i laa di mɛ̨i, yɛ di kilaa pɔ̨nɔ̨, yɛ kɛ diɛ: «Ka ka wəli tɔɔ dulu woo ɓa!» Kɛlaa, diɛ kɛ diɛ: «Ku hvo bɔ ku hvo ku wəli tɔɔ.»

Ɉeremi 6:28

Nu huwui ŋɛ̨i kəlee kaa a kulɔ nwoo mu nuą, di kili walawalaa; diɛ ɓo a laa kala nuą, di walawalaa yɛ kwɛli kpəlee a wala kɛ tii kwɛli kpɔlu. Di kəlee di kaa a lɔi kala nuą, túwɔ́ pələ ɲɔ̨n gulɔ nuą.

Ɉeremi 6:8

«Ɉerusalɛmə, ə́ yee hee niɛwoo mu. A wala kɛ tii, gwa yɛ́ hvəi kɛa gu tɔɔ! Ŋą́ ə́ mąą pənə a mąąwɛli lɔi, a lɔi kpoloo.»

Osia 4:1

Israɛlə lonnii, ka ka wəli tɔɔ Yai-Laa woo ɓa: Yai-Laa da nɔi lonnii di kaa kiti haɠa ɓa, mąąhɔlɔɓo tɛ̨ą mɛ̨nį, nu mɛlan gaalon nwɛli la kɛɛ, da Yálá kɔ́lɔn mɛ̨nį, da hvo kɛa nɔi.

Sofoni 3:2

Hvo gɛli, hvo nwəli tɔɔ dəli woo ɓa, niɛwoo yii di gɛ mą, hvo ɉon ni, hvo gilitɔɔ li Yai-Laa ɓa, hvo gɛli hvo lɛɠɛ nwɔ Yálái ɓa.

Sofoni 3:7

Ŋą́ mo gbɔ́wɔ́ ɓa, gɛ́ kɛ diɛ: «Ɉerusalɛmə, ə́ wɛi, ə́ kaa kiɛ pai mą́ą́wiɛi, ə́ ə́ wəli tɔɔ ə́ hutɔɔ woo ɓa.» A gɛ tii, nwɔ pɛlɛ́i hvo pai pui. Kɛlaa, mɛ̨nį ɓo pələ diɛ tɛitɛi, diɛ mun, di wɔ mɛ̨nį ɲɔ̨n gɛ yee ta lɔ ɓə kɛi pɛlɛi mą.