Ɉeremi 7:11 - Yálá laawoo hɛɓɛ (dc)

¹¹ Bɛlɛi ŋɛ̨i naa kwɛlan mɔ̨ɔ̨ mą́ą́, ka káá gaai yɛ nwuɔ̨ nuą mąą kilɛi? Ka mą wala hvaa mą, nwɛi gáá kpɔ kaa tii ka kwəi pələ. Yai-Laa woo li.

Yálá laawoo hɛɓɛ

¹¹ Bɛlɛi ŋɛ̨i naa kwɛlan mɔ̨ɔ̨ mą́ą́, ka káá gaai yɛ nwuɔ̨ nuą mąą kilɛi? Ka mą wala hvaa mą, nwɛi gáá kpɔ kaa tii ka kwəi pələ. Yai-Laa woo li.

Bible

¹¹ Ŋápɛrɛi ŋí káa nâa a ŋúma-ƃela kɛ̂i ká ŋɛ́i? Yâwɛɛ è mò ǹyɛɛ ńyãa kpîŋ ŋaâ ǹaa káa.

Ɉeremi 7:11 Kruisverwysings

Kɔlɔnikɔ Veerɛi 6:33

Yɛ́n, lɛɛ yələ kɔ́lɔn ɉu, ɓɛi Ə́ kaa laa, Ə́i wəli tɔɔ nwoo ɓa, mɛ̨nįi gaa ɉuhvɛlii Yɛ́, gɛ mą. Əgɛ, yɛnɛ̨ɛ̨ lɔiɠaa kəlee, di Ə́ laa kɔ́lɔn, diɛ ɲɔ̨w Yɛ́, yɛ bələi Ə́ wɔɔ nu huwu Israɛlə a ɲɔ̨w la Yɛ́, ɛlɛɛ, di kili ə pu diɛ kɛ, bɛlɛ́i ŋɛ̨i ŋį́ dɔɔ, mu ɓə da Ə́ təli laa a Ə́ laa.

Azaya 1:12

Ɓɛlɔwai ka paa la nííla, gbɛɛ ɓə a kɛ kɛi kaa: 'Ka hiɛ nwɔ́ pɛ́lɛ́i nąą kəlee?

Azaya 56:7

gáá pai pai a diɛ nwɔ́ yee mąąhəɠɛɛi nwuɔ̨, gɛ́ di hee nwun na nɛ̨ɛ̨ hu, ɲə́i bɛlɛ́n; ɓɛi da vɛ́li laa, diɛ mą́ą́wiɛ halááɠaa da di wɔ kɔ́ɓo hɛnŋąą tɛɛ laa, ŋį́ ɲéé lɛlɛɛ hee di mu, ɉaláá kulɔi ɓa, mąąhɔlɔɓo, di kaa pai nwɔ́ pɛlɛ́i laa heei a: «Pɛlɛi huwu kəlee a Yálá hvɛli mu.»

Ɉeremi 2:34

Mąąwɛli nuą da kwəi kwələ nuą, di ɲąmą aa kɔ́ ə́ mąą həɠəɠaa diɛ; ə́ mąą həɠə ɓa ɓə gaa ɲąmą kaai laa, və́ gaai daa mąąkpɛ hį́i wolo ɓa.

Ɉeremi 23:24

Ə mą kɛ, nu ta aa noo honwon da hu, vá pɛli mɔ̨ɔ̨ gai? Ɲą́ą́ Yai-Laa nwóó li! Ɲą́ą́ hvəi mɔ̨ɔ̨ ŋą́ą́ yələkɔlɔn da lɔi di laahvɛɛ?» Yai-Laa woo li.

Ɉeremi 29:23

Di wɔ nɛ̨ŋɛ̨n kaa a mɛ̨nįi bələ hva ɓo Israɛlə lɔi hu; di kaa wɛli mɛ̨nį hu da di ɓɛlaa di nɛ̨ąni, diɛ mɛ̨nį ɓo a náá a lɛɛ; ya pa, və́ mɛ̨nį ta ɓo li diɛ. Gbaɠala kaa mą́ą́, ɛlɛɛ, gɛla ɓaa ɲą́ą́ gbinįi. Ɲą́ą́ Yai-Laa nwóó li!»

Ɉeremi 7:10

Yili pulu kaa pa tɔɔi nííla, bɛlɛ́i ŋɛ̨i naa kwɛlan mɔ̨ɔ̨ mą́ą́ mu, kaa kɛ diɛ: «Kuɔ ka! Kwaa ɓalo!» Ka həɠə laa, ka hvilɛn ŋąą lɔ mąąliɓi mɛ̨nįɠaa tii pulu kaa gɛ!

Izikiɛ 35:13

Ka kɛi mą́ą́ mɛ̨nį ɓo a ɲɛ̨i tɛ, kaa pələɠaa ɓo a náá, a kpɔwɔ ɲąą kɛnɛ̨; kɛlaa, ŋą́ gəlee mɛ̨n.

Danîa 9:18

Nwɔ Yálá, ə wəli tɔɔ, ə́ nwóó mɛ̨n, mɔ̨nɔ̨ yii gaa həlii ku wɔ taai ŋɛ̨i ɓa, yɛ́ kpinįi naa kaa, daai ŋɛ̨i kaa a ə́ wɔɔ. Kwa kɛi nɛ̨ɛ̨mąą hvə yɛ́, ku kili hvo tooli ku kɛ mɛ̨inɛ̨ɛ̨ɠaa diɛ, kɛlaa ku kilitɔɔi ə́ wɔ wɛlikɛmąą kpon ɉu kwɛaa ɓa.

Maafîu 21:13

Yili pulu yɛ diɛ: «Yálá ə mo nawoo hɛɓɛ́ hu yɛ mą: ‹Nwɔ́ pɛlɛi laa heɛi a Yálá hee pɛlɛ́.› Kɛlaa, ka wɛi kaa gɛ a nwuɔ̨ nuą hee pɛlɛ́!»

Markə 11:17

Yili pulu ə di kalan yɛ diɛ: «Yálá ə mo nawoo hu, yɛ diɛ: ‹Nwɔ́ pɛlɛ́ kaa pai kɛi a yɛnɛ̨ɛ̨ nąą kəlee nuą di wɔ Yálá hvɛli pɛlɛ́.› Kɛlaa ka wɛi, kaa gɛ a nwuɔ̨ nuą hee pɛlɛ́.»

Ɉaan 2:16

Ə mo tonwələn nɔwɔtɔɔ nuą diɛ yɛ diɛ: «Ka ɉɛnŋąą ŋɛ̨i kəlee kulɔ ɓɛ, ka hvo na nwɔ pɛlɛ́i kɛ a yɔw kɛ pɛlɛ.»

Hebreu 4:13

Hɛn nɔpee ta hvo yɛnɛ̨ɛ̨, noɔ mą, hɛn gəlee mąąkpoloonŋąąi ɲɛ̨i mu, gəlee laa niila. Yai gu kaa lii gu kwɛlanmoi mą.