Ɉeremi 6:14 - Yálá laawoo hɛɓɛ (dc)

¹⁴ Di kaa nwɔ́ nuąi kili nwɔ pɛlɛ́i di wɔ mąąwɛli kɛnɛ̨i hu, diɛ kɛ diɛ: «Mɛ̨ni ta holi mɛ̨nį kəlee ɲąą nɛɛi,» ya pa, mɛ̨nį ta ɲąą hvo nɛɛ li.

Yálá laawoo hɛɓɛ

¹⁴ Di kaa nwɔ́ nuąi kili nwɔ pɛlɛ́i di wɔ mąąwɛli kɛnɛ̨i hu, diɛ kɛ diɛ: «Mɛ̨ni ta holi mɛ̨nį kəlee ɲąą nɛɛi,» ya pa, mɛ̨nį ta ɲąą hvo nɛɛ li.

Bible

¹⁴ Dífa sále pù ŋánûai dí palai ŋá a ǹɛ́lɛɛ, dí kɛ̀ mò dîa dîyɛɛi, ‘Lii-see é kɛ́ kâa’ nyíi va pɔ̂ri lii-see tɛɛ̂i dí pɔi.

Ɉeremi 6:14 Kruisverwysings

Samia Veerɛi 17:3

A kɛ tii, ŋą́ nuą kəlee ɲɛ̨i tinɛ̨n ə́ pɔ pələ, yɛ wɛli Nɛ̨ɛ̨nu. A kɛ tii, nui ŋɛ̨i ə́ gaa bɔ ə mąą kwɛa yɛ́, a haa kɛa, nuą kəlee pənə hiɛ ka tii di pa ə́ pɔ, nɔi lonnii kəlee di kɛ liilaa hu.»

Azaya 1:6

Ə həɠə ka nwuɔ̨, ə yɛɛ ka kɔ́wɔ ɓa, mɛ̨nį ta hvo kɛa a gɛ pələ, nąą kəlee kaa a pala hvaɠa kpidilin da pala kpɛa-kpɛa, nąą waamun və mą, di hvo ta hali kɛ li mą, di hvo ta wulɔ hiɛ li laa.

Azaya 30:10

Nuąi ŋį́ mɛ̨nį lɛ diɛ, da kɛ kɛi diɛ: «Ka hvo kɛɛ kaa.» Nuąi ŋį́ mɛ̨nį ɓo diɛ, diɛ yiliɠaai diɛ: «Ka hvo tɛ̨ą mɛ̨nį ɓo kuɔ. Mɛ̨nįɠaai lɔ ku kaa bɔ, ka yiliɠaai ɓo lɔ kuɔ, ka kpɛli kpɛli mɛ̨nįɠaa hu kulɔ lɔ kuɔ.

Azaya 30:26

Ɲąnin gaa pai kɛi lən ɉi yɛ hvóló, hvóló lən yɛ kɛnɛ̨ geemɛ̨i mɛ̨ihveelɛ, yɛ kɛ yɛ hvóló mɛ̨ihveelɛ ŋą kɛɛ pɔ̨nɔ̨ a pɛlɛ gee ɓa, gaa pai kɛi tii a ɓɛlɔwai Yai-Laa kaa pai nwɔ nuąi di wɔ palaɠaai hali kɛi la, di haɠai di mo, yɛ bala hali kɛ.

Ɉeremi 14:13

Ya ɓə ŋį́ kɛ diɛ: «Kwə́! Ną́mu, Yai-Laa, kɛlɛi Yálá kwəi mɛ̨nį hukulɔ nuą da kɛ kɛi diɛ: ‹Ka hvo pai kɔ́ kaai, pulu hvo pai tooi kaa, gáá pai nwun na nɛ̨ɛ̨ yɛnɛ̨ɛ̨ tɛɛi ka pɔ, liilaa hu.›»

Ɉeremi 14:17

«Ə́ kaa pai nwoo ŋɛ̨i ɓoi diɛ, yɛ́ diɛ: «Ɲɛ̨́iya kpoloon gaa laai a hvoló da kpinį, mąąhɔlɔɓo, mąąwɛli mɛ̨nį kɛnɛ̨ aa ɉəlakpəla huwolo, yai a nwɔ́ nu huwui, nwun na aa pili.

Ɉeremi 23:17

Nuąi da Yai-Laa woo ɓɛlɛkpɛɛmą, diɛ kɛ yiliɠaa diɛ: ‹Ka wɛi hu kaa pai nɛɛi.› Nuąi di yee kaa di túwɔ́ pələ ɲɔ̨n ɉu, diɛ kɛ yiliɠaa diɛ: ‹mɛ̨ni ta hva həli kaa.›

Ɉeremi 28:3

gɛɛ kwɛlan veelɛ hvo tɛɛ kpɔlɔ ɲąąɓa. Yai-Laa nwɔ pɛlɛ́i mu hɛnŋaai Babilonə tɔɔmun ə di həɠə gɛɛnąąi ŋɛ̨i ɓa, yɛ li a diɛ Babilonə, ŋą pənə ŋą pa a gəlee,

Ɉeremi 4:10

Ya ɓə ŋį́ kɛ diɛ: «Ə́kə́! Hɛn Gəlee Nąmu Yálá! Akɛti, yáá kani nuą ŋɛ̨i ɓowo kɛnɛ̨-ee! Yáá Ɉerusalɛmə taa ɓowo, a ə́ woo kwɛlɛi ə́ mo mą, yɛ́ kɛ diɛ: ‹Ka kaa pai kɛi ka nɛɛ hu,› ya ɓə kɔ́ kɔ́ ɓɔwa kaa ku kwąnąai!»

Ɉeremi 5:12

Daa lənə Yai-Laa ɓa, diɛ kɛ diɛ: «Ho laa! Mɛ̨nį nwąnąą hvo pai laai kuɔ, kɔ́ hvo pai həlii kuɔ, ə mą kɛ, pulu.

Woolaa 2:14

Yálá kwəi mɛ̨ni ɓo nuąi di kaa ə́ yəi, ɓowo hįi ɓə di gaa ə́ mąą mɛ̨ni ɓa, yɛ ɓo a kpɛli-kpɛli mɛ̨ni. Di hvo kɛ ə́ hɔn nɛ li yɛ́, yii kɛ a pɛli nuwɔlaa ŋɛ̨i hvolói yɛ́. Nwɛlɛɛi di kɛi mo yɛ́, ə kɛ a lɛɛ woo da nu ɓowo woo

Izikiɛ 13:10

«Mąąhɔlɔɓo, di kɛi nwɔ́ nuąi ɓowo, diɛ kɛ diɛ liilaa yɛnɛ̨ɛ̨ ka; ya pa, liilaa hvo kɛ laa. Ɛlɛɛ bɛlɛ́ nwąnąi nwɔ́ nuąi di kɛi dɔɔ, di kɛi gɛ a mɛlaiɠaa loo pələ lɔ.

Izikiɛ 13:16

Israɛlə nwɔ Yálá kwəi mɛ̨nį hukulɔ nuąi kɛi mɛ̨nį ɓo, yɛ hvilɛn na Ɉerusalɛmə ɓa, di hva kɛa da ɓo. Diɛi kɛi liilaa kɛɛ kaa, ya pa liilaa hvo kɛ laa. Mɛ̨nį kəlee ŋą Hééɓomun Yálá wóó li.

Izikiɛ 13:22

Yii ka kɛ tələnmomun ɉupui mą a lɛɛ wooɠaa, ya pa ɲą́ą́i vá gwəi pili mą; yii ka kɛ wɛa mun ɲee kɔ́n gɛi ɉu, ɛlɛɛ hva ɲee kulɔ nwɔ tuwɔ pələ ɲɔ̨n hu, yɛ pɛli yɛnɛ̨ɛ̨ hɔlɔɓoi.

Izikiɛ 14:9

Yálá kwəi mɛ̨nį hu kulɔmun lɔpee da mowo yɛ mɛ̨nį ta ɓo, a kɛ ti ɲą́ą́ ɓə mąą nu ɓowo; ŋį́ hee ɉu, ɛlɛɛ ŋį́ gulɔ nwɔ́ nu huwui Israɛlə lɔwai.

Mise 2:11

Ə li kɛ nu a pɛli hɔlɔɓoi, yɛ gilɛ həɠə hvaŋą pulu, lɔɔ pulu, yɛ kɛ diɛ: «'Ka lɔɔ tɛɛ bɔ́, a lɔɔ kpəɠiɛ ŋį́ Yálá kwəi mɛ̨nį ɓo yɛ́ a ə́ kwəinɛ̨ɛ̨ mɛ̨nį» mąą nu lɔ ɓə li kɛ a nu huwui ŋɛ̨i nwɔ kalan gɛmun.

Mise 3:5

Nwooi Yai-Laa ə mo yɛ hvilɛn na, nuąi da nwɔ nuąi ɓowo diɛ, ya ka, yɛ diɛ: Gbɛɛ ɓə nwɔ́ nuąi ɓowoi? Nuąi da kɔ̨nɔ̨n dɛɛ di pɔ, da liilaa wɛlɛɛ laa həli diɛ. Kɛlaa nuąi di hva di kɔ́, da kɔ́ muhəɠə yiliɠaai ɓa.

Tɛsalonikə dɔlɔɔ 5:3

Ɓɛlɔwai nu kəlee kaa pai kɛi la diɛ: «Liilaa, wəlipululaɠi», nąąlɔwai kpɔlɔ ɓə nwun napili a kulɔ la di tɛɠii, ə yɛɛ di mɛ̨i, yɛ bələi kwəinwąną a nɛ̨ɛ̨nu hon na; ɛlɛɛ, di nwun hva kulɔ ɉu.

Piɛrə veelɛ 2:1

Tɔlɔɔ tɔlɔɔ, lɛɛ loloɓo nuą di kɛ Yálá nwɔ nuą lɔwai; kaa kpɛli, lɛɛ kalan gɛ nuą kaa pai kɛi ka lɔwai. Di kaa pai lɛɛ kalan bələ tamąą lɔi ka lɔwai, ə lɛɛ, diɛ lənə di Nwun Nąmu Jesus ɓa, yii di nwun mąąɓo, yili pulu, diɛ nwun napili mąą kpuɔ di kpɔɔ ɓa.