Ɉeremi 48:10 - Yálá laawoo hɛɓɛ (dc)

¹⁰ Nui a Yai-Laa nwɔ kólói kɛ a hviikpɛɛ laa, mąą nu nɛ̨ŋɛ̨n naa ɓə, ə mą kɛ, nui a nwɔ kɔ́ kɔ́ ɓɔwa kunwɔ a ɲąmą.

Yálá laawoo hɛɓɛ

¹⁰ Nui a Yai-Laa nwɔ kólói kɛ a hviikpɛɛ laa, mąą nu nɛ̨ŋɛ̨n naa ɓə, ə mą kɛ, nui a nwɔ kɔ́ kɔ́ ɓɔwa kunwɔ a ɲąmą.

Bible

¹⁰ Kpalo ƃêlai ǹúui ma nyíi pâi Yâwɛɛ ŋɔtíi kɛ̂i a fii kpɛ̂ɛ-perei. Kpalo ƃêlai ǹúui ma nyíi vé pâi núu paâi a ŋɔƃóa-sɔkpɔi.

Ɉeremi 48:10 Kruisverwysings

Tɔɔɓɛlaa dɔlɔɔ 20:39

Yii kɛa tɔɔmun ə kɛi tɛɛ, ə tomą, yɛ mą: «Tɔɔmun, ə́ wɔ luwɔi ni di həɠə kɔ́ mɛ̨i diɛ pa, ya ka tii nu ta ə kulɔ mɛlaa pɔ, ə pa a hulɔnu ta, yɛ mą́ą́: ‹Ə́ ɲɛ̨i kɛi nui ŋɛ̨i ɓa, a pili, ə́ nwun a lɛɛ ɉu, a wala kɛ tii wali kwələ waa haaɓa ɓə ya gbɛɛ la.›

Tɔɔɓɛlaa dɔlɔɔ 20:40

Yaan, ɓɛlɔwai ə́ wɔ luwɔi ə kɛ kólóɠaa kɛ la, yɛ li ɓɛ pələ da ɓɛ pələ, nui tii ə pili.» Tɔɔmun yɛ mą: «Yɛ́ kpinįi yaa ə́ kpɔwɔ kiti tee!»

Tɔɔɓɛlaa dɔlɔɔ 20:42

Yili yɛ mą: «Mɛ̨nįi Yai-Laa ə mo ya ka: Yii nui ŋɛ̨i ŋą́ doo ə́ yəi, gɛ́ ə́ baa, yáá nɛɛ laa, yɛ́ ɓə ə́ kaa lɛɛi a nąą hɛn, nwɔ nuąi kɛi pa haai, di mąąhvalin maa ə́ wɔɔ nuąi.»

Tɔɔɓɛlaa veelɛ 13:19

Nąąlɔwai, Yálá nwɔ nui ə níiholi Israɛlə tɔɔmun bɔ, yɛ mą: «Akɛ kɛ, ə́ nɔi ɓɔn gee mɛ̨i lɔɔli, a wala kɛ tii, mɛ̨ida; ə́ yee ə li tɛɛ Aramə ɓa kpɔ ə tɛɛ ɲɛ̨n ma, kɛlaa, ə́ yee kaa pai tɛɛi lɔ Aramə ɓa gee mɛ̨i haaɓa.»

Ɉeremi 11:3

yɛ diɛ: Yai-Laa Israɛlə nwɔ Yálái yɛ: Nui hva nwəli tɔɔ mįnɛ̨i ŋɛ̨i hu woo ɓa, mąą nu nɛ̨ŋɛ̨n naai.

Ɉeremi 47:6

Lə mɛ̨nį ɲąąnwąnąą ɓəi, Yai-Laa nwɔ ɓɔwai! Akɛti, hvįįtɔɔ hvo kɛa yɛ́? 'Lɔ ə́ taa hu, too ə́ kɔ́lɔi, ə́ liilaa.

Ɉeremi 47:7

A pɛli vįitɔɔi ləi? Hvo gaai, Yai-Laa ɓə dɔɔ kóló ɓa, yɛ li pɛlɛi Askelɔn da gboloyá kwɛlɛ lɔi diɛ; naa ɓə di nɛ ma.

Ɉeremi 50:25

Yai-Laa aa nwɔ kɔ́ kɔ́ kwɛli hɛnŋaa pu pɛlɛ laa ɓo, gaa nwąną kulɔ kwɛli hɛnŋaa həɠəi, Nąmu Yai-Laa Mɛ̨nį Kəlee ŋą Hééɓomun ka tii lii Kalde lɔi hu,

Ɉeremi 50:27

'Ka Nįŋɛ̨ gbɔnŋaa kəlee paa, 'ka li a diɛ Nįŋɛ̨ paai. Aa kɛ a mɔ̨nɔ̨ aa laa diɛ, di wɛi ɲələ aa həli. Ɲələi da di nwąną kulɔ la diɛ, ɲələ li.

Zasua 10:19

Ka wɛi, ka hvo kpəla ka hvo tɔɔ, 'ka hvilɛn ka yowoɠaa pulu, 'ka laa di tɔwɔ, ka hvo di lɛɛ laa di hvo lɔ di wɔ taaɠaai hu, Yai-Laa gu wɔ Yálá aa di lɔ gu yee ŋą.»

Nwun mąąɓo 5:23

Ka Merozə taa nɛ̨ŋɛ̨n naa, Yai-Laa nwɔ malaka woo li, ka ɉu nuą nɛ̨ŋɛ̨n naa, ka di nɛ̨ŋɛ̨n naa, mąąhɔlɔɓo, di hvo pa li, di hvo kpɔmąą tɛɛ Yai-Laa pɔ. Di hvo gɛ li, di hvo too Yai-Laa nwɔ kulááɠaai pɔ, di hvo kɔ́ pɛlɛ ɲowoɠaa diɛ.

Samuɛlə dɔlɔɔ 15:3

Yili ɓa, li, ə́ Amalɛkə nuą kəlee paa, hvo dɔ̨nɔ̨ kpɛli lɛɛ, da ɉɛnŋaai kpɔ gaa laa gəlee; ə kɛ a hulɔnu, nɛ̨ɛ̨nu, lokolo, ə mą kɛ a ɲįnį kpələ lon, nįŋɛ̨ɠaa, ɓɛlaaɠaa, ɲɔ̨nwɔmɛɛɠaa, da hoohvaalənŋaa.›»

Samuɛlə dɔlɔɔ 15:9

Kɛlaa, Saulə da nwɔ nuąi di Agagə lɛɛ a vúlu; ə mą kɛ, daatɛlɛɛ kpɛa-kpɛa da bɛlɛɛɠaa, yiiɠaa kɛ di yolaa. Mɛlaa lonnii yiiɠaa kpɔ kɛ ɉu a nɛlɛɛ di hvo gɛ di hvo gəlee paa. Kɛlaa, yiiɠaa kɛ di kpala-kpalaa diɛ lɔ ɓə di di paa.