Ɉeremi 45:5 - Yálá laawoo hɛɓɛ (dc)

⁵ Mɛ̨nį kpɛa kpɛaɠaai mąą lii kaa ə́ kwəi, ə́ kili həɠə laa, gáá mɛ̨nį nwąnąą laai nu kəlee ɓa. Kɛlaa, ə́ wɛi, gáá ə́ wɔ yɛnɛ̨ɛ̨ laahɔn moi nɛ̨kpɛlɛɛ ɓɛi lɔpee yá li laa.›»

Yálá laawoo hɛɓɛ

⁵ Mɛ̨nį kpɛa kpɛaɠaai mąą lii kaa ə́ kwəi, ə́ kili həɠə laa, gáá mɛ̨nį nwąnąą laai nu kəlee ɓa. Kɛlaa, ə́ wɛi, gáá ə́ wɔ yɛnɛ̨ɛ̨ laahɔn moi nɛ̨kpɛlɛɛ ɓɛi lɔpee yá li laa.›»

Bible

⁵ Yá íkpîŋ mɛni wɛ̂lii? Ífe gɛ̀ tí. Ŋa pâi pâi a mɛni kpɔ̂lu su kɛ́tɛ núu-kpune sáma. Kɛ́lɛ, ya pâi ŋuŋ-ma ƃô sɔlɔ ƃôi ƃɛ́i kélee kpɔ́ ya lî naai. Ńyãa Yâwɛɛ ƃé mò tí.”

Ɉeremi 45:5 Kruisverwysings

Zɛnɛse 6:12

Yálá ə ɲɛ̨i hee lɔi mɛ̨i, ə nąą kaa, nu tɔ̨nɔ̨ kpɛli hvo kɛi Yálá kwɛli, nu kəlee lii lɔɔ mɛ̨nį ɲɔ̨n ɉu diɛ gɛ.

Tɔɔɓɛlaa dɔlɔɔ 3:11

Yálá yɛ mą: «Gɛ mɛ̨nį yili lɔ ɓə ə́ hvɛli mą́ą́, hvó kɛ ə́ yíi kwɛa mɛ̨nį ɓo li, hvó ə́ yee la hvólóon mɛ̨nį ɓo li, hvó ə́ yowowɠaa paa mɛ̨nį ɓo li, kili ɓə ə́ ɉu hvɛli, ə gɛ, ə́ nuą ŋɛ̨i ɲąąwooɓo la a ɉaŋąą;

Tɔɔɓɛlaa dɔlɔɔ 3:9

Yii mąą nɛ̨ɛ̨ ə́ dɛɛ ə́ wɔ luwɔi pɔ, ya ɓaa: Ə́ kili tɛɛ bɔ, da mɛ̨nį ɲąą kaa, yɛ pɛli mɛ̨nįɠaa gulɔ nɔwai kɔ́lɔn ɉii la, ə gɛ, ə́ wɔ nu kpului ŋɛ̨i mąą mɛ̨nį nwąną yɛ́, ə tɔɔ la di ɲɛ̨itɔwɔ.»

Tɔɔɓɛlaa veelɛ 5:26

Kɛlaa, Elise yɛ mą: «Ɓɛlɔwai hulɔnu ta ə kulɔ la nwɔ wotoloi hu, yɛ pa ə́ laakwiɛn ɉii, gaa ə́ kwəi nį́i hvo kɛ laa? Gaa ə́ kwəi wali hon ɉii lɔwai ɓəi, da həɠəɠaa, ɛlɛɛ, olivə da viɲə, ɓɛlaa da nįŋɛ̨ŋąą, luwɔ hinąą da luwɔ nɛ̨ąą, da hon ɉii lɔwai hvəi.

Mąątɛ̨nɛ̨ 131:1

Ɲee mąąhəɠɛɛ tɛ wələ. Davidə nwɔ wələ. Yai-Laa! Kpɔwɔ ɲąąkɛnɛ̨ kili hvo gwə́i, Vá ɲɛ̨́i kulɔ mɛ̨nįi gɛnɛ̨ɛ̨ dɛɛ mą́ą́, bɔ. Vá hvilɛn mɛ̨nį kpɛa-kpɛaɠaa pulu, a mɛ̨nį kpɛa-kpɛaɠaa tii di tɛɛ mą́ą́i.

Azaya 66:16

A tɛ̨ą, nwɔ̨n nən mə Yai-Laa kaa pai kiti teei la, yɛ nu kanŋaa kiti tee a ɓɔwa kwɛaa. Nu kpulu tamąą ɓə Yai-Laa kaa pai ɓɔi di hu.

Ɉeremi 21:9

Nui pai kɛi daai ŋɛ̨i hu, pulu, ɲɔ̨n walawala, da kɔ́ kɔ́ ɓɔwa, ya ɓə pai baai. Kalde nuą daa kɔ́ pɛlɛ daa ɓa, nui pai kulɔi daai yɛ gbɔwɔ tɛɛ di pɔ, mąą nu a lɛɛ a vulú, nwun na kaa pai nɛ̨ɛ̨i, mąąhɔlɔɓo, gaa pai nwɔ yɛnɛ̨ɛ̨ laa hɔn moi.

Ɉeremi 25:15

Nwooi Yai-Laa Israɛlə nwɔ Yálá ə mo mą́ą́, ya ka, yɛ mą́ą́: «Nɔɔ gbamąi ŋɛ̨i hon ɲə́i, yai naahvɛɛ a nwɔ́ liiholi lɔɔ kpəɠiɛ; nɔiɠaai gáá ə́ tɔɔ di pɔ, ə́ dɔɔ di la.

Ɉeremi 25:16

Di kaa pai gbələi, diɛ tɔɔ la takpa-takpa, ɓɛlɔwai gáá pai kɔ́ kɔ́ ɓɔwa pilii la di lɔwai, da gaa yɛ di hu pu diɛ.»

Ɉeremi 25:26

ɲánwuɔ̨ pələ tɔɔɓɛlaa kəlee, kpuwɔ la nuą da kwɛa la nuą. Nu tɛitɛi yɛ lɛɛ mɛlan bulu. Lɔi mɛ̨i tɔɔɓɛlaa kəlee, diɛi kpɔ bɔlɔi ŋɛ̨i mɛ̨i. Ɛlɛɛ, Sesakə tɔɔmun a lɛɛ pulu a gbəlɛɛ.

Ɉeremi 25:31

Din gaa həlii lɔi kpon ɉeei, Yai-Laa a kiti pɛlɛ lɔiɠaa diɛ. Aa mɛ̨nį ɓo kpalatɔɔ, yɛ vilɛn nu kan gəlee ɓa, nuąi a kala diɛ, a di tɛɛ ɓɔwa kwɛa pɔ. Yai-Laa woo li.

Ɉeremi 38:2

«Yai-Laa woo ka: Nui lɔpee pai lɛɛi daa ŋɛ̨i hu, ɓɔwa kwɛa ɓə pai baai, ɛlɛɛ ɲɔ̨n, da pulu; nui a kulɔ yɛ li Kalde nuą pɔ, nwun na a nɛ̨ɛ̨, ə lɛɛ yɛnɛ̨ɛ̨; a tɛ̨ą a lɛɛ yɛnɛ̨ɛ̨.»

Ɉeremi 39:18

Hɛa hvo ɉu, gáá pai ə́ nwun mąąɓoi, ɓɔwa kwɛa hvo pai ə paai, ya ə́ kilitɔɔ mą́ą́, ə́ nwun gaa pai kulɔi ɉu. Yai-Laa woo li.›»

Sofoni 3:8

Yili ɓa, ka mą́ą́ kpɔn! Ɲələi gáá pai múhəɠəi la, ŋą́ tɔɔ yɛ kɛla, gɛ́ ka hɔn doo, ka nąą mąą kpɔn! Gáá pai lɔiɠaa hukalai, gɛ́ tɔɔɓɛlaa di wɔ lɔiɠaa pu gee mɛ̨i, ŋą́ nwɔ́ liihvoli hee diɛ. Mąąhɔlɔɓo, gáá pai lɔi kəlee pilɛɛ gee mɛ̨i kələn ɉii, a nwɔ́ tolo nwɔ̨n. Yai-Laa wóó li!

Lomaŋ 12:16

Ka nɛ̨ɛ̨ a ka kee, nu ta hvo gbɔwɔ ŋąąkɛnɛ̨. Mɛ̨nįi kpɔwɔ mąąyɛɛlaa kaa ɉu, nwɛli ə too kaa; ká hvo ká kpɔwɔ kaa a kilimąą nuą.

Hebreu 13:5

'Ká hvo nɛɛ laa, wali lii yee hvo tɛɛ káá, ká túwɔ́ pələ hu. Yii gaa ká yəi, yili ə ká lii hon. Mąąhɔlɔɓo, gu Nąmu kpinįi ɓo mo, yɛ mą: «Kpaa-o! Vá ə́ lɛɛ laa, vá gíli kulɔ ə́ hu tanɔ̨n gbɛli!»