Ɉeremi 44:1 - Yálá laawoo hɛɓɛ (dc)

¹ Mɛ̨nįi di mo Ɉeremi ɓa, yɛ hvilɛn na Ɉuda lɔi hu nuą kpɔ tii li heei Eziptə lɔi hu; Migdolə, Dafne, Mɛmfisə, da Patrɔsə lɔi hu, ya ka:

Yálá laawoo hɛɓɛ

¹ Mɛ̨nįi di mo Ɉeremi ɓa, yɛ hvilɛn na Ɉuda lɔi hu nuą kpɔ tii li heei Eziptə lɔi hu; Migdolə, Dafne, Mɛmfisə, da Patrɔsə lɔi hu, ya ka:

Bible

¹ Yâwɛɛ è lòno ḿbɔ é pîlaŋ Eezuɛ-ƃelai dîa nyíi-ŋai kɛ̀ Ize lɔii sui. Ǹûai ŋí dí kɛ̀ Midɔ, Tapaɣee da Meifee taa-lee-ŋai su. È máŋ ǹóno tɔnɔi ŋí kɛ̀ é pîlaŋ diai kɛ̀ séɣai-pere lɔii-kpiniŋ sui dípɔ-naa.

Ɉeremi 44:1 Kruisverwysings

Lɛɛ gbɔwɔ ɓa 14:2

«'Mo Israɛlə lonnii diɛ, di pənə di pa, di di wɔ ɓuwui pɛlɛ Pi-Hahirotə, Migdolə da gboloyá di lɔwai; Baalə-Sefɔn tənən ma, gboloyá kwɛlɛ pələ.

Azaya 11:11

Ɲələi tii a həli, Yálá kaa pai nwɔ̨nɔ̨ mɛ̨nį ta kɛi, nwɔ nu kpəli wolaai da lɛɛ ɲɛnɛ̨ɛ̨, a di nwun mąąɓo a nwɔ huwalawalai, ə di kulɔ Asiri da Eziptə, ə di kulɔ Patrɔsə, da Kusə, da Elamə, ə mą kɛ, Sinearə da Hamatə; ə di kulɔ gboloyá hąąi lɔiɠaa hu.

Azaya 19:13

Tanisə ɲąąwooɓo nuą kili kpɛɛi kpɔ di yəi tɛ̨ɛ̨ tɛ̨ɛ̨, Mɛmfisə ɲąąwooɓo nuą diɛ di kpɔwɔ ɓowo, di kaa pai gɛi Eziptə yɛ tɔɔ lɔ takpa takpa, diɛi tii a nɔi lonnii mąą mɛ̨nį nwun ɉon gwɛni.

Ɉeremi 2:16

Ə mą kɛ Mɛmfisə nuą da Dafne nuą, diɛ Israɛlə nuą nwun giin.

Ɉeremi 24:8

Yai-Laa yɛ diɛ: «Mɔ́láá ɓá ɲɔ̨nwɔ̨ɔ̨ɠaai tii mį́i hvo diɛ, di kalaa, ɉɛn da gɛ a diɛ, ya ɓə gáá pai gɛi a Ɉuda tɔɔmun Sedesiasə da nwɔ tí nuąi, da Ɉerusalɛmə nuą gbəliɠaai lɛɛ daai, yiiɠaai kpɔ kɛ nɔi ŋɛ̨i hu da yiiɠaai kpɔ Eziptə lɔi hu.

Ɉeremi 43:13

Gaa pai voló mąąnįnįnŋaa woloi Eziptə lɔi hu, ə Eziptə yáláɠaa mąąwiɛ pɛlɛ́ɠaa kələn.›»

Ɉeremi 44:15

Kɛlaa, ɉinąąi tii kɛ gbaɠala kɔ́lɔn, diɛ kɛ di nɛ̨ąni da kɛ haláá kulɔi haliɠaa diɛ, ə mą kɛ, da nɛ̨ąąi tii kɛ laa ɲąąkpɔn gɛnɛ̨ hu, nuąi kpɔ tii pa heei Eziptə, Patrɔsə lɔi hu, di Ɉeremi woo pulu pənə diɛ mą:

Ɉeremi 46:14

'Ká mɛ̨nįi tii laa həli Eziptə lɔi ɓa, 'ká noloɓo Migdolə, 'ká noloɓo Mɛmfisə da Dafne; kaa mą: 'Haŋąn ə́ tɔɔ, ə́ ə́ kpɔɔ pɛli, mąąhɔlɔɓo, kɔ́ kɔ́ ɓɔwa kaa kɛɛ kalai ə́ kwɛlɛ nąą kəlee.

Ɉeremi 46:19

Eziptə lɔi hu nuą, 'Ka ká tiɛ̨ pɛli ka mąąkilɛ mɛ̨nį ɓa. Mɛmfisə kaa pai lɛɛi a lɔi mąąwɛliɛ, a taa kələn, nu hvo ɉu.

Izikiɛ 29:10

«Yili mąą mɛ̨nį ɓə gáá pɛlɛi la yɛ́, ka yɛ́ Nilə yaɠaai; gáá pai Eziptə lɔi kɛi a lɔi pun, a gbali kələnŋąą lɔi pun; ə həɠə Migdolə, ə həli la Siɛnə, ə həli kpɔ la Nubi lɔi ɲɛ̨n ɉu.

Izikiɛ 29:14

Gɛ́ Eziptə nuą tɔɔ pələ mąą hvalin, gɛ́ pənə gɛ́ paa a diɛ ɉɛɠɛɛ pələ lɔɠaa hu, diɛ hee laa, ə ɓo a lɔi pɛliɛ ɉu.

Izikiɛ 30:13

«Hééɓo kəlee Nąmu Yálá woo ka: gáá pai ɉaliɠaa hu kalai, gɛ́ di mąą mɛ̨nį kpɛɛ Mɛmfisə lɔi hu, da tɔɔmun mɛ̨nį, Eziptə lɔi hu. Da hva kɛa kɛ laa. Ŋį́ ɲɔw pili Eziptə lɔi hu.

Izikiɛ 30:14

Gáá pai ɉɛɠɛɛ pələ lɔi hu woloi; gɛ́ nwɔ̨n bili Tanisə. Ŋą́ Tɛbɛsə kiti tee.

Izikiɛ 30:16

Ŋą́ nwɔ̨n bili Eziptə hu; Sin yɛ kpəlaan gbəlaan mɔ̨nɔ̨ yei; Tɛbɛsə hu yɛ ɓɛla; Mɛmfisə yɛ lɛɛ yai.

Izikiɛ 30:18

Yələ hvo pai ɓɔi Dafne mɛ̨i, ɲələi gáá pai Eziptə nwɔ hééɓolaai hu yalii la, ŋą́ nwɔ kpɔwɔ ŋąą kɛnɛ̨i kulɔ ɲəi, yai ə kɛi nwun dɛ ɉu. Tulɔ kpinįn gaa pai pɛlɛi mɛ̨i, nonnii nɛ̨ą diɛ li luwɔlaa hu.

Osia 9:6

Diɛ ka pui di hu kala mɛ̨nį tɔwɔ, diɛ li di ɲąąkpɔn ɉii Eziptə, Mɛmfisə kaa pai kɛi a di kámą. Di yəi hɛngɔw kpɛa kpɛaɠaa kaa pai lɛɛi a kala kpili nwɔɔ, ɲąąlən gbɔlɔ yɛ lɔ di yəi bɛlɛ́nŋaa.