Ɉeremi 4:6 - Yálá laawoo hɛɓɛ (dc)

⁶ Ka huu pili nuą diɛ Siɔn pələ! Ka lí, ka ka mąą kilɛ! Ka hvo tɔɔ pələi nu ta hvo kɛ gaa lɛɛi ɉeei! Kpalo ka tii Yai-Laa aa ɉəɠə ɲanwuɔ̨ pələ, yɛ paa la, ə kə! Kɛɛ kala mɛ̨nį kɛnɛ̨!»

Yálá laawoo hɛɓɛ

⁶ Ka huu pili nuą diɛ Siɔn pələ! Ka lí, ka ka mąą kilɛ! Ka hvo tɔɔ pələi nu ta hvo kɛ gaa lɛɛi ɉeei! Kpalo ka tii Yai-Laa aa ɉəɠə ɲanwuɔ̨ pələ, yɛ paa la, ə kə! Kɛɛ kala mɛ̨nį kɛnɛ̨!»

Bible

⁶ Ka ŋɛi-kɛ-maa sɛŋ tɔɔ a gɛɛ é Zãiyɔŋ perei lɛ́ kâa. Ka kîrɛ siɣe a gbanaŋɔɔ. Káfe tɔ̀ɔ berei su. Yâwɛɛ káa kulâi a mɛni kpɔ̂lu yá-ŋua pere a gɛɛ é ǹaa kàra. Gáa pâi a mɛni kpɔ̂lu su kɛ́tɛ.

Ɉeremi 4:6 Kruisverwysings

Azaya 62:10

'Ka tɛɛ, 'ka tɛɛ, ka həɠə bɛlɛ́ɠaa laaləi, 'ka həɠə nuą tɛɛ pələ hu. 'Ka pɔlɔ pu bələ mɛ̨i, 'ka pɔlɔ pu laa, 'ka kwɛni pu mɛ̨i, 'ka húú pili nɔi hu nuą diɛ.

Ɉeremi 10:22

Ka ka wəli tɔɔ din ŋɛ̨i ɓa; gaa yɛ nu kpulu kɛnɛ̨, di kaa həɠəi ɲanwuɔ̨ pələ, di kaa pai Ɉuda taaɠaa mąą pənəi a pun. Naa ə lɛɛ a góɓəɠaa pɛlɛi.

Ɉeremi 18:11

'Li kɛa yiihu, yɛ́ Ɉuda da Ɉerusalɛmə nuą diɛ: «Yai-Laa yɛ: ‹Gáá mɛ̨nį ɲąąnwąnąą pɛlii, gɛ́ pa naai kaa, ŋą́ą́ kili tee gwə́i. Nu kəlee ə bulu tinɛ̨n nwɔ túwɔ́ pələ ɲɔ̨n ma.›»

Ɉeremi 21:7

Yili pulu, ŋį́ Ɉuda tɔɔmun Sedesiasə tɛɛ Babilonə tɔɔmun bɔ, yaa da daa ŋɛ̨i hu nuą, yiiɠaai pai kulɔi ɲɔ̨n ɲəi, da kɔ́ kɔ́ ɓɔwa, ə mą kɛ, pulu. Yiliɠaa da too Babilonə tɔɔmun ɲəi, da di yowoɠaa, yiiɠaa di hvilɛn ŋąą di pulu di paa mɛ̨nį ɓa. Gaa pai di paai, hva di mąąwɛli kaa, hva di mąą hvaalɛɛ, di ta lɔpee hva kulɔ a ɲee wolo.›» Ɲą́ą́ Yai-Laa nwóó li!

Ɉeremi 22:7

Gáá ə́ laakwɛlanmoi nuą diɛ, ə́ kala mɛ̨nį ɓa. Nu kəlee nwɔ kwɛli hɛn gaa ɲəi. Di kaa pai ə́ wɔ kpitili lɛlɛɛɠaa teei, diɛ nwɔ̨n bili ɉu.

Ɉeremi 25:9

gáá nuą tɔɔi, di ɲələi pələ lɔiɠaa kəlee ɲąąkpɔn nwɔ́ tí mun Babilonə tɔɔmun Nabukodonosorə yee mu. Ɲą́ą́ Yai-Laa nwóó li! Gáá nuą tɔɔi di pa di wolo nɔi ŋɛ̨i ɓa, da ɉu hee ɓo nuą kəlee, bɛlɛɛ gwɛlɛ lɔiɠaa kəlee diɛ. Gáá di kɛlɛi di paa pələ pɔ. Gáá nɔi mąąpənəi a lɔi pun a yələ kəlee, a mąą ɲɔw lɔi, a lɔi kpoloon.

Ɉeremi 4:21

Ka mɛ̨i huu woo kaa pai lɛɛi tɔɔ nwəlii ə lɛɛ la mįnɛ̨ lɔwai? Ya ka, gáá lɔ nuą təli tulu woo mɛ̨n ɉii.

Ɉeremi 50:2

'Ka mo lɔiɠaa hu, 'Ká nolo ɓo, 'ka ɉukulɔ, 'Ká mo, ká hvo ɲɔw, 'ka kɛ diɛ: Daa Babilonə hon, daa Bɛlə nwumɛ̨, Mardukə aa too, daa nwɔ haliɠaai ɓɛlɛkpɛɛ diɛ. Daa nwɔ halii mąąnįnįnŋaa hukala.

Ɉeremi 50:22

Kɔ mɛ̨i tín gaa tɔɔi nɔi, da paa ɓo kɛnɛ̨ kɛ tin.

Ɉeremi 51:12

'Ka gɔ́ təli Babilonə hįį ɓa, 'Ka daa mąąkpɛ nuą ta pɛlɛ mą, 'ka nuą hee di tɔwɔ lɔwɔi. Gaa tii, mɛ̨nįi Yai-Laa ə mo yɛ hvilɛn Babilonə nuą diɛ, ə gbɛa giliŋąhiɛ mą, gaa kɛa gɛi.

Ɉeremi 51:27

'Ka nuą təli gɔ́ ɓa, yɛnɛ̨ɛ̨ nuą kəlee, 'ka gɔ́ tulu hvɛɛ lɔiɠaa hu, 'ka lɔiɠaa ɲąąkpɔn, di wolo mą; a Yálá nwɔ kɔ́. 'Ka tɔɔɓɛlaa ɲąątɔɔ mą, Araratə, Mini, Askenazə, 'ka yala nąmįną tɔɔ, diɛ kɔ́kulááɠaa kulɔ mąą mɛ̨nį ɓa,

Ɉeremi 51:54

«'Ka pa kilɛ kuɔ!» Woo kaa tɔɔi Babilonə. Mɔ̨nɔ̨ kɛnɛ̨ aa laa Kalde lɔi ɓa!

Ɉeremi 6:1

Ka kulɔ Ɉerusalɛmə daai. Bɛnɉamɛn huwuhu nuą ka ka mąąkilɛi kwɛli pələ takpɛli. Ka kɔ́ tulu hvɛɛ Tekoa ka huu pili Bɛtə-Kɛrɛmə, mɛ̨nį ɲąą nwąnąą kaa ka mąą hɛɠii, gaa a lɔi kala mɛ̨nį kɛnɛ̨, gaa həɠəi ɲanwuɔ̨ pələ ɲeeɠaa hu.

Ɉeremi 6:22

Yai-Laa woo ka, yɛ diɛ: Nu huwu ta ka ŋɛ̨i həɠəi ɲanwuɔ̨ pələ yɛ pa! Lɔi ta li yii ɉu kɛnɛ̨, aa muhəɠə aa hvilɛn pələ ɓa, yɛ həɠə lɔi kpon ɉeei pələ.

Izikiɛ 9:1

Ə tómą nwə́lii a nwala wala, yɛ kɛ mą́ą́: «Daa hutɔɔ yələ aa lɛɠɛ; nu kəlee nwɔ nu hu kala hɛn ə kɛ ɲəi ɲą.»

Izikiɛ 9:2

Ə kɛ lɔ tii, hinąą mɛ̨ida di həɠə bɛlɛ́ laaləi yii ti kɛ ɲələi pələ, ɲɛ̨i həɛ ɲánwuɔ̨ pələ; di tɛi tɛi di wɔ nu hu kala hɛn ə ɓo di yee ɲą. Nu tɔ̨nɔ̨ ə kɛ di hamąi həɠə kwəlɛɛ ə ɓo gwąną; hɛɓɛ́ pɛ̨ɛ̨ mun ŋą hɛɓɛ́ kpɔwi ə ɓo nwɔ hɛ̨ą yili kɔ́lɔi ɓa. Di pa di tɔɔ gwɛli kpɔlu haláá kulɔi lííla.

Sofoni 1:10

Yai-Laa woo ka, yɛ diɛ: Mąą yələi tii, wɔlɔ woo kɛnɛ̨ a tɔɔ ɉɔwɔlee pɛlɛ laaləi pələ, woo laa woo yɛ tɔɔ daa nįnɛ̨ hu, tín gɛnɛ̨ yɛ tɔɔ ɲeeɠaa nwuɔ̨.

Zakari 6:6

Nwotoloi tii kɛ ɲiliɛ ɉootɛɠiɠaa diɛ, ə li ɲələi pələ, ɉoo kwələɠaa də li voló tooi pələ, ɉoo pɛ̨ɛ̨ɠaa di li ɉɛɠɛɛ pələ.