Ɉeremi 4:5 - Yálá laawoo hɛɓɛ (dc)

⁵ Ka noloɓo Ɉuda lɔi hu! Ka Ɉerusalɛmə nuą kilaa pɔ̨nɔ̨! «Ka dulu hvɛɛ nɔi nąą kəlee ka tomą a ka woo kɛnɛ̨, kaa diɛ: ‹Ka pa-o! Ka ka ɲąąkpɔn daaɠaai hįi kaa diɛ ɉu!›

Yálá laawoo hɛɓɛ

⁵ Ka noloɓo Ɉuda lɔi hu! Ka Ɉerusalɛmə nuą kilaa pɔ̨nɔ̨! «Ka dulu hvɛɛ nɔi nąą kəlee ka tomą a ka woo kɛnɛ̨, kaa diɛ: ‹Ka pa-o! Ka ka ɲąąkpɔn daaɠaai hįi kaa diɛ ɉu!›

Bible

⁵ Lolo too-ƃela, ka lolo tóo Zuda da Zerusâlɛŋ gwaa kélee ma. Láɣi kpɔ́ a íwoo su ponoɔɔ. Mó Zuda da Zerusâlɛŋ-ƃelai dîa dí pú dí lî daa-lêe-ŋai su nyíi-ŋai dí maa tínaŋɔ̂ɔi a siɣãŋ.

Ɉeremi 4:5 Kruisverwysings

Azaya 28:19

Dɛɛ pələ kəlee, gaa pai kɛi ka hon ɉii. Mąąhɔlɔɓo, gaa pai kɛi tɛɛi a yələwala kəlee, yɛ tɛɛ a hvóló da kpinį, ɛlɛɛ, mɛ̨nįi tii nu a gili kɔ́lɔn, a kɛ a ɲɔw kɛnɛ̨ɛ̨.

Ɉeremi 11:2

Yɛ mą: Ka ka wɛli tɔɔ mįnɛ̨ həɠə wooɠaa diɛ, ka bɔ mɛ̨nį kɛ, mo Ɉuda nuą da Ɉerusalɛmə nuą diɛ,

Ɉeremi 35:11

Ɓɛlɔwai Babilonə tɔɔmun Nabukodonosorə ə pili la nɔi hu, ya ɓə ku kɛ la diɛ, ka gu lɔ Ɉerusalɛmə daai, ka gu pu Kalde kɔ́kulááɠaa da Aramə kɔ́kulááɠaa tɔwɔ. Yili ɓə gɛ kuɔ hee la Ɉerusalɛmə daai.»

Ɉeremi 5:20

Ka noloi ŋɛ̨i ɓo Ɉakɔbə yəi bɛlɛ́n nuą mɛ̨i, Ɉuda lɔi hu nuą di mɛ̨n, kaa diɛ:

Ɉeremi 6:1

Ka kulɔ Ɉerusalɛmə daai. Bɛnɉamɛn huwuhu nuą ka ka mąąkilɛi kwɛli pələ takpɛli. Ka kɔ́ tulu hvɛɛ Tekoa ka huu pili Bɛtə-Kɛrɛmə, mɛ̨nį ɲąą nwąnąą kaa ka mąą hɛɠii, gaa a lɔi kala mɛ̨nį kɛnɛ̨, gaa həɠəi ɲanwuɔ̨ pələ ɲeeɠaa hu.

Ɉeremi 8:14

Gu kaa ɓɛ tɔɔni kpɛli-kpɛli lə mɛ̨nį ɓa? Ka gu gu ɲąąkpɔn, ka gu lɔ daɠaa hįi kaa mą ɉu; ka gu lɛɛ laa gu haa mąąkpɔn. Hvo gaai guɔ Yálá a gu laakwɛlanmo haa ɓa; aa pilimąą tɔɔ gu la, gu haa mɛ̨nį ɓa. A tɛ̨ą, kwaa ku hɔn gɛ a Yai-Laa.

Ɉeremi 9:12

Yai-Laa yɛ diɛ: Mąąhɔlɔɓo, mɛ̨nįi ŋį́ di kalan na, daa nɛɛ laa, di hvo di wəli tɔɔ li nwóó ɓa; di hvo gɛ li di hvo hvilɛn búlú.

Izikiɛ 7:14

Di kaa pai tulu hvɛɛi, diɛ di kpɔwɔ pɛli, kɛlaa, nu ta hvo pai lii gɔ́ ɓa. Mąąhɔlɔɓo, nwɔ́ kɛɛ kala liiholi hvilɛn ŋąąi yɛnɛ̨ɛ̨ hɛnŋaa kəlee pulu.»

Osia 8:1

'Dulú hvɛɛ, mɔ̨nɔ̨ kaa pai Yai-Laa nwɔ pɛlɛ́i mɛ̨i, yɛ kuwɔ. Mąąhɔlɔɓo, daa nwɔ́ mįnɛ̨i hu kala, dɔ́n ŋį́ naa diɛ, daa di nwun gulɔ mu.

Zooɛ 2:1

Dulu hvɛɛ Siɔn taa mɛ̨i, tómą nwɔ́ yee mąąhəɠɛɛ ɓa. Nɔi lonnii kəlee di kpɛlin, mąąhɔlɔɓo, Yai-Laa nwɔ hvólói aa həli; Yaai kɛ mąą kpuai.

Amɔsə 3:6

Da pɛli mɔ̨ɔ̨ di kɔ́ tulu hvɛɛ taai yii daai nuą hu hva pu diɛ? Mɛ̨nį nwąnąą ta a pɛli ə laa ta ɓa, akɛ hvo həɠə li Yai-Laa pɔ?

Amɔsə 3:8

Yala a kɛi huluun, gbɛɛ ɓə hva ɲɔw? Akɛ Nąmu Yai-Laa a gwəi mɛ̨nį ɓo, gbɛɛ ɓə a lənə naa həlii?

Lonon mo 10:2

«'Mo di túlú hveelɛ yɔw a wali kwɛli. Diɛ ɓə pai kɛi a nuą təli hɛn, a wala kɛ tii di muhəɠə túlú, di li mɛ̨nį ɓa.

Lonon mo 10:3

Ɓɛlɔwai da dúlú wooi tii mɛ̨n na, mąąnɛ̨ɛ̨ nuą kəlee di di ɲąąkpɔn ə́ lííla, gee kaa kələ laaləi.

Zasua 10:20

Kpɛɛi Ɉosue da Israɛlə lonnii di mo a gɔ́ kalaa diɛ kpɔ hɔwɔ-hɔwɔ, diɛ di kəlee di paa; nu taɠaa nwun ə kulɔ ɉu, di pu, di lɔ daa kpɛa kpɛaɠaa hu, di mąą tínɛ̨n ŋąą a hįį kpoloon.