Ɉeremi 4:28 - Yálá laawoo hɛɓɛ (dc)

²⁸ Yili mɛ̨nį ɓə nɔi kaa mąąwɛli hee ɓoi la; yələ kwəi yɛ kpinį, mąąhɔlɔɓo, mɛ̨nįi ŋą kili tee gwə́i, ŋą́ą́ mo; və́ pai ɉəgəi mą.

Yálá laawoo hɛɓɛ

²⁸ Yili mɛ̨nį ɓə nɔi kaa mąąwɛli hee ɓoi la; yələ kwəi yɛ kpinį, mąąhɔlɔɓo, mɛ̨nįi ŋą kili tee gwə́i, ŋą́ą́ mo; və́ pai ɉəgəi mą.

Bible

²⁸ Ǹɔii a pâi wɔ̂lɔi. Ŋ̀ele-kɔlɔŋ ma a pâi kpînii. Yâwɛɛ ƃé mò tí. Ǹyaŋ vé pâi ŋ̀óo siɣêi pôlu. Yâwɛɛ a gbɛtɛ gí lî-ŋa, ǹyaŋ vé pâi ŋ̀óo siɣêi pôlu.

Ɉeremi 4:28 Kruisverwysings

Azaya 24:4

Lɔi kaa wɔlɔi, ɉu yɛ kala, yɛnɛ̨ɛ̨ kəlee kaa kulɔi nwului, ɉu yɛ kala, lɔi mɛ̨i hee ɓo nuą lɔwai, nu kpɛa kpɛa kaa kulɔi di wului.

Azaya 34:4

Yələi pələ kɔlaɠa kəlee kaa pai lɔi lɔ hɔɛ, diɛ yələkɔlɔn gbinįn yɛ da kɛi haɠa kpinįn; ɉu kɔlaɠa kəlee yɛ pu, yɛ bələi towələ wulu laa a pu la; yɛ bələi ɓolaa wulu laa a pu la.

Azaya 5:30

Kɛlaa mąą hvólói tii, da tómą mɛ̨i, ə ɓo yɛ gboloyá a kɛi huluun, da di ɲɛ̨i hee nɔi mɛ̨i, ɉɛn da gaa, ya ɓaa kpinį, da mąąwɛli mɛ̨nį, hvóló hu a kpinį a nąląąn ɉu wiaa.

Azaya 50:3

Ŋą́ həɠə tɛɠiɛ too yələ kɔ́lɔn gwąną, gɛ́ mɔnɔ̨ kɛ a ɲii həɠə.

Ɉeremi 12:11

Daa mąą pənə a lɔi pun. Daa nɛɛ ɲə́i a húwɔ kpili, a mąąwɛli lɔi. Ɛlɛɛ, nu ta mąą kpaan və ɉu.

Ɉeremi 12:4

Nɔi kaa pai lɛɛi wɔlɔi, ə lɛɛ ɉu, lə yələ ə ɉəli? Ɲea kɔ́wɔ hu kala tiliin gəlee kaa pai lɛɛi kpalai, ə lɛɛ ɉu, lə yələ ə ɉəli? Ɉu huwɔɠaa kəlee da nwɛ̨nįɠaa diɛ haa; nɔi nuą lii ɲɔ̨nwɔ pələ mąą mɛ̨nį ɓa, a diɛi kɛi diɛ: «Yálá hvo ku wɔ pɛlɛ́ɠaai kaai, da mu mɛ̨nįɠaa.»

Ɉeremi 14:2

Ɉuda kaa wɔlɔi, nwɔ taaɠaai kaa kpalai. Di ɲɛ̨i mąą aa liɓi, di nwun vilɛn ŋąą nɔi ɓa pələ. Ɉerusalɛmə taa yɛ wɔlɔ kpɔ hɔɔ.

Ɉeremi 23:10

Di kəlee di kaa a wɛli hon nuą nɔi tii hu, nɔi kaa haa wɔlɔ ɓoi, diɛ nɛ̨ŋɛ̨n naa kɛ, gala tɛlinŋaa daa kpala gbomoi, mɛ̨nį ɲɔ̨n mə da mąą gilɛ həɠə, hulu mɛ̨nį ɓə di hvaŋąlɔɔ mą diɛ gɛ.

Ɉeremi 23:20

Yai-Laa nwɔ liiholi kɔ́lɔ hvo pai haai mą. Hvo kɛli mɛ̨nįɠaa ə naa gwəi a di kɛ. Ɲee laa kulaa pulu, ka káá pai mukulaa kaai.

Ɉeremi 30:24

Yai-Laa nwɔ liiholi kɛnɛ̨i kɔ́lɔ hvo pai haai mą. Hvo kɛli, mɛ̨nįi aa gbɛa ŋaayili, a gɛ, ə naa kulɔ. Ka káá pai mukulaa kaai a yələ takpɛli.

Ɉeremi 51:12

'Ka gɔ́ təli Babilonə hįį ɓa, 'Ka daa mąąkpɛ nuą ta pɛlɛ mą, 'ka nuą hee di tɔwɔ lɔwɔi. Gaa tii, mɛ̨nįi Yai-Laa ə mo yɛ hvilɛn Babilonə nuą diɛ, ə gbɛa giliŋąhiɛ mą, gaa kɛa gɛi.

Ɉeremi 7:16

Yɛ́ Ɉeremi! Ə́ wɛi, və́ kɛ li ə́ nuą ŋɛ̨i mąą nɛɛmąą hvə mą́ą́! Və́ kɛ li ə́ di wɔ woola kɛ mą́ą́, hvo kɛ ə́ kaa wɔlɔi mą́ą́ di mąą mɛ̨nį ɓa. Mąąhɔlɔɓo, və́ pai nwəli tɔɔi ə́ wɔ nɛɛmąą hvə woo ɓa.

Woolaa 2:17

Mɛ̨nii Yai-Laa ə kili tee gwəi, aa gɛ; aa nwoo pɔ mɛ̨ni kɛ. A nwooi wɔlɔ aa mo ɉu aa kwɛa; aa Ɉerusalɛmə hukala, hvo kpɛli mąąwɛli kaa li. Aa ə́ kɛ a ə́ yówóɠaa di wɔ yɛlɛ kulɔ ɉu hɛn, aa ə́ yówóɠaa huɲąŋą kɛnɛ̨ ə́ mɛ̨i.

Izikiɛ 24:14

Ɲą́ą́ Yai-Laa váá woo li, ɛlɛɛ, gəlee kaa pai kɛi; gáá gɛi vá hviikpɛɛlaa too ɉu, və́ pai nu mąąwɛli kaai, və́ pai nwóó yalii bulu. Di kaa pai ə́ kiti teei ə́ túwɔ pələ ɓa, ə́ kɛ mɛ̨nįɠaa pɔ pələ, Mɛ̨nį kəlee ŋą Hééɓomun Yálá woo li.»

Osia 13:14

A kɛ tii, hvo kɛli mɔ̨ɔ̨ ŋį́ pa nwun mąąɓo ɲąmuątaa yəi? Hvo kɛi ŋį́ pa gulɔ haa yəi? Haa, ə́ wɔ nu paa ɲɔ̨nŋąąi kaa mį? Ɲąmuątaa, ə́ wɔ nu kɛlɛ gbɔn kaa mį? Nu ɲɛ̨imąąwɛli kaa kilii lɔpee hvo ɲɛ̨i pɔ.

Osia 4:3

Nɔi ɲɛ̨i mąą aa wɛli, ɉu nuą kəlee diɛ kpala, ə mą kɛ lɔwɔ huwɔɠaa, da yələi nwɛ̨niɠaa. Ə mą kɛ gboloyá hu hɔ̨nwɔ̨leeɠaa di kaa pai kpɛɛi.

Zooɛ 1:10

Daa ɲɛɛ kɔ́ɠɔi hɛnŋąą kəlee mį́i kpɔ kpun, nɔi aa lɛɛ a gboloon. Gbalai ə tɔɔ, daa mɔ̨nun gəlee mį́i, lɔɔ hvo kɛa hɔlɔɓoi, nwulɔ nįnɛ̨ɠaa kəlee daa kpɛɛ.

Zakari 8:14

Hvo gaai, mɛ̨nįi Yai-Laa Mɛ̨nį Kəlee ŋą Hééɓomun, kaa moi, ya ka: Ŋį́ ta naa gwə́i, gɛ́ kɛ ŋį́ ka hon a ɲɔ̨nwɔ̨ɔ̨, mąąhɔlɔɓo, ka nąnni di nííholi. Və́ gili mąą hvalin. Yai-Laa Mɛ̨nį Kəlee ŋą Hééɓomun woo li.

Lonon mo 23:19

Yálá hvo yɛ bələi nu kaa la, hva pɛli lɛɛ kɛi, hvo yɛ Adamə lon da, yɛ pɛli nwoo mąą pənəi. A mɔ̨ɔ̨ pɛli mɛ̨nį ɓoi a kɛ hvo mąą mɛ̨nį kɛ li? A mɔ̨ɔ̨ woo ɓo yii hvo bɔ mɛ̨nį kɛ li?

Maafîu 27:45

Ə kɛ a hvóló tɛɛ nwun mą lɔwai, kpinį ə pɛlɛ lɔi mɛ̨i nąą kəlee ə lɛɛ ɉu, hvóló ə gɔwɔ kulɔ mu.

Markə 15:33

Ə kɛ a hvóló tɛɛ nwun ma lɔwai, kpinį ə pɛlɛ lɔi mɛ̨i nąą kəlee ə lɛɛ la ɉu, ə kɛ a lɛɛlɛ haaɓa.

Lukə 23:44

Ə kɛ a hvóló tɛɛ nwun ma lɔwai, kpinį ə pɛlɛ nɔi tii hu nąą kəlee ə lɛɛ la ɉu pɛlɛ gɔwɔn nįnįn ə kwɛa a nu kɔ́wɔ laɠi ɉi hveelɛ.

Ifisiɛŋ 1:11

Yaa ti ɉu lɔ ɓə, gu gu wɔɔ nąą kɔlɔɓo laa, a nui a mɛ̨nį kəlee hee kpəlin na kɛ, a niiɓa, yɛ bələi ə gbɛa gu həɠə la ɉu.

Ifisiɛŋ 1:9

Nwɔ loo mɛ̨nįɠaai a niiɓa, aa nɛ guɔ, a mɛ̨nįɠaai tii, ə gbɛa mąą kili tee gwəi, gbɔwɔ kpinį hu.

Hebreu 7:21

Jesus nwɛi, kwɛla mɛ̨nį ə kɛ ɉu, gu Nąmu ə gwɛla mąą mɛ̨nį hu, yɛ mą: mɛ̨nįi ŋą́ mo hva ɉəɠəi mą: «Ə́ kaa a ɉaláá laa həli mun, a yələ kəlee mɛ̨nį.»

M̀ɛni-lɛɛi 6:12

Ɛlɛɛ, ŋą́ ɲɛ̨́i hee, ɓɛlɔwai di gɔlɔn ɉɛn mɛ̨ida nąą holoon na, lɔi ə kpɛlin gbɔ kɛnɛ̨, hvóló hu ə tɛɠi kpɔ hɛ̨-hɛ̨, ɛlɛɛ, ɲąnįn nąą kəlee ə kpɔlu yɛ ɲąmą.

Samuɛlə dɔlɔɔ 15:29

Ə lɛɛ nwɔ̨nɔ̨, Israɛlə nwɔ mąąwiɛ hva hea too gbɔwɔ la, yii a mo, hva ɉəɠə mą, mąąhɔlɔɓo, hvo yɛ nu, yii a yali gələn ma.»