Ɉeremi 4:13 - Yálá laawoo hɛɓɛ (dc)

¹³ Kaa ɲɛ̨i hee tai ku yowo ɓa! Gaa pai yɛ hvaŋą a hee tulɔ kpinįn ɉu; ku yowo nwɔ kɔ́ kɔ́ wotoloɠaai kaa yɛ tulɔ hvaŋą. Nwɔ hooɠaa mąąhulaa di tɛɛ kuwɔ ɓa. Ə́ kə néé! Ku nwun na piliɛ li-ee!

Yálá laawoo hɛɓɛ

¹³ Kaa ɲɛ̨i hee tai ku yowo ɓa! Gaa pai yɛ hvaŋą a hee tulɔ kpinįn ɉu; ku yowo nwɔ kɔ́ kɔ́ wotoloɠaai kaa yɛ tulɔ hvaŋą. Nwɔ hooɠaa mąąhulaa di tɛɛ kuwɔ ɓa. Ə́ kə néé! Ku nwun na piliɛ li-ee!

Bible

¹³ Ka gáa, kákpɔara-ƃelai díkaa pâi yɛ̂ɛ ɣele-kɔlɔŋ kole. Díkɔ́kɔ-keleŋ káa yɛ̂ɛ tínaŋ fãa. Dísoo-ŋai maa fêlaai kpɔ́ yɛ̂ɛ kuɛ-ŋa. Kpalo ƃêlai kûa kpɛ́ni fêi, kú su a kara.

Ɉeremi 4:13 Kruisverwysings

Samia Veerɛi 1:23

Saulə da Ɉonatan di wɛli ə kɛ di kee ɓa, di hvo di ɓɛlaɓo li di wɔ yɛnɛ̨ɛ̨ hu, ə mą kɛ haa hu. Di kɛi gilɛ həɠə di yee tɛɛ Kuwɔ ɓa, di huwalawala yee tɛɛ yala ɓa.

Azaya 13:5

Di kaa həɠəi kwɛala lɔi hu, yələkɔlɔn gbɛlai pələ, Yai-Laa da nwɔ liiholii nwąnąkulɔ hɛnŋąąi, di kaa pai nɔi kəlee huwoloi,

Azaya 19:1

'Ka mɛ̨nį kponąą ŋɛ̨i laa həli Eziptə ɓa, 'kaa mą: Yai-Laa ka tii həəni tulɔ kpinįn gɔwɔ mąąhulaa mɛ̨i; yɛ pa Eziptə. Eziptə haliɠaa mąą kaa kpɛlin ɉii Yai-Laa tɔwɔ, Eziptə nwɔ liikpələ yɛ həɠeen gwəi.

Azaya 3:8

Ɉerusalɛmə aa kalin, Ɉuda lɔi yɛ too; mąąhɔlɔɓo, di ka lɔ Yai-Laa ɓɛlɛ too mɛ̨nį hu a di hvaa woo, da mɛ̨nįɠaai da kɛ naai mą.

Azaya 5:28

Donwą ɓaɠaaɠaa, da gilɛnŋąą kəlee di hu yalaa ɓə, di wɔ hooɠaai kɔ́wɔ ɲą wala walaai yɛ kwɛni, di wɔ wotoloɠaai kɔ́wɔ ə ɓo yɛ hvaŋą.

Azaya 66:15

Mąąhɔlɔɓo, Yai-Laa kaa pai, Gaa pai nwɔ̨n ɉɛ̨ąi, nwɔ kɔ́ kɔ́ wotoloɠaai kaa yɛ hvąŋą tulɔ, gwələi di dɔɔ mą a líiholi, yɛ gulɔ a nwąną lɔ pələ, ɛlɛɛ, mąąɲɔwi di mo, yɛ gwələ kulɔ a nwɔ̨n nən.

Ɉeremi 10:19

Ə́ kə néé! Lə mɛ̨nį ɲąą nwąnąą ɓəi! Mɛ̨nįi aa gáá, ɉalə hvo mą. Ɲą́ą́i kɛi kɛ diɛ: Mɛ̨nįi ŋɛ̨i naa mą́ą́ hvo walawala li, bɛliɛ mu.

Ɉeremi 4:12

Hvaŋą huwalawalaa ɓə ŋį́ dɔɔ yɛ pa, ɲą́ą́ gbɛli mąn nwɔ́ yələ aa ɉəli, ə gɛ ŋį́ di kiti tee.»

Ɉeremi 4:31

Gaa yɛ ŋį́ kɛi kwəi kwąną kɛ Nɛ̨ɛ̨nu woolaa woo mɛ̨n; wɔlɔ woo yɛ tɔɔ yɛ, Nɛ̨ɛ̨nu aa kɛi gbəla lon gaa. Siɔn taa ɲiŋɛ woo ka tii, yɛ ɲee hanŋa, yɛ kɛ diɛ: «Ə́kə́ kpalo aa gáá-ee! Ɉáá hiɛ ka nu paa nuą ŋɛ̨i yee mu!»

Ɉeremi 46:18

Akɛ kpɔ gáá a vulú, dɔɔmun da kɛ mą: Yai-Laa Mɛ̨nį Kəlee ŋą Hééɓomun nwoo li! Gáá pai yɛ bələi Tabɔrə yee kaa la yeeɠaa lɔwai, yɛ bələi Karmɛlə yee hɛlɛn ŋąą la gboloyá mɛ̨i.

Ɉeremi 48:40

Yai-Laa woo ka, yɛ diɛ: «Gaa yɛ geelə a kɛi koon, aa goon bɛlɛ Moabə mɛ̨i.»

Ɉeremi 49:22

Gaa yɛ geelə a kɛi tɛ yələi, yɛ koon, yɛ goon ɉu lɛan Bɔsra mɛ̨i. Volói tii, Edɔmə kɔ́kulááɠaa lii a kɛ di kwəi, yɛ kwəi nwąną kɛ nɛ̨ɛ̨nu lii.

Ɉeremi 6:23

Nwɔ kulaaɠaa kaa di wɔ kpalaɠaa da mį́i kɔ́wɠaa kɔ̨nwɔ̨i. Di kili walawalaa ɲɛ̨imąąwɛli hvo di hu, di tin gaa tɔɔ yɛ gboloyá aa kɛi huluun, di kaa heeni hooɠaa mɛ̨i; di háán yiliɛ kɔ́ kɔ́ mɛ̨nį ɓa, daa tɔɔ a di yɛli, Siɔn taa! Yɛ́ ɓə di kaa pai pɛlɛi yɛ́.

Ɉeremi 9:19

Nɛ̨ąą! Ka ka wəli tɔɔ Yai-Laa woo ɓa! Nwoo tii kulɔi na ə lɔ ka wəlii! Ka ka lonnii mąąkwɛli mąąwɛli wɔlɔi ŋɛ̨i ɓa; ka nwoo lawoo ŋɛ̨i lɛ ka heeyɔwɔ nɛ̨ąą diɛ,

Woolaa 4:19

Ku kpɛ nuą mąąhulaai, di mąąhulaai di tɛɛ kúwɔ́ ɓa, di pu kuɔ, di lɛɛ ku pulu, ku tɛ ɲeeɠaa ɓa, di laa ku tɔwɔ, di pələ hɛlɛn tɛ ku tɔwɔ nɔi pun ɉu.

Izikiɛ 26:10

Nwɔ hoo kpulu tamą pələ, gaa pai muluun bɛlɛ́i yɛ́, ə́ nąą kəlee; ɉooɠaa, da nwotoloɠaa di kɔ́wɔ mu tin gaa pai kɛi ə́ wɔ hį́iɠaa hu kpɛlin ɉin; ɓɛlɔwai gaa pai tɛɛ la ɉį́i laalei, yɛ da kɛi lɔ taai ɉį́i wolo ɓa pələ.

Izikiɛ 38:9

Ə kaa pai lii, yɛ́ pənə yɛ́ pa, a ə́ hvąŋą kɛnɛ̨; ə́ kaa pai kɛi yɛ tulɔ kpinįn, a pɛlɛ lɔi mɛ̨i; yɛ́ ka ə́ wɔ kɔ́kuláá kpuluɠaai kəlee, ka nu huwu tamąąi tii pai kɛi ə́ pulu.

Danîa 11:40

«Ŋaakpɛɛi lɔwai, hɛɠɛɛ tɔɔmun mə pai kɛa nwɛlikpɛɛ maa laa həɠəi, kɛlaa, yanwuɔ̨ tɔɔmun gaa pai kɔ́ pɛlɛi ma, da nwɔ wotoloɠaai, da nwɔ hoo mɛ̨i hee ɓo nuą, da nwɔ ɓaton gbulu kɛnɛ̨; da nwɔ kɔlaɠai di kaa pai lɔi tamąą hu ɓɔi, di tɛɛ ɲɛn bələ tamąą ɓa, yɛ ya hvɛɛ.

Danîa 7:4

Dɔlɔɔ tii, ə kɛ yɛ: Yala, goon ɲɛ ɓo mą yɛ kuwɔ, ɲɛ̨i ə lɛɛ lɔ ma, di goon gulɔ ma, ɉuwɔi tii ə haŋą ə tɔɔ gɔwɔ hveelɛi mɛ̨i yɛ nu, nu kili ə nɛɛ mą ə too ɉu.

Osia 8:1

'Dulú hvɛɛ, mɔ̨nɔ̨ kaa pai Yai-Laa nwɔ pɛlɛ́i mɛ̨i, yɛ kuwɔ. Mąąhɔlɔɓo, daa nwɔ́ mįnɛ̨i hu kala, dɔ́n ŋį́ naa diɛ, daa di nwun gulɔ mu.

Mise 2:4

Mąą yələi, da kaa ka laa too, a yɛlɛ mąą wələ, mɛ̨nįi tii aa gbɛa mun hɔlɔ kɛ, di kaa pai kɛi diɛ: «Daa ku hukala kpɔ tɛ̨ɛ̨ tɛ̨ɛ̨, daa nwɔ́ nuąi kwɛlin gulɔ di yəi, gulɔ mɛ̨nį ɲə́i nwun maa lə? Di kaa ku wɔ tíiɠaai ɲąąkwɛlɛi kulɔ nwoo mu nuą lɔwai.»

Nahumə 1:3

Tɛ̨ą li Yai-Laa liihvoli laa walaai, ɛlɛɛ, vaŋą kɛnɛ̨ɛ̨i, Kɛlaa, Yai-Laa hva mɛ̨nį ta lɛɛ laa hvo tɛɛ lɔ tii, a kɛ hiɛi tulɔ hvaŋą hu, yələi ə ɓo ɉuwu ɉuwu, gɔwɔ mu muluun gbala ka tii a tulɔ kpinįn.

Habakukə 1:8

Di wɔ hvooɠaai gilɛ həɠə yee tɛɛi kwɛliɠaa diɛ. Di hukələn-gələn ɲee tɛɛi kwɛli nwɔ yələwulii kɔ̨nɔ̨n gwɛlii lɔwai ɓa. Da kulɔ kwɛaa la, di wɔ hvoo mɛ̨i nuą da laŋin, diɛ koon yɛ kuwɔ a gɔ̨nɔ̨n gaa, yɛ li ɉon ɉi.

Zakari 6:1

Ŋą́ kwɛlɛɛn gɛɛ takpɛli kaa nwɔ̨nɔ̨, ŋą́ wotolo nąąn gaa, diɛ li yee hveelɛ lɔwai, ɲeeɠaai tii di kɛ a ɓala kwɛli.

Maafîu 24:30

A kɛ tii, Nu Lon pa mɛ̨nį kɔ́lɔn ɉɛnŋąa da laa yələ kwəi. Lɔi mɛ̨i nuą kəlee da di woo laa. Ɛlɛɛ, diɛ Nu Lon kaa heeni tulɔ kpinįn ɉu, yɛ pa huwalawala kɛnɛ̨ da mąąwiɛ hu.

Dutɛrɔnome 28:49

Yai-Laa kaa pai nu huwu ta ŋąątɔɔi kaa, diɛ həɠə kpɔ kwɛa la lɔi kpon ɉeei, diɛ koon diɛ pa yɛ kuwɔ, diɛ ɓo a nu huwu yii ka hvo pai di laa woo mɛ̨n ɉii.

M̀ɛni-lɛɛi 1:7

'Ká ká ɲɛ̨i hee, ya ka tii pai tulɔ-kpinįn ɉu! Ɛlɛɛ, ɲɛ̨i kɔw kəlee kaa pai gaai, ɛlɛɛ, ə mą kɛ, nuąi ɉɔɔ a kpala. Huwu kəlee kaa pai ɉaa wɔlɔ ɓoi. A tɛ̨ą gaa tii! Amįįną!