Ɉeremi 39:8 - Yálá laawoo hɛɓɛ (dc)

⁸ Kalde nuą di nwɔ̨n bili dɔɔ pɛlɛ́ da nu kpɛa kpɛaɠaa di wɔ pɛlɛ́ɠaai hu. Di Ɉerusalɛmə mąąkpɛ hįį pu.

Yálá laawoo hɛɓɛ

⁸ Kalde nuą di nwɔ̨n bili dɔɔ pɛlɛ́ da nu kpɛa kpɛaɠaa di wɔ pɛlɛ́ɠaai hu. Di Ɉerusalɛmə mąąkpɛ hįį pu.

Bible

⁸ Ǹaa kɛ́ɛ tíi, Babelɔŋ kɔ-kuluƃa-ŋai dí gâloŋ pɛrɛi kêreŋ da ǹûai díwɔ̂-ŋai. Dí ziɣãŋ wôlo máŋ nyii kɛ̀ a dínaŋɔɔ Zerusâlɛŋ mai.

Ɉeremi 39:8 Kruisverwysings

Tɔɔɓɛlaa veelɛ 25:8

Ɲąnin nɔɔli nąą nwɔ hvóló mɛ̨ihveelɛ yələ, Babilonə tɔɔmun Nabukodonosorə nwɔ tɔɔlaa gwɛlan bow mɛ̨inąąn nɔwai, Nebuzaradan, yai kɛ a tɔɔmun mąąkpɛ nuą nwun nąmu, yɛ ɓo nwɔ̨nɔ̨ a kɔ́kuláá nwun nąmu, ə pa Ɉerusalɛmə daai,

Kɔlɔnikɔ Veerɛi 36:19

Kalde nuą di Yálá ŋą pɛlɛ́i kələn, di Ɉerusalɛmə mąąkpɛ hį́i bu, di nwɔ̨n nɔ dɔɔ pɛlɛ́ɠaa kəlee hu, ɉɛn mąąwiɛɠaa kpɔ kɛ laa, gəlee hu ə kala.

Nehemi 1:3

Diɛ mą́ą́: «Nuąi həɠə nuwɔ laa hu, di haa laa nɔi mɔ̨nɔ̨ kɛnɛ̨ hu, da nwunmɛ̨. Ɉerusalɛmə mąąkpɛɛ hįį puɔ naa taɠaa, ɛlɛɛ, gbonŋąą kələnŋąą.»

Mąątɛ̨nɛ̨ 79:7

Mąąhɔlɔɓo daa Ɉakɔbə kɛ a di kɔ̨nɔ̨n, daa nwɔ lɔi kala.

Azaya 5:9

Ŋą́ Yai-Laa Mɛ̨nį Kəlee ŋą Hééɓomun kwɛla woo mɛ̨n, yɛ kɛ diɛ: «Pɛlɛ tamąą, di kpɛa-kpɛa di lɛlɛɛ, di kaa pai lɛɛi a di howolo; mu nuą di hva kɛ mą.

Ɉeremi 17:27

Kɛlaa, ka wala ka wəli tɔɔ nwóó ɓa, ká hvo vįitɔɔ hvóló mąąhəɠə, kaa tiɛ̨ həɠə, káá tɛɛ la Ɉerusalɛmə gbonŋaa laaləi a vįitɔɔ yələ, ká hvo kpəla li yili ɓa, yili nwɛi, nwɔ̨n mə ŋą́ doo gbonŋaa ŋɛ̨i ɓa, yɛ Ɉerusalɛmə pɛlɛ́ lɛlɛɛɠaa kələn, ɛlɛɛ, nwɔ̨n va luwun.

Ɉeremi 21:10

Yai-Laa yɛ diɛ: A tɛ̨ą, gáá pɛlɛi daa ŋɛ̨i ɓa, gɛ́ mɛ̨nį nwąnąą laa mą, və́ nɛlɛɛ laai mą. Gáá dooi Babilonə tɔɔmun yee ŋą, ə gələn.»

Ɉeremi 32:29

Kalde nuąi tii pai gɔ́ pɛlɛi daai ŋɛ̨i ɓa, di kaa pai nwɔ̨n bilii daai, ɛlɛɛ, bɛlɛ́ɠaai di kɛi Baalə kɔ́ halááɠaa kulɔ mui, diɛ haliɠaa kɔ́ mui, di gəlee kələn.

Ɉeremi 34:2

«Yai-Laa Israɛlə nwɔ Yálái nwoo ka, yɛ mą: 'Li ə́ mo Ɉuda tɔɔmun Sedesiasə ɓa, 'li ə́ mo mą, a ə́ nwąnąi, yɛ́ mą: Yai-Laa yɛ: Gaa pai daa ŋɛ̨i tooi Babilonə tɔɔmun ɲee kɔ́nma, gaa pai nwɔ̨n bilii ɉu.

Ɉeremi 34:22

Yai-Laa yɛ diɛ: Gáá moi di pənə di pa, di pɛlɛ daai ŋɛ̨i ɓa. Di kaa pai woloi mą, di ɉon, di gələn, gáá Ɉuda taaɠaa kɛi a taa kpoloon, nu hva kɛ ɉu.»

Ɉeremi 37:10

Ə mą kɛ, káá Kalde kɔlaɠa kəlee hu nuą paa, a diɛi tii gɔ́ pɛlɛi kaa, ɛlɛɛ, nu tɛitɛi ə mą lɛɛ, tonwą kpanwɔɔ diɛ, da di muhəɠə, di wɔ kələɠaai mu, diɛ daai ŋɛ̨i kələn.»

Ɉeremi 38:18

Kɛlaa, yá wala li hvó ə́ kpɔwɔ tɛɛ Babilonə tɔɔmun nwɔ kɔlaɠai ɲɛ̨itɔwɔ nuą pɔ, daa ŋɛ̨i kaa pa tooi Kalde nuą yee ɲą, di gələn, ɛlɛɛ yɛ́n, hvá kulɔ di yəi.›»

Ɉeremi 5:10

'Ka tɛ daa mąąkpɛ hįį mɛ̨i, 'ka bu. Kɛlaa ka hvo gəlee pu kpɔ tii tɛ̨ɛ̨tɛ̨ɛ̨?. Ka wɔ viɲəɠaai nwonwoɠaa kulɔ mą. Mąąhɔlɔɓo, hvo a Yai-Laa nwɔɔ.

Ɉeremi 7:20

Yili ɓə gaa mą, Yai-Laa yɛ diɛ: Nwɔ́ liiholi, nwɔ́ liikələn gwəi, kaa pai ɓɛlai daa ŋɛ́i mɛ̨i, da ɉu nu kanŋaa, ə mą kɛ, ɉu taatɛlɛɛɠaa, ɛlɛɛ, di wɔ yɛa kɔ́ɔɠaa hu, a ɓɛla ɉiwuluɠaa mɛ̨i da di ɓaɠaa. A kɛ a nwɔ̨n yii hva luwun.

Woolaa 1:10

Ɲowoɠaa daa ɲəi hɛn gɔw kəlee həɠə. Ɉerusalɛmə kpįnįi, ɲɛ̨i aa lɛɛ ɲowoɠaa diɛ, diɛ lɔ gɛɛnąą mąąhəɠɛɛ ɓa, ɓɛi ə́ tɔ́n dɔɔ mą nu takpɛliɠaa lɔ mɛ̨ni ɓa laa!

Woolaa 2:2

Yai-Laa aa Ɉakɔbə heei kəlee wolo hvo kpɛli mąąwɛli kaa li nwɔ liiholi hu, aa Ɉuda halakpɛla mąąkpɛ hįi wolo aa dɔɔlaa da dɔɔɓɛlaa ɓɛlɛkpɛɛ diɛ, aa di too nɔi ɓa.

Woolaa 2:7

Yai-Laa nwɔ haláá kulɔi wɛli aa kpɛɛ mą aa gili kulɔ nwɔ pɛlɛ́ mąąhəɠɛɛ hu, aa dɔɔ pɛlɛ́ɠaa too ku yowoɠaa yee ŋą da di mąąkpɛ hįiɠaa. Kɔ́ mɛ̨i tomą woo kaa kulɔi Yai-Laa yəi bɛlɛ́n yɛ daa kɛi hɛli pu.

Izikiɛ 16:41

Di kaa pai ə́ wɔ pɛlɛ́ɠaai kələn ɉii; di kaa pai giti hu wooɠaai tii pɔ mɛ̨nį kɛi yɛ́ nɛ̨ąą kpulu kɛnɛ̨ɛ ɲɛ̨i ɓa. Gáá pai ə́ wɔ wɛli hon ŋąą kpɛɛi, hva kɛa pɛli wali tɛɛi a nuą́ hvɛla.

Izikiɛ 23:47

Ɲąąkpɔn ɉu nuą di di hɔɔ a kwɛni, di di paa a ɓɔwa kwɛaa; di di lon ɉinąą da di lon nɛ̨ąą paa; di di wɔ pɛlɛ́ɠaai kələn.

Izikiɛ 33:21

Ku liɛ nuwɔlaa hu, gwɛlan bow gɔw hveelɛ, ɲąnin bow nwɔ hvóló nɔɔli yələ, nu ta ə pu, ə həɠə Ɉerusalɛmə, ə pa bɔ́, yɛ mą́ą́: «Daa daa hon a kɔ́!»

Amɔsə 2:5

Yili ɓə gaa mą, gáá pai nwɔ̨n dooi Ɉuda lɔi hu, dɔɔ pɛlɛ́ɠaai di kaa Ɉerusalɛmə daai, nwɔ̨n tii a gəlee kələn.

Mise 3:12

Yili mąą mɛ̨nį ɓa ɛlɛɛ nwɔ̨nɔ̨, ka mąą mɛ̨nį ɓa, di kaa pai Siɔn hin ɉii yɛ tíi, Ɉerusalɛmə yɛ lɛɛ a pɛlɛ́ kpoloon buɔ ɉimįnín ma, ɛlɛɛ, ɲeei tii Yálá hee pɛlɛ́ tɔɔ mɛ̨i, kala kpili yɛ tɛ mą.