Ɉeremi 39:6 - Yálá laawoo hɛɓɛ (dc)

⁶ Babilonə tɔɔmun ə Sedesiasə lonnii nwun dee di nąn ɲɛ̨i ɓa, Rivla. Babilonə tɔɔmun ə Ɉuda nu kpɛa kpɛa kəlee nwun dee.

Yálá laawoo hɛɓɛ

⁶ Babilonə tɔɔmun ə Sedesiasə lonnii nwun dee di nąn ɲɛ̨i ɓa, Rivla. Babilonə tɔɔmun ə Ɉuda nu kpɛa kpɛa kəlee nwun dee.

Bible

⁶ Lebila ƃé Nɛbukinaza è Zɛdikaya ǹônii-sinaai kélee kpɔ́ pàa naa Zɛdikaya ŋɛ́i-tuɛ. È ŋɔ́nɔ Zuda tii kɛ-ƃela kpaya-kpayai kélee kpɔ́ pàa kpɔlɔwɔ.

Ɉeremi 39:6 Kruisverwysings

Zɛnɛse 21:16

Yili pulu, Hagarə ə mąą tɛ tɔwɔ da yaa di lɔwai ə kwɛa gee ɓa, ə hee. Mąąhɔlɔɓo, ə kɛi giliŋąhiɛ yɛ kɛ mą: «Və́ bɔ, və́ nón ɉaai kaa.»

Zɛnɛse 44:34

Vá pɛli búlu pənəi, və́ li ku nąn bɔ, akɛ kwa nokoloi ŋɛ̨i ku hvo li li. Níí hva pɛli kpələi, ɲɛ̨́i heɛ ku nąn ma, mɛ̨nį nwąnąą yɛ laa mą.»

Tɔɔɓɛlaa veelɛ 22:20

Yili mąą mɛ̨nį ɓa, gáá ə́ lɛɛi laa ə́ haa liilaa hu, ə́ lɛɠɛ ə́ nąnii diɛ. Ə lɛɛ, ə́ ɲɛ̨i hvo pai tɔɔi mąąwɛli mɛ̨nįi pai laa nɔi ŋɛ̨i da ɉu hee ɓo nuą diɛ, ɉu.» Nuą də li di nwɛlɛɛ ɲali bulu ɓo tɔɔmun mą.

Tɔɔɓɛlaa veelɛ 25:7

Di Sedesiasə lonnii hinąą nwun dee di nąn ɲɛ̨i ɓa. Yili pulu, Nabukodonosorə ə Sedesiasə ɲɛ̨i wolo, ə yɔwɔɔn veelɛ kpulɔn mą, ə li la Babilonə.

Kɔlɔnikɔ Veerɛi 34:28

Gáá pai ə́ laŋąn ɉii ə́ nąnni diɛ, ə́ kaa pai laai di kwɛlɛ liilaa hu. Mɔ̨nɔ̨i gáá pai naai gɛɛnąą ŋɛ̨i ɓa da ɉu nuą, ə́ ɲɛ̨i hvo pai tɔɔi ɉu.›» Nuąi di di tɔɔ, di pənə di pa a bulu pənən tɔɔmun bɔ.

Azaya 13:16

Da di lonnii huwolo lɔi ɓa di ɲɛ̨i ɓa, diɛ di wɔ pɛlɛ́ɠaai mu hɛnŋąą taɠa taɠa, diɛ too di nɛ̨ąni mɛ̨i.

Azaya 34:12

Nu kpɛa-kpɛa di hva kɛa tɔɔmun ɉee laa, ɲąąwooɓo kɛ nuą kəlee kaa pai kpɛɛi nɔi.

Ɉeremi 20:4

Mąąhɔlɔɓo, mɛ̨nį Yai-Laa kaa moi, ya ka, yɛ diɛ: ‹Ə həɠə háákələi ɓa, gáá ə́ kɛi a mąą ɲɔw hɛn, ə́ kpɔɔ kpinįi yɛ́, da ə́ ɓɛlaa ni diɛ. Diɛi tii di kaa pai lɛɛi a di yowoɠaa di wɔ kɔ́ kɔ́ ɓɔwa kɔ̨nɔ̨n, yɛ́i ŋɛ̨i yá kɛ a gɛla. Gáá Ɉuda nuą lɛɛi Babilonə tɔɔmun ɲee kɔ́nma, Babilonə tɔɔmun gaa pai di paai a ɓɔwa kwɛaa.

Ɉeremi 21:7

Yili pulu, ŋį́ Ɉuda tɔɔmun Sedesiasə tɛɛ Babilonə tɔɔmun bɔ, yaa da daa ŋɛ̨i hu nuą, yiiɠaai pai kulɔi ɲɔ̨n ɲəi, da kɔ́ kɔ́ ɓɔwa, ə mą kɛ, pulu. Yiliɠaa da too Babilonə tɔɔmun ɲəi, da di yowoɠaa, yiiɠaa di hvilɛn ŋąą di pulu di paa mɛ̨nį ɓa. Gaa pai di paai, hva di mąąwɛli kaa, hva di mąą hvaalɛɛ, di ta lɔpee hva kulɔ a ɲee wolo.›» Ɲą́ą́ Yai-Laa nwóó li!

Ɉeremi 34:3

Yɛ́ kpinįi, hvo pai kulɔi ɲəi, di kaa pai ə́ hon ɉii, di ə́ tɛɛ bɔ, yɛ́ ka Babilonə tɔɔmun, ka káá pai ka ɲɛ̨i kwəleen ɉeei gee ɓa, kaa pələ pili ka kee ɓa, ə́ kaa pai lii Babilonə.

Ɉeremi 38:23

«Ə́ nɛąni da ə́ lonnii di kaa lii a diɛ Kalde nuą pɔ. Yɛ́ kpinįi hva kulɔ di yee ŋą. Babilonə tɔɔmun gaa ə́ hon ɉii, diɛ daa kələn.»

Ɉeremi 52:10

Babilonə tɔɔmun ə Sedesiasə lonnii nwun dee di nąn ɲɛ̨i ɓa; ə Ɉuda lɔi ɲɛ̨itɔwɔ nuą kəlee nwun dee lɔ nwɔ̨nɔ̨ Rivla daai.

Izikiɛ 23:24

Mąą yələ, kɔ́ kɔ́ wotoloɠaa, da tiɛ̨ həɠə-wotoloɠaa da həɠə ɲánwuɔ̨ pələ diɛ pa pɛlɛi yɛ́. Da kɛ a nu huwu yee lɔɔ gee hu; da ə́ mąątínɛ̨n a kɔ́ kɔ́ kwɛlihɛnŋąą, di doo gee hu. Ŋą́ nwóó hu kulɔ diɛ, diɛ kɛa ə́ kiti tee yɛ bələi di kaa la bɔ.

Izikiɛ 24:5

gɔwɠaa lɔ mu pələ, ə nɛn gbɔ kpulu kpulu, mąąnɛ̨ɛ̨ gɔwɠaa kəlee di mɔ̨n.

Sofoni 1:8

Yaan, ɉaláá kulɔ yələ, gáá pai ɲéé pɛlɛi nɔi nwun nąmįną diɛ, da dɔɔɓɛlaa lonnii, da nuąi nwɛ̨ą mąą yili wɛli kaa diɛ.

Dutɛrɔnome 28:34

Mɛ̨nįɠaa tii kaai ka káá pai moi, yili kaa pai ɓowo ɲɔ̨n bɛlɛi kaa.