Ɉeremi 39:16 - Yálá laawoo hɛɓɛ (dc)

¹⁶ «'Li, yɛ́ Nubi mun Ɛvɛd-Melɛkə: ‹Yai-Laa Mɛ̨nį Kəlee ŋą Hééɓomun, Israɛlə nwɔ Yálái yɛi: Gáá pai nwóóɠaa pɔ mɛ̨nį kɛi daa ŋɛ̨i ɓa, gɛ́ mɛ̨nį laa mą, nɛlɛɛ hvei, mɛ̨nįɠaai tii kaa pai kɛi ə́ ɲɛ̨i ɓa.

Yálá laawoo hɛɓɛ

¹⁶ «'Li, yɛ́ Nubi mun Ɛvɛd-Melɛkə: ‹Yai-Laa Mɛ̨nį Kəlee ŋą Hééɓomun, Israɛlə nwɔ Yálái yɛi: Gáá pai nwóóɠaa pɔ mɛ̨nį kɛi daa ŋɛ̨i ɓa, gɛ́ mɛ̨nį laa mą, nɛlɛɛ hvei, mɛ̨nįɠaai tii kaa pai kɛi ə́ ɲɛ̨i ɓa.

Bible

¹⁶ a gɛɛ ŋá m̀ó Itiopia ǹúui Ɛbemelɛ ma a gɛɛ Ŋ̀wála-wâla kélee Yâwɛɛ nyíi gáa a Eezuɛ Ŋɔɣâlai ǹyɛɛ, “Yɛ̂ɛ berei nɔ́ ŋá mò lai, ŋa pâi daai ŋí su karâi. Ǹaa fé pâi ƃûu ƃôi. Ǹyaŋ à kɛ̀ m̀ɛnii ŋí a kɛ̀, ya pâi kɛ̂i naa í ǹaa káa.

Ɉeremi 39:16 Kruisverwysings

Kɔlɔnikɔ Veerɛi 36:21

Bələ ɓə, nwoo ŋɛ̨i Yai-Laa ə mo Ɉeremi laaləi, naa ə hon na; a yaai ə kɛ mą: «Ə lɛɛ ɉu nɔi ə vįitɔɔ a vįitɔɔ yələ, diɛ vįitɔɔ yələ pɔ mɛ̨nį kɛ di wɔɔ mąąwɛli hvólóɠaa kəlee yee mu, yaai gəlee pɛlɛɛ gee ɓa gaa a kwɛlan bow mɛ̨ihveelɛi.»

Mąątɛ̨nɛ̨ 92:11

Yáá nwún muhəɠə yɛ láŋ mįnɛ̨ mąą, yɛ́ mą́ą́tí a wulɔ nįnɛ̨ mąą kun nɛ̨ɛ̨.

Ɉeremi 26:15

Kɛlaa, ka gɔlɔn kaa diɛ ka báá, akɛtii, kaa mąn, daai ŋɛ̨i da ɉu nuą kəlee, kwəi kwələ mun baa wulu a lɛɛ ka nwuɔ̨. Mąąhɔlɔɓo, Yai-Laa kpɔ ɓə dɔ́ɔ́ nwooɠaai tii kəlee ɓo mɛ̨nį ɓa, ə́ too ka wəlii.»

Ɉeremi 26:18

«Morɛsɛtə hulɔnui ŋɛ̨i kɛ a Mise, ə kɛi Yálá kwəi mɛ̨nį hukulɔ, a Ɉuda tɔɔmun Ezekiasə nwɔ yələi. Ə ta mo Ɉuda lɔi hu nuą kəlee diɛ, yɛ diɛ: Mɛ̨nį Kəlee ŋą Hééɓomun Yai-Laa woo ka, yɛ diɛ: «‹Di kaa pai Siɔn hin ɉii yɛ tíi, Ɉerusalɛmə kaa pai kɛi a pɛlɛ́ kpoloon buɔ pɛlɛ́ kpoloon mɛ̨i, ɛlɛɛ, ɲee ŋɛ̨i Yálá hee pɛlɛ́ tɔɔ nwuɔ̨, a lɛɛ a kpomo.›

Ɉeremi 26:20

Hulɔnu takpɛli ə kɛ laa, ə ɓo a Semayahu lon diɛ kɛ naa ɓaa: Uriahu yɛ həɠə Kiriatə-Yearimə, ə kɛi pələ ɓo Yai-Laa laa hu. Ə wooɠaa ɓo yɛ hvilɛn na daai ŋɛ̨i da nɔi ŋɛ̨i ɓa, lɔ yɛ Ɉeremi wooɠaa.

Ɉeremi 34:22

Yai-Laa yɛ diɛ: Gáá moi di pənə di pa, di pɛlɛ daai ŋɛ̨i ɓa. Di kaa pai woloi mą, di ɉon, di gələn, gáá Ɉuda taaɠaa kɛi a taa kpoloon, nu hva kɛ ɉu.»

Ɉeremi 35:17

Yili mąą mɛ̨nį ɓa, Yai-Laa Mɛ̨nį Kəlee ŋą Hééɓomun Yálá, Israɛlə nwɔ Yálá woo ka, yɛ diɛ: «Mɛ̨ni ɲąąnwąnąąɠaa kpɔ ŋį́ mąą kili tee gwə́i, yɛ hvilɛn na Ɉuda da Ɉerusalɛmə nuą diɛ, gáá gəlee laai diɛ. Mąąhɔlɔɓo, ŋį́ mɛ̨nį ɓo diɛ, ɛlɛɛ, di hvo mɛ̨n. Ŋą́ di təli, di hvo nwóó mu hon ni.»

Ɉeremi 36:31

Gáá pai nwą́ną kulɔi mą, da ɉuwu; da nwɔ tínuą, di wɔ nɛ̨ŋɛ̨nŋąąi mąą mɛ̨nį ɓa. Mɔ̨nɔ̨ kpɛa-kpɛai ŋį́ vaa ɓo diɛ, ɛlɛɛ, di hvo gɛ li di hvo nwóó mɛ̨n, ŋą́ gəlee laa Ɉerusalɛmə nuą da Ɉuda lɔi hu nuą diɛ.›»

Ɉeremi 40:3

Yai-Laa ɓə naa ti mą. Ɛlɛɛ, ə gɛ yɛ bələi ə kɛ la gwəi. Ka ka hɔn gɛ a Yai-Laa, ka hvo ka wəli tɔɔ li nwoo ɓa, ya ɓə gɛ mɛ̨nįi ŋɛ̨i yɛ kɛ.

Ɉeremi 44:27

Gáá ɲɛ̨i ɲɔ̨nwɔ̨ɔ̨ heei káá, gɛ́ ká mɔ̨nɔ̨ ɓo. Ɉuda nuąi heeni Eziptə lɔi hu, di kaa pai haai a kɔ́ da pulu, əlɛɛɉu, gəlee di kpɛɛ.

Ɉeremi 5:14

Yili mąą mɛ̨nį ɓa, mɛ̨nįi Yai-Laa Mɛ̨nį Kəlee ŋą Hééɓomun Yálá kaa moi, ya ka: Yii bələ ɓə di hvaa pələ aa kɛ lai, Ɉeremi! Nwóóɠaai gaa bui ə́ la, gáá gɛi yɛ nwɔ̨n. Nuą ŋɛ̨i ɓə kɛi a gwɛituwɔ yɛ di kələn.

Danîa 9:12

Mɛ̨nį ŋɛ̨i wɔlɔ ə́ mo yɛ hvilɛn kuɔ da ku nwun nąmįnąa yiiɠaai di kaa ku ŋɛ̨itɔwɔ, yaa naahvɛɛ. Ya ɓaa: Kpalo tamąą aa ɓɛla kuɔ Ɉerusalɛmə daai, yii ɲɔ̨nwɔ̨mąn və ta kɛ li lɔi mɛ̨i.

Amɔsə 9:4

Ə mą kɛ daa li di yowoɠaa pɔ, daa di kpɔɔ tɛɛ yiliɠaai pɔ a luwɔ, ŋį́ mo di yowoɠaa diɛ, di di paa. Ɲɛ̨́i kaa pai kɛi di mɛ̨i, mɛ̨nį lɛlɛɛ kɛ mɛ̨nį ɓa hvəi, Kɛlaa, mɛ̨nį ɲɔ̨n gɛ mɛ̨nį a diɛ ɓə ɲɛ̨́i heɛi la diɛ.

Zakari 1:6

Ɛlɛɛ yaan, váá wooɠaa, da gwə́i mɛ̨nįɠaa, a diɛi tii ŋą́ di laa nwɔ́ tínuąi a gwə́i mɛ̨nį hukulɔ nuą di nwuɔ̨, di hvo mɔ̨ɔ̨ həli ka nąnni diɛ? Nąąlɔwai, di yali di pulu, di hvaa mą, diɛ kɛ: Yai-Laa Mɛ̨nį Kəlee ŋą Hééɓomun, ə naa gwəi, yɛ: gaa pai ku hon ɉi, yɛ bələi ku gwɛli la, a ku hiɛ pələ, da ku tuwɔ́ pələ; ɛlɛɛ yaan, bələ kpɔlɔ ɓə aa ku hon na.»

Maafîu 24:35

Yələkɔlɔn da lɔi di hvo pai tɛɛi nii, akɛ nwooɠaa ŋɛ̨i ŋį́ mo gəlee pɔ mɛ̨nį hvo kɛ li.»