Ɉeremi 38:23 - Yálá laawoo hɛɓɛ (dc)

²³ «Ə́ nɛąni da ə́ lonnii di kaa lii a diɛ Kalde nuą pɔ. Yɛ́ kpinįi hva kulɔ di yee ŋą. Babilonə tɔɔmun gaa ə́ hon ɉii, diɛ daa kələn.»

Yálá laawoo hɛɓɛ

²³ «Ə́ nɛąni da ə́ lonnii di kaa lii a diɛ Kalde nuą pɔ. Yɛ́ kpinįi hva kulɔ di yee ŋą. Babilonə tɔɔmun gaa ə́ hon ɉii, diɛ daa kələn.»

Bible

²³ Ŋá ŋɔ́nɔ m̀ɛnii ŋí da pɛ̀lɛ ma ǹyɛ̂ɛi, “Da pâi ínɛyâai da ínîa-pɛlɛɛi sônii dí lí a dia Babelɔŋ-ŋai pɔ́. Ǹyaŋ ífe pâi pɔrîi pûi díyêei. Babelɔŋ kaloŋ a pâi ísonîi a luɛ. À kɛ̀ tí, da pâi daa lêei ŋí kérenîi kpɔ́ kpái.”

Ɉeremi 38:23 Kruisverwysings

Tɔɔɓɛlaa veelɛ 25:7

Di Sedesiasə lonnii hinąą nwun dee di nąn ɲɛ̨i ɓa. Yili pulu, Nabukodonosorə ə Sedesiasə ɲɛ̨i wolo, ə yɔwɔɔn veelɛ kpulɔn mą, ə li la Babilonə.

Ɉeremi 21:10

Yai-Laa yɛ diɛ: A tɛ̨ą, gáá pɛlɛi daa ŋɛ̨i ɓa, gɛ́ mɛ̨nį nwąnąą laa mą, və́ nɛlɛɛ laai mą. Gáá dooi Babilonə tɔɔmun yee ŋą, ə gələn.»

Ɉeremi 32:4

Ɉuda tɔɔmun hvo pai kulɔi Kalde kɔ́kulááɠaa yəi, di kaa pai dɛɛi Babilonə tɔɔmun bɔ, da yaa diɛ pələ́ pili di kee ɓa nu ta hva kɛ di lɔwai.

Ɉeremi 34:3

Yɛ́ kpinįi, hvo pai kulɔi ɲəi, di kaa pai ə́ hon ɉii, di ə́ tɛɛ bɔ, yɛ́ ka Babilonə tɔɔmun, ka káá pai ka ɲɛ̨i kwəleen ɉeei gee ɓa, kaa pələ pili ka kee ɓa, ə́ kaa pai lii Babilonə.

Ɉeremi 37:8

Kalde nuą kaa pai pənəi di pa, di gɔ́ pɛlɛ daai ŋɛ̨i ɓa; di kaa pai ɉon ɉii, di gələn.

Ɉeremi 38:18

Kɛlaa, yá wala li hvó ə́ kpɔwɔ tɛɛ Babilonə tɔɔmun nwɔ kɔlaɠai ɲɛ̨itɔwɔ nuą pɔ, daa ŋɛ̨i kaa pa tooi Kalde nuą yee ɲą, di gələn, ɛlɛɛ yɛ́n, hvá kulɔ di yəi.›»

Ɉeremi 38:24

Sedesiasə yɛ Ɉeremi ɓa: «Mɛ̨nįɠaai kpɔ ŋɛ̨i gu mo, nui lɔpee ta hvo bələ mɛ̨n: Da bələ mɛ̨n ə́ haa li.

Ɉeremi 39:5

Kɛlaa, Kalde kɔ́kulááɠaa di hvilɛn di pulu, di Sedesiasə hon Ɉeriko yɛɛkɔwɔ hu, də li la Rivla, Hamatə lɔi hu, Babilonə tɔɔmun Nabukodonosorə pɔ. Yili ə giti tee.

Ɉeremi 39:6

Babilonə tɔɔmun ə Sedesiasə lonnii nwun dee di nąn ɲɛ̨i ɓa, Rivla. Babilonə tɔɔmun ə Ɉuda nu kpɛa kpɛa kəlee nwun dee.

Ɉeremi 41:10

Mispa nuą yiiɠaai lɛɛ, Yismaɛlə ə li a diɛ luwɔlaa hu; dɔɔ kwəlii nɛ̨ą, da nuąi kpɔ kɛ nii Mispa; diɛi tii tɔɔmun mąąkpɛ nuą nwun nąmu Nebuzaradan ə di kalihvaɓo Ahikamə lon Gedaliasə ɓa. Netania lon Yismaɛlə ə li a diɛ luwɔlaa hu. Ə pənə yɛ li Amɔn nuą pɔ.

Ɉeremi 6:12

Di wɔ pɛlɛ́ɠaai daa lɛɛ nu takpɛliɠaa yəi; bɛlɛɛ di wɔ tííɠaa diɛ, da di nɛ̨ąni. Ŋą́ą́ ɲɛ̨́i ɲɔ̨nwɔ̨ɔ̨ hee nɔi nuą diɛ ɲą́ą́ Yai-Laa nwóó li.

Izikiɛ 14:9

Yálá kwəi mɛ̨nį hu kulɔmun lɔpee da mowo yɛ mɛ̨nį ta ɓo, a kɛ ti ɲą́ą́ ɓə mąą nu ɓowo; ŋį́ hee ɉu, ɛlɛɛ ŋį́ gulɔ nwɔ́ nu huwui Israɛlə lɔwai.

Izikiɛ 17:15

Kɛlaa dɔɔ kwəlii mun ti ə kulɔ dɔɔ mun ti ɉon nwoo mu; ə nuą tɔɔ Eziptə lɔi hu, yɛ kɛ yili ə hooɠaa tɛɛ bɔ, da kɔ́kulááɠaa. Ɲee kaa mɔ̨ɔ̨ pai pɛli mą? Nui a duwɔ taalee ti ɓo ɲee pɔɔ a pɛli lɛlɛi mɔ̨ɔ̨? Ə mįnɛ̨-həɠə woo hu kala, nwun a pɛli mɔ̨ɔ̨ kulɔi yili hu?

Izikiɛ 43:3

Ə kɛ yɛ nu a kɛli hį́i kaa, yɛ ɉį́i tii ta ŋą́ gaa; a yii tii ŋą́ gaa ɓɛlɔwai ə paa la daa woloi. Ɉį́iɠaai tii kulaa kɛ, yii ta ŋą́ gaa Kebarə yá kwɛlɛ mą. Nąąlɔwai, ŋą́ pɛlɛ níí ɓa.

Lonon mo 4:18

«Ka hvo gɛ di hvo pa Kehatə nwɔ kwəlii hu nuą laa kulɔ Levi nu huwu lɔwai.