Ɉeremi 30:12 - Yálá laawoo hɛɓɛ (dc)

¹² Yai-Laa woo ka, yɛ diɛ: Ə́ kala mɛ̨nį hvo pai ɉəɠəi mą, di hvo pai pɛli ə́ mąą nwąną palaɠaa hali kɛi,

Yálá laawoo hɛɓɛ

¹² Yai-Laa woo ka, yɛ diɛ: Ə́ kala mɛ̨nį hvo pai ɉəɠəi mą, di hvo pai pɛli ə́ mąą nwąną palaɠaa hali kɛi,

Bible

¹² Yâwɛɛ è mò ŋɔnûai dîa ǹyɛɛ, “Kpɛɛ fé ká palai ma, kasɛŋ-soli maai fa pɔ̂ri kpɛɛ̂i.

Ɉeremi 30:12 Kruisverwysings

Kɔlɔnikɔ Veerɛi 36:16

Kɛlaa, di kɛi yɛlɛ kulɔ Yálá nwɔ wəlɛɛ ɓo nuąi hu, di tɛɠɛɓoɔ di wooɠaa hu, diɛ di woohəɠə gwəi mɛ̨nį hukulɔ nuą diɛ; ə lɛɛ la ɉu, Yai-Laa nwɔ liiholii ə tɛ nwąną ɓa, ɲali bulu hvo kɛa kɛ mą.

Ɉeremi 14:17

«Ə́ kaa pai nwoo ŋɛ̨i ɓoi diɛ, yɛ́ diɛ: «Ɲɛ̨́iya kpoloon gaa laai a hvoló da kpinį, mąąhɔlɔɓo, mąąwɛli mɛ̨nį kɛnɛ̨ aa ɉəlakpəla huwolo, yai a nwɔ́ nu huwui, nwun na aa pili.

Ɉeremi 14:19

Yai-Laa, akɛti, yáá mɔ̨ɔ̨ lənə Ɉuda ɓa? Siɔn wɛli hvo mɔ̨ɔ̨ kɛa yɛ́? Ə́ kaa ku mąą nwąnąąi ɉalə hvo mą! Lə mɛ̨nį ɓa? Ku kɛi kɔ́lɔi pɔ̨nɔ̨ mąą kpɔn, ya ka ku hvo nɛlɛɛ kaa li! Ku ɲɛ̨i ə kɛ ku kulɔ ɉu hvóló tɔwɔ, ya ka ku mąą ɲɔw hɛn mə pa.

Ɉeremi 15:18

Lə ɓə kɛ yai, nwɔ́ mɔ̨nɔ̨i kpɛɛ hvə kɛ li mą-o? Mą́ą́ pala hali hva kɛ? A tɛ̨ą, yáá kɛ mą́ą́ a nu ɓowo yá nwun gulɔi, nu hva pɛli gilitɔɔi ɲai tii ɓa.

Ɉeremi 30:15

Gbóó ɓə tii ə́ kaa dəlii ə́ kala mɛ̨nį hui? Ə́ wɔ palai ɉalə hva pɛli kɛi. Ə wɔ piɛn doo mɛ̨nį tamąą laa pɔɔ, da ə́ wɔ nɛ̨ŋɛ̨nŋaai pui gee mɛ̨i di laa pɔɔ ɓə gɛi, gɛ́ mɛ̨nįi tii laa la yɛ́.

Ɉeremi 6:7

Bələi lɔ yálɔwa a ya laa hɔnmo la, bələ lɔ ɓə daa tii yee kanąn ŋaai la nwɔ lii ɲɔ̨n kwəi ɓa. Too mɛ̨i da hulu mɛ̨nį lɔ ɓə laa, yələ kəlee ɲɛ̨́i a tɔɔ mɔ̨nɔ̨ hu, da kɛlɛ ɓo.

Ɉeremi 8:22

Akɛti wulu laa hvo mɔ̨ɔ̨ Galaadə? Akɛti hali kɛ mun və mɔ̨ɔ̨ laa? Lə ɓə kɛ yaai hvaŋą wolo hvo kpɛli pui nwɔ́ nuą diɛ?

Woolaa 2:13

Lə kpɔ ɓə ŋą́ ə́ kɔ́ɔn mą? Lə kpɔ ɓə gulaa yɛ́; Ɉerusalɛmə, taalee lɛlɛɛ? Gbɛɛ ɓə pai ə́ mąąkɔ̨nwɔ̨i, ə́ ə́ laapilɛ, taalee lɛlɛɛ? Mɛ̨nii naai yɛ́, ɉu kɛnɛ̨i yɛ gboloyá; Gbɛɛ ɓə a pɛli ə́ ɓaloi?

Izikiɛ 37:11

Yálá yɛ mą́ą́: «Hulɔnu lon, nu kɔ́wɠaai tii, di kaa a Israɛlə nwɔ pɛlɛ́i kəlee. Mąąhɔlɔɓo, da kɛ kɛi diɛ: ‹Ku kɔ́wɠaa daa kpala, ku wɔ kilitɔɔi aa haa, ku lɛɛ li ɉu.›

Osia 5:13

Ɛfraimə aa nwɔ ɲɔ̨n kaa, Ɉuda yaan, aa nwɔ palai kaa; Ɛfraimə aa li Asiri pɔ pələ, ɛlɛɛ, aa kɛla tɔɔ dɔɔmun gɛnɛ̨ pɔ. Kɛlaa, gáá moi kaa: Hva pɛli ka ɓaloi, hva pɛli ka wɔ palai hali kɛi.

Mise 1:9

A tɛ̨ą, gɛ́lɛ́i daa mo, ɉali hvo mą. Ɉimą aa Ɉuda kulɔ, yɛ həli kpɔ nwɔ́ nu huwui kəlee ɓa, yɛ həli kpɔ la Ɉerusalɛmə ɓa.

Nahumə 3:19

Gɔi a kala yɛ́, ɉali hvo mą, balaɠaai di kaa yɛ́, di hva pɛli kpɛɛi, nui lɔpee a ə́ mɛ̨i woo mɛ̨n, a ɲee lɔwa mɔ̨nɔ̨i tii naa ə́ mɛ̨i mąą mɛ̨nį ɓa, gwa gaa kpɔ tii, gbɛɛ kpɔ ɓə hvó mɛ̨nį ɲąąnwąnąą laa mą?