Ɉeremi 3:3 - Yálá laawoo hɛɓɛ (dc)

³ Yili mąą mɛ̨nį ɓə gɛ, və́ ə́ kɔ́ a tulɔ. Ə lɛɛ, weewaa tulɔ hvo pu. Pələi mąn ə kɛ la tii, ə́ ə́ yee kanąn nɔ ə́ wɔ wɛli hon ŋaaɓa. Mɛlɛkpɛɛ mąąi a hvə yɛ́, hvó kpɛli gɔlɔn ni.

Yálá laawoo hɛɓɛ

³ Yili mąą mɛ̨nį ɓə gɛ, və́ ə́ kɔ́ a tulɔ. Ə lɛɛ, weewaa tulɔ hvo pu. Pələi mąn ə kɛ la tii, ə́ ə́ yee kanąn nɔ ə́ wɔ wɛli hon ŋaaɓa. Mɛlɛkpɛɛ mąąi a hvə yɛ́, hvó kpɛli gɔlɔn ni.

Bible

³ M̀ɛni ma, Ńyãa Yâwɛɛ ŋá dunai kpêra a gɛɛ vé pu. Kɛ́lɛ, ífe niî kpera ní wulu-wulu kɛ̂i. Ŋumɛ kpîŋ fa ísòŋ.

Ɉeremi 3:3 Kruisverwysings

Zɛnɛse 19:34

Mąą yələ laa ɓoɔ, nu pɔlɔ laamun yɛ nəɠə ɓa: «ŋą́ą́ nwɛ́i kɛ, kwa gu ną́n kwaa laa. Gu pənə nwɔ̨nɔ̨ gu lɔɔ tɔɔ na, ə gɛ, yələwulii pɔ, yɛ́ kpɛli ə́ li, ya ɓə a gɛ, gu gu ną́n ɉuwu kulɔ.»

Nehemi 9:17

Di hvo gɛ di hvo di wəli tɔɔ, di hvo di kili lɛɛ gbalo mɛ̨nįɠaa ə́ gɛ diɛ ɉu, di di nwun ɉuwalawala, di di nwun dɛ ə́ pɔ, di naa di kwəi, diɛ kɛ di pənə də li di wɔ luwɔlaai hu. Kɛlaa, ə́ wɛi, nu mąą hvaalɛɛ Yálá ɓaa yɛ́, ə́ wɔ mɛ̨nį lɛlɛɛi, yɛ́ nu mąąwɛli kaa, hva ə́ líiholi ɉa. Ə́ kulaa ə́ woo ɓa, hvo ə́ yee kulɔ di mu.

Hanwon 21:29

Nwąnąlɔmun ɲɛ̨i kaa gamąn, nui ɉaŋąą, a dúwɔ́ pələ mąą kpala a nwala-walaa.

Azaya 5:6

Gáá nąą kɛi a mąąwɛli lɔi, di hva kɛa mɛ̨i tee, di hva tumɔ kulɔ ɉu, ɲąąlən da ɓomodiliin mə pai ɓɔn ɉii laa, ɛlɛɛ, ŋį́ tɔ́n dɔɔ tulɔ kpinįnŋąą diɛ, di hva kɛa tulɔ pu mɛ̨i.

Ɉeremi 14:1

Ɓɛlɔwai voló kɛnɛ̨ ə too la, Yai-Laa ə pələ ɓo Ɉeremi ɓa.

Ɉeremi 14:22

Haliɠaai di kaa lɔiɠaa hu, da kaa mɔ̨ɔ̨ laa yɛ pɛli tulɔ pui? Akɛti, yələkɔlɔn ɓə mɔ̨ɔ̨ a tulɔ pu? Kɛlɛi, Yai-Laa, yɛ́i a kuɔ Yálá yɛ́ ɓə-e! Yɛ́ ɓə kwa ə́ mąąkpɔn, Yɛ́ ɓə ya tulɔ pu.

Ɉeremi 14:3

Nu kpɛa kpɛaa diɛ yeehowolo nuą tɔɔ pɔlɔtɛ kóló ɓa ya kwɛlii; da həli ɲa haɠai, di hva ya kaa. Diɛ pənə di pulu a ɉɛɲąŋą howolo. Di kwəi piliɛ diɛ daa nwumɛ̨ daa ɉəɠə yɛɛ a di nwun

Ɉeremi 14:4

Nɔi aa kpala, yɛ ɓɛla, tulɔ pulu kolo too pələ ɓa; Díí kɛ nuą kwəi aa pilii diɛ, daa kpaan

Ɉeremi 36:2

«Hɛɓɛ́ ta həɠə, mɛ̨nįi kpɔ ŋį́ mo yɛ́, yɛ hvilɛn na Ɉuda da Israɛlə diɛ, ə mą kɛ, lɔiɠaa kəlee; ə həɠə kpɔ ɲələi ŋį́ mɛ̨nį ɓoɔ kpala tɔɔ la yɛ́, Ɉosiasə kɛɛ yɛnɛ̨ɛ̨, ə lɛɛ ɉu, ə həli la háákələi ɓa, gəlee pɛ̨ɛ̨ ɉɛɓɛ́i tii hu.

Ɉeremi 5:24

Di hva kɛ di kpɔɔ ɓa: «Maa nɛɛ ka gu Yai-Laa gu wɔ Yálái mąąwiɛ. A yaa tii a tulɔ tɛɛ gu pɔ a bui lɔwai, yɛ pu a weewaa da tɛlin; yɛ mɔ̨nun dee ɲąnįnŋaa tɛɛ gu pɔ, di ɓo laa di mąą hva hvalin.»

Ɉeremi 5:25

Mɛ̨nįɠaa tii ŋį́ di hee kpəlin na kɛ, ka wɔ túwɔ́ hɔnŋaa daa kpəɲan mɛ̨inɛ̨ɛ̨ɠaa tii tɔwɔ, ka kɛ nɛ̨ŋɛ̨nŋaa da kpəɲan ka wɔ mɛ̨nįɠaa lɛlɛɛɠaa tɔwɔ.

Ɉeremi 5:3

Yai-Laa! Kɛlɛi tɛ̨ą mɛ̨nį ɓə ə́ ɲɛ̨i a tɔɔ ɉu-e? Yáá di kɛlɛ, Kɛlaa yili hvo diɛ a mɛ̨nį ta. Yáá damąą paa, kɛlaa mɛ̨nį ə́ kaa nɛi diɛ di hvo di yee heei mu, daa di nwun nwalawala yɛ kwɛni di hvo gɛi di hvo həɠə di hon ɲɔ̨n bulu, di hvo pa ə́ pɔ.

Ɉeremi 6:15

Di wɔ túwɔ́ pələ ɲɔ̨n tii kaa pai di ɲɛ̨i paai. Ə mą kɛ tii, yiihu di hva kpɛli nwumɛ̨. Di kili hvo ɉu diɛ kɛ di ɓɛlɛ aa kpɛɛ diɛ; yili mąą mɛ̨nį ɓa, di kaa pai tooi yɛ nu kəlee; ɓɛlɔwai gáá pai múhəɠəi la di laa ɓa, di kaa pai tooi, ɲą́ą́ Yai-Laa nwóó li!

Ɉeremi 8:12

Di kaa pai nwumɛ̨i di wɔ túwɔ́ pələ ɲɔ̨n ɉu. Kɛlaa di hvo mąn kɛa nwumɛ̨ kɔ́lɔn. Di kili hvo ɉu, diɛ kɛ di ɓɛlɛ aa kpɛɛ diɛ. Yili ɓə gaa mą: Yai-Laa yɛ diɛ: Di kaa pai tooi yɛ nutakpɛliɠaa tii kəlee. Di woo hukulɔ yələ di ɲɛ̨i a paa.

Ɉeremi 9:12

Yai-Laa yɛ diɛ: Mąąhɔlɔɓo, mɛ̨nįi ŋį́ di kalan na, daa nɛɛ laa, di hvo di wəli tɔɔ li nwóó ɓa; di hvo gɛ li di hvo hvilɛn búlú.

Izikiɛ 3:7

Kəlɛɛ Israɛlə nwɔ pɛlɛ́i hvo pai nwəli tɔɔi ə́ woo ɓa, gbala ə tɔɔ, di hvo bɔ di hvo di wəli tɔɔ nwóó ɓa; mąąhɔlɔɓo Israɛlə nwɔ pɛlɛ́i kəlee nwun ɉu wala walai, gili wala walaa.

Levetekɔ 26:19

Ŋą́ ka wɔ kpɔwɔɲąą kɛnɛ̨laa hu kala, gɛ́ yələkɔlɔn nwalawala ka mɛ̨i yɛ kwɛli, gɛ́ ka wɔ lɔi walawala yɛ ɓala kwɛli.

Amɔsə 4:7

Ną́mu Yai-Laa yɛ nwɔ̨nɔ̨ diɛ: Ɲą́ą́n, ɓɛlɔwai ɛlɛɛ kɛa la a ɲąnin ɉaaɓa, ka wɔ hihɛnŋąąi ma kulɔi lɔwai yɛ ɉəli, və́ gɛ, və́ tulɔ pu mą. Ŋą́ tulɔ pu daa taɠaa hu, ŋį́ daɠaa lɛɛ, tulɔ ə pu yɛɛkɔwɔ taɠaa hu, daɠaa di lɛɛ, diɛ kpala.

Amɔsə 4:8

Taa hveelɛ ɉaaɓa di kɛi li taa takpɛli hu, ə gɛ, di kpələ ya hɔlɔɓo, kɛlaa, di hvo kɛi ɉɔlɔɓo kɛnɛ̨. Kɛlaa, ə mą kɛ tii, ka hvo gɛ li, ka hvo pənə, ka hvo pa bɔ́. Yai-Laa woo li.

Sofoni 2:1

'Ka ka nwun dɔɔ, ka ka kpɔwɔ mąąninkɛ! Ee kə, kaa ŋɛ̨i nwumɛ̨ hvo kaai.

Sofoni 3:5

Bələi mąn gaa la tii, Yai-Laa kaa daa kwəi, dəlimoɔ, yələwala kəlee, a nwɔ kiti wooi ɓo, yələɓɔi lɔwai, hva ɉəɠə mą. Kɛlaa, nui hvo Yálá kɔ́lɔn, nwumɛ̨ hvo mą.

Egaa 1:11

Yili ɓə gɛ, ŋį́ hvóló laa tee ka pɔ lɔi, ɲee kpu kpuɠaa diɛ, tíiɠaa da viɲə yɛaɠaa ɓa, ə mą kɛ olivə ɲɛaɠaa da yii kpɔ ka ɲɛa laa. Hvóló laa ə tee gəlee diɛ. Huwɔɠaa diɛ ɉu mɔ̨nɔ̨ mįi, ka kɛ kóloɠaa hu ə kala.»

Dutɛrɔnome 28:23

Yələkɔlɔn a walawala ka nwun mɛ̨i yɛ kwɛli kpɔlu, lɔi yɛ walawala ka kɔ́wɔ mu yɛ kwɛli kpèlèè.

Hebreu 12:25

Ká gɛ a nɛlɛɛ, ká hvo ká wəli walawala nui ká təli nwoo tɔwɔ! Mąąhɔlɔɓo, akɛ, nuąi di wəli walawala di kilaa ponomun nwoo tɔwɔ ɓɛ lɔi mɛ̨i, di hvo kulɔ li nwun napili hui, gu hvomun kɛ guɔ kpɛlimąn, gu hva pɛli kulɔi nwun napili tɔ̨nɔ̨i ti hu, akɛ, nui yələi pələ, yɛ pələ ɓo guɔ, gwa gu pulu tɔɔ mą.