Ɉeremi 27:8 - Yálá laawoo hɛɓɛ (dc)

⁸ «Yai-Laa woo ka: Akɛ lɔi ta a wala kɛ tii tɔɔlaa ta, a lənə nɛɛ mɛ̨nį ɓa Babilonə tɔɔmun Nabukodonosorə yeemu, a wala nwun nɔ Babilonə tɔɔmun nwɔ tiŋɛi mu, ŋą́ múhəɠə mąą lɔi laa ɓa, a ɓɔwa kwɛa da pulu, ə mą kɛ, ɲɔ̨n, ə lɛɛ ɉu, ŋą́ di huwu pu a ɲee.

Yálá laawoo hɛɓɛ

⁸ «Yai-Laa woo ka: Akɛ lɔi ta a wala kɛ tii tɔɔlaa ta, a lənə nɛɛ mɛ̨nį ɓa Babilonə tɔɔmun Nabukodonosorə yeemu, a wala nwun nɔ Babilonə tɔɔmun nwɔ tiŋɛi mu, ŋą́ múhəɠə mąą lɔi laa ɓa, a ɓɔwa kwɛa da pulu, ə mą kɛ, ɲɔ̨n, ə lɛɛ ɉu, ŋą́ di huwu pu a ɲee.

Bible

⁸ “Kɛ́lɛ lɔii-ŋuŋ da, kpaa kâloŋ-laa nyíi vé pâi fâai a gɛɛ é tíi kɛ́ Babelɔŋ kaloŋ Nɛbukinaza mii, ŋa pâi maa nuui tí kula ma kɛ̂i a kɔ́, puru, da kɔlɔ-fela nyɔ́mɔɔ. Ŋa pâi Nɛbukinaza kɛ̂i é m̀aa lɔii tí su kara kpɔ́ kpúŋ.

Ɉeremi 27:8 Kruisverwysings

Ɉeremi 24:10

Gáá kɔ́ pɛlɛi diɛ, ŋį́ pulu too diɛ, da ɲɔ̨n, əlɛɛ ɉu, di kpɛɛ nɔi ŋɛ̨i hu, yai ŋą́ dɛɛ di pɔ da di nąnni.»

Ɉeremi 25:9

gáá nuą tɔɔi, di ɲələi pələ lɔiɠaa kəlee ɲąąkpɔn nwɔ́ tí mun Babilonə tɔɔmun Nabukodonosorə yee mu. Ɲą́ą́ Yai-Laa nwóó li! Gáá nuą tɔɔi di pa di wolo nɔi ŋɛ̨i ɓa, da ɉu hee ɓo nuą kəlee, bɛlɛɛ gwɛlɛ lɔiɠaa kəlee diɛ. Gáá di kɛlɛi di paa pələ pɔ. Gáá nɔi mąąpənəi a lɔi pun a yələ kəlee, a mąą ɲɔw lɔi, a lɔi kpoloon.

Ɉeremi 27:11

«Kɛlaa lɔi pai hvaai mą, yɛ nwun nɔ Babilonə tɔɔmun nwɔ tiɛ̨i mu yɛ tí mą, gaa pai nɛɛi a nwəli pulu laɠiɛ nwɔ lɔi hu, yɛ kóló kɛ mą. Yɛ hee mɛ̨i; Yai-Laa woo li.»

Ɉeremi 27:13

Lə mɛ̨nį ɓa yai, yɛ́ ká ə́ wɔ nuąi ka káá pai haai a ɓɔwa kwɛaa da pulu, da ɲɔ̨n? Yɛ bələi Yai-Laa ə gili tee la gwəi, yɛ hvilɛn na lɔi lɔpee hvo bɔ hvo lɛɛ Babilonə tɔɔmun yee mu, mą.

Ɉeremi 28:14

Ɉeremi yɛ mą: «Hvó gaai, Yai-Laa Mɛ̨nį Kəlee ŋą Hééɓomun, Israɛlə nwɔ Yálá woo ka, yɛ diɛ: ‹Kwɛli kpɔ̨nɔ̨ ɓə gáá lɔi kəlee tooi ŋą, diɛ lɛɛ Babilonə tɔɔmun Nabukodonosorə ye mu, di kaa pai tí mą, ə mą kɛ, lɔwɔ huwɔɠaa ɓə, gáá di lɛɛi ɲee kɔ́nma.›»

Ɉeremi 28:4

ə makɛ Ɉuda tɔɔmun Yekonia Yoyakimə lon, da Ɉuda nuąi kpɔ də li a diɛ Babilonə, ŋą pənə ŋą pa a diɛ gɛɛnąąi ŋɛ̨i ɓa. Yai-Laa woo li, mąąhɔlɔɓo, gáá Babilonə tɔɔmun nwɔ kponoi hu yalii.»

Ɉeremi 29:17

mɛ̨nįi Yai-Laa Mɛ̨nį Kəlee ŋą Hééɓomun kaa moi di laa mɛ̨i, ya ka, yɛ diɛ: Gáá pai hvilɛn ɉii di pulu a ɓɔwa kwɛaa, da nu paa ɲɔ̨n, gɛ́ di hon yɛ wulu ɓa ɲɔ̨nwɔ̨ɔ̨ yii nu hva pɛli mįi.

Ɉeremi 29:18

Ŋą́ hvilɛn di pulu a ɓɔwa kwɛaa da pulu, da nu paa ɲɔ̨n; yɛnɛ̨ɛ̨ lɔiɠaa kəlee diɛ ɲɔw di mąą mɛ̨nį hu. Diɛ kɛ a nɛ̨ŋɛ̨n naa hɛn, a lɔi pun, nu a gaa, hvo kɛli a tomą. Nɔiɠaa kpɔ gáá pai di taɠa taɠai ɉu, da lalan ɉuwui lɔpee gəlee pili a diɛ.

Ɉeremi 40:9

Ahikamə lon Gedaliasə yai kɛ a Safan lon, ə gwɛla diɛ, da di yee pɔ nuą, yɛ diɛ: 'Ka ká yee hee Kalde nuą mu, ka hvo ɲɔw, ka lɛɛ nɔi hu, ka lɛɛ Babilonə tɔɔmun woo mu, bulu a nɛ̨ɛ̨ káá.

Izikiɛ 14:21

Mąąhɔlɔɓo, mɛ̨nįi Yai-Laa kaa moi ya ka: «Ə mą kɛ, ŋą́ą́ hutɔɔ hɛnŋąą nąąn dɛɠɛ Ɉerusalɛmə ɓa, diɛ ɓaa a, kɔ-kɔ-ɓɔwa, pulu, lɔwɔ huwɔ kpəɠiɛɠaa, da ɲɔ̨n, diɛ nu kanŋaa da taatɛlɛɛɠaa paa laa,