Ɉeremi 27:5 - Yálá laawoo hɛɓɛ (dc)

⁵ Ɲą́ą́ ɓə lɔi pɛli, da nu kanŋaa, ə mą kɛ, huwɔɠaai lɔi mɛ̨i, a nwɔ́ yee walawala laa da váŋa, nui a nɛ̨ɛ̨ mą́ą́, ya ɓə ŋą́ dɛɛ bɔ.

Yálá laawoo hɛɓɛ

⁵ Ɲą́ą́ ɓə lɔi pɛli, da nu kanŋaa, ə mą kɛ, huwɔɠaai lɔi mɛ̨i, a nwɔ́ yee walawala laa da váŋa, nui a nɛ̨ɛ̨ mą́ą́, ya ɓə ŋą́ dɛɛ bɔ.

Bible

⁵ Ŋá ŋ̀éniɛi kpɛ̀tɛ da zu-ƃela kélee é pɛ́lɛ vɛnɛ-sãai kélee dîa a ŋáwala-wala laa kɛ́tɛi. Ŋa pɔ̂ri dɛɛ̂i núu sîi kélee da pɔ́ nyíi ŋa ŋ̀wɛ̂lii.

Ɉeremi 27:5 Kruisverwysings

Zɛnɛse 1:25

Yálá ə lɔwɔ huwɔɠaa pɛli, gəlee da ɉuwu, ə taatɛlɛɛɠaa pɛli gəlee da ɉuwu, ə mą kɛ, tala huwɔɠaa kəlee da ɉuwu. Yálá ə gaa, yɛ yili lɛlɛɛi.

Zɛnɛse 9:6

«Nui a mɛlan ɲąmą pu, nu lɔ ɓə a mąą nu ɲąmą pu, mąąhɔlɔɓo, Yálá ə nu pɛli Yálá kpinį mąą nįnįn ɉu.

Tɔɔɓɛlaa dɔlɔɔ 8:42

Mąąhɔlɔɓo, di kaa pai kɛi ə́ laa kɛnɛ̨ mɛ̨nį bələ mąn ɉii, da ə́ wɔ huwalawala mɛ̨nį; mąą nu a pa bɛlɛ́i ŋɛ̨i pɔ, yɛ ə́ hvɛli,

Ɛsdrasə 1:2

«Pɛrsə tɔɔmun Sirusə woo ka: Tɔɔlaai kpɔ ɓɛ lɔi mɛ̨i nąą kəlee, Yai-Laa, yələkɔlɔn ɉu Yálá, aa gəlee tɛɛ bɔ́. Aa dí, yɛ ŋį́ pɛlɛ́ tɔɔ mą, Ɉerusalɛmə daai, Ɉuda lɔi hu.

Nehemi 9:22

Ə́ lɔiɠaa tɛɛ di pɔ, da nu huwuɠaa, ə́ di ɲąąkwɛlɛ di lɔwai, a di hee lɔiɠaa. Di hee Sihɔn, Hɛsbɔn tɔɔmun nwɔ lɔi hu, da Ogə yai kɛ a Basan tɔɔmun nwɔ lɔi.

Mąątɛ̨nɛ̨ 102:25

Yili ɓə gɛ, gɛ́ kɛ mą: Nwɔ́ Yálá, ŋį́ kɛ Yɛ́: 'Hvó nwɔ́ yɛnɛ̨ɛ̨ lɛɛ ɉamąi, hvó ɉə́ɠə́!

Mąątɛ̨nɛ̨ 96:5

Nu huwuɠaa di wɔ yáláɠaa kaa lɔ a hvąŋą kpɛli kpɛli! Kɛlaa, Yai-Laa ɓə yələ kɔ́lɔn bɛli.

Lɛɛ gbɔwɔ ɓa 20:11

Mąąhɔlɔɓo, Yai-Laa ə yələkɔlɔn, lɔi, gboloyá, da ɉu hɛnŋąą kəlee pɛli hvóló mɛ̨ida yee mu, kɛlaa, ə vįitɔɔ a voló mɛ̨ihveelɛ yələ. Yili ɓə gɛ, Yai-Laa ə lúwɔ́ too vįitɔɔ yələi ti ɓa, ə gɛ a hvóló mąąhəɠɛɛ.

Lɛɛ gbɔwɔ ɓa 6:6

Yili ɓa, 'mo Israɛlə lonnii diɛ, yɛ́ diɛ: «Ɲą́ą́ ɓə a Yai-Laa, gáá pai ka kulɔi bɔlɔtɛ laa ŋɛ̨i hu Eziptə, Ŋį́ ka kulɔ mɔ̨nɔ̨ hu, Gáá ka nwun mąąɓoi a nwɔ́ huwalawala laa, yai hɛn da hva tɔɔ na.

Azaya 42:5

Yálá woo ka! Yai a Yai-Laa! Yai yələkɔlɔn bɛli, Ə ɉu lɛan, yai lɔi kpalan naa, hɛn kpɔ a ɓá, gəlee ə ɓo ɉu, ɛlɛɛ, nu kpului kpɔ puu ni mɛ̨i, ya ɓə di nɔ̨ɔ̨ too di hu, nuąi da hiɛ mɛ̨i, Ya ɓə a di lɛɛ yɛnɛ̨ɛ̨.

Azaya 44:24

Mɛ̨nįi Yai-Laai ə́ nwun mąąɓo, gaa moi ya ka: a yai tii ə́ mąąkwɛli, ə́ ɓo nii ə́ lee kwəi, yɛ kɛ yɛ́: Ɲą́ą́ ɓə gáá a Yai-Laa, yai hɛn gəlee pɛli; ɲą́ą́ danɔ̨n gbən mə yələ kɔ́lɔn ɉuhvólóon, ŋį́ lɔi laa, gbɛɛ kpɔ ɓə kpɔmąą tɛɛ bɔ́?

Azaya 45:12

Ɲą́ą́ ɓə lɔi pɛli, ɛlɛɛ, nu kan lɔi mɛ̨i, ɲą́ą́ ɓə bɛli; ɲą́ą́ ɓə yələkɔlɔn volóon a ɲéé, ɛlɛɛ, gɛ́ yələ kwəi hɛnŋąą ŋąąwooɓo.

Azaya 48:13

Teą li, ɲą́ą́ ɓə lɔi pɛli, má mįi yee ɓə yələkɔlɔn naa, ŋį́ di təli, di kəlee daa mą pa a gee.

Azaya 51:13

Yɛ́ lia ə́ pɛli mun Yai-Laa ɓa, yai yələkɔlɔn bɛli, yɛ lɔi laa, ə́ mąą yɛ kpɛlin nɔ a yələ kəlee ə́ mɔ̨nɔ̨ ɓomun dɔwɔ, yɛ a kɛi pa lamui gɛɛ kalaa tii hu? A kɛ tii, ə́ mɔ̨nɔ̨ ɓomun nwɔ liiholii tii kaa mį?

Ɉeremi 27:4

Nwɛlɛɛi ŋɛ̨i ɓo diɛ, da li di mo nwun nąmįną diɛ, diɛ diɛ: Yai-Laa Mɛ̨nį Kəlee ŋą Hééɓomun, Israɛlə tɔɔmun nwoo ka.

Ɉeremi 32:17

«Ée Yai-Laa nwɔ́ Yálá! Yɛ́ ɓə yələ kɔ́lɔn da lɔi di pɛli a ə́ wɔ yeewalawalaa, a ə́ yee kɔ̨nwɔ̨n ɉuwalawalaa, ə́ yee a pɛli mɛ̨nį kəlee ɓa.

Ɉeremi 51:15

Ya ɓə lɔi pɛli a nwɔ huwalawala, ə yɛnɛ̨ɛ̨ hee kpəlin na kɛ a kilikɛɲəi, ə yələkɔ́lɔn ɉu lɛan a nwɔ mɛ̨nį kɔ́lɔnŋąą,

Danîa 2:38

Yálá aa hvaa mą, aa nu lonnii, da lɔwɔi huwɔɠaa, ə mą kɛ yələi nwɛ̨nįɠaa di lɔ ə yee mu, aa ə́ hee di mɛ̨i. Yɛ́ ɓə ə́ kaa a mąąnįnįn ɉaɠaa tii nwun galən yai kɛ a hɛni.

Danîa 4:14

«Mɛ̨nį kpən dəɛi ŋɛ̨i kaa a Yálá woo, yii malakaɠaa di pa mo, ə gɛ, nuą di gɔlɔn diɛ, Yálá ɓə gaa tɔɔlaaɠaa kəlee nwun mɛ̨i. Nui Yálá kaa bɔ, ya ɓə a tɔɔlaa tɛɛ bɔ, Yálái tii a pɛli mą, ə tɔɔi kɛnɛ̨ tɛɛ nui nuą ɲɛ̨i tɛɠɛ ɓoɔ ɉu, bɔ.

Danîa 4:17

Nwului tii ə́ gaa, yaai tii kɛ gɛnɛ̨i, nwalawalaa, gweaa yɛ tɛ yələkɔlɔn ma, yaai yɛnɛ̨ɛ̨ naakəlee nuą da pɛli kɛ gaai;

Danîa 4:22

Yálá kaa pai ə́ kulɔ́i nuą lɔwai, ka lɔwɔ huwɔɠaa kaa ɓo ka kee pɔ, ə́ kaa pai kɛi kala nwunu mįi yɛ Nįŋɛ̨, luwuluwu tulɔ kaa pai ə́ kɛlɛi, ə́ kaa pai kwɛlan mɛ̨ihveelɛ kɛi gɔlɔi tii hu; ə lɛɛ la ɉu, ə́ gɔlɔn yɛ́ diɛ: Yálá yii gaa hɛn gəlee nwun mɛ̨i, ya ɓə gaa tɔɔlaa kəlee nwun mɛ̨i, ə lɛɛ, nui Yálá kaa bɔ, ya ɓə a tɔɔlaa tɛɛ bɔ.

Danîa 4:25

Mɛ̨nįɠaai tii kəlee laa ə hvɛɛ tɔɔmun Nabukodonosorə ɓa.

Danîa 5:18

Oo tɔɔmun, Yálá yii gaa hɛn gəlee nwun mɛ̨i, ə tɔɔlaa, kɛnɛ̨ laa, ɓɛlɛ kɛ maa da mąąwiɛ tɛɛ ə́ nąn Nabukodonosorə pɔ.

Gɛlaɠaa 14:15

«Kué! Gbɛɛ nuą ɓəi! Lə ɓə ŋɛ̨i ka káá gɛi? Nuą lɔ ɓaa a kuɔ, ku kɛ pələ ə ɓo lɔ yɛ káá! Nwɛlɛɛ lɛlɛɛi ku pa moi káái, ya ɓaa, 'ká ká yee kulɔ mowo mɛ̨nįɠaa ŋɛ̨i hu, ka ká ɲɛ̨i tínɛ̨n Yálá hvulúmąą pɔ pələ, yai yələkɔlɔn, lɔi da gboloyá da di hu hɛnŋąa kəlee pɛli.

Gɛlaɠaa 17:24

Yálái yɛnɛ̨ɛ̨ bili-bili geemɛ̨i kəlee pɛli, da ɉu hɛnŋaa, yai a yələkɔlɔn da lɔi di Nąmu, hva hee pɛlɛ́i nu kan a dɔɔ a ɲee mu.

Gɛlaɠaa 17:26

Ə nu huwu kəlee kulɔ nu tɔ̨nɔ̨ hu, diɛ hee lɔi mɛ̨i nąą kəlee. Ə nuąi ti di wɔ yɛnɛ̨ɛ̨ ɲɛ̨nnaa, ə di heeiɠaa ɲɛ̨nnaa.

Dutɛrɔnome 2:19

Ə́ həli hiɛ li Amɔn lonnii di wɔ lɔi hu. Hvó kɔ́ pɛlɛ diɛ, hvó hvaa kwɛli diɛ. Mąąhɔlɔɓo, Amɔn lonnii di wɔ lɔi hu, və́ pai hɛn da tɛɛi ə́ pɔ nąą. Lɔtə lonnii ɓə ŋį́ nɔi tii tɛɛ di pɔ a di hee lɔi.»

Dutɛrɔnome 2:21

Di kɛ a nu huwu hvaŋą kɛnɛ̨, di kpulu hu kɛnɛ̨, di yee muhəɠɛɛ lɔ yɛ Anakə nuą. Kɛlaa, Yai-Laa ə di kpɛ Amɔn nuą ɲɛ̨i tɔwɔ yiliɠaa di nɔi kulɔ di yəi, di hee di heei.

Dutɛrɔnome 2:7

Mąąhɔlɔɓo, Yai-Laa aa lúwɔ́ too yɛ́ ə́ kɛ mɛ̨nįɠaa kəlee hu. Ɉiɛi yáá gulɔ nɔi pun gɛnɛ̨i hu, gbaɠala kaa mą. Gwɛlan bow nąn ga, Yai-Laa ə wɔ Yálái kaa lɔ ə́ pɔ hɛn da mąąkpaan və ta hee li yɛ́.

Dutɛrɔnome 2:9

Yai-Laa yɛ guɔ: «Ka hvo kɔ́ pɛlɛ Moabə ɓa, ka hvo hvaa tee mą, və́ nwɔ lɔi hu hɛn da tɛɛ li ka pɔ a ka wɔɔ. Mąąhɔlɔɓo, Lɔtə lonnii ɓə ŋį́ Arə lɔi tɛɛ di pɔ a di kwɛlin.

Dutɛrɔnome 32:8

Ɓɛlɔwai Yai-Laa ə nu huwuɠaa kwɛlin dɛɛ la di pɔ, ə nu huwuɠaa hee lɔiɠaa ɲɛn dɔɔ, yɛ bələi nonnii tamąąi la, ə gəlee nwun mɛ̨imun gɛ mą;

Dutɛrɔnome 4:17

ə kɛ a lɔi mɛ̨i huwɔ ta mąą nįnįn, ə kɛ a nwɛ̨ni ta mąą nįnįn yii a koon yələ kwəi,

Dutɛrɔnome 4:25

Ɓɛlɔwai ka káá pai lon ɉɔlɔɓoi la da mąnįn mɛlaa, ka pa kɛi a nu mąą pɔlɔɔɠaa nɔi tii hu, ɲələi ka lan na kaa hali pɛli, a hɛn da mąą nįnįn, mɛ̨nįi ɲɔ̨nwɔ̨ɔ̨ Yai-Laa ɲɛ̨i ɓa kaa gɛ, kaa nwąną lɔ,

Dutɛrɔnome 4:32

Ka ka kiliŋąhiɛ tɔwɔ-tɔwɔ hvólóɠaa tii hu, mɛ̨nįɠaa kɛ, kaa yiiɠaa ŋɛ̨i ka hvo ni kɛ laa, ə həɠə kpɔ ɓɛlɔwai Yálá ə nu kanŋaa kulɔ la lɔi mɛ̨i! Ka yɛnɛ̨ɛ̨ kəlee mąąnikɛ! Mɛ̨nį ɲɛ̨i kɛnɛ̨ɛ̨ ta aa ta mɔ̨ɔ̨ kɛ yɛ yii ŋɛ̨i? Daa ta mɛ̨nį taaləi ŋɛ̨i bələ mɛ̨n?

Dutɛrɔnome 4:35

Ka wɛi, ka mąąnɛ̨ɛ̨ ka gɔlɔn kaa diɛ: Yai-Laa ɓə gaa a Yálá, yálá takpɛli hvo tɛɛ li yaa tii mą.

Dutɛrɔnome 5:16

«Ə́ lee da ə́ nąn di mąąwiɛ, yɛ bələi Yai-Laa ka wɔ Yálái ə ka tí la, ə gɛ, ə́ yíi ə kwɛa, ə́ nwun na ə nɛ̨ɛ̨, nɔi ŋɛ̨i Yai-Laa ka wɔ Yálái ə dɛɛ ka pɔ ɉu.

Dutɛrɔnome 9:29

Ɛlɛɛ yaan, ə́ wɔ nu huwu li, ə́ kwɛlin maa a diɛ; ə di kulɔ Eziptə lɔi hu a ə́ wɔ hvaŋą kɛnɛ̨, da ə́ wɔ yee walawala laa.»

Kolosə 1:16

Mąąhɔlɔɓo, yaa ɉu ɓə Yálá ə hɛn gəlee pɛli laa, yələ pələ mąn, da lɔi ɓa pələ mąn; hɛnŋaai kpɔ káá kaa mą, da yiiɠaai kpɔ káá hvo mą; tɔɔkpəlin da hééɓolaa, ŋąąwooɓolaa da hvaŋą laa. Ya ɓə gəlee pɛli, ɛlɛɛ, nwɔɔ ɓaa a gəlee.

Hebreu 1:2

ya ka, yiihui ŋɛ̨i, gu kaa kɛa la vóló gbɛlamąąɠaa hu, aa pələ ɓo guɔ, Non ɉu pələ, yai ə ɉee a gwɛlin gəlee həɠəmun, a yai ə yɛnɛ̨ɛ̨ kəlee pɛli la.

M̀ɛni-lɛɛi 4:11

«Oo! Ku Ną́mu, ku wɔɔ Yálá, yɛ́ ɓə ə́ mąąnɛ̨ɛ̨i ku, mąąwiɛlaa, kɛnɛ̨laa da hvaŋą laa kɛ yɛ́, mąąhɔlɔɓo, yɛ́ ɓə hɛn gəlee pɛli, Yɛ́ ɓə hvaa mą diɛ kɛ yɛnɛ̨ɛ̨, ɛlɛɛ diɛ yɛnɛ̨ɛ̨ kɛ.»