Ɉeremi 27:2 - Yálá laawoo hɛɓɛ (dc)

² «Yɛli kwɛli da kwɛi, ə́ kwɛi yiliɠaa kɛ, ə́ da laa ə́ nwuɔ̨,

Yálá laawoo hɛɓɛ

² «Yɛli kwɛli da kwɛi, ə́ kwɛi yiliɠaa kɛ, ə́ da laa ə́ nwuɔ̨,

Bible

² È mò ḿâ ǹyɛɛi, “Ye niŋa kɔŋ-ma kàraŋ kpɛtɛ a wúru í doo íkɔŋ pôlu, í gbulɔ̂ŋ íkɔŋ lá-pere a sua-kɔlɔ-ɣɛli.

Ɉeremi 27:2 Kruisverwysings

Tɔɔɓɛlaa dɔlɔɔ 22:11

Nąąlɔwai Kenaana lon Sidkiyahu, ə huwɔ mįnɛ̨ pɛli a kwɛli, ə dɔɔ nwuɔ̨, yɛ kɛ diɛ: «Yai-Laa yɛ diɛ: ‹Mįnɛ̨ɠaa ŋɛ̨i, di kaa a huwalawalai ə́ kaa lii Aramə nuą huwu pui la, mąą pɔɔ kɔ́ɔn.›»

Ɉeremi 25:21

Edɔmə, Moabə, Amɔn nuą;

Ɉeremi 27:11

«Kɛlaa lɔi pai hvaai mą, yɛ nwun nɔ Babilonə tɔɔmun nwɔ tiɛ̨i mu yɛ tí mą, gaa pai nɛɛi a nwəli pulu laɠiɛ nwɔ lɔi hu, yɛ kóló kɛ mą. Yɛ hee mɛ̨i; Yai-Laa woo li.»

Ɉeremi 27:12

Ɉuda tɔɔmun Sedesiasə nwɛi, mɛ̨nįi gáá moi mą, ya ka: «Ka ka nwun nɔ Babilonə tɔɔmun nwɔ tiŋɛi mu, ka tí mą, yaa da nwɔ lɔi əgɛ ka lɛɛ yɛnɛ̨ɛ̨.

Ɉeremi 30:8

Yai-Laa Mɛ̨nį Kəlee ŋą Hééɓomun nwoo ka, yələi tii a həli, ŋą́ nwɔ́ tiɛ̨i kulɔ di nwuɔ̨, ŋą́ ɲɛliɠaa tee. Di hva kɛa kɛ a nwɛ̨ąą di wɔ luwɔ.

Izikiɛ 30:18

Yələ hvo pai ɓɔi Dafne mɛ̨i, ɲələi gáá pai Eziptə nwɔ hééɓolaai hu yalii la, ŋą́ nwɔ kpɔwɔ ŋąą kɛnɛ̨i kulɔ ɲəi, yai ə kɛi nwun dɛ ɉu. Tulɔ kpinįn gaa pai pɛlɛi mɛ̨i, nonnii nɛ̨ą diɛ li luwɔlaa hu.

Izikiɛ 7:23

Yɔwɔn bɛli, mąąhɔlɔɓo nɔi laahvɛɛi a nu paa kili, daa laahvɛɛ a wea mɛ̨nį.

Amɔsə 7:1

Mɛ̨nįi Yai-Laa ə nɛ mą́ą́ hįį pələ, ya ka: Ɓɛlɔwai galaɠaa di kɛi tɛlin na, nąąlɔwai beele kpulu kɛ̨nɛ̨ ŋɛ̨i Yálá ə kɛi gɛ pələ pɛli, ə nɛ mą́ą́. Yili ə kɛ tii, tɔɔmun nwɔ hoo kalai ɉəɠələ tɛi lɔwai.

Amɔsə 7:4

Mɛ̨nįi Yai-Laa ə nɛ mą́ą́ hįį pələ nwɔ̨nɔ̨, ya ka: Nwɔ̨n mə ə ɉəɠə, ə gɛ a nwɔ kitii tee hɛn, nwɔ̨n tii nwəleen ə kɛi yaɠaa kpala lɔi mu, yɛ Israɛlə lɔi kələn.