Ɉeremi 26:4 - Yálá laawoo hɛɓɛ (dc)

⁴ Yá kɛ diɛ Yai-Laa woo ka, yɛ: ‹Ká wala gɛ a nɛlɛɛ, nwooɠaai gáá moi kaa ka hvo lɛɛ bulu,

Yálá laawoo hɛɓɛ

⁴ Yá kɛ diɛ Yai-Laa woo ka, yɛ: ‹Ká wala gɛ a nɛlɛɛ, nwooɠaai gáá moi kaa ka hvo lɛɛ bulu,

Bible

⁴ M̀ó dîa yɛ̂ɛi, “M̀ɛnii Yâwɛɛ è mòi ƃa: Ka káwoli tɔ́ɔ ŋ́oo ma, ká káyee sée ŋásɛŋ-lɛɛi mu nyíi gáa ká mɛ̂ni mai.

Ɉeremi 26:4 Kruisverwysings

Tɔɔɓɛlaa dɔlɔɔ 9:6

Kɛlaa, akɛ ka ka lonnii ka ka pulu tinɛ̨n mą́ą́, ka wala nwɔ́ tíɓoɠaa da nwɔ́ tɔ́n nwooɠaai ŋą́ naa ka nwuɔ̨ di hon, ɛlɛɛ, kaa haliɠaa mąąwiɛ, kaa kwɛli hvilɛn diɛ,

Azaya 1:20

Kɛlaa, ka wala gɛ, ka lɛɛ lɔ a ka pulu tɔɔ mą́ą́, ka lɛɛ a kɔ-kɔ ɓɔwa kɔ̨nɔ̨n. Bələ ɓə Yai-Laa ə mo la.

Ɉeremi 17:27

Kɛlaa, ka wala ka wəli tɔɔ nwóó ɓa, ká hvo vįitɔɔ hvóló mąąhəɠə, kaa tiɛ̨ həɠə, káá tɛɛ la Ɉerusalɛmə gbonŋaa laaləi a vįitɔɔ yələ, ká hvo kpəla li yili ɓa, yili nwɛi, nwɔ̨n mə ŋą́ doo gbonŋaa ŋɛ̨i ɓa, yɛ Ɉerusalɛmə pɛlɛ́ lɛlɛɛɠaa kələn, ɛlɛɛ, nwɔ̨n va luwun.

Ɉeremi 22:5

Kɛlaa ka wala ka wəli tɔɔ nwóóɠaa ɓa, a tɛ̨ą, gáá gwɛlai a gbɔ́wɔ́ kpįnįi; bɛlɛ́i ŋɛ̨i kaa pai lɛɛi a pɛlɛ́ kpoloon, Yai-Laa woo li.»

Ɉeremi 32:23

Di pa di hee ɓɛ, kɛlaa di hvo di wəli tɔɔ ə́ woo ɓa, di hvo lɛɛ ə́ wɔ tɔ́n nwooi pulu, mɛ̨nįɠaai kpɔ ə mo diɛ, di hvo da kɛ. Yili ɓə gɛ, yɛ́ mɛ̨nį ɲąąnwąnąą huwu lɔpee gəlee laa diɛ.

Ɉeremi 44:10

Háá ɓa háá, ka hvo ni ka hɔn mąąhvalin ni, ka hva ɲɔw, mąąwiɛ hvo ka yəi, ka hvo hvilɛn na nwɔ́ tɔ́nŋaa da bɔ liɛwooɠaai ŋį́ dɛɛ ka nąnni pɔ di pulu, ká hvo hiɛ la.»

Ɉeremi 44:23

Ɉalááɠaa tii ka kɛi gulɔi, da ka hɔn tii ka gɛ a Yai-Laa, a gɛ mɛ̨nį ka hvo nwoo mɛ̨n ni, ka hvo lɛɛ nwɔ tɔ́n nwoo pulu, da nwɔ tíɓoɠaa, da mɛ̨nįɠaa ə naa ka nwuɔ̨, kɛlɛi yili ɓə gɛ, mɔ̨nɔ̨ yɛ laa kaa, yɛ bələi gaa la yiihu-ee?»

Ɉeremi 7:14

Yili ɓə gaa mą, bɛlɛ́i ŋɛ̨i naa heɛ mą, ɉéé pɛlɛi ŋɛ̨i kaa ka kilitɔɔ mą, gɛɛnąą ŋɛ̨i ŋį́ dɛɛ ka kalaɓɔlɔni pɔ, ə mą kɛ kaa, gáá ɉon bələ kɛi yɛ bələi ŋį́ gɛ la a Silo taa.

Dutɛrɔnome 11:32

Ka tɔɔ a ka nwąnąi, dɔ́nŋąą, da nɔi mąą tɔ́nŋąąi kpɔ gáá dɛɛi ka pɔ háákələi, ka di pɔ yii ɓo.

Dutɛrɔnome 31:20

Yaan, a tɛ̨ą, nɔi ŋɛ̨i ɲįnįyá da kwɛin nwulɔ da di kpoloon naa ɉu yɛ yá lon, gáá nąą tɛɛi di pɔ a di wɔɔ, yɛ bələi ŋą́ naakwɛlanmo la tii di kalaɓɔlɔni diɛ, gɛ́ gwɛ́la ɉu. Di kaa lii kɔ̨nɔ̨n ɉɔlɔɓoi laa a di liiɓa pələ, diɛ mįi; di kɔ́lɔ lɛlɛɛ yɛ laa diɛ. Yili pulu, di kaa pai di pulu tɔɔi mą́ą́, diɛ hvilɛn haliɠaa pulu, diɛ tí ɉaliɠaa tii diɛ; di kaa pai vííɓoi, di nwɔ́ mįnɛ̨i hu kala.

Dutɛrɔnome 4:44

Bələ ɓə Moisə ə dɔ́n dɛɛ la Israɛlə lonnii pɔ.

Dutɛrɔnome 4:8

Lɔi lə kɛɛ ɓə laa, gɛnɛ̨, tɔ́nŋąą da yɛnɛ̨ɛ̨ hon bələ yɛ ɓo ɲəi, di haŋąą yɛ bələi dɔ́nŋąą ŋɛ̨i gáá dɛɛi ka pɔ di kaa la?

Hebreu 6:18

Mɛ̨nį hveelɛ ka ti, hva ɉəɠə mą, lɛɛ mɛ̨nį hvo ɉu Yálá pɔ pələ, yili a hvaŋąlɔ tɛɛ gu pɔ, a guɔi gwaa mɛ̨nį kəlee lɛɛ laa, gu kilitɔɔ mɛ̨nį laakwɛlanmoɔ tii ɓa.