Ɉeremi 26:3 - Yálá laawoo hɛɓɛ (dc)

³ Gbəli hu, di kaa pai di wəli tɔɔi, diɛ di pulu tinɛ̨n tɛitɛi di wɔ túwɔ́ pələ ɲɔ̨n ɓa, mɛ̨nį ɲąąnwąnąąi gwə́i gɛ́ kɛ ŋį́ naa diɛ, di kɛ mɛ̨nį ɲɔ̨nwɔ̨ɔ̨ɠaa mąą mɛ̨nį ɓa, gɛ́ pɛli nɛɛi laa.

Yálá laawoo hɛɓɛ

³ Gbəli hu, di kaa pai di wəli tɔɔi, diɛ di pulu tinɛ̨n tɛitɛi di wɔ túwɔ́ pələ ɲɔ̨n ɓa, mɛ̨nį ɲąąnwąnąąi gwə́i gɛ́ kɛ ŋį́ naa diɛ, di kɛ mɛ̨nį ɲɔ̨nwɔ̨ɔ̨ɠaa mąą mɛ̨nį ɓa, gɛ́ pɛli nɛɛi laa.

Bible

³ Tãi da, da pâi díwoli tɔɔ̂i, díkpera dítûa-pere nyɔ̂ŋ ma. Da gɛ̀ tí, gɛ̀ ní ŋa pâi ńii maa fálenîi é pîlaŋ m̀ɛni kpɔ̂lui ŋa ŋ̀wɛ̂lii ŋá ǹáa dîai dímɛni nyɔ́mɔɔi mɛni ma.”

Ɉeremi 26:3 Kruisverwysings

Tɔɔɓɛlaa dɔlɔɔ 21:27

Ɓɛlɔwai Akabə ə bələi tii mɛ̨n na, ə mąą həɠə huɓɛla, ə ɓíi haɠa too gwaną, ə hįn nɔ, yɛ yíi ɓíi haɠaɠaa mɛ̨i, yɛ mąąwɛli hiɛ ɓo.

Tɔɔɓɛlaa dɔlɔɔ 21:29

«Yáá Akabə kaa, aa nwɔ túwɔ́ pələ ɲɔ̨nŋąą mąą liihɛlɛn ɉee ɲɛ̨́i ɓa. Yili ɓa, ɓɛlɔwai gaa ni la yɛnɛ̨ɛ̨, və́ pai mɛ̨nį ɲąąnwąnąąɠaa tii laai mą. Kɛlaa, non nwɔ tɔɔlaa lɔwai ɓə gaa pai mɛ̨nįɠaa tii laai la Akabə nwɔ pɛ́lɛ́i ɓa.»

Ɉeremi 26:13

Yii hu kɛa, ka ka yíi pələ mąąhvalin a nɛlɛɛ, da ka túwɔ́ pələ, ka ka wəli tɔɔ Yai-Laa ka wɔ Yálái woo ɓa. Akɛti, mɛ̨nį ɲąnwąnąąi Yai-Laa ə gili tee gwəi, yɛ kɛ ə naa kaai, gaa pai ɉəɠəi mą.

Ɉeremi 26:19

«Ɉuda tɔɔmun Ezekiasə da nɔi lonnii di mɔ̨ɔ̨ haa? Kɛlɛi yaamun, di Yai-Laa ɓɛlɛ kɛ mą, di tɔɔ a di nwąnąąi, diɛ níilaa. Ɛlɛɛ, mɛ̨nį ɲąąnwąnąąi Yai-Laa aa kɛ naa gwəi yɛ kɛ ə naa diɛ, ə nɛɛ laa. Ya ka tii gu wɛi gu kaa pai gu tɔɔ pələ ɲɔ̨nwɔi kpɔ tɛ̨ɛ̨tɛ̨ɛ̨.»

Ɉeremi 36:3

Gbəli hu, Ɉuda nuą di kaa pai di wəli tɔɔi, mɔ̨nɔ̨ɠaai gɛ́ ŋį́ naa diɛ mąą mɛ̨nį ɓa, di tɛitɛi di di pulu tɔɔ di túwɔ́ pələ ɲɔ̨n diɛ; gɛ́ di kɛ nɛ̨ŋɛ̨nŋąą, da di wɔ huwu la mɛ̨nįɠaa mąą hvaalɛɛ.»

Ɉeremi 36:7

Gbəli hu, di kaa pai nɛɛmąą hvəi Yai-Laa ɓa, di tɛitɛi diɛ di pulu tɔɔ di túwɔ́ pələ ɲɔ̨nŋaa diɛ. Mąąhɔlɔɓo, Yai-Laa a níiholi, ɲɔ̨nwɔ̨ɔ̨i. Niiholii Yai-Laa kwəi yɛ hvilɛn na nu huwui ŋɛ̨i ɓa, gɛnɛ̨i.»

Izikiɛ 12:3

Ə́ wəli tɔɔ, hulɔnu lon; ə́ tiɛ̨ pɛli yɛ nui di kaa lííla luwɔlaa hu, hvóló ɲąą ɉə-ɉə, gɛ ti di ɲɛ̨i ɓa; ə́ kaa lii luwɔlaa hu, yɛ́ həɠə ɓɛ, yɛ́ li kɛɛnąą ta kpɛli ɓa; kiɛ-o, di kili kaa pai pui ɉu, diɛ kɛ kulɔ nwoo mu nuą ɓaa a diɛ.

Izikiɛ 18:21

«Nu ɲɔ̨nwɔ̨ɔ̨ yaan a bulu tɔɔ gɛ nɛ̨ŋɛ̨nŋaa diɛ, yɛ nwɔ́ tiɓoɠaai kəlee pɔ mɛ̨nį kɛ, yɛ hiɛ a ɉaŋaa, a kwəi kwələ laa, mąą nui a lɛɛ yɛnɛ̨ɛ̨, ɉəɠə mąą hvo mą.

Osia 11:9

Və́ pai ɲéé ɓoi nwɔ́ liiholii ɓa, və́ pai Ɛfraimə hu kalai, mąąhɔlɔɓo, gáá a Yálá, və́ a nu; Mąąhəɠəmun maa a ɲą́ą́ ka lɔwai, və́ pai pai a liiholi.

Zooɛ 2:14

Gu hvo gbaɠala kɔ́lɔn akɛ gaa pai pənəi ə gu mąąwɛli kaa. Akɛ Yai-Laa gu wɔ Yálái kaa pai lúwɔ́ lɛɛi naa pulu, ə gɛ, guɔ gɔ́ a lɔɔ da gu yəi hinhɛ̨nŋąa.

Zôna 4:2

Ə mo Yai-Laa ɓa, yɛ mą: «Yaai-Laa Kɛlɛi mɛ̨nįi ŋį́ kɛi mo ɓɛlɔwai ŋį́ kɛ la bɔ́ lɔi ya ka ee! Mɛ̨nį ŋį́ ɲɔw mą, ŋį́ laa dɔwɔ, gɛ́ pu, gɛ́ li Tarsisə daai yaa li. Mąąhɔlɔɓo ŋį́ gɔlɔn gɛ́ diɛ: ə́ kaa a Yálá yii a mɛ̨inɛ̨ɛ̨ kɛ, ɲɛ̨imąąwɛli kaa yɛ ɓo ɲəi kɛnɛ̨, hva níiholi ɉa, naahvɛɛi a wɛlikɛmąą hvo bɔ hvo mɛ̨nį nwąnąą laa nu ɓa.