Ɉeremi 23:16 - Yálá laawoo hɛɓɛ (dc)

¹⁶ Mɛ̨nįi Yai-Laa Mɛ̨nį Kəlee ŋą Hééɓomun ə mo, ya ka, yɛ diɛ: «Nuą tii di kpɔɔ kɛi a Yálá kwəi mɛ̨nį hukulɔ nuą a lɛɛ, ka hvo ka wəli tɔɔ diɛ, di kaa ka ɓowoi. Mɛ̨nįi di kaa ka kalan ɉii la, di kaa lɔ gulɔi di nwun ɉu, hvo həɠə li Yai-Laa la.

Yálá laawoo hɛɓɛ

¹⁶ Mɛ̨nįi Yai-Laa Mɛ̨nį Kəlee ŋą Hééɓomun ə mo, ya ka, yɛ diɛ: «Nuą tii di kpɔɔ kɛi a Yálá kwəi mɛ̨nį hukulɔ nuą a lɛɛ, ka hvo ka wəli tɔɔ diɛ, di kaa ka ɓowoi. Mɛ̨nįi di kaa ka kalan ɉii la, di kaa lɔ gulɔi di nwun ɉu, hvo həɠə li Yai-Laa la.

Bible

¹⁶ Ŋ̀wála-wâla kélee Yâwɛɛ è mò Zerusâlɛŋ-ƃelai dîa ǹyɛɛi, “Káfe káwoli tɔ̀ɔ Ɣâla ŋɔlóno kɛ́-ƃelai dîa. Díkaa kili-kɛ-zu fòlo tɛɛ̂i kápɔ. Díkaa nɔ́ lônoi é pîlaŋ m̀ɛnii ma da díkili ŋá siâi lai. Kɛ́lɛ, m̀ɛnii da môi kâa, vé a ŋ́oo.

Ɉeremi 23:16 Kruisverwysings

Tɔɔɓɛlaa dɔlɔɔ 22:11

Nąąlɔwai Kenaana lon Sidkiyahu, ə huwɔ mįnɛ̨ pɛli a kwɛli, ə dɔɔ nwuɔ̨, yɛ kɛ diɛ: «Yai-Laa yɛ diɛ: ‹Mįnɛ̨ɠaa ŋɛ̨i, di kaa a huwalawalai ə́ kaa lii Aramə nuą huwu pui la, mąą pɔɔ kɔ́ɔn.›»

Tɔɔɓɛlaa veelɛ 17:15

Yai-Laa nwɔ tíɓoɠaa, da mįnɛ̨i da di nąnni di ɉəɠə, di tɛɠɛɓo ɉu, diɛ kpɛli-kpɛli mɛ̨nį mąą gilɛ həɠə, diɛ ka kɛa, di hu aa kala. Nɔiɠaa kɛ di kwɛlɛ, di hvilɛn di túwɔ́ pələ pulu, ɛlɛɛ yaan, Yai-Laa ə mo diɛ, yɛ diɛ: 'Ka hvo túwɔ́ yɛ diɛ.

Kɔlɔnikɔ Veerɛi 18:5

Israɛlə tɔɔmun ə nwɔ Yálá kwəi mɛ̨nį hukulɔ nuąi ɲąąkpɔn, di kɛ a nu nwun nąąn; yɛ diɛ: «Kwa pɛli lii mɔ̨ɔ̨ ku kɔ́ pɛlɛ Ramotə ɓa Galaadə, awala kɛ tii, ŋį́ lɛɛ ɓɛ?» Ya diɛ mą: «Tɔɔmun! 'Li, Yálá aa nąą tɛɛ ə́ pɔ!»

Hanwon 19:27

Nón mɛ̨nįi di kaa ə́ liɛwoo kɛi la, yá yili lɛɛ, yá həɠə kili pələ mɛ̨i, hvá mɛ̨nį kɔlɔn.

Ɉeremi 14:14

Yili ɓə gɛ, Yai-Laa ə nwóó pulu pənə, yɛ mą: «Lɛɛ ka tii di gɛ a náá, ɲą́ą́ hvəi di tɔɔ la, və́ mɛ̨nį ta ɓo li diɛ. Di kɛ diɛ: daa kɛɛ kaa, daa mɛ̨nį mɛ̨n, lɛɛ ka tii di gɛ, di kwəi kiliŋąhiɛ lɔ li, diɛ mɛ̨nį kulɔ di nwun ɉu, diɛ mo. Bələ ɓə diɛ da kɛ gwə́i mɛ̨nį hukulɔi la a lɛɛ.

Ɉeremi 2:5

Mɛ̨nįi Yai-Laa kaa moi ya ka; yɛ diɛ: Hulu mɛ̨nį lə kɛɛ kpɔ ɓə ka nąnni di gaa ɲéé pɔ, yaai di di pulu tɔɔ mą́ą́? Diɛ hvilɛn na kpɛli-kpɛli maniɠaa pulu, ya ka daa lɛɛ a nu kpɛli-kpɛliɠaa!

Ɉeremi 23:21

«Nuą tii di kpɔɔ kɛi a Yálá kwəi mɛ̨nį hukulɔ nuą, ɲą́ą́ hvəi di tɔɔ la, ya ka tii di kaa lii a gilɛ. Və́ mɛ̨nį ɓo li diɛ, ya ka tii, di kaa kɛi diɛ, di kaa Yálá kwəi mɛ̨nį hukulɔi.

Ɉeremi 23:26

Di kaa pai lɛɛi yili hu, ɛlɛɛ la ɉu mįnɛ̨ lɔwai? Nuą tii di kpɔɔ kɛi a Yálá kwəi mɛ̨nį hukulɔ nuą, diɛ lɛɛ kɛ, akɛti hɛn da kaa mɔ̨ɔ̨ di nwun ɉu? Diɛi da mɛ̨nį kulɔ di nwun ɉu diɛ mo a lɛɛ.

Ɉeremi 29:23

Di wɔ nɛ̨ŋɛ̨n kaa a mɛ̨nįi bələ hva ɓo Israɛlə lɔi hu; di kaa wɛli mɛ̨nį hu da di ɓɛlaa di nɛ̨ąni, diɛ mɛ̨nį ɓo a náá a lɛɛ; ya pa, və́ mɛ̨nį ta ɓo li diɛ. Gbaɠala kaa mą́ą́, ɛlɛɛ, gɛla ɓaa ɲą́ą́ gbinįi. Ɲą́ą́ Yai-Laa nwóó li!»

Ɉeremi 29:8

«Mąąhɔlɔɓo, Yai-Laa Mɛ̨nį Kəlee ŋą Hééɓomun, Israɛlə nwɔ Yálá woo ka, yɛ diɛ: Ká hvo nɛɛ laa, nuąi di kaa ka lɔwai, diɛ kɛ di kaa Yálá kwəi mɛ̨nį hukulɔi, da dɔlukpɛ nuą di hvo ka ɓowo, ɛlɛɛ, ka hvo ka kilitɔɔ ka wɔ hįi wooɠaa diɛ.

Ɉeremi 9:12

Yai-Laa yɛ diɛ: Mąąhɔlɔɓo, mɛ̨nįi ŋį́ di kalan na, daa nɛɛ laa, di hvo di wəli tɔɔ li nwóó ɓa; di hvo gɛ li di hvo hvilɛn búlú.

Ɉeremi 9:20

nwɔlɔ kpɔ ka: «Haa kaa tɛi a bɛlɛ́ nwąną; aa lɔ gu wɔ pɛlɛ pɛlɛɛɠaai mu, yɛ lon nwun napili gwəliɠaa lɔwai, yɛ muhəɠə nįnɛ̨ɠaa paa gwəli heaiɠaa ɓa.»

Woolaa 2:9

Siɔn kponŋaa kəlee daa lɛɛ pɔ́lɔ mu, naa kpulu kwɛliɠaa kəlee hu aa yali yali. Dɔɔmun da nwɔ kalanɉonŋaa daa lɛɛ nu takpɛliɠaa yee mu. Yálá kwəi mɛ̨ni hukulɔ mɛ̨ni hvo kɛa ɉu laa. Yálá hvo kpɛli kɛa gwəi mɛ̨ni lɛi gwəi mɛ̨ni hukulɔi nuą diɛ.

Izikiɛ 13:16

Israɛlə nwɔ Yálá kwəi mɛ̨nį hukulɔ nuąi kɛi mɛ̨nį ɓo, yɛ hvilɛn na Ɉerusalɛmə ɓa, di hva kɛa da ɓo. Diɛi kɛi liilaa kɛɛ kaa, ya pa liilaa hvo kɛ laa. Mɛ̨nį kəlee ŋą Hééɓomun Yálá wóó li.

Izikiɛ 13:23

Yili mąą mɛ̨nį ɓa, ká hvo kɛa pai lɛɛ kɛɛ kaai; ká hvo kɛa pai mɛ̨nį ta ɓoi. Gáá pai nwɔ́ nu kan gulɔi ka yəi. Bələ ɓə, ká gili kɔ́lɔn gɛaa kaa kɛ ɲą́ą́ ɓə gáá a Yai-Laa, Hééɓo kəlee Nąmu.»

Izikiɛ 13:3

Mɛ̨nį kəlee ŋą Hééɓomun Yálá woo ka, yɛ: Kpalo ɓɛlaai diɛ, diɛi a gili kpɛɛ ɲəi nuąi tii da hvilɛn di kwəi kiliɠaa pului; ɛlɛɛ yaan, di hvo mɛ̨nį ta kaa li.

Izikiɛ 13:6

Gɛɛi da gaa, gaa a lɛɛ, diɛ hvaa a nuą ɓowo pələ, a diɛi tii da kɛ diɛ: ‹Yai-Laa woo ka!› Ɛlɛɛ yaan, Yai-Laa hvo di tí li. Ɛlɛɛ da hee diɛ kɛ Yálá ə di woo pɔ mɛ̨nį kɛ.

Izikiɛ 22:28

Nwɔ Yálá kwəi mɛ̨nį hukulɔ nuąi, kaa di tɛi hvaŋą a ɓowo woo, diɛ kɛɛɠaa kaa, hvo mɛ̨nį mąąkpɛɛ; diɛ lɛɛ mɛ̨nįɠaa hukulɔ, diɛ kɛ diɛ; Mɛ̨nį kəlee ŋą Hééɓomun Yálá woo ka, ya pa Yai-Laa hvó kɛ mɛ̨nį ta ɓo li diɛ.

Mise 2:11

Ə li kɛ nu a pɛli hɔlɔɓoi, yɛ gilɛ həɠə hvaŋą pulu, lɔɔ pulu, yɛ kɛ diɛ: «'Ka lɔɔ tɛɛ bɔ́, a lɔɔ kpəɠiɛ ŋį́ Yálá kwəi mɛ̨nį ɓo yɛ́ a ə́ kwəinɛ̨ɛ̨ mɛ̨nį» mąą nu lɔ ɓə li kɛ a nu huwui ŋɛ̨i nwɔ kalan gɛmun.

Maafîu 7:15

«'Ka ka kpɔɔ mɛ̨i kaa, nuąi da di kpɔɔ kɛ a Yálá kwəi mɛ̨nį hukulɔ nuą di mąą mɛ̨nį ɓa. Mąąhɔlɔɓo, da lɔ ɓɛlaa kɔ́lɔ hu, diɛ pa ka pɔ. Kaa di kaa yɛ ɓɛlaaɠaa, a mɛ̨nį gɛ kwɛ́li hvulúɠaa li.

Lomaŋ 1:21

Mąąhɔlɔɓo, bələi mąn di Yálá kɔ́lɔn na gɛ mɛ̨nįɠaa kəlee hu, di hvo gɛ li di hvo mąąwiɛ, di hvo ɉɛɠɛɛɓo, yɛ bələi mąąnɛ̨ɛ̨ la. Kɛlaa yaamun di di wɔ kiliŋąhiɛ mąą a kwɛa Yálá ɓa, di hvilɛn ŋąą la ɓowo mɛ̨nį pulu, diɛ ɓo la a kpinį ŋą luwɔɠaa.

Zɔ̂ŋ Maa-ŋuŋ 4:1

Nwɛ́likɛmąą nuą, 'ká hvo laa mąąkwɛli kɛ nuą kəlee woo la, kɛlaa, 'ká di mąąkpɛɛ, ə gɛ, ká gaa, akɛ ə həɠə Yálá pɔ; mąąhɔlɔɓo, lɛɛ nuą tamąą daa di kpɔwɔ kɛ a Yálá kwəi mɛ̨nį hukulɔ nuą daa taɠa-taɠa yɛnɛ̨ɛ̨ nąą kəlee.