Ɉeremi 22:12 - Yálá laawoo hɛɓɛ (dc)

¹² Gaa pai haai ɓɛi də li la laa, hva kɛa ɲɛ̨itɔɔ gaa lɔi ɓa.»

Yálá laawoo hɛɓɛ

¹² Gaa pai haai ɓɛi də li la laa, hva kɛa ɲɛ̨itɔɔ gaa lɔi ɓa.»

Bible

¹² A pâi saâi ǹɔii su ƃɛ́i da liî la naai. Ǹyaŋ vé ŋɔ́nɔ pâi ǹɔii ŋí kâai.”

Ɉeremi 22:12 Kruisverwysings

Tɔɔɓɛlaa veelɛ 23:29

Nąąlɔwai tii ɓə Faraɔn Neko, yai kɛ a Eziptə tɔɔmun, da Asiri tɔɔmun di pɛlɛ di kee ɓa Eufratə ɲalee kwɛlɛ, diɛ li kɔ́ tooi. Tɔɔmun Ɉosiasə yaan, ə muhəɠə yɛ li Eziptə tɔɔmun laa kwiɛn ɉi a kɔ́. Kɛlaa, yii lɔ yili ə ɲɛ̨i tɔɔ lɔ Ɉosiasə ɓa, aa mą Ɉosiasə paa Megido.

Tɔɔɓɛlaa veelɛ 23:34

Yili pulu, Eziptə tɔɔmun Neko ə Ɉosiasə lon Ɛliakimə hee a tɔɔmun a nąn mąąhvalin. Eziptə tɔɔmun Neko ə Ɛliakimə laa mąąhvalin a: Yoyakimə. Yii ɓaa Yoakazə nwɛi, aa kɛ doo gaho ŋą, ə lɛɛ gaho ŋą ə dɛɛ Eziptə lɔi hu, nąą ɓə ə haa laa.

Ɉeremi 22:18

A kɛ tii, mɛ̨nįi Yai-Laa kaa moi Ɉosiasə lon Yoyakimə, Ɉuda tɔɔmun ma, ya ka: «Di hvo pai ɉaa wɔlɔ ɓoi, di hvo pai kɛi mą: ‹Lə mąąwɛli mɛ̨nį ɓəi aa laa mą́niɛ ɓai! Lə mąąwɛli mɛ̨nį ɓəi aa laa mą́ą́hala ɓai!› Di hvo pai ɉaa wɔlɔ ɓoi, diɛ kɛ mą: ‹Lə mąąwɛli mɛ̨nį ɓəi tɔɔmun! Lə mąąwɛli mɛ̨nį ɓəi nwɔ́ mɛ̨nį nąmu!›

Ɉeremi 22:27

Di kili aa lɛɛ nɔi tii pɔ, diɛ kɛ di pənə də li laa, di hvo pai pənəi di hvo li laa.»

Ɉeremi 42:18

Yai-Laa Mɛ̨nį Kəlee ŋą Hééɓomun, Israɛlə nwɔ Yálá woo li! Bələi lɔ nwɔ́ liiholi da nwɔ́ liikələn gwəi a ɓɛla la Ɉerusalɛmə nuą diɛ, bələ lɔ ɓə nwɔ́ liiholii kaa pai hee la ka hu, ɓɛlɔwai ka káá pai həlii la Eziptə lɔi hu. Da, nɛ̨ŋɛ̨n naa kɛ a ka laa, kaa mąą yɛ wɛli, diɛ ka lalan a lalan ɉuwui lɔpee, ka hva kɛa ka ɲɛ̨i tɔɔ nɔi ŋɛ̨i ɓa.

Levetekɔ 26:38

Ka káá pai haai nu huwu takpɛliɠaa lɔwai, ka yowoɠaa di wɔ lɔi yɛ ka mįi.