Ɉeremi 21:4 - Yálá laawoo hɛɓɛ (dc)

⁴ 'Ká li, káá mą, Yai-Laa, Israɛlə nwɔ Yálá yɛ: ‹Gwɛli hɛnŋaa tii ka yəi kaa gɔ́ kɔ́ la ka Babilonə tɔɔmun ni, da Kalde nuą ŋɛ̨i daa ka hvana daa mąąkpɛ hįi kɔ́lɔ ɓa pələ, gáá gwɛli hɛnŋaa tii kəlee ɲɛ̨i tinɛ̨n ɉii, ŋį́ ɉee daa ŋɛ̨i hąmąi pələ.

Yálá laawoo hɛɓɛ

⁴ 'Ká li, káá mą, Yai-Laa, Israɛlə nwɔ Yálá yɛ: ‹Gwɛli hɛnŋaa tii ka yəi kaa gɔ́ kɔ́ la ka Babilonə tɔɔmun ni, da Kalde nuą ŋɛ̨i daa ka hvana daa mąąkpɛ hįi kɔ́lɔ ɓa pələ, gáá gwɛli hɛnŋaa tii kəlee ɲɛ̨i tinɛ̨n ɉii, ŋį́ ɉee daa ŋɛ̨i hąmąi pələ.

Bible

⁴ Yâwɛɛ nyíi gáa a Eezuɛ-ŋai Díɣâlai ǹyɛɛ, “Ŋa pâi kákɔ-kɔ-sãai nyíi kákaa kɔ̂i la Babelɔŋ kaloŋ da ŋɔnûai pɔ́i, nyíi-ŋai da tínaŋ kátaai mai, ŋá seêi kâa. Ŋa pâi pâi a dia daai su kásama.

Ɉeremi 21:4 Kruisverwysings

Azaya 10:4

Mɛ̨nįi lɔ ka pɛli gɛi, ya ɓaa, ka ka nwun vilən gɔ́ honŋąą lɔwai, ka too nuąi daa lɛɛ gɔ́ hu, di pɔ. Kɛlaa mɛ̨nįɠaai tii kəlee di mą kɛ kɛi, nwɔ liiholii hvo ni yali li bulu, ɛlɛɛ, ɲee haŋąą lɔ ni di mɛ̨i.

Azaya 13:4

'Ka di hu tín mɛ̨n ɲeeɠaa hu, gaa yɛ nu kpulu kɛnɛ̨, 'ka nɔiɠaa hu tín mɛ̨n, lɔiɠaa ɲąąkpɔn ŋąąi, Yai-Laa Mɛ̨nį Kəlee ŋą Hééɓomun, kaa nwɔ kɔlaɠaɠaai mɛ̨i kaai, di kaa lii kɔ́ ɓa.

Azaya 5:5

Mɛ̨nįi gáá pai gɛi, nwɔ́ viɲə yɛai ɓa, gáá nɛi kaa: galai tii dinɛ̨n ŋąą mą, gáá nwolo teei mą, taatɛlɛɛɠaa di di laa mįi laa, ŋą́ daɠa nuą di hiɛ ɉu.

Ɉeremi 20:4

Mąąhɔlɔɓo, mɛ̨nį Yai-Laa kaa moi, ya ka, yɛ diɛ: ‹Ə həɠə háákələi ɓa, gáá ə́ kɛi a mąą ɲɔw hɛn, ə́ kpɔɔ kpinįi yɛ́, da ə́ ɓɛlaa ni diɛ. Diɛi tii di kaa pai lɛɛi a di yowoɠaa di wɔ kɔ́ kɔ́ ɓɔwa kɔ̨nɔ̨n, yɛ́i ŋɛ̨i yá kɛ a gɛla. Gáá Ɉuda nuą lɛɛi Babilonə tɔɔmun ɲee kɔ́nma, Babilonə tɔɔmun gaa pai di paai a ɓɔwa kwɛaa.

Ɉeremi 21:3

Ɉeremi yɛ diɛ: «Mɛ̨nįi ka káá lii moi Sedesiasə ɓa, ya ka:

Ɉeremi 32:24

«Babilonə nuą ka, di kaa pai, di hvaŋą kɛnɛ̨, diɛ kɔlaɠa pɛlɛ daa ɓa, di kaa pai daa hon ɉii, daa gbɛa daa kwɛlɛ diɛ, gwa mo kpɔ tii, di yee yɛi tɛɛ daa ɓa, a kɔ́ kɔ́ bowa, da pulu, ɛlɛɛ da kwəi kulɔ ɲɔ̨n; yɛ́n, ə́ heɛ yɛ́ nąą kaa.

Ɉeremi 32:3

Ɉuda tɔɔmun Sedesiasə ɓə nɔ laa. Yɛ kɛ Ɉeremi ɓa: «Lə mɛ̨nį ɓa, ə́ kaa kɛi diɛ: ‹Yai-Laa lawoo ka ŋɛ̨i gáá moi kaa, yɛ diɛ: Ɲą́ą́ Yai-Laa, gáá pai daa ŋɛ̨i lɛɛi Babilonə tɔɔmun ɲee kɔ́nma; Babilonə tɔɔmun kaa pai ɉon ɉii a kɔ́.

Ɉeremi 32:5

Babilonə tɔɔmun gaa pai lii a Sedesiasə Babilonə, nąą ɓə gaa pai lɛɛi laa, əlɛɛɉu, ŋą́ mąą mɛ̨nį ɲɛ̨i kulɔ. Ɲą́ą́ Yai-Laa nwóó li! Ka mąn pa kɛ ka káá tɔɔi Kalde nuą la, ka yee hvo pai lɔi.›»

Ɉeremi 33:5

Di kaa pai gɔ́ woloi ŋą da Kalde nuą, kɛlaa yaamun, daai ŋɛ̨i laahvɛɛ mɛ̨nį lɔ ɓə a nu powa, a nuąi gáá pai di kɛlɛi nwɔ́ liiholii hu, da nwɔ́ liikələn gwəi hu. Mąąhɔlɔɓo, ŋą́ą́ búlu tinɛ̨n diɛ, di wɔ nɛ̨ŋɛ̨nŋaai kəlee mąą mɛ̨nį ɓa.

Ɉeremi 35:17

Yili mąą mɛ̨nį ɓa, Yai-Laa Mɛ̨nį Kəlee ŋą Hééɓomun Yálá, Israɛlə nwɔ Yálá woo ka, yɛ diɛ: «Mɛ̨ni ɲąąnwąnąąɠaa kpɔ ŋį́ mąą kili tee gwə́i, yɛ hvilɛn na Ɉuda da Ɉerusalɛmə nuą diɛ, gáá gəlee laai diɛ. Mąąhɔlɔɓo, ŋį́ mɛ̨nį ɓo diɛ, ɛlɛɛ, di hvo mɛ̨n. Ŋą́ di təli, di hvo nwóó mu hon ni.»

Ɉeremi 39:3

Babilonə tɔɔmun nwɔ kɔ́kuláá kpɛa kpɛaɠaa di pa di hee gwəli hąą ɓɔlɔ ɓa, Nɛrgalə-Sarɛsɛrə Sin-Magirə mun, Nebu-Sarsekimə yii a dɔɔ kwəlii nuą nwun nąmu, Nɛrgalə-Sarɛsɛrə gɔ́kulááɠaa kəlee nwun nąmu, da gɔ́kuláá takpɛliɠaai tii.

Ɉeremi 52:18

Gwɛli ləɠiɠaa, goagoaɠaa, nuwu kələ hɛnɲąŋąɠaa, nuą mąąhəɠə gəgənŋaa, gbələ kɔ́wɔɠaa, da ɉaláá kulɔ hɛnŋaa kpɔ kɛ a ɓala kwɛli, di gəlee həɠə.

Woolaa 2:3

Nwɔ liiholo hu, aa Israɛlə nwɔ huwalawala hu kala. Ku yowoɠaa kɛɛ pai, hvo gɛ hvo kpɔmąą tɛɛ ku pɔ aa nwɔ̨n doo nwɔ nuą lɔwai aa gwɛlɛ hɛnŋaa kəlee kələn.

Woolaa 2:5

Yai-Laa aa túwɔ́ a kuɔ yɛ kwa kɛ a ɲowo, aa Israɛlə huwu pu, aa dɔɔkwəli kəlee wolo aa ɉįiɠaa pu, aa Ɉuda halakpɛla nwɔ mɔ̨nɔ̨i ta laa mɛ̨i.

Woolaa 2:7

Yai-Laa nwɔ haláá kulɔi wɛli aa kpɛɛ mą aa gili kulɔ nwɔ pɛlɛ́ mąąhəɠɛɛ hu, aa dɔɔ pɛlɛ́ɠaa too ku yowoɠaa yee ŋą da di mąąkpɛ hįiɠaa. Kɔ́ mɛ̨i tomą woo kaa kulɔi Yai-Laa yəi bɛlɛ́n yɛ daa kɛi hɛli pu.

Izikiɛ 39:3

Gɛ́ ə́ kɛlɛ, ə́ kɛɓɛyee yɛ kulɔ ə́ wɔ kilən ɓa; gɛ́ ə́ wɔ tɔ́nwąɠaai kulɔ ə́ ɓa-mįi-yee ɲą, gɛ́ di pu nɔi ɓa.

Osia 9:12

Di mąn lɛapɛlɛɛ kulɔ ɉu, ŋą́ di hvɛɠɛ nɛapɛlɛɛi tii hu, di nu kɛɛ tɔwɔ. A tɛ̨ą, ŋą́ pa həɠəi di pɔ, di kaa pai mɔ̨nɔ̨ mįi.

Zakari 14:2

Gáá pai lɔiɠaa kəlee ɲąąkpɔn ɉii, Ɉerusalɛmə kwɛlɛ, da diɛni diɛ gɔ́ yili ŋą. Di kaa pai daa hon ɉii, diɛ bɛlɛ́ɠaa pu, diɛ too nɛ̨ąą mɛ̨i; daa bələ tɔ̨nɔ̨ kaa pai lii luwɔlaa hu, Kɛlaa nu kpəlii pai lɛɛi, di hvo pai di kpɛi laa.

Maafîu 22:7

«Dɔɔmun tii líí ə holi ə nwɔ holahiɠaa tɔɔ, ə gə, də li nuą tii dinuą paa, di yiliɠaai paa, ə lɛɛ, di nwɔ̨n nɔ di wɔ taa hu naa ə kələn.