Ɉeremi 2:13 - Yálá laawoo hɛɓɛ (dc)

¹³ Mąąhɔlɔɓo, nɛ̨ŋɛ̨n nwɔ́ nuą daa ɉəɠə gaa hveelɛ: Ɲą́ą́ ŋɛ̨i a tɛɛya nwun gulɔi, daa nɛ́ɛ́ laa; diɛ di kpɔ-kpɔɔ ya lɔwaɠaa tee, a lɔwa yii da dee ya hva tɛ ɉuə.

Yálá laawoo hɛɓɛ

¹³ Mąąhɔlɔɓo, nɛ̨ŋɛ̨n nwɔ́ nuą daa ɉəɠə gaa hveelɛ: Ɲą́ą́ ŋɛ̨i a tɛɛya nwun gulɔi, daa nɛ́ɛ́ laa; diɛ di kpɔ-kpɔɔ ya lɔwaɠaa tee, a lɔwa yii da dee ya hva tɛ ɉu.

Bible

¹³ Kpɛ́ni fêi ŋánûai da sɔnyɔ̂ŋ-sii feerɛ kɛ́: da dípôlu tɔ̀ɔ ḿa, ńyãai ŋ́gáa a vúlu-laa ya-loŋ, da díkpɔɔi-kpɔɔi ya loa tée, nyíi yá fa sêe zui.”

Ɉeremi 2:13 Kruisverwysings

Tɔɔɓɛlaa veelɛ 22:17

Mąąhɔlɔɓo, daa həɠə búlú, diɛ wulɔ kun nɛ̨ɛ̨ kələn haliɠaa diɛ a mɛ́lɛ too pələ di túwɔ́ pələ hu. Níí aa kələn gwə́i kɛnɛ̨ gɛɛnąą ŋɛ̨i pɔ, ə lɛɛ, níí hvo pai laai.

Mąątɛ̨nɛ̨ 36:9

Diɛ pilɛ ə́ yəi bɛlɛ́n gɔ̨nɔ̨n nɛ̨ɛ̨ɠaa hu; ɲái yá dɔɔ di la, gaa a yɛnɛ̨ɛ̨ ɲąąnɛ̨ɛ̨ yá.

Ikilisiati 1:14

Mɛ̨nįɠaai kpɔ da tɛɛ ɓɛ lɔi mɛ̨i, ŋą́ gəlee kaa. Kɛlaa, gəlee kaa a kpɛli-kpɛli mɛ̨nį, yɛ nu a kɛi hvaŋą tənən dɔɔ.

Ikilisiati 1:2

kpɛli-kpɛli mɛ̨nį da kpɛli-kpɛli mɛ̨nį, kilimąą mun nwoo li, mɛ̨nį kəlee kaa lɔ a kpɛli-kpɛli mɛ̨nį.

Ikilisiati 12:8

Kilimąą mun yɛ diɛ: kpɛli-kpɛli mɛ̨nį da kpɛli-kpɛli mɛ̨nį, mɛ̨nį kəlee kaa a kpɛli-kpɛli.

Ikilisiati 2:11

Yili pulu, ŋą́ą́ gaa, kólóɠaa da mɔ̨nɔ̨ɠaai kpɔ ŋą́ mįi, yii lɔ ŋą́ gɔlɔn, ya ɓaa: Gəlee kaa lɔ a kpɛli-kpɛli mɛ̨nį, yɛ nu aa kɛi hvaŋą tənən dɔɔ. Nuą kɛ mɛ̨nį yɛnɛ̨ɛ̨, dɔlɔ leelee hvo mą.

Ikilisiati 2:21

Ɓɛ kaa lə, nu ta a kóló kɛ a kili, ə gɛ a nwun gɛ ɉu laa; a mɛ̨nį kɔlɔn ŋąą, Kɛlaa, yii gaa mą ya ɓaa: nwɔ kólói tii dɔlɔ a lɛɛ nui hvo gólói tii ta kɛ li ɲəi. Yili a kɛ tii, mąą nu aa kpɛli-kpɛli kóló kɛ.

Ikilisiati 2:26

Yaan, nui nwɛli kaa Yálá ɓa, a gɔ́ a kili, mɛ̨nį kɔ́lɔn ŋąą, nwun gɛ ɉu laa da yíi la nɛ̨ɛ̨. Kɛlaa, a kóló laa nɛ̨ŋɛ̨n ɉəɠəmun nwuɔ̨, yili yɛ hɛn gwɛli a nui nwɛli kaa Yálá ɓa, nwɔɔ. Yili yaa kpɛli gaa lɔ a kpɛli-kpɛli mɛ̨nį, yɛ nu a kɛi hvaŋą tənən dɔɔ.

Ikilisiati 4:4

Ŋą́ą́ nwɔ̨nɔ̨ mɛ̨nį takpɛli kaa, ya ɓaa: Mɔ̨nɔ̨i nuą da mįi di kɛ kóló hu, gaa a tolo kulaa, ə gɛ, yii gaa gɛi, ə lɛlɛɛ ə tɛɛ mɛlaa di wɛi ɓa. Yili kaa a kpɛli-kpɛli mɛ̨nį, yɛ nu aa kɛi hvaŋą tənən dɔɔ.

Azaya 1:3

Nįɲɛ̨ ə nąmu kɔ́lɔn. Hoohvalən yaan, ə naa mįi kɔ́lɔn nąmi pɔɔli. Kɛlaa, Israɛlə hva mɛ̨nį kpaɠala kaa. Nwɔ́ nu huwui hva mɛ̨nį ɲąą kaa.

Azaya 1:4

Kpalo ɓɛlaa yɛ́, nɛ̨ŋɛ̨n ɉəɠə lɔi, a nwąnąlɔ nu huwui tii; a ɉįi túwɔ́ pələ ɲɔ̨nwɔ̨ɔ̨ ti; Ka mɛ̨nį ɲɔ̨n gɛ nuą lonnii ŋɛ̨i, kaa həɠə Yai-Laa pulu, kaa Israɛlə nwɔ Mąąhəɠəmun mɛlɛ too, kaa ka pulu tɔɔ mą.

Azaya 12:3

Ka káá pai yá haɠai a kwəinɛ̨ɛ̨, nu ɓaloyá nwun gulɔi.

Azaya 5:13

Yili mąą mɛ̨nį ɓa, «di kaa pai lii a nwɔ́ nu huwui kɔluwɔlaa hu, mąąhɔlɔɓo, kili hvo kɛ li mą, nɔi kalanɉonŋąą, kaa pai haai a pulu, nɔi lonnii, diɛ haa a kpələ wɛli.»

Azaya 55:2

Lə mɛ̨nį ɓa yai ka ka wɔ walii hukala, ɉɛn hvo a kɔ̨nɔ̨n bulu, kaa kóló kɛ ɉɛn hva nu pilɛ bulu? 'Ka ka wəli tɔɔ, ka nwóó mɛ̨n, ɛlɛɛ, kaa pɛli kɔ̨nɔ̨n mįi, kaa pɛli ka lii hon gɔ̨nɔ̨n nɛɛɠaa mįi.

Azaya 63:8

Ə kɛ diɛ: «A tɛ̨ą nwɔ́ nuą li, nónnii li, di hva nu ɓowo», ɛlɛɛ, ə kɛ a di nwun mąąɓomun.

Ɉeremi 1:16

«Mɛ̨nįɠaai ŋį́ mąą kili tee gwə́i di wɔ túwɔ́ pələ ɲɔ̨nŋąą mąą mɛ̨nį ɓa; gáá gəlee hukulɔi diɛ; ya baa: Daa ɓo mą́ą́, daa dóó, diɛ haláá kulɔ haliɠaa diɛ; a hɛnŋaai di bɛli a di yee, diɛ pɛlɛ di lííla.

Ɉeremi 14:3

Nu kpɛa kpɛaa diɛ yeehowolo nuą tɔɔ pɔlɔtɛ kóló ɓa ya kwɛlii; da həli ɲa haɠai, di hva ya kaa. Diɛ pənə di pulu a ɉɛɲąŋą howolo. Di kwəi piliɛ diɛ daa nwumɛ̨ daa ɉəɠə yɛɛ a di nwun

Ɉeremi 15:6

Yai-Laa woo ka; yɛ diɛ: «Yá ɓə nɛ́ɛ́ laa, yɛ́ ə́ pulu tɔɔ mą́ą́; Ŋą́ ɲee kpuwulu kɛ yɛ́, ə́ hu kala mɛ̨nį ɓa. Vį́į́ aa kpɛɛ kɛa ə́ ɲɛ̨i mąą wɛli kaa mɛ̨nį ɓa.

Ɉeremi 17:13

Yai-Laa! Yɛ́ ɓə Israɛlə kilitɔɔ yɛ́; nuąi da ə́ lɛɛ laa, nwumɛ̨ a di ɲɛ̨i paa; nuąi da di mąą kwɛa mą́ą́, kiti a kala diɛ. Mąąhɔlɔɓo, Yai-Laa a tɛɛyá nwun gulɔi, daa nɛɛ.

Ɉeremi 18:14

Ɲái a kulɔ Liban yee hu, yɛ tɛɛ kwɛniɠaa mɛ̨i lɔwɔi, da mɔ̨ɔ̨ nɛɛ laa? Yai a həɠə kwɛa la, a tɛɛyá naɠiɛ lon lon, da mɔ̨ɔ̨ bili? Kpaa-o!

Ɉeremi 19:4

Yii daa lənə mą́ą́, diɛ gɛɛnąą ŋɛ̨i laa pu, a halááɠaa kulɔi di kaa moi haliɠaa diɛ, yá pa yaan, ɉaliɠaa tii ta hvo ta di ta mąą mɛ̨nį ɲɛ̨i kulɔ li, ə kɛ a di nąnni, ə kɛ a diɛ kpinįi, ə kɛ a Ɉuda tɔɔɓɛlaa; daa gɛɛnąą ŋɛ̨i laahvɛɛ a lɛapɛlɛɛi di hvo ta mɛ̨nį ɲɔ̨n gɛ li di ɲąmą.

Ɉeremi 2:11

Akɛ lɔi ta aa ta nwɔ haliɠaa mąąhvalin, a ɉɛnŋaa tii di hvo mun ɓaa hɛn da! Kɛlaa, kaai ɓaa nwɔ́ nuą, kaa ka wɔ mąąwiɛ mąąhvalin, a hɛn dɔ̨nɔ̨ lɔpee hvo mą.

Ɉeremi 2:17

Israɛlə! Mɛ̨nįɠaa tii kaa laai yɛ́ lə mɛ̨nį ɓa? Kɛlɛi Yai-Laa ə́ wɔ Yálái lɛɛi ə́ mɔ laa, ɓɛlɔwai, ə kɛi ə́ tənən dɔɔ la bələ pɔ, yili ɓə gɛ-e?

Ɉeremi 2:26

Da nwuɔ̨mun ɉon nwuɔ̨ kɛi, nwumɛ̨ a tɛ la, bələ kpɔlɔɔ ɓə, Yələ ta, nwumɛ̨ kaa pai tɛi la a Israɛlə nuą, diɛ-o, di wɔ tɔɔɓɛlaai-o, di wɔ nwun nąmįną o, ɉaláá laa həli nuą-o, da nuąi da mɛ̨nį ɓo diɛ Yálá laa hu.

Ɉeremi 4:22

A tɛ̨ą, nwɔ́ nuąi kili hvo di kwəi! Di hvo kpɛli gɔ́lɔn. Di hva mɛ̨nį kpaɠala kaa. Di yɛlɛɛi mɛ̨nį ɲɔ̨n gɛi, di hva pɛli nɛlɛɛ kɛi.

Ɉeremi 5:26

Gaa tii, mɛ̨nį ɲɔ̨n gɛ nuą kaa nwɔ nuą lɔwai, daa hee nuą tɔwɔ di loɔ yɛ nwɛ̨nį kpɛmun. Diɛ hɛlɛn dɛ, diɛ nu hon na.

Ɉeremi 5:31

Nuą daa di kpɔɔ kɛ a Yálá kwəi mɛ̨nį hukulɔ nuą, di kaa lɛɛ woo ɓoi. Ɉaláá kulɔ nuą diɛn, hɛn lɔpee di yee a pɛli mą, da nɔ di yəi ɲuɓoi. Yili aa kɛi kɛ tii, nwɔ́ nuą kwəinɛ̨ɛ̨ ɉu. Kɛlaa, ka káá pai gɛi ləi a naa kulɔ yələ?

Izikiɛ 14:5

Gɛ́ pɛli nɛ̨́ɛ̨́i gwɛlii Israɛlə lonnii hu; a diɛi ti daa di mąą kwɛa mą́ą́, di wɔ haliɠaai mąą mɛ̨nį ɓa.

Izikiɛ 47:1

Ɉulɔnui tii ə pənə ə pa a ɲą́ą́ Yálá hee pɛlɛ́ laaləi pələ, yá ta ə kɛi kulɔ laa nɔi mu, ɓɛ pələi tii vóló a həɠə lai; mąąhɔlɔɓo Yálá hee pɛlɛ́ laa heɛi kɛ voló həɠəi pələ, ə lɛɛ ɲa ə kɛi yɛɛ Yálá hee pɛlɛ́ kooɓa, mamįiyee hu pələ; yɛ tɛɛ ɉaláá kulɔi pulu pələ.

Mise 2:8

Wɛ́i tii kɛ, nwɔ́ nuąi di kɛ kɔ́ ɓa da di yowoɠaa, nuąi kɛ da həɠə gɔ́ ɓa, diɛ pa nɛ̨kpɛlɛɛ, ka kɛli gbaawii kulɔ gilɛn ɉəɠə mɛ̨i di yəi.

Mise 6:3

Nwɔ́ nu kan, lə wolo kpɔ ɓə ŋą́ gɛ a kaa? Lə mɛ̨nį kpɔ ɓə ŋą́ ka hviikpɛɛ ɉu? Ka nwóó pulu pənə.

Zakari 13:1

Mąą yələi tii, yá nwun gulɔi ta a kulɔ, Davidə nwɔ pɛlɛ́i mąą mɛ̨nį ɓa, da Ɉerusalɛmə nuą; yɛ kɛ a di wɔ nɛ̨ŋɛ̨nŋaai, da di mąąliɓi mɛ̨nį kəlee hali.

Ɉaan 4:10

Jesus ə nwoo pulu pənə yɛ mą: «Akɛ kɛ ə́ Yálá nwɔ mɛ̨inɛ̨ɛ̨ kɔ́lɔn, ə lɛɛ, nui ŋɛ̨i kɛi yɛ́: ‹Gɔ́ a ya ŋį́ gbələ› yɛ́ ɓo a gɔlɔn ŋąąi, yáá mun mə kɛ, mąąnɛ̨ɛ̨ kɛ ə́ vɛli, ŋą ə́ kɔ́ kɛ a yɛnɛ̨ɛ̨ kpɛɛ hvo mą ya.»

Ɉaan 4:11

Nɛ̨ɛ̨nui tii yɛ Jesus ɓa: «Ną́n ɲá lɔwai ŋɛ̨i hu kwɛaai, ə lɛɛ, ya kulɔ hɛn da hvo ə́ yəi, ya yɛnɛ̨ɛ̨ kpɛɛ hvo mą yai tii haɠa mį?

Ɉaan 4:14

Kɛlaa, nui ŋą gɔ́ a ya, a gbələ, kpələ wɛli hva kɛa ɉon. Kɛlaa yaamun, ɲái tii a kɛ mąą nu yəi a yɛnɛ̨ɛ̨ kpɛɛ hvo mą ya ton, yii hva kpala.»

Ɉaan 7:37

Ɉɛli hvóló kpəli, ɓə kɛ a volói tii ɓə kɛ mąą mɛ̨nį nwąnąą; Jesus ə haŋą ə tɔɔ nu kpului tii kəlee ɲɛ̨i ɓa, yɛ diɛ: «Nui kpələ wɛli kaa mą, ə pa bɔ́ ə gbələ.

Dutɛrɔnome 31:16

Yai-Laa yɛ tɔlɔɔ Moisə ɓa: «Ə́ laa hiɛ ka ə́ nąnni kwɛlɛ. Ə́ haa pulu, Israɛlə nuą kaa pai tɔɔi diɛ kwɛli hvilɛn haliɠaa diɛ nɔi tii di kaa lii ɉu. Di kaa pai nɛ́ɛ́i laa, mįnɛ̨i ŋɛ̨i kwa diɛni ku ɉəɠə, di həɠə bulu, di mąą kala.

Piɛrə veelɛ 2:17

Nɛɛ kalan gɛ nuą ti, di kaa yɛ yaton yii aa kpala, di ɓo yɛ tulɔ-kpinįn yii hvaŋą a tɛɛ la, Yálá aa di heei pɛli kpinį kpon ɉu kwɛaa hu.

M̀ɛni-lɛɛi 21:6

Ɛlɛɛ, yɛ mą́ą́: «Mɛ̨nį kəlee laa aa hon. Ɲą́ą́ ɓə a Alfa, ɛlɛɛ, a Omega, gɔwɔ tɔɔi, da naa kulɔi. Nui kpələ wɛli kaa mą, ŋą́ gɔ a yá nwun gulɔi yá, a mɛ̨nį nɛ̨ɛ̨.

M̀ɛni-lɛɛi 22:1

Yili pulu, malaka ə ɓaloyá-lee ta lɛ mą́ą́, yɛ lən gbɔ yɛ pɛ̨nɛ̨n galan, ə kɛli kulɔ Yálá da mɛlaa Lon di wɔ tɔɔkpəlin gɔwɔ mu.

M̀ɛni-lɛɛi 22:17

Kili, ɛlɛɛ, da ɉilɛtai nɛ̨ą, diɛ mą: «'Pá!» Nui a mɛ̨n, ə mu hon yɛ mą: «'Pá!» Nui kpələ wɛli kaa mą, ə pá, ɲái a yɛnɛ̨ɛ̨ tɛɛ nu pɔ, nui nwɛli kaa mą, ə ɉon a mɛ̨inɛ̨ɛ̨.

Nwun mąąɓo 10:13

Kɛlaa, ə mą kɛ tii, ka ka pulu tɔɔ mą́ą́, kaa kwɛli hvilɛn haliɠaa diɛ. Yili ɓə gaa mą, və́ kɛa gɛi, və́ ka nwun mąąɓo nwɔ̨nɔ̨.

Samuɛlə dɔlɔɔ 12:10

Israɛlə ə kɛi wɔlɔ Yai-Laa pɔ pələ a mąą yələɠaa diɛ kɛ mą: ‹Kwaa nɛ̨ŋɛ̨n ɉəɠə, mąąhɔlɔɓo, kwaa Yai-Laa lɛɛ laa, kuɔ kwɛli hvilɛn ɉaliɠaa ŋɛ̨i da kɛ diɛ Baalə da Astarteɠaa diɛ. Yii hu, ya ku kulɔ ku yowoɠaa yəi, kwa tí yɛ́.›