Ɉeremi 2:11 - Yálá laawoo hɛɓɛ (dc)

¹¹ Akɛ lɔi ta aa ta nwɔ haliɠaa mąąhvalin, a ɉɛnŋaa tii di hvo mun ɓaa hɛn da! Kɛlaa, kaai ɓaa nwɔ́ nuą, kaa ka wɔ mąąwiɛ mąąhvalin, a hɛn dɔ̨nɔ̨ lɔpee hvo mą.

Yálá laawoo hɛɓɛ

¹¹ Akɛ lɔi ta aa ta nwɔ haliɠaa mąąhvalin, a ɉɛnŋaa tii di hvo mun ɓaa hɛn da! Kɛlaa, kaai ɓaa nwɔ́ nuą, kaa ka wɔ mąąwiɛ mąąhvalin, a hɛn dɔ̨nɔ̨ lɔpee hvo mą.

Bible

¹¹ Ka táa lɔii-ŋuŋ da káa é ŋɔɣâlai maa fáleŋ, berei dífe la a tɔ̃yâ ɣalai? Kɛ́lɛ, ka ḿaa fáleŋ, ńyãai a Ŋ̀âlai nyíi dí mù wùyɛi, a ŋ̀âlai nyíi va sɛŋ kɛ̀ dîɛi.

Ɉeremi 2:11 Kruisverwysings

Tɔɔɓɛlaa dɔlɔɔ 11:33

Daa nɛ́ɛ́ laa, diɛ pɛlɛ Astarte lííla, yai gaa a Sidɔn nuą di wɔ hali nɛ̨ɛ̨nu, da Kemɔsə Moabə nuą di wɔ hali, da Milkomə Amɔn lonnii di wɔ hali. Di hvo hiɛ li nwɔ́ pələɠaai mɛ̨i, mɛ̨nįi ɉaŋąą ɲɛ̨́i ɓa, di hvo gɛ li. Di hvo hvilɛn ni nwɔ́ tiɓoɠaa pulu, yɛ bələi di nąn Davidə ə gɛ la.

Tɔɔɓɛlaa veelɛ 1:3

Nąąlɔwai, Yai-Laa nwɔ malaka ə mo Tisbe mun Eli ɓa, yɛ mą: «'Hvilɛn bələ pɔ ə li, ə kaa lii kwiɛn ɉii a Samari tɔɔmun nwɔ wɛlɛɛ ɓo nuą, kɛ diɛ: ‹Akɛti, Yálá hvo Israɛlə nuą yəi? Yaai ka káá lii Baalə-Zebubə mąąnin gɛi, yai a Ɛkrɔn nwɔ halii?›

Kɔlɔnikɔ Veerɛi 13:9

Kɛlɛi kaa ɓə Yai-Laa nwɔ haláá laa həli nuąi a Aarɔn lonnii da lévi lonnii di kpɛ-e! Kaa ka kpɔɔ ɓa haláá laa həli nuą həɠə, a ka liiɓa, yɛ bələi lɔi takpɛliɠaa kaa la-e? Nui lɔpee kɛi pa yɛ ɉaláá laa həli mun naa tii hu hvɛli, a nwɔ taalɛlɛɛi hu nįŋɛ̨ lon dɔ̨nɔ̨, da ɓɛlaa hilɛ mɛ̨ihveelɛ, di kɛi gɛ a ɉaliɠaa tii di hvo a Yálá, di wɔɔ haláá laa həli mun.

Mąątɛ̨nɛ̨ 106:20

Di di wɔ ɲɛ̨ipono mąąhvalin, a nįŋɛ̨ mąąnįnįn, a kalatiliin mįi hɛn.

Mąątɛ̨nɛ̨ 115:4

Di wɔ yáláɠaai kaa a hɛni, da wali, a diɛi a nukanŋaa yee pɔɔi.

Mąątɛ̨nɛ̨ 3:3

Nuąi mɛ̨nį ɓoi a náá, di tamąą ɓə, diɛ kɛ: «Malo mɛ̨nį hva pɛli həɠəi Yálá pɔ!»

Azaya 37:19

Di di wɔ haliɠaai kələn, kɛlaa ɉaliɠaai tii di hvo kɛ a Yálá. Di kɛ lɔ a nu yee kɛ kolóɠaa, a wulu, a wala kɛti a kwɛni; ɛlɛɛ Asiri tɔɔɓɛlaa di di hu kala.

Ɉeremi 16:20

Akɛti nu a mɔ̨ɔ̨ pɛli yáláɠaa pɛlii a gbɔwɔ nwɔɔ? Ya pa, ɉɛnŋaa tii di hvo ɓaa yáláɠaa.»

Ɉeremi 18:13

Yili ɓə gaa mą, Yai-Laa woo ka, yɛ diɛ: Yii gaa tii, kɛɛ mąąni kɛ lɔiɠaa hu, kaa ta mɛ̨nį taaləi tii ta bələ mɛ̨n? Israɛlə nɛ̨ɛ̨gbɛla aa kɛɛ kala túwɔ́ ɓo.

Ɉeremi 2:5

Mɛ̨nįi Yai-Laa kaa moi ya ka; yɛ diɛ: Hulu mɛ̨nį lə kɛɛ kpɔ ɓə ka nąnni di gaa ɲéé pɔ, yaai di di pulu tɔɔ mą́ą́? Diɛ hvilɛn na kpɛli-kpɛli maniɠaa pulu, ya ka daa lɛɛ a nu kpɛli-kpɛliɠaa!

Ɉeremi 2:8

Ɉaláá laa həli nuą, di hvo kɛli diɛ: «Yai-Laa kaa mi?» Nuąi Yálá nwɔ tɔ́n kaa di yəi, daa ɲagban naa kulɔ, daa lɛ̨ą mą. Nuą ɲɛ̨i tɔwɔ nuą daa tɔɔ ná. Yálá kwəi mɛ̨nį hukulɔ nu, diɛ ɓə kɛa Baalə kwəi mɛ̨nį hukulɔi Di hvilɛn ŋąą kpɛli-kpɛli hɛnŋaa pulu.

Ɉeremi 5:7

Ɉerusalɛmə taa! Mɛ̨nį kɛ pələ a kɛ tii, ŋį́ pɛli ə́ mąą hvaalɛɛi ləi? Ə́ lonni daa nɛ́ɛ́ laa, diɛ di kwɛla hali ɓa. Ŋą́ di yee laholon, diɛ di kpɔɔ kɛ a wɛlii kɛ nuą, di pulu tɔɔ wɛli kɛ Nɛ̨ɛ̨nu yee bɛlɛ́ laaləi, diɛ nąą mąąkɔ̨nwɔ̨.

Izikiɛ 14:5

Gɛ́ pɛli nɛ̨́ɛ̨́i gwɛlii Israɛlə lonnii hu; a diɛi ti daa di mąą kwɛa mą́ą́, di wɔ haliɠaai mąą mɛ̨nį ɓa.

Izikiɛ 5:7

Yili ɓə gɛi, Yai-Laa gu wɔ Yálái yɛ diɛ: ka tɛɠɛɓoɉuɔi dɛɛ nɔiɠaai ka kwɛlɛ diɛ; ka hvo lɛɛ li nwɔ́ tiɓoɠaai pulu; ka hvo nííɓa mɛ̨nįɠaa kɛ li; ka hvo mąn tɔ́wú li yɛ bələi ka kwɛlɛ lɔiɠaa da túwɔ́ la

Mise 4:5

Akɛ hį́i takpɛliɠaa da kɛ hiɛi di wɔ haliɠaai laa hu, ku wɛi kwa hiɛ Yai-Laa ku wɔ Yálái laa hu, a yələ kəlee da nwɔɔ.

Lomaŋ 1:23

Diɛmun, di hvo gɛ li, Yálá ŋɛ̨i a vulúmąą, di hvo kɛnɛ̨ pələ mąąwiɛ. Daa li diɛmun, diɛ haa hɛnŋąa mąąwiɛ, yɛ pələi: Nu kan gaa la, nwɛ̨nį, ɛlɛɛ, huwɔɠaa da tala-hɛnŋąa.

Korɛntə dɔlɔɔ 8:4

Akɛtii, huwɔi daa gulɔ a haláá hali ɓa, gwa pɛli da mįi? Gu gɔlɔn guɔ, hali lɔpee ta hvo yɛnɛ̨ɛ̨, ɛlɛɛ, yálá takpɛli hvo laa, ə kulɔ Yálá yaa tanɔ̨n gbən bulu.

Galatə 4:8

Tɔlɔɔ tɔlɔɔ, ká hvo ni kɛ Yálá kɔ́lɔn, ká kɛ a haliɠaa di wɔɔ luwɔ, a diɛi tii di hvo kpɛli a Yálái.

Dutɛrɔnome 32:16

Di Yai-Laa liikələn gwəi a ɓɛlɛkpɛɛ mąą túwɔ́ yii di kɛi mo. Di nwɔ liiholi muhəɠə a kwɛli hvilɛn ŋąą haliɠaa diɛ.

Dutɛrɔnome 32:21

Daa nwɔ́ toloi muhəɠə a di hvilɛn mɛ̨nį hali hvikpɛɛɠaa pulu. Ɲą́ą́n gbɛli mąn, gaa di wɔ tolo muhəɠəi a hį́i yiiɠaai di hvo a hɛn da. Ŋą́ di liikələn di kwəi a hį́i yii hvo mɛ̨nį kɔ́lɔn.

Dutɛrɔnome 33:29

Israɛlə! Ə́ nwun na nɛ̨ɛ̨i! Gbɛɛ ɓə ka yaa ka kulaa tii ka kee ɓai? Yɛ́i ə tɔɔ bulu ɓaa Yai-Laa! Yaa ɓə gaa a ə́ mąąkpɔmąą ɓo hə́mə́! Yaa lɔ ɓə gaa a ə́ wɔ huwalawala ɓɔwa kwɛa! Ə́ yowoɠaa di hvo kolokpɛli di lii pɔ wɔlɔi ə́ pɔ, ya di wɔ lɔi too ə́ kɔ́wɔ mu, yɛ́ hiɛ ɉu.»

Piɛrə dɔlɔɔ 1:18

ká kili ə pu tii ɉu káá, di hvo kɛ ká nwun mąąɓo li, diɛ ká kulɔ ká nąnni yíi pələ ɲɔ̨nwɔ̨ɔ̨ tii yəi, a hɛn kala kaa mą, a wali, awala kɛ tii, a hɛni,

Samuɛlə dɔlɔɔ 4:21

Ə nokolo laa hee a: Ikavɔdə, mukulaa ɓaa: «Mąąwiɛ aa kulɔ Israɛlə lɔi hu», mąąhɔlɔɓo, ə kɛi yili ɓo, yɛ hvilɛn na Yálá nwɔ kəhii hon mɛ̨nį ɓa, da ɉilɛ ɛlɛɛ ɉilɛ nąn di haa mɛ̨nį ɓa.