Ɉeremi 17:25 - Yálá laawoo hɛɓɛ (dc)

²⁵ ka gɛ tii, daa ŋɛ̨i hu kalanɉonŋaa, da tɔɔɓɛlaa, di kaa pai kɛi heei Davidə nwɔ kpəlin hu; diɛ tɛi wotoloɠaa hu, diɛ hee hooɠaa mɛ̨i, Ɉuda nɔi nuą, Ɉerusalɛmə nuą, da lɛɛ heeni nɔi ŋɛ̨i hu a yələ kəlee.

Yálá laawoo hɛɓɛ

²⁵ ka gɛ tii, daa ŋɛ̨i hu kalanɉonŋaa, da tɔɔɓɛlaa, di kaa pai kɛi heei Davidə nwɔ kpəlin hu; diɛ tɛi wotoloɠaa hu, diɛ hee hooɠaa mɛ̨i, Ɉuda nɔi nuą, Ɉerusalɛmə nuą, da lɛɛ heeni nɔi ŋɛ̨i hu a yələ kəlee.

Bible

²⁵ À kɛ̀ tí, díkâloŋ-ŋai da dítii kɛ́-ƃela kpaya-kpayai da pâi tɛɛ̂i a ziɣãŋ-ŋai ŋí láƃerei kâloŋ-wala-wala laa kɛ́ ƃò díyêei yɛ̂ɛ berei Deeƃé è wɔ́lɔ kɛ̀ lai. Gɛ̀ ní da Zuda-ƃela é pɛ́lɛ Zerusâlɛŋ-ƃela dîa, da pâi kɛ̂i seêi soo sia-keleŋ-ŋa su, dí kɛ̀ sèe soo-ŋa mɛi, gɛ̀ ní nûa da pâi kɛ̂i nɔ́ Zerusâlɛŋ a tãi kélee.

Ɉeremi 17:25 Kruisverwysings

Samia Veerɛi 7:16

Ə́ wɔ pɛlɛ́i da ə́ wɔ tɔɔlaai di kaa pai kɛi ɲɛ̨́i mu a yələ kəlee. Ə́ wɔ tɔɔ kpəlin a kɛ a ɉeɛ kpɔ a gbilin yələ kəlee mɛ̨nį.»

Samia Veerɛi 8:4

Davidə ə kɔ́ kɔ́ wotolo waa tɔ̨nɔ̨ həɠə, ɛlɛɛ, ə hoo mɛ̨i nuą nu waa mɛ̨ihveelɛ da nuąi di kɔ́wɔ ŋą diɛ kɔ́ kɔ́, nu waa pow hveelɛ hon a luwɔ. Davidə ə ɉooɠaa kəlee kɔ́wɔ pulu laną tee, nwun dɔ̨nɔ̨ lɔ ɓə ə nɛɛ.

Lɛɛ gbɔwɔ ɓa 12:14

«Kwɛlan nwoo kwɛlan, mɛ̨nį lɛlɛɛi ŋɛ̨i ŋą́ą́ gɛ kaa, ka kɛ kpɔlɔ ɉɛli pui, ɲą́ą́ Yai-Laa náá hu. Gaa pai kɛi ka mɛ̨i a tɔ́n, hva ɉəɠə mą.

Azaya 9:7

Yálá ə haŋąi Ɉakɔbə nu huwu ɓa, nwoo aa həli Israɛlə nuą diɛ.

Ɉeremi 13:13

Yá bulu pənə diɛ, yɛ́ diɛ: ‹Yai-Laa yɛ: Nɔi ŋɛ̨i hu nuą kəlee, di wɔɔ tɔɔɓɛlaai di kaa a Davidə huwu, diɛi heeni nwɔ tɔɔkpəlin mɛ̨i, ɉaláá laa həli nuą mąn, da Yálá kwəi mɛ̨nį hukulɔ nuą mąn, da Ɉerusalɛmə nuą kəlee; gáá pai gəlee kɛi yɛ lɔɔ honŋaa.

Ɉeremi 22:2

Yɛ́ diɛ: ‹Ɉuda tɔɔmun, yɛ́i heeni Davidə nwɔ tɔɔkpəlin hu, yɛ́ ká ə́ wɔɔ tínuą, da nuą kpɔ da lɔ dɔɔ pɛlɛ́ mu.›

Ɉeremi 22:30

Yai-Laa woo ka! «Ka bɛ̨ɛ̨ a nui tii laa kaa diɛ nu kpoloon, nui nwun na hvo nɛ̨ɛ̨li mɛ̨nį ta hu nwɔ yɛnɛ̨ɛ̨ hu, non da lɔpee hvo pai nu kɛi, yɛ pɛli heei Davidə nwɔ tɔɔkpəlin hu, yɛ kɛ a Ɉuda tɔɔmun da.»

Ɉeremi 22:4

Ka túwɔ tii, dɔɔɓɛlaa pai heei Davidə nwɔ tɔɔkpəlin hu, di kaa pai kɛi tɛɛi bɛlɛ́i ŋɛ̨i laaləi, di ɓo wotoloɠaa hu, da hooɠaa mɛ̨i. Yaa nwɔ tínuą da nwɔ lɔi hu nuą.

Ɉeremi 25:5

Ə kɛi kɛ kaa: ‹Ka kəlee ka həɠə ka hiɛ pələ ɲɔ̨nŋaa pulu, da ka wɔ túwɔ́ pələ ɲɔ̨nŋaa, ya ɓə a gɛ, nɔi ŋɛ̨i Yai-Laa ə dɛɛ ka pɔ, ka ka nąnni, ka pɛli heei ɉu, kaa lɛɛ laa a yələ kəlee.

Ɉeremi 33:15

Vólói tii ɉəli, ɲələi kpɔ kpɔɔ a ɉəli kpɔlɔɔ mą, gáá pai tələnmo lon da tɛɛi Davidə pɔ, yɛ tɛ̨ą da tələnmolaa di mąąkɔ̨nwɔ̨ nɔi hu.

Ɉeremi 33:17

Yai-Laa woo ka, yɛ diɛ: «Davidə huwu hu, nu hvo pai kpɛɛi laa yɛ hee Israɛlə nwɔ pɛlɛ́i dɔɔ kpəlin ɉu.

Ɉeremi 33:21

akɛti, mįnɛ̨i kwa nwɔ́ tí mun Davidə ku ɉəɠə, ɉu a kala; ɉuwu ta hva kɛa pɛli kɛi a tɔɔmun, ə ɓo heeni nwɔ tɔɔkpəlin hu. A kɛ lɔ nwɔ̨nɔ̨ tii a mįnɛ̨i ku ɉəɠə kwa Lévi lonnii, diɛi tii a nwɔ́ tínuą ɉaláá kulɔ mɛ̨nį hu.

Ɉeremi 7:3

Yai-Laa Mɛ̨nį Kəlee ŋą Hééɓomun, yaai a Israɛlə Yálá nwoo ka, yɛ diɛ: 'Ka ka túwɔ́ pələ haŋą, ka ka hiɛ pələ ɲɛlɛ kɛ. Ka gɛ tii, ŋį́ pɛli ŋį́ hee ka lɔwai ɓɛ nɔi.

Ɉeremi 7:7

Akɛ ka mɛ̨nįɠaa tii hon, ŋį́ hvaa mą ŋį́ hee ka lɔwai ɓɛ nɔi ŋɛ̨i hu, yii ŋį́ dɛɛ ka nanii pɔ a di wɔɔ a yələ kəlee.

Dutɛrɔnome 17:16

Ka wɔ tɔɔmun gbɔ, mąą hvo nɛ̨ɛ̨li hoo kpulu kɛnɛ̨ hvo kɛ ɲəi, hvo kɛ gaa nuą tɔɔi Eziptə lɔi hu hoo kpulu kɛnɛ̨ ya mɛ̨nį ɓa. Mąąhɔlɔɓo, Yai-Laa ə kɛ kaa: «Ka hvə kpɔ kɛa pənə ka hvo ɉon a Eziptə lɔi hu pələi tii tɔ̨nɔ̨ kpɛli.»

Hebreu 12:22

Kɛlaa, ká wɛi, káá ká mąąlɛɠɛ Siɔn yee ɓa, da Yálá hvulú nwɔ taalee kɛnɛ̨i, a Ɉerusalɛmə yai yələi, da malaka kpulu waa tamąąi di ɲąąkpɔnŋąą hɛli hu,

Samuɛlə dɔlɔɔ 8:11

«Dɔɔmun pai ka ɲąąwooɓoi, bələi gaa pai ka hon ɉii la bələ ka: Gaa pai ka lon ɉinąą həɠəi, yɛ di tɔɔ nwɔ kɔ́ kɔ́ wotoloɠaa diɛ da nwɔ hooɠaa, diɛ gilɛ həɠə nwɔ wotolo ɲɛ̨i tɔwɔ.