Ɉeremi 17:21 - Yálá laawoo hɛɓɛ (dc)

²¹ Yai-Laa yɛ: Nu ta hvo tiɛ̨ həɠə a vįitɔɔ yələ, yɛ tɛɛ la Ɉerusalɛmə taa gbonŋaa laaləi,

Yálá laawoo hɛɓɛ

²¹ Yai-Laa yɛ: Nu ta hvo tiɛ̨ həɠə a vįitɔɔ yələ, yɛ tɛɛ la Ɉerusalɛmə taa gbonŋaa laaləi,

Bible

²¹ M̀ó dîa à kɛ̀ dí díkpîŋ wɛ́li-ni, gɛ̀ ní dífe kpîri sii kélee da sìɣe a Vii-tɔɔ-ɣelei. Dífe sɛŋ da sìɣe dítɛɛ la Zerusâlɛŋ siɣãŋ-ŋai da lá.

Ɉeremi 17:21 Kruisverwysings

Lɛɛ gbɔwɔ ɓa 20:8

«'Ə́ kili lɛɛ vįitɔɔ yələ hu, Yálá nwɔɔ li.

Hanwon 4:23

Ə́ kili kɛ ə́ kpɔwɔ hu, ə tɛɛ hɛn gəlee ɓa, mąąhɔlɔɓo, yili ɓə a gɛ ə́ yíi ə kwɛa.

Azaya 56:2

Nu a túwɔ tii a ganąn bələ mą́ą́, mąą nu kaa a lúwɔ lon, yai hva vitɔɔ yələ mąą kala, Kɛlaa yɛ mąąhəɠə, ɛlɛɛ, hva ɲee too mɛ̨nį ɲɔ̨n lɔpee da hu.»

Azaya 58:13

Ya wala kɛ kólóɠaa kɛi a hvįįtɔɔ yələ, ya kpəla tɔ̨nɔ̨ kwɛliɛ ɓa, a nwɔ́ hvóló mąąhəɠɛɛ, ya vįitɔɔ yələ laa hee, «a ə́ liiɓa hvóló», Yɛ́ Yai-Laa nwɔ hvólói mąąhəɠɛɛ laa hee, a «hvóló Mąąwiaa.» Yɛ́ mąą həɠə a ə́ lííɓa hiɛɠaai ya nɛɛ laa, hva tɔ̨nɔ̨ kwɛli a mąą yələ, hvo túwɔ mɛ̨nį ɓo hu a mąą yələ.

Markə 4:24

Jesus ə mo nwɔ̨nɔ̨ diɛ, yɛ diɛ: «Mɛ̨nį yiiɠaa ka káá mɛ̨n ɉi, ka gɛ a nɛlɛɛ! Pələi ka káá mɛ̨inɛ̨ɛ̨ kɔ́ɔn ɉi la kaa dɛɛ nuą pɔ, pɛlɛ lɔ ɓɛ Yálá a gɔwɔn na, ə da laa mɛ̨i ə dɛɛ ka pɔ.

Lukə 8:18

Ka gɛ a nɛlɛɛ, mɛ̨nįɠaai ka káá mɛ̨n ɉi mąą mɛ̨nį ɓa. Mąąhɔlɔɓo, nui hɛn da kaa ɲəi, Yálá a da pɛlɛ mą. Kɛlaa, nui hɛn da hvo ɲəi, yii woloi gili kaa mą, Yálá a tinąą gulɔ ɲəi.»

Gɛlaɠaa 20:28

'Ka ká kpɔɔ mɛ̨i kaa, nu kpului ŋɛ̨i Kili-Mąąhəɠɛɛ aa ká hee a mɛ̨i kaa nuą, 'ka ká kili kɛ ɉu, 'ká gbɔn ɲąąkɔn a nɛlɛɛ, yai ə ɲá a gbɔkpɔɔ ɲąmąi.

Dutɛrɔnome 11:16

Ka gɛ a nɛlɛɛ, ka hvo nɛɛ laa di hvo ka kili ŋąąpɛlɛ; di hvo ka nwun ɉu lan; kaa li tɔɔi kaa tí haliɠaa diɛ; kaa kwɛli hvilɛn diɛ.

Dutɛrɔnome 4:15

Ka ka kpɔwɔ hon a nɛlɛɛ, ka gɔlɔn kaa diɛ, ɲələi Yai-Laa ə kɛi mɛ̨nį ɓo la kaa nwɔ̨n nən ɉu Horɛbə yee nwuɔ̨, ka hvo hɛn nɔpee ta mąą nįnįn gaa nwɔ̨n nən tii hu.

Dutɛrɔnome 4:23

Mįnɛ̨i Yai-Laa ə naa ka lɔwai ka diɛni, ka gɛ a nɛlɛɛ, ka hvo lɛ̨ą mą. Ɉɛnŋąą kpɔ tii Yai-Laa ə tɔ́n dɔɔ kaa mąą mɛ̨nį hu, yɛ kɛ ka hvo da mąą nįnįn ɉəɠə, ka hvo kɛ ka káá da pɛlii.

Dutɛrɔnome 4:9

Ka ka kpɔwɔ hon a nɛlɛɛ, mɛ̨nįɠaa kpɔ ka gaa a ka ɲɛ̨ikɔw, nąą kili hvo kpɛɛ ka ŋą ka yíi hvóló kəlee hu; ka hvo lɛ̨ą mą, ka mɛ̨nįɠaa tii hukulɔ ka lonnii diɛ da ka mąnįn bulu mąnįnŋąą kəlee.

Zasua 23:11

Ka gɛ kani a nɛlɛɛ ka mąą mɛ̨nį hu, ka Yai-Laa ka wɔ Yálá wɛli la kɛ.