Ɉeremi 16:12 - Yálá laawoo hɛɓɛ (dc)

¹² Yii ɓaa ka wɛi, ka túwɔ́ pələ ɲɔ̨nwɔ̨ɔ̨i dɛɛ ka nąnni di wɛi ɓa. Ka kəlee ka kanąn ŋąą ka wɔɔ túwɔ́ pələ ɲɔ̨n ma, ka hva ti, ka hvo ka wəli tɔɔ nwóó ɓa.

Yálá laawoo hɛɓɛ

¹² Yii ɓaa ka wɛi, ka túwɔ́ pələ ɲɔ̨nwɔ̨ɔ̨i dɛɛ ka nąnni di wɛi ɓa. Ka kəlee ka kanąn ŋąą ka wɔɔ túwɔ́ pələ ɲɔ̨n ma, ka hva ti, ka hvo ka wəli tɔɔ nwóó ɓa.

Bible

¹² Kɛ́lɛ, ká tûa a nyɔ́mɔɔ a ńyãa é tɛ́ɛ kánâŋ pɔlɔ-ŋai dîa. Kákelee kpɔ́ káwôlii kpɔ̂lɔi, kásɔŋ nyɔ́mɔɔ, káfa káwoli tɔ̀ɔ ḿâ.

Ɉeremi 16:12 Kruisverwysings

Zɛnɛse 6:5

Yai-Laa ə gaa yɛ diɛ: Nu lonnii kwəi kiliŋąhiɛ kaa lɔ kɛa mɛ̨nį ɲɔ̨n ma a hvóló kəlee.

Zɛnɛse 8:21

Ɉaláá tii Noe ə gulɔ ə nɛ̨ɛ̨, ə Yai-Laa liilaa. Yai-Laa yɛ gbɔwɔ ɓa: «Və́ kɛa pai lɔi nɛ̨ŋɛ̨n naai nu kan dúwɔ́ pələ mąą mɛ̨nį ɓa. Bələi mąn kpɛli di wɔ kiliŋąhiɛ hva kɛ la a nɛlɛɛ, ə gɔwɔ tɔɔ di lokolo yələ ɓa. Ɛlɛɛ, və́ kɛa pai yɛnɛ̨ɛ̨ nwun na pilii yɛ bələi ŋɛ̨i ŋį́ gɛ́ lai.

Ikilisiati 8:12

Nɛ̨ŋɛ̨n ɉəɠəmun danɔ̨n gbən a pɛli ə mɛ̨nį ɲɔ̨n damąą bələ kulɔ, Kɛlaa yaamun, yɛ lamun yɛnɛ̨ɛ̨. Ɲą́ą́ gbį́nįi gílí kaa ɉu, gɛ diɛ: «Nuąi da ɲɔw Yálá ɓa, diɛ ɓə di kaa a lúwɔ́ lonnii, mąąhɔlɔɓo, diɛ ɓə Yálá nwɔ Heeɓolaa kɔ́lɔn.

Ikilisiati 9:3

Mɛ̨nį ɲąąnwąnąąi gaa lɔi mɛ̨i, ya ɓaa: hɛn gəlee ŋąąkpɛɛi kɛ mɛ̨nį tanɔ̨n. Nuąi da di kpɔwɔ lɔ mɛ̨nį ɲɔ̨n gɛɛ hu, ɛlɛɛ, di liiɓa yɛ ɓo a kilikpɛɛgwəi túwɔ́ ɓoɔ, yii lɔ a lɛɛ nąą pulu, ya lɔ ɓaa a haa.

Ɉeremi 13:10

Yaan, di kaa a nu huwu ɲɔ̨nwɔ̨ɔ̨, di hvo gɛi di hvo di wəli tɔɔ nwóó ɓa. Di kanąn ŋąą lɔ di wɔ wəlii kpɔlɔi ɓa. Diɛ li diɛ kwɛli hvilɛn haliɠaa diɛ; diɛ di mąąwiɛ, diɛ pɛlɛ di lííla. Di kaa pai kɛi yɛ bələi tii ɉąą yili kɔ́lɔi tii kaa la; tɔ̨nɔ̨ lɔpee hva kɛ mą.

Ɉeremi 17:9

Nu kwəi kili ɲɔ̨nwɔ̨ɔ̨i hɛn gəlee ɓa, gbəlaan ŋąą, ɉu hva pɛli tɔɔi, gbɛɛ ɓə a pɛli gɔlɔn ɉii.

Ɉeremi 18:12

Kɛlaa ka káá pai kɛi diɛ: «Pɛli mąą hvo ɉu, ku kaa hiɛi yɛ bələi ku kwəi kili kaa la. Ku kaa kanąn ku wɔ lii pɔ ɲɔ̨nŋaa diɛ.»

Ɉeremi 22:28

Koniahu a mɔ̨ɔ̨ kɛ yɛ hɛnɲąŋą wolɔɔ yai dɔlɔ hvo kɛa mą, a mɔ̨ɔ̨ kɛ yɛ hɛn ɲąŋą yii di hvo bɔ? Lə ɓə kɛ yai daa di pili, yaa da nonnii, diɛ di pili lɔi di hvo gɔlɔn ɉu?

Ɉeremi 7:24

Kɛlaa, ya ka tii, di hvo gɛ li di hvo di wəli tɔɔ mą, di hvo bɔ mɛ̨nį kɛ; di túwɔ́ a di liiɓa, a di wɔ wəlii kpɔlɔ ɲɔ̨nwɔ̨ɔ̨. Di ɲɛ̨i kɛ mąąnɛ̨ɛ̨ di ɉee mą́ą́, daa tinɛ̨n di pulu pələ ɓə di ɉee mą́ą́.

Ɉeremi 7:26

Kɛlaa, di hvo ta di wəli tɔɔ li nwóó ɓa di hvo mɛ̨n. Di di nwun nwalawala, di wɛi ə ɲɔ̨nwɔ̨ ə tɛɛ di nąnni di wɔ ɓa.

Ɉeremi 9:14

Yili ɓa, Yai-Laa Mɛ̨nį Kəlee ŋą Hééɓomun, Israɛlə nwɔ Yálá, yɛ diɛ: Gáá pai pilíí ɓa tɛɛi di pɔ di mį́i ŋį́ kili ya tɔɔ di la di gbələ.

Woolaa 5:7

Ku nąnnii nɛ̨ŋɛ̨n ɉəɠə, daa haa; kuɔ ɓə kɛa ɉu mɔ̨nɔ̨ mįi.

Izikiɛ 20:30

Yili mąą mɛ̨nį ɓa, 'mo Israɛlə nwɔ pɛlɛ́i mu nuą diɛ, yɛ́ diɛ: Mɛ̨nį kəlee ŋą Hééɓomun Yálá woo ka, yɛ; A kɛ ti, kaa ka mąąliɓi a hvilɛn ka mo ká nąnni hiɛ pələ pulu, kaa túwɔ pələ ɲɔ̨n gulɔ a di wɔ kilikpɛɛgwəi mɛ̨nįɠaai tii?

Amɔsə 2:4

Yai-Laa woo ka, yɛ: Mɛ̨ni tɔ̨nɔ̨ hvəi gɛi gɛ́ haŋą Ɉuda nuą diɛ, gaa kpɔ a mɛ̨nį haaɓa, kpɔ hɔlɔmun nąąn. Mąąhɔlɔɓo, daa lənə Yai-Laa nwɔ tɔ́nŋąą diɛ, ɛlɛɛ, di hvo bɔ liɛwooɠaa hon ni, mąąhɔlɔɓo, daa həɠə daa hvilɛn haliɠaa pulu, diɛi wɔlɔ di kalaɓɔlɔni di hvilɛn di pului.

Malasi 3:7

Ə həɠə kpɔ ka kalaɓɔlɔni diɛ, ə həli la káá, kaa ká pulu tɔɔ nwɔ́ liɛwooɠaai diɛ, ka hvo ɉon ni. 'Ká pənə ka pa bɔ́, ŋą́ pənə ŋą́ pa ka pɔ. Ɲą́ą́ Yai-Laa Mɛ̨nį Kəlee ŋą Hééɓomun nwóó li. Kɛlaa, yii ka kɛ moi, ya ka, káá kɛ mą: «Kwá pa pələ kɛ ləi?»

Markə 7:21

Mąąhɔlɔɓo, nu lii hu ɓə kiliŋąhiɛ ɲɔ̨nwɔ̨ɔ̨ɠaa da kulɔ laa, yɛ nu tɔɔ a mɛ̨nį ɲɔ̨n gɛɛ, yɛ bələi: nwuɔ̨ kɛɛ kaa la, nu paa mɛ̨nįɠaa,

Dutɛrɔnome 29:19

Nui taaləi tii, Yai-Laa hva mąą hvaalɛɛ. Yai-Laa nwɔ liiholi da nwɔ tolo kaa pai ɓɛlai mąą nu mɛ̨i, mɛ̨nį nwąnąąɠaa kpɔ di pɛ̨ɛ̨i ɉɛɓɛ́i ŋɛ̨i hu, di kaa pai pui mɛ̨i; ɛlɛɛ, Yai-Laa yɛ mąą nu laa kpɛɛ yələkɔlɔn mu.

Dutɛrɔnome 9:27

Ə́ kiliŋąhiɛ kani ə́ vilɛn ə́ wɔ tínuąi a: Abrahamə, Isaakə da Ɉakɔbə diɛ. Hvó ə́ kili lɛɛ nu huwui ŋɛ̨i nwɔ wəlii kpɔlɔ ɓa, da di wɔ túwɔ́ pələ ɲɔ̨n, ə mą kɛ di wɔ nɛ̨ŋɛ̨n;

Timote veelɛ 3:13

Nu nwun ɉu lan nuą da laa nɛ̨ɛ̨ mąą nuą, da kɛnɛ̨ mɛ̨nį ɲɔ̨n ɉu, diɛ nu takpɛliɠaa ɓowo, diɛ nwɔ̨nɔ̨ di kpɔwɔ ɓowo.

Hebreu 3:12

Ną́n nonnii, ka gɛ kani a nɛlɛɛ, nu ta hvo kɛ ka lɔwai, kili walawala laa ɲɔ̨nwɔ̨ɔ̨ hvo mąąkwɛa Yálá hvulúmąą ɓa.

Nwun mąąɓo 2:19

Kɛlaa, ɓɛlɔwai guláái yili a haa la, da lan gbɔ, di tɛɛ di nąnni diɛ, diɛ haliɠaa həɠə, diɛ kwɛli hvilɛn diɛ, di hvo kɛi kpɛla túwɔ́ pələ ɲɔ̨n ma, di wɔ kili walawala laa ta hvo kɛi kulɔ mą.

Samuɛlə dɔlɔɔ 15:23

Kɛlaa, nu kulaa Yálá woo mu nɛ̨ŋɛ̨n gaa lɔ yɛ, kwɛli hvilɛn ŋąą hali ɓa nwɔ nɛ̨ŋɛ̨n, da wəli kpɔlɔ nɛ̨ŋɛ̨n, ə mą kɛ tɔlu kpɛ nɛ̨ŋɛ̨n. Yii kpɔ yáá lənə Yai-Laa woo ɓa, yaa kpɛli aa lənə yɛ́, hvó kɛa a tɔɔmun.»