Ɉeremi 16:11 - Yálá laawoo hɛɓɛ (dc)

¹¹ Da mo tii yɛ́, yá kɛ diɛ: Mąąhɔlɔɓo, ka nąnni di Yai-Laa lɛɛ laa, di hvilɛn ŋąą haliɠaa pulu, diɛ di mąąwiɛ, diɛ kwɛli hvilɛn diɛ, diɛ pɛlɛ di lííla. Nwɛ́i di lənə mą́ą́, di hvo nwɔ́ tíɓoɠaa lɛɛ li di kili pɔ.

Yálá laawoo hɛɓɛ

¹¹ Da mo tii yɛ́, yá kɛ diɛ: Mąąhɔlɔɓo, ka nąnni di Yai-Laa lɛɛ laa, di hvilɛn ŋąą haliɠaa pulu, diɛ di mąąwiɛ, diɛ kwɛli hvilɛn diɛ, diɛ pɛlɛ di lííla. Nwɛ́i di lənə mą́ą́, di hvo nwɔ́ tíɓoɠaa lɛɛ li di kili pɔ.

Bible

¹¹ À kɛ̀ tí, mó dîa, Yâwɛɛ ǹyɛɛi, ‘Kánâŋ-pɔlɔ-ŋai dí dípôlu tɔ̀ɔ ḿâ, dí kɛ̀ ɣâla-da-kpɛni-ŋa fɛ̀li díkɛ tíi kɛ̀ dîɛ. Dí dípôlu tɔ̀ɔ ḿâ dífe díyee see ní ŋ́oo mu da ŋásɛŋ-lɛɛi.

Ɉeremi 16:11 Kruisverwysings

Tɔɔɓɛlaa dɔlɔɔ 9:9

Da nwoo pulu pənə diɛ kɛ mą: ‹Mąąhɔlɔɓo, di Yai-Laa lɛɛ laa, yai a di wɔ Yálá, yai wɔlɔ di nąnni kulɔ Eziptə lɔi hu, diɛ hvilɛn haliɠaa pulu, diɛ kwɛli hvilɛn diɛ, diɛ di mąą mɛ̨nį kɛ. Yili mąą mɛ̨nį ɓə gɛ, Yai-Laa di wɔ Yálái yɛ mɔ̨nɔ̨ ŋɛ̨i laa di mɛ̨i.›»

Kɔlɔnikɔ Veerɛi 7:22

Nuą kaa pai kɛi diɛ: ‹Mąąhɔlɔɓo, daa di pulu tɔɔ Yai-Laa ɓa, yaai gaa a di nąnni di wɔɔ Yálá. A Ɲálái di kulɔ Eziptə lɔi hu, daa nɛɛ laa diɛ hvilɛn haliɠaa pulu, diɛ kwɛli hvilɛn diɛ, diɛ tí diɛ. Mɛ̨nįi ə mɛ̨nį nwąnąą ŋɛ̨i laa la diɛ, yaa li.›»

Ɉeremi 13:22

Akɛti, ya ə́ kpɔɔ mąąni kɛ, yɛ kɛ diɛ: «Mɛ̨niɠaa ŋɛ̨i kaa laai mą́ą́ lə mɛ̨nį ɓa?» Ə́ wɔ lii ɲɔ̨n gwəi laa ɓə gɛi, diɛ həɠə tee la yɛ́, di yee tɔɔ ə́ kwąną.

Ɉeremi 2:8

Ɉaláá laa həli nuą, di hvo kɛli diɛ: «Yai-Laa kaa mi?» Nuąi Yálá nwɔ tɔ́n kaa di yəi, daa ɲagban naa kulɔ, daa lɛ̨ą mą. Nuą ɲɛ̨i tɔwɔ nuą daa tɔɔ ná. Yálá kwəi mɛ̨nį hukulɔ nu, diɛ ɓə kɛa Baalə kwəi mɛ̨nį hukulɔi Di hvilɛn ŋąą kpɛli-kpɛli hɛnŋaa pulu.

Ɉeremi 22:9

Di kaa pai kɛi bulu pənəi, diɛ kɛ mą: ‹Mąąhɔlɔɓo, di Yai-Laa di wɔ Yálá nwɔ mįnɛ̨i mąą kala, diɛ pɛlɛ haliɠaa lííla, diɛ di mąąwiɛ.›»

Ɉeremi 44:3

Nɛ̨ŋɛ̨nŋaa di kɛi ɉəɠə mąą mɛ̨nį ɓa, di nwą́ną lɔ a ɉaláái di kɛi gulɔ haliɠaa diɛ, diɛ di mąąwiɛ. Ya pa, ɉaliɠaa tii di hvo ta kɛ di ta mąą mɛ̨nį ɲɛ̨i kulɔ li; diɛ mąn, ə mą kɛ, di kalani pɔlɔɠaa.

Ɉeremi 8:2

Di kaa pai gəlee huhiɛi hvóló mu, di ɉuhiɛ ɲąnin voló ɓa, da yələkɔlɔn ɉu hɛnŋaa kəlee ɲɛ̨i ɓa. Ɉɛnŋaa tii ɓə di wɛli ə́ kɛ diɛ, diɛ di mąąwiɛ; diɛ kwɛli hvilɛn diɛ, diɛ di nwun dɔɔ a diɛ. Di kɔ́wɠaa da lɛɛ a ɉu taɠaa, di hva pənə di hvo di loo a nįnɛ̨. Da lɛɛ nɔi mɛ̨i yɛ tulun bɔlɔ.

Ɉeremi 9:14

Yili ɓa, Yai-Laa Mɛ̨nį Kəlee ŋą Hééɓomun, Israɛlə nwɔ Yálá, yɛ diɛ: Gáá pai pilíí ɓa tɛɛi di pɔ di mį́i ŋį́ kili ya tɔɔ di la di gbələ.

Woolaa 5:7

Ku nąnnii nɛ̨ŋɛ̨n ɉəɠə, daa haa; kuɔ ɓə kɛa ɉu mɔ̨nɔ̨ mįi.

Izikiɛ 11:21

Ną́mu Yálá woo li, yɛ: Kɛlaa, nuąi di kili kaa lɔ túwɔ́ bələ ɲɔ̨n bɔ pələ, da mɛ̨nį ɲɔ̨n gɛɛ, gáá pai di wɔ túwɔ́ pələ ɲɔ̨n yɛɛi a di nwun.›»

Amɔsə 2:4

Yai-Laa woo ka, yɛ: Mɛ̨ni tɔ̨nɔ̨ hvəi gɛi gɛ́ haŋą Ɉuda nuą diɛ, gaa kpɔ a mɛ̨nį haaɓa, kpɔ hɔlɔmun nąąn. Mąąhɔlɔɓo, daa lənə Yai-Laa nwɔ tɔ́nŋąą diɛ, ɛlɛɛ, di hvo bɔ liɛwooɠaa hon ni, mąąhɔlɔɓo, daa həɠə daa hvilɛn haliɠaa pulu, diɛi wɔlɔ di kalaɓɔlɔni di hvilɛn di pului.

Malasi 3:7

Ə həɠə kpɔ ka kalaɓɔlɔni diɛ, ə həli la káá, kaa ká pulu tɔɔ nwɔ́ liɛwooɠaai diɛ, ka hvo ɉon ni. 'Ká pənə ka pa bɔ́, ŋą́ pənə ŋą́ pa ka pɔ. Ɲą́ą́ Yai-Laa Mɛ̨nį Kəlee ŋą Hééɓomun nwóó li. Kɛlaa, yii ka kɛ moi, ya ka, káá kɛ mą: «Kwá pa pələ kɛ ləi?»

Piɛrə dɔlɔɔ 4:3

A tɛ̨ą, yii tii kɛ, aa pɛli ɉu, a yai wɔlɔ ká gɛ hali pulu yíi hu, káá tuwɔ pələ ɲɔ̨n ɉuwu kəlee kulɔ, ɲɛ̨i kulɔ bɔɠaa, lɔɔ hon naa, kwəi kɛnɛ̨ laa, lɔɔ kpələ kpɔn naa, da hali ŋą mąąliɓi mɛ̨nįɠaa.

Nwun mąąɓo 2:11

Mɛ̨nįi ɲɔ̨nwɔ̨ɔ̨ Yai-Laa ɲɛ̨i ɓa, ya ɓə Israɛlə lonnii di di yee lɔ ɉu, di kwɛli hvilɛn Baalə haliɠaa diɛ.