Ɉeremi 15:7 - Yálá laawoo hɛɓɛ (dc)

⁷ Ŋą́ laɠa həɠə daaɠaa hu, nɔi, gɛ́ di hu taɠa taɠa la. Ŋą́ą́ nwɔ́ nuąi kwəi kpala, ŋą́ą́ di lɛɛ a lon nwɛli. Kɛlaa ə mą kɛ tii, di hvo di túwɔ́ pələ mąą hvalin ni.

Yálá laawoo hɛɓɛ

⁷ Ŋą́ laɠa həɠə daaɠaa hu, nɔi, gɛ́ di hu taɠa taɠa la. Ŋą́ą́ nwɔ́ nuąi kwəi kpala, ŋą́ą́ di lɛɛ a lon nwɛli. Kɛlaa ə mą kɛ tii, di hvo di túwɔ́ pələ mąą hvalin ni.

Bible

⁷ Ŋa pâi ká fɛ̂ɛi ká táa-taa yɛ̂ɛ fãa a kala tàa-taa, daa-lee-ŋai su ǹɔii su. Ŋánûa, ŋa pâi ká paâi, ŋá kánîa-pɛlɛɛi páa, kpɛ́ni fêi, káfe niî kpera ní kátua-pere nyɔ̂ŋ-ŋai dîa.

Ɉeremi 15:7 Kruisverwysings

Mąątɛ̨nɛ̨ 1:4

Nu ɲɔ̨nwɔ̨ɔ̨ɠaa di wɛi hva kɛ tii, di kaa yɛ mɔ̨nun gala, yai hvaŋą a li la.

Azaya 41:16

ə́ kaa pai di hvɛɛi, hvaŋą yɛ li a diɛ, tulɔ hvaŋą yɛ di taɠa taɠa. Ə́ wɛi, ə́ kaa pai kɛi kwəinɛ̨ɛ̨ hu, Yai-Laa laa hu, ə́ hvaŋą kaa pai lɔi, Israɛlə nwɔ Mąąhəɠəmun haalai.

Azaya 9:12

Bələ ɓə Yai-Laa ə nwɔ nuąi kɛlɛ la, bələi mąn ə kɛ la tii, di hvo pənə di hvo pa di nwɔ Yálái pɔ, yai a Yai-Laa Mɛ̨nį Kəlee ŋą Hééɓomun.

Azaya 9:13

Yili ɓə gɛ, Yai-Laa ə Israɛlə nwun dee da nwon, ə mɛ̨nį ɲąąnwąnąą laa diɛ a voló tɔ̨nɔ̨i tii.

Ɉeremi 18:21

Yili ɓa, di lonnii lɛɛ pulu yee kɔ́nma, di lɔ kɔ́ kɔ́ ɓɔwa ŋą. Di nɛ̨ąni di lɛɛ a lon nwɛli da hilɛ wɛli. Di hilɛni di haa ɲɔ̨n ɲəi, di lon ɉilɛlɛa di lɛɛ kɔ́ hu.

Ɉeremi 5:3

Yai-Laa! Kɛlɛi tɛ̨ą mɛ̨nį ɓə ə́ ɲɛ̨i a tɔɔ ɉu-e? Yáá di kɛlɛ, Kɛlaa yili hvo diɛ a mɛ̨nį ta. Yáá damąą paa, kɛlaa mɛ̨nį ə́ kaa nɛi diɛ di hvo di yee heei mu, daa di nwun nwalawala yɛ kwɛni di hvo gɛi di hvo həɠə di hon ɲɔ̨n bulu, di hvo pa ə́ pɔ.

Ɉeremi 51:2

Gáá nwɛ̨ąą tíi mą, diɛ ɉutaɠa-taɠa, diɛ nwɔ lɔi lɛɛ a gboloon, nwɛ̨ąą tii kaa pai kulɔi pələ kəlee, diɛ wolo mą, a mɛ̨nį ɲąąnwąnąą yələ.

Ɉeremi 9:21

Ɉeremi! Yai-Laa woo ka, naa həli; yɛ diɛ: Nu powaɠaa taɠa taɠai nɔi mɛ̨i yɛ tulun bɔlɔ, yɛ mɔ̨nun gɔnŋaa daa kɛi pu mɔ̨nun dee nuą pulu; ə lɛɛ nu hva hɔlɔɓo yɛ di yɛɠɛ.

Izikiɛ 24:21

'Mo Israɛlə nwɔ pɛlɛ́i ɓa, yɛ mą: ‹Mɛ̨ni kəlee ŋą Hééɓomun Yálá woo ka, yɛ, gáá pai nwɔ pɛlɛ́i pui, yai gaa a ka ɲɛ̨i pɔ̨nɔ̨ hɛn, ka wɔ ɲąąwooɓo laai hu; yai gaa a ka ɲɛ̨i kɔ́w nwɔ kwəinɛ̨ɛ̨; yai ka ka kilitɔɔi mą ka wɔ yɛnɛ̨ɛ̨ hu. Ka lon ɉinąą da ka lon nɛ̨ąąi tii ka di lɛɛ Ɉerusalɛmə, di kaa pai tooi ɓɔwa kwɛa yee ŋą.

Izikiɛ 24:25

«Hulɔnu lon ə́ wəli tɔɔ, ɲələi gáá pai di hvaŋą kulɔi la di yəi, da di wɔ yɛnɛ̨ɛ̨ ɲąąnɛ̨ɛ̨ hɛnŋaai, da di mąąyili hɛnŋaa, ɉɛn da di ɲɛ̨i hee mą yɛ di kwəinɛ̨ɛ̨; ɉɛn a di wɔ yɛnɛ̨ɛ̨ ɲąąnɛ̨ɛ̨ diɛ, di lon ɉinąą da di lon nɛ̨ąą;

Izikiɛ 36:12

Gáá pai ə́ laahvɛɛi a nuą, nwɔ́ nu huwui Israɛlə nuą diɛ ə́ hɔlɔɓo a di pɔɔ. Yá kɛ a di hɔlɔɓo hɛn, hva kɛa di hvɛɠɛ di lonnii hu.

Zakari 1:4

'Ka hvo hvilɛn ka nąnni pulu, diɛi tii wɔlɔ Yálá kwəi mɛ̨nį hukulɔ nuą di kɛli kɛ diɛ: ‹Yai-Laa Mɛ̨nį Kəlee ŋą Hééɓomun woo ka: 'Ka pənə wɛ ka pa, 'ka həɠə ka wɔ pələ ɲɔ̨nwɔ̨ɔ̨ɠaai mɛ̨i, da ka wɔ túwɔ́ pələ ɲɔ̨nŋaai pulu.› Kɛlaa, di hvo kɛi mąn, di hvo mą kɛi di ɲɛ̨i hee bɔ́ pələ Yai-Laa woo li.

Maafîu 3:12

Nwɔ laɠai kaa ɲəi, yɛ pa nwɔ mɔ̨nun mąąhvɛɛila. Ə mɔ̨nun gɔw pu ɲəi gələi, ə gala kpɔn gee ɓa, nwɔ̨n ɲii hva liin ə doo ɉu.»

Dutɛrɔnome 28:18

A ka kwəi lonnii nɛ̨ŋɛ̨n naa, da ka wɔ hihɛnŋaa, ka wɔ taatɛlɛɛɠaai kwəi a haa, ka wɔ nįŋɛ̨ koonɛ̨ąɠaa nɛ̨ŋɛ̨n ə laa, da ka wɔ ɓɛlaa kɔ́nwɔ̨leeɠaa.

Dutɛrɔnome 28:32

Ka lon ɉinąą, da ka lon nɛ̨ą da lɛɛ a nu huwu takpɛliɠaa di wɔɔ; ka ɲɛ̨i a lɛɛ di tɔwɔ, ɛlɛɛ ɉu, ka ɲɛ̨i lon ɉu yɛ haa, kaa di mąą kpɔn, di hva pa, ɛlɛɛ, ka hva pɛli mɛ̨nįi lɔpee ta kɛi ɉu.

Dutɛrɔnome 28:41

Ka káá pai lon ɉinąą da lon nɛ̨ą kaai, kɛlaa, di hva lɛɛ ka yəi, gəlee da li luwɔlaa hu.