Ɉeremi 15:13 - Yálá laawoo hɛɓɛ (dc)

¹³ Hɛn kpɔ gaa ə́ yəi, da ə́ yəi hɛn gɔwɠaa, ŋį́ gəlee lɛɛ laa, diɛ too di hu, nɛ̨ŋɛ̨nŋaa ə́ ɉəɠə, vɛla ka tii, yili a həli tii ə́ wɔ lɔi nąą kəlee ɓa.

Yálá laawoo hɛɓɛ

¹³ Hɛn kpɔ gaa ə́ yəi, da ə́ yəi hɛn gɔwɠaa, ŋį́ gəlee lɛɛ laa, diɛ too di hu, nɛ̨ŋɛ̨nŋaa ə́ ɉəɠə, vɛla ka tii, yili a həli tii ə́ wɔ lɔi nąą kəlee ɓa.

Bible

¹³ “Ŋa pâi ŋánûai kpɔara-ƃela tɛɛ̂i dípa dí díkɔ̂liŋ da dí laai kɛ̂ sãai kélee síɣe kpɛ́ni-kpɛni, kpɛ́ni fêi, da sɔnyɔ̂ŋ kɛ́ ǹɔii gwaa kélee ma.

Ɉeremi 15:13 Kruisverwysings

Mąątɛ̨nɛ̨ 44:12

Yáá ku tɛɛ, yɛ ɓɛlaa lonnii, yáá ku taɠa taɠa lɔiɠaa hu.

Azaya 52:3

Mąąhɔlɔɓo, yii Yai-Laa kaa moi ya ka: Di ka tɛɛ a mɛ̨inɛ̨ɛ̨, da kɛi nwɔ̨nɔ̨ pa ka nwun mąąɓoi, wali mɛ̨nį hva kɛ ɉu.

Azaya 52:5

Yiihu kɛa, lə ɓə kɛa ŋį́ gɛ? Yai-Laa woo li. Ɓɛlɔwai daa nwɔ nuąi hon na a mɛ̨inɛ̨ɛ̨, di laanɔ̨nwɔ̨ ɓo nuą di kaa tomąi, Yai-Laa woo li. Hvóló kəlee, da kɛ naa ɓɛlɛkpɛɛi mą.

Ɉeremi 15:8

Ŋą́ galanin damą di lɔwai, dɛɛ gboloyá kwɛlɛ ɲɛa kɔ́w ɓa. Ŋą́ lɔi kalamun dɔɔ, kɔ́kuláá laŋaaɠaa di tɔɔ di leeni mɛ̨i, a hvoló ŋą ɉə-ɉə; ŋį́ ɲɔw yɛɛ a di nwun di tɛɠii pələ, yɛ di hu pu diɛ.

Ɉeremi 17:3

Yɛi ŋɛ̨i a ɲee nwuɔ̨ haláá kulɔ mun vaŋalɔɔ, ɲɛɛ kɔ́wɔɠaa hu, gáá ə́ yəi hɛnŋaa da ə́ yəi hɛn gɔwɠaa kəlee tɛɛi di too ɉu, nɛ̨ŋɛ̨n yaa ɉəɠə nɔi kəlee hu a haláá kulaa hali ɓa mąą mɛ̨nį ɓa,

Ɉeremi 20:5

Daai hɛnŋaa kəlee, da nwɔ kóló dɔlɔ kəlee, ɉɛn kpɔ daai a mąą mɛ̨nį nwąnąą, da Ɉuda tɔɔɓɛlaa di wɔ hɛn gɔw kəlee, gáá gəlee tɛɛi di yowoɠaa pɔ. Di kaa pai tooi ɉu, diɛ di yɛɠɛ, diɛ li a diɛ Babilonə.

Izikiɛ 38:13

Saba, da Dedan, Tarsisə yɔw kɛ nuą, da ŋą yala lonnii kəlee, di kaa pai kɛi yɛ́: Ə́ pa lɔ kɔ-hon ɉon mɛ̨nį ɓa? Ɛ̨i, too mɛ̨i kɛ mɛ̨nį ɓə ə́ yɛ́ nu kpului ɲąą kpɔn na, wali da hɛni kulɔ mɛ̨nį ɓa nuą yəi? Taatɛlɛɛ da hɛngɔwɠaa həɠə mɛ̨nį ɓə? Kɔ́-hon gɛnɛ̨ həɠə mɛ̨nį ɓə?

Sofoni 1:13

Nuą da too di wɔɔ hɛngɔwɠaai hu, di di wɔɔ pɛlɛ́ɠaai wolo. Di kaa pai pɛlɛ́ɠaa tɔɔi, Kɛlaa, di hva lɔ mu. Da viɲə yɛa laa, Kɛlaa, di hva da ya kpələ.