Ɉeremi 11:8 - Yálá laawoo hɛɓɛ (dc)

⁸ Kɛlaa, di hvo gɛ, di hvo di wəli tɔɔ! Di hvo di wəli tɛɛ bɔ́! Nu kəlee ə kanąn gwəi kili ɲɔ̨nwɔ̨ɔ̨ ɓa, di kpowola wala-walaa; ŋį́ di tí a mįnɛ̨i ŋɛ̨i hu woo hon mɛ̨nį, di hvo gɛ li, yili ɓə gɛ, gɛ́ mįnɛ̨i ŋɛ̨i hu wooɠaa pɔ mɛ̨nį nwąnąą laa diɛ.

Yálá laawoo hɛɓɛ

⁸ Kɛlaa, di hvo gɛ, di hvo di wəli tɔɔ! Di hvo di wəli tɛɛ bɔ́! Nu kəlee ə kanąn gwəi kili ɲɔ̨nwɔ̨ɔ̨ ɓa, di kpowola wala-walaa; ŋį́ di tí a mįnɛ̨i ŋɛ̨i hu woo hon mɛ̨nį, di hvo gɛ li, yili ɓə gɛ, gɛ́ mįnɛ̨i ŋɛ̨i hu wooɠaa pɔ mɛ̨nį nwąnąą laa diɛ.

Bible

⁸ Kɛ́lɛ, dífe ŋ́oo mɛni ní, kpaa máŋ dí díwoli tɔ́ɔ ḿâ. Díkelee dí tùa nɔ́ yɛ̂ɛ berei díwôlii kpɔ̂lɔ maa kili-ŋa sia nyɔ́mɔɔi káa lai. M̀ɛni ma ŋá pá dípɔ a dɔŋ kpɛ́-maai kélee gáa gbanaŋ-wooi su nyii ŋá mò dîa a gɛɛ dí gɛ́ kɛ́lɛ dífe gɛ́ nii.”

Ɉeremi 11:8 Kruisverwysings

Nehemi 9:26

«Kɛlaa, di pɛlɛ yɛ́ a kɔ́, di di pulu tɔɔ yɛ́, di ə́ wɔ tɔ́n nwooi pili di pulu, pələ kwɛa la. Ə́ loloɓo nuąi kɛi di mąąnɛ̨ɛ̨, diɛ kɛ di pənə di pa ə́ pɔ, di yiliɠaai paa, ə lɛɛ, di di hɔn gɛ a yɛ́ mɛ̨nį kpɛa kpɛa hu.

Nehemi 9:29

Ə́ di liɛwoo kɛ, yɛ́ di pənə di pa ə́ wɔ tɔ́n ma. Kɛlaa, di di kpɔɔ kɛ a huɲąŋą kɛnɛ̨ nuą, di hvo di wəli tɔɔ ə́ wɔ tɔ́n ma. Di nɛ̨ŋɛ̨n ɉəɠə ə́ wɔ liɛwooi ɓa, liɛwoo yii a yɛnɛ̨ɛ̨ kpɛɛ hvo mą tɛɛ ɉon nuą pɔ. Di di kwɛli tee, diɛ ɓowon dɛ diɛ, di di kpowo pulu walawala, di hvo gɛ di ɉon.

Ɉeremi 13:10

Yaan, di kaa a nu huwu ɲɔ̨nwɔ̨ɔ̨, di hvo gɛi di hvo di wəli tɔɔ nwóó ɓa. Di kanąn ŋąą lɔ di wɔ wəlii kpɔlɔi ɓa. Diɛ li diɛ kwɛli hvilɛn haliɠaa diɛ; diɛ di mąąwiɛ, diɛ pɛlɛ di lííla. Di kaa pai kɛi yɛ bələi tii ɉąą yili kɔ́lɔi tii kaa la; tɔ̨nɔ̨ lɔpee hva kɛ mą.

Ɉeremi 3:17

Mąą yələi tii a pa həlii; da Ɉerusalɛmə taa laa hee, diɛ kɛ mą: «Yai-Laa nwɔ tɔɔkpəlin.» Nąąlɔwai, lɔi kəlee kaa pai pai Ɉerusalɛmə pɔ, Yai-Laa laa tii di ɉee mą, mąą mɛ̨nį ɓa; ə lɛɛ, di hva kɛa di pulu pənə, di hva kɛa kanąn di wɔ nwąnąlɔɔ túwɔ́ɠaa diɛ.

Ɉeremi 31:32

Hvo pai kɛi yɛ mįnɛ̨i kwa di nąnni ku ɉəɠə, ɓɛlɔwai ŋą́ di hon na a di yee, gɛ́ di kulɔ Eziptə lɔi hu. Mįnɛ̨i tii, di ɉukala, kɛlaa, ɲą́ą́n, gáá lɔ a di Nąmu di nwun na. Yai-Laa woo li!»

Ɉeremi 32:23

Di pa di hee ɓɛ, kɛlaa di hvo di wəli tɔɔ ə́ woo ɓa, di hvo lɛɛ ə́ wɔ tɔ́n nwooi pulu, mɛ̨nįɠaai kpɔ ə mo diɛ, di hvo da kɛ. Yili ɓə gɛ, yɛ́ mɛ̨nį ɲąąnwąnąą huwu lɔpee gəlee laa diɛ.

Ɉeremi 34:14

‹Kwɛlan mɛ̨ihveelɛ tɛɛ pulu, ka kaayɔwɔɠaai a Hebreu, yai aa kɛ gbɔwɔ tɔlaa hee kaa; nu kəlee a mąą nu lɛɛ gbɔwɔ ɓa. A lɛɛ ka yəi tɔlaa laa hu, kwɛlan mɛ̨ida yeemu, yili pulu, ka nɛɛlaa.› Kɛlaa, ka nąnnii di hvo di wəli tɔɔ, di hvo nwoo mɛ̨n.

Ɉeremi 35:15

Yələ kəlee, gwə́i mɛ̨nį hukulɔ nuą ŋɛ̨i a nwɔ́ tínuą, ŋą́ kɛi di tɔɔ ka pɔɔli, diɛ kɛ káá: ‹Nu kəlee ə ɲee kulɔ túwɔ́ pələ ɲɔ̨n ɉu, 'ká túwɔ́ a nɛlɛɛ, 'ká hvo hvilɛn haliɠaa pulu, kaa di mąąwiɛ. Ka yili kɛ tii, nɔi ŋɛ̨i ŋą́ dɛɛ ka ká nąnni ka pɔ, ka lɛɛ heeni ɉu, ka nwɛli kulɔ.› Kɛlaa, ka hvo ka wəli tɔɔ li, ka hvo nwóó mɛ̨n.

Ɉeremi 35:17

Yili mąą mɛ̨nį ɓa, Yai-Laa Mɛ̨nį Kəlee ŋą Hééɓomun Yálá, Israɛlə nwɔ Yálá woo ka, yɛ diɛ: «Mɛ̨ni ɲąąnwąnąąɠaa kpɔ ŋį́ mąą kili tee gwə́i, yɛ hvilɛn na Ɉuda da Ɉerusalɛmə nuą diɛ, gáá gəlee laai diɛ. Mąąhɔlɔɓo, ŋį́ mɛ̨nį ɓo diɛ, ɛlɛɛ, di hvo mɛ̨n. Ŋą́ di təli, di hvo nwóó mu hon ni.»

Ɉeremi 38:20

Ɉeremi yɛ mą: «Di hva ə́ tɛɛ di pɔ, Yai-Laa woo mɛ̨n; ya ka ŋɛ̨i, gáá moi yɛ́, yá mɛ̨n, ɉu a nɛ̨ɛ̨ yɛ́, ə́ wɔ yɛnɛ̨ɛ̨ a lɛɛ ə́ yəi.

Ɉeremi 44:16

«Bələi mąn ə́ kaa yili ɓoi la tii ku wɔ Yai-Laa laa hu, ku hvo ku wəli tɔɔi mą.

Ɉeremi 44:17

Bələi gaa la ku kwəi, bələ ɓə ku kaa gɛi la. Ku kaa haláá kulɔi yələkɔlɔn ɉu tɔɔ-nɛ̨ɛ̨nui ɓa, kuɔ gɔ́ a lɔɔ, yɛ bələi ku kɛi gɛ la Ɉuda taaɠaa hu da Ɉerusalɛmə daai; kuɔ-o, ku nąnni-o, kuɔ tɔɔɓɛlaai-o, da ku ɲɛ̨itɔwɔ nuą, gɛi ku kɛi mo tii, ku kɛ ku nɛ̨ɛ̨ hu, ku hvo kɛi ɲɔ̨nwɔ̨ɔ̨ kaa.

Ɉeremi 44:5

'Ká hvo ká wəli tɔɔ li, ká hvo mɛ̨n, əgɛ, ka ka pulu tɔɔ ka wɔ kiliŋąhiɛ ɲɔ̨nŋaa tii diɛ, a ka kpɛla mɛ̨nį haláá kulaa ɓa haliɠaa diɛ.

Ɉeremi 7:13

Yai-Laa woo ka, yɛ diɛ: Yili ɓa, kaa kpɛli mąn, kaa túwɔ́ a ɲɔ̨nwɔ̨ɔ̨. Ŋą́ mo kaa, ŋį́ pənə ŋį́ mąą lɔ, kɛlaa, ka hvo gɛ li ka hvo ka wəli tɔɔ! Ŋą́ą́ ka təli hveelɛ hveelɛ, ka hvo gɛ li ka hvo hvaa nwóó mu.

Ɉeremi 7:24

Kɛlaa, ya ka tii, di hvo gɛ li di hvo di wəli tɔɔ mą, di hvo bɔ mɛ̨nį kɛ; di túwɔ́ a di liiɓa, a di wɔ wəlii kpɔlɔ ɲɔ̨nwɔ̨ɔ̨. Di ɲɛ̨i kɛ mąąnɛ̨ɛ̨ di ɉee mą́ą́, daa tinɛ̨n di pulu pələ ɓə di ɉee mą́ą́.

Ɉeremi 7:26

Kɛlaa, di hvo ta di wəli tɔɔ li nwóó ɓa di hvo mɛ̨n. Di di nwun nwalawala, di wɛi ə ɲɔ̨nwɔ̨ ə tɛɛ di nąnni di wɔ ɓa.

Izikiɛ 20:8

Kɛlɛɛ di di kwɛli tee ɲə́i, di hvo di wəli tɔɔ nwóó ɓa; di ta lɔpee hvo ɲee kulɔ mowo mɛ̨nįɠaai tii hu, di hvo gɛ di hvo ɓo Eziptə haliɠaa diɛ. Ŋą́ kɛli kɛ kɛa diɛ: Gáá pai nwɔ́ líiholi yɛɛi di mɛ̨i. Vá nwɔ́ líiholi kpɛla bələi di pɔ, Eziptə lɔi hɛ̨ąi.

Zakari 1:4

'Ka hvo hvilɛn ka nąnni pulu, diɛi tii wɔlɔ Yálá kwəi mɛ̨nį hukulɔ nuą di kɛli kɛ diɛ: ‹Yai-Laa Mɛ̨nį Kəlee ŋą Hééɓomun woo ka: 'Ka pənə wɛ ka pa, 'ka həɠə ka wɔ pələ ɲɔ̨nwɔ̨ɔ̨ɠaai mɛ̨i, da ka wɔ túwɔ́ pələ ɲɔ̨nŋaai pulu.› Kɛlaa, di hvo kɛi mąn, di hvo mą kɛi di ɲɛ̨i hee bɔ́ pələ Yai-Laa woo li.

Zakari 7:11

Kɛlaa, di hvo gɛ di hvo di wəli tɔɔ, di di nwun dinɛ̨n, di di wəli walawala, ə gɛ di hvo pa nəi mɛ̨nį mɛ̨n.