Ɉeremi 10:12 - Yálá laawoo hɛɓɛ (dc)

¹² Yai-Laa ɓə nwɔ huwalawala lɛ lɔi pɛli mɛ̨nį hu, ə́ yɛnɛ̨ɛ̨ hee kpəlin na kɛ a kili, ə́ yələkɔlɔn ɉu hvólóon a nwɔ mɛ̨nį kɔ́lɔn ŋąą.

Yálá laawoo hɛɓɛ

¹² Yai-Laa ɓə nwɔ huwalawala lɛ lɔi pɛli mɛ̨nį hu, ə́ yɛnɛ̨ɛ̨ hee kpəlin na kɛ a kili, ə́ yələkɔlɔn ɉu hvólóon a nwɔ mɛ̨nį kɔ́lɔn ŋąą.

Bible

¹² Kɛ́lɛ, Ɣâla ƃé ǹɔii kpɛ̂tɛ a ŋɔwála-wala laai. É ŋ̀éniɛi kpɛ̀tɛ a ŋɔtárei. È ŋ̀ele-kɔlɔŋ fùlomo a ŋɔmɛni ŋá káai.

Ɉeremi 10:12 Kruisverwysings

Zɛnɛse 1:1

Yálá ə gbɛa tɔlɔɔ yələkɔlɔn da lɔi di pɛli.

Zɛnɛse 2:5

Wulu tɔ̨nɔ̨ kpɛli hvo kɛ lɔi mɛ̨i, ə mą kɛ kala ɓɔn dɔ̨nɔ̨ kpɛli, hvo ni kɛ ɓɔn ni lɔi mɛ̨i. Mąąhɔlɔɓo, Yai-Laa hvo ni kɛ tulɔ pu li lɔi mɛ̨i, ɛlɛɛ, nu hvo ni kɛ lɔi mɛ̨i, yii a kóló kɛ lɔi ɓa.

Kɔlɔnikɔ Maa-ŋuŋ 16:26

Hɛn kpɔ nu kanŋaa da kwɛlihvilɛn mą, gəlee kaa a kpɛli-kpɛli. Yai-Laa ɓə yələkɔlɔn bɛli.

Zôo 26:7

Ya ɓə yələkɔlɔn ɉɛlɛn, ə lɔi kpalan naa ɓɛi hɛn da hvo kɛ laa.

Zôo 37:18

Yá pɛli ə́ yee haŋąi yɛ́ tulɔ kpinįn ɉiɛ voló ɲɛ̨i nąąlɔwai, yɛ da kɛi kwɛli ɓɛla hiɛ ɲɛ̨i?

Zôo 9:8

Yaa tɔ́nɔ̨ ɓə yələkɔlɔn bɛli, yɛ hiɛ gboloyá mɛ̨i.

Mąątɛ̨nɛ̨ 104:2

Ə́ kwaną həɠə kaa a kɛɛpono, yá yələkɔlɔn ɉu lɛan, yɛ həɠə múmu.

Mąątɛ̨nɛ̨ 104:24

Yái-Laa! Ə́ kɛ kóloɠaa tamąą ɓə tai! Ə́ gəlee kɛ a kiliŋąlaa kɛnɛ̨, lɔi laahvɛɛi a ə́ wɔ pɛli hɛnŋąąi.

Mąątɛ̨nɛ̨ 119:90

Ə́ haŋąąi a yələ kəlee, ə́ lɔi laa, ɛlɛɛ gaa lɔ naai.

Mąątɛ̨nɛ̨ 24:2

Yaa ɓə lɔi kpalan naa gboloyá mɛ̨i, yɛ gɔwɔ hvilɛn gbilin ɲáɠaa mɛ̨i.

Mąątɛ̨nɛ̨ 33:6

Yai-Laa ə yələkɔlɔn bɛli a naa woo, ə ɉu hɛnŋąą kəlee kɛ lɔ a naa wəleen.

Mąątɛ̨nɛ̨ 65:7

Yá yeeɠaa hee kpɔ tin-tin, a ə́ hvąŋą, yɛ́ ə́ hɛ̨ą yili a huwalawalalaa.

Mąątɛ̨nɛ̨ 78:69

Ə mąąwiɛ pɛlɛ́ tɔɔ laa, ɲee nwuɔ̨, nwun naŋįn ŋąą hɛn gəlee mɛ̨i; ə dɔɔ nąą a yələ kəlee mɛ̨nį, kpɔlɔ yɛ bələi lɔi laai la.

Mąątɛ̨nɛ̨ 93:1

Yai-Laa ɓə a Heeɓomun, mąąɲįnɛ̨n mə a mąąhəɠə! Yai-Laa aa mąąyili, aa ɉuyili a huwalawalalaa. A tɛ̨ą lɔi tɔɔi kpɔ tin tumun və mą.

Hanwon 3:19

Yai-Laa ə lɔi pɛli a kili, ə yələkɔlɔn bɛli a nwu gə ɉu laa.

Hanwon 30:4

Gbɛɛ ɓə aa ta tɛ yələi, aa pənə aa yɛɛ? Gbɛɛ ɓə aa ta hvaŋą hon aa ɲee laa kpulu mą? Gbɛɛ ɓə aa ta yá pu mąą həɠə hu, aa gbulɔn? Gbɛɛ lɔi ɲɛn naa? Mąą nu laa ɓaa gbɛɛ? Non naa ɓaa pai kɛi a gbɛɛ? Gbaɠala lɛ mą́ą́ akɛ ə́ gɔlɔn?

Azaya 37:16

«Yai-Laa Mɛ̨nį Kəlee ŋą Hééɓomun, Israɛlə nwɔ Yálá yɛ́i heenin mąąkpɛ malakaɠaa lɔwai, yɛ́ tanɔ̨n gbən ɓə ɓaa a yɛnɛ̨ɛ̨ tɔɔlaaɠaa kəlee di wɔ Yálá, yɛ́ ɓə yələ kɔ́lɔn da lɔi di pəli.

Azaya 40:22

Ɉɛn ŋɛ̨i pɛlɛ ni lɔi nwun mɛ̨i, yili mɛ̨i pələ ɓə gaa laa heeni, a nɔi ŋɛ̨i ɉu nuą kaa yɛ peeləɠaa. Ə yələkɔlɔn ɉɛlɛn yɛ həɠə ɓɛla, ə ɉu lɛan, nuą diɛ pɛlii di taa tɔɔi mu.

Azaya 42:5

Yálá woo ka! Yai a Yai-Laa! Yai yələkɔlɔn bɛli, Ə ɉu lɛan, yai lɔi kpalan naa, hɛn kpɔ a ɓá, gəlee ə ɓo ɉu, ɛlɛɛ, nu kpului kpɔ puu ni mɛ̨i, ya ɓə di nɔ̨ɔ̨ too di hu, nuąi da hiɛ mɛ̨i, Ya ɓə a di lɛɛ yɛnɛ̨ɛ̨.

Azaya 44:24

Mɛ̨nįi Yai-Laai ə́ nwun mąąɓo, gaa moi ya ka: a yai tii ə́ mąąkwɛli, ə́ ɓo nii ə́ lee kwəi, yɛ kɛ yɛ́: Ɲą́ą́ ɓə gáá a Yai-Laa, yai hɛn gəlee pɛli; ɲą́ą́ danɔ̨n gbən mə yələ kɔ́lɔn ɉuhvólóon, ŋį́ lɔi laa, gbɛɛ kpɔ ɓə kpɔmąą tɛɛ bɔ́?

Azaya 45:12

Ɲą́ą́ ɓə lɔi pɛli, ɛlɛɛ, nu kan lɔi mɛ̨i, ɲą́ą́ ɓə bɛli; ɲą́ą́ ɓə yələkɔlɔn volóon a ɲéé, ɛlɛɛ, gɛ́ yələ kwəi hɛnŋąą ŋąąwooɓo.

Azaya 45:18

Gaa tii, bələ ɓə Yai-Laa ə mo la, yələkɔ́lɔn bɛlimun, yai a Yálá, ya ɓə lɔi kulɔ, ə bɛli, ə ɉee kpɔ tin-tin, tumun və mą, hvo nɛɛ a vowolo, Kɛlaa, ə bɛli, yɛ nuą di kɛ ɉu. Ɲą́ą́ ɓa a Yai-Laa, dakpɛli hvo laa.

Azaya 48:13

Teą li, ɲą́ą́ ɓə lɔi pɛli, má mįi yee ɓə yələkɔlɔn naa, ŋį́ di təli, di kəlee daa mą pa a gee.

Azaya 49:8

Yai-Laa woo ka, yɛ yɛ́: ŋį́ ə́ woo mu hon, a mɛ̨inɛ̨ɛ̨ yələ, ŋį́ ə́ mąąkpɔnmąąɓo, a nwun mąąɓo yələ, ŋį́ ə́ tɔɔ a dee, ə́ kɛ a kwa nuą ku lɔwai mįnɛ̨, yɛ́ nɔi tɔɔ, ka kwɛlin nɔiɠaai daa ɉu kala, yɛ́ pɛ̨nɛ̨, yɛ́ dɔɔ.

Ɉeremi 10:13

Hvo gaai, yaa ɓə ya tiɛ̨ gee mɛ̨i yələ kwəi yɛ tulɔ kpinįnŋaa kulɔ lɔi kpon ɉeei, a ɉu wia, diɛ tɛ, yɛ ɲee ɓo diɛ, diɛ pu. Ya ɓə a hvaŋąɠaa kulɔ, ɓɛi a di pu laa gee mɛ̨i.

Ɉeremi 10:16

Kɛlaa, Ɉakɔbə nwɔ Yálái hvo tii; ya ɓə hɛn gəlee pɛli, Israɛlə ə ɓo a gwɛlin nɔi; naa ɓaa: Yai-Laa Mɛ̨nį Kəlee ŋą Hééɓomun.

Ɉeremi 14:22

Haliɠaai di kaa lɔiɠaa hu, da kaa mɔ̨ɔ̨ laa yɛ pɛli tulɔ pui? Akɛti, yələkɔlɔn ɓə mɔ̨ɔ̨ a tulɔ pu? Kɛlɛi, Yai-Laa, yɛ́i a kuɔ Yálá yɛ́ ɓə-e! Yɛ́ ɓə kwa ə́ mąąkpɔn, Yɛ́ ɓə ya tulɔ pu.

Ɉeremi 27:5

Ɲą́ą́ ɓə lɔi pɛli, da nu kanŋaa, ə mą kɛ, huwɔɠaai lɔi mɛ̨i, a nwɔ́ yee walawala laa da váŋa, nui a nɛ̨ɛ̨ mą́ą́, ya ɓə ŋą́ dɛɛ bɔ.

Ɉeremi 32:17

«Ée Yai-Laa nwɔ́ Yálá! Yɛ́ ɓə yələ kɔ́lɔn da lɔi di pɛli a ə́ wɔ yeewalawalaa, a ə́ yee kɔ̨nwɔ̨n ɉuwalawalaa, ə́ yee a pɛli mɛ̨nį kəlee ɓa.

Zakari 12:1

Mɛ̨nįi Yai-Laa ə mo Israɛlə ɓa, 'mo a lolo. Yai-Laa woo ka; yai yələ kɔ́lɔn bɛli, ə lɔi laa, ə kili tɛɛ nu pɔ; yɛ:

Ɉaan 1:3

Nwoo tii ɓə Yálá ə hɛn gəlee pɛli la. Hɛnŋąą kpɔ yɛnɛ̨ɛ̨, da hvo pɛli li nwoo tii tɛɠi.

Kolosə 1:16

Mąąhɔlɔɓo, yaa ɉu ɓə Yálá ə hɛn gəlee pɛli laa, yələ pələ mąn, da lɔi ɓa pələ mąn; hɛnŋaai kpɔ káá kaa mą, da yiiɠaai kpɔ káá hvo mą; tɔɔkpəlin da hééɓolaa, ŋąąwooɓolaa da hvaŋą laa. Ya ɓə gəlee pɛli, ɛlɛɛ, nwɔɔ ɓaa a gəlee.