Ɉeremi 1:16 - Yálá laawoo hɛɓɛ (dc)

¹⁶ «Mɛ̨nįɠaai ŋį́ mąą kili tee gwə́i di wɔ túwɔ́ pələ ɲɔ̨nŋąą mąą mɛ̨nį ɓa; gáá gəlee hukulɔi diɛ; ya baa: Daa ɓo mą́ą́, daa dóó, diɛ haláá kulɔ haliɠaa diɛ; a hɛnŋaai di bɛli a di yee, diɛ pɛlɛ di lííla.

Yálá laawoo hɛɓɛ

¹⁶ «Mɛ̨nįɠaai ŋį́ mąą kili tee gwə́i di wɔ túwɔ́ pələ ɲɔ̨nŋąą mąą mɛ̨nį ɓa; gáá gəlee hukulɔi diɛ; ya baa: Daa ɓo mą́ą́, daa dóó, diɛ haláá kulɔ haliɠaa diɛ; a hɛnŋaai di bɛli a di yee, diɛ pɛlɛ di lííla.

Bible

¹⁶ Ŋa pâi ŋánûai kula-maa kɛ̂i díŋwana-lɔ̂ɔi mɛ̂ni ma. Kpɛ́ni fêi, da dípôlu tɔɔ ḿâ. Da sâla kula ɣâla da kpɛ́ni-ŋa dîa, dí kɛ̀ díkpîŋ kpɛtɛ-sãai fɛ̀li a díɣâla.

Ɉeremi 1:16 Kruisverwysings

Tɔɔɓɛlaa veelɛ 22:17

Mąąhɔlɔɓo, daa həɠə búlú, diɛ wulɔ kun nɛ̨ɛ̨ kələn haliɠaa diɛ a mɛ́lɛ too pələ di túwɔ́ pələ hu. Níí aa kələn gwə́i kɛnɛ̨ gɛɛnąą ŋɛ̨i pɔ, ə lɛɛ, níí hvo pai laai.

Kɔlɔnikɔ Veerɛi 15:2

Azariahu ə kulɔ yɛ li Asa laakwiɛn, yɛ mą: «'Ka ká wəli tɔɔ mą́ą́, Asa, Ɉuda da Bɛnɉamɛn ka kəlee! Yai-Laa ə kɛ ka pɔ, 'ka lɛɛ bulu! 'Ka gwɛlii, a gbɔwɔ lɛɛ laa kaa gaa! Kɛlaa, ka həɠə bului, a kulɔ ka pulu.

Kɔlɔnikɔ Veerɛi 28:2

Kɛlaa, ə hvilɛn Israɛlə tɔɔɓɛlaa hiɛ pələ hu, ə Baalə haliɠaa mąą nįnįn bɛli.

Kɔlɔnikɔ Veerɛi 34:25

gbala ə tɔɔ, daa nɛ̨́ɛ̨́ laa, diɛ lansan kələn haliɠaa diɛ, diɛ hvaa tee mą́ą́ a di gɛ mɛ̨nįɠaa. Nwɔ́ɔ́ liiholi kaa pai pui gɛɛnąą ŋɛ̨i mɛ̨i, hva kpɛla mą.

Kɔlɔnikɔ Veerɛi 7:19

Kɛlaa, ka ká pulu tɔɔ mą́ą́, kaa nwɔ́ tɔ́n nwooɠaa da bɔ liɛwooɠaa lɛɛ, yai ŋį́ naa ka ɲɛ̨i, kaa hvilɛn haliɠaa pulu, kaa kwɛli hvilɛn diɛ;

Azaya 2:8

Nɔi laahvɛɛi a haliɠaa, ɉɛnŋaa tii diɛ kpinįi di bɛli a di yee, diɛ kwɛli hvilɛn mą.

Azaya 37:19

Di di wɔ haliɠaai kələn, kɛlaa ɉaliɠaai tii di hvo kɛ a Yálá. Di kɛ lɔ a nu yee kɛ kolóɠaa, a wulu, a wala kɛti a kwɛni; ɛlɛɛ Asiri tɔɔɓɛlaa di di hu kala.

Azaya 44:15

Kwɛi lɔ li nuą yəi, diɛ gələn, da da həɠə, diɛ di kwɛlɛɓo mą, diɛ da həɠə, diɛ di kɔ̨nɔ̨n ɲili mą. Nwului tii lɔ ɓə a da həɠə, ə ɉaɠa a gɛnɛ̨, yɛ pɛlɛ níi la, yɛ gɛ nwɔ yálá li, yɛ da pɛli a háli, yɛ kwɛli hvilɛn mą.

Azaya 65:3

Nu huwui tii a túwɔ́ níí yalii gwə́i, ɲɛ̨́i kwəleen mą, di kpɔnŋąą lɔ ɉu. Da kɛ haláá kulɔi nɔw yɛaɠaa ɓa, diɛ hɛn gun nɛ̨ɛ̨ɠaa kələn pɔlɔkɔwɠaa ɓa.

Ɉeremi 10:15

Ɉɛnŋaa tii kaa a kili kpɛɛ gwəi hɛnŋaa di kaa a yɛlɛ kulɔ ɉu hɛn, di nwun na a pili a Yálá nwɔ kiti tee yələ.

Ɉeremi 10:3

Ɉɛn lɔi takpɛliɠaa da ɲɔw mą, hvo a hɛn da; wulu ɓə da li di bɔn lɔwɛi, yɛlɛ kɛ mun ə ɉaɠa,

Ɉeremi 11:12

Nąąlɔwai, ɉaliɠaa tii Ɉuda taaɠaa, da Ɉerusalɛmə taa, di kɛi ɉaláá hɛnŋaa kələn di lííla, di kaa pai lii di pɔ, diɛ di hvɛlii, kɛlaa, yiliɠaa di hvo pai pɛlii di kulɔi mąąwɛli mɛ̨nį tii hu.

Ɉeremi 11:17

Yai-Laa Mɛ̨nį Kəlee ŋą Hééɓomun, yaai ka hin, ya ɓə mo, mɛ̨nį nwąnąą ŋɛ̨i yɛ laa kaa; nɛ̨ŋɛ̨nŋaai Israɛlə nwɔ pɛlɛ́i da Ɉuda nwɔ pɛlɛ́i di ɉəɠə mąą mɛ̨nį ɓa; a yaai di niikələn na gwəi, diɛ halááɠaa kulɔ Baalə ɓa.

Ɉeremi 15:6

Yai-Laa woo ka; yɛ diɛ: «Yá ɓə nɛ́ɛ́ laa, yɛ́ ə́ pulu tɔɔ mą́ą́; Ŋą́ ɲee kpuwulu kɛ yɛ́, ə́ hu kala mɛ̨nį ɓa. Vį́į́ aa kpɛɛ kɛa ə́ ɲɛ̨i mąą wɛli kaa mɛ̨nį ɓa.

Ɉeremi 16:11

Da mo tii yɛ́, yá kɛ diɛ: Mąąhɔlɔɓo, ka nąnni di Yai-Laa lɛɛ laa, di hvilɛn ŋąą haliɠaa pulu, diɛ di mąąwiɛ, diɛ kwɛli hvilɛn diɛ, diɛ pɛlɛ di lííla. Nwɛ́i di lənə mą́ą́, di hvo nwɔ́ tíɓoɠaa lɛɛ li di kili pɔ.

Ɉeremi 17:13

Yai-Laa! Yɛ́ ɓə Israɛlə kilitɔɔ yɛ́; nuąi da ə́ lɛɛ laa, nwumɛ̨ a di ɲɛ̨i paa; nuąi da di mąą kwɛa mą́ą́, kiti a kala diɛ. Mąąhɔlɔɓo, Yai-Laa a tɛɛyá nwun gulɔi, daa nɛɛ.

Ɉeremi 18:15

Kɛlaa yaamun, nwɔ́ nuąi di wɛi, daa lɛ̨ą mą́ą́, diɛ haláá kulɔ ɉɛnŋaai di hvo a hɛn da diɛ. Daa lan di wɔ pələɠaai ɓa, diɛ ɉon a pələ puɔɠaa.

Ɉeremi 19:4

Yii daa lənə mą́ą́, diɛ gɛɛnąą ŋɛ̨i laa pu, a halááɠaa kulɔi di kaa moi haliɠaa diɛ, yá pa yaan, ɉaliɠaa tii ta hvo ta di ta mąą mɛ̨nį ɲɛ̨i kulɔ li, ə kɛ a di nąnni, ə kɛ a diɛ kpinįi, ə kɛ a Ɉuda tɔɔɓɛlaa; daa gɛɛnąą ŋɛ̨i laahvɛɛ a lɛapɛlɛɛi di hvo ta mɛ̨nį ɲɔ̨n gɛ li di ɲąmą.

Ɉeremi 2:13

Mąąhɔlɔɓo, nɛ̨ŋɛ̨n nwɔ́ nuą daa ɉəɠə gaa hveelɛ: Ɲą́ą́ ŋɛ̨i a tɛɛya nwun gulɔi, daa nɛ́ɛ́ laa; diɛ di kpɔ-kpɔɔ ya lɔwaɠaa tee, a lɔwa yii da dee ya hva tɛ ɉuə.

Ɉeremi 2:17

Israɛlə! Mɛ̨nįɠaa tii kaa laai yɛ́ lə mɛ̨nį ɓa? Kɛlɛi Yai-Laa ə́ wɔ Yálái lɛɛi ə́ mɔ laa, ɓɛlɔwai, ə kɛi ə́ tənən dɔɔ la bələ pɔ, yili ɓə gɛ-e?

Ɉeremi 2:19

Dúwɔ́ pələ ɲɔ̨n tii ə́ gɛ, hvo kɛli ə ə́ hutɔɔ. Nɛ́ɛ́ ŋɛ̨i ə́ mo laa, hvo kɛli ə ə́ hutɔɔ. Ə́ lənə mɛ̨nį Yai-Laa ə́ wɔ Yálái ɓa, hvo kɛli yá ɉu mɔ̨nɔ̨ mį́i, ə lɛɛ, ə́ ɲąąnwąnąąi kaa da ɲɔ̨nwɔ pələ. Hvó gaai, mą́ą́ mɛ̨nį hva kpɛli kɛa ə́ mąą kpɛlin. Ɲą́ą́ Nąmu Yai-Laa Mɛ̨nį Kəlee ŋą Hééɓomun nwóó li!

Ɉeremi 2:28

Israɛlə! Ɉaliɠaai ə́ di pɛli, di kaa mį? Mo diɛ, di di muhəɠə, akɛ da pɛli ə́ kulɔi ə́ wɔ mąąwɛli laa hu. Ékə́ Ɉuda! Hvo gaai, ə́ wɔ haliɠaa daa tamą lɔ yɛ Ɉuda taaɠaa.

Ɉeremi 4:12

Hvaŋą huwalawalaa ɓə ŋį́ dɔɔ yɛ pa, ɲą́ą́ gbɛli mąn nwɔ́ yələ aa ɉəli, ə gɛ ŋį́ di kiti tee.»

Ɉeremi 4:28

Yili mɛ̨nį ɓə nɔi kaa mąąwɛli hee ɓoi la; yələ kwəi yɛ kpinį, mąąhɔlɔɓo, mɛ̨nįi ŋą kili tee gwə́i, ŋą́ą́ mo; və́ pai ɉəgəi mą.

Ɉeremi 44:17

Bələi gaa la ku kwəi, bələ ɓə ku kaa gɛi la. Ku kaa haláá kulɔi yələkɔlɔn ɉu tɔɔ-nɛ̨ɛ̨nui ɓa, kuɔ gɔ́ a lɔɔ, yɛ bələi ku kɛi gɛ la Ɉuda taaɠaa hu da Ɉerusalɛmə daai; kuɔ-o, ku nąnni-o, kuɔ tɔɔɓɛlaai-o, da ku ɲɛ̨itɔwɔ nuą, gɛi ku kɛi mo tii, ku kɛ ku nɛ̨ɛ̨ hu, ku hvo kɛi ɲɔ̨nwɔ̨ɔ̨ kaa.

Ɉeremi 5:29

Yai-Laa yɛ diɛ: Mɛ̨ni kɛ pələ a kɛ tii, a kɛ tii, vá mɔ̨ɔ̨ di hutɔɔ? Ŋą́ nwą́ną kulɔ nu huwu taaləi tii ɓa!

Ɉeremi 5:9

Túwɔ́ taalə a kɛ tii, ya ɓə mɔ̨ɔ̨ vá pɛli mɛ̨nį laai la nuą tii diɛ? Ə lɛɛ, nu huwu taaləi tii, vá mɔ̨ɔ̨ nwáná kulɔ diɛ? Ɲą́ą́ Yai-Laa nwóó li.

Ɉeremi 51:17

Nu kəlee da lɛɛ lɔ tín, di hva pɛli hvaai, di hva mɛ̨nį ŋąą kaa. Hali pɛli nuą kəlee diɛ nwumɛ̨ di wɔ haliɠaai mąą mɛ̨nį hu, di wɔ haliɠaai, mąą mɛ̨nįɠaa kaa a lɛɛ, di nɔ̨ɔ̨ hvo di hu.

Ɉeremi 7:17

Mɛ̨nįɠaai di kaa gɛi Ɉuda taaɠaa hu, da Ɉerusalɛmə gwəliɠaa pɔ, hvó gaai?

Ɉeremi 7:18

Nɛapɛlɛɛ da kwɛi kwɛli, di nąnni diɛ nwɔ̨n ɉee, nɛ̨ąą diɛ lɛɠɛ hunwɔ̨ diɛ bu Astarte hali ɓa, yai yələ kwəi tɔɔ nɛ̨ɛ̨nui. Kaa haliɠaa kɔ́ a lɔɔ, kaa nííkələn na gwə́i.

Ɉeremi 7:9

ɛlɛɛ, kaa li kpɔ, kaa tɔɔ kaa nwuɔ̨ kɛ, kaa nu paa, kaa ka kpɔɔ hvilɛn wɛli kɛɛ ɓa, kaa ka kwɛla a lɛɛ, kaa haláá kulɔ Baalə ɓa, ka hvilɛn ŋąą haliɠaa pulu, a diɛi tii di hvo ta ka mąą mɛ̨nį ɲɛ̨i kulɔ li.

Izikiɛ 16:18

Ə́ ə́ mąąhəɠəɠaa mąąpuɔ həɠə yɛ́ gɛ diɛ; yɛ́ nwɔ́ wulɔi da nwɔ́ lansan hee di lííla.

Izikiɛ 24:14

Ɲą́ą́ Yai-Laa váá woo li, ɛlɛɛ, gəlee kaa pai kɛi; gáá gɛi vá hviikpɛɛlaa too ɉu, və́ pai nu mąąwɛli kaai, və́ pai nwóó yalii bulu. Di kaa pai ə́ kiti teei ə́ túwɔ pələ ɓa, ə́ kɛ mɛ̨nįɠaa pɔ pələ, Mɛ̨nį kəlee ŋą Hééɓomun Yálá woo li.»

Osia 11:2

Nuąi kɛi di təli, di di mąąkwɛa yiliɠaai diɛ, Baaləɠaa ɓə di kɛi haláá kulɔ diɛ, hali pɛliɛɠaa ɓə di kɛi haláá hɛnŋąą kələn di lííla.

Osia 8:6

Mąąhɔlɔɓo, ə həɠə Israɛlə pələ, yɛlɛ mun da ɓə bɛli, Yálá hvo li; a tɛ̨ą Samari nwɔ nįŋɛ̨ lon hu kaa ɓuwɔi a gbuɔ kpuɔ.

Zooɛ 2:11

Yii kpɔ Yai-Laa woo kaa nii tɔɔi, nwɔ kɔlaɠai nwun na, lono və nwɔ kulaaɠaa diɛ, nuąi da nwoo pɔ mɛ̨nį kɛ, gbalai tɔɔ Yai-Laa nwɔ hvólói kɛnɛ̨i, mąą ɲɔwa, gbɛɛ ɓə a pɛli tɔɔ na?

Gɛlaɠaa 7:41

Mąą yələi tii, di nįŋɛ̨ lon bɛli, diɛ hálaa kulɔ ɉalii ti ɓa, diɛ di kɛ kólói tii mąą kwəinɛ̨ɛ̨ kulɔ.

Dutɛrɔnome 28:20

«Kóló lɔpee ka ka yee too ɉu, Yai-Laa a kulɔ ka pulu ə ka nɛ̨ŋɛ̨n naa, ɉu hva nɛ̨ɛ̨. Ɛlɛɛ ɉu ə ka nwun na pili kpɔlɔɔ a ɉu kwɛaa; mɛ̨nį kɔ́hɔɓoɔ tii ka káá pai gɛi mąą mɛ̨nį ɓa;

Dutɛrɔnome 31:16

Yai-Laa yɛ tɔlɔɔ Moisə ɓa: «Ə́ laa hiɛ ka ə́ nąnni kwɛlɛ. Ə́ haa pulu, Israɛlə nuą kaa pai tɔɔi diɛ kwɛli hvilɛn haliɠaa diɛ nɔi tii di kaa lii ɉu. Di kaa pai nɛ́ɛ́i laa, mįnɛ̨i ŋɛ̨i kwa diɛni ku ɉəɠə, di həɠə bulu, di mąą kala.

Zasua 24:20

Ɲələi ka káá pai lənəi la Yai-Laa ɓa, kaa haliɠaa kɔ́, gaa pai heei ka hu, yɛ mɛ̨nį nwąnąąɠaa laa kaa, yɛ ka nwun na pili, ya pa ə gbɛa mɛ̨inɛ̨ɛ̨ kɛ kaa.»

M̀ɛni-lɛɛi 9:20

Yii ɓaa nu kan gbəli, a diɛi di hvo haa li mɛ̨nį ɲąąnwąnąąɠaa tii hu, di hvo gɛ di hvo di yee kulɔ di wɔɔ tuwɔ pələ ɲɔ̨nŋaa hu, di kɛli lɔ kwɛli hvilɛn ɲįnɛ̨nŋaa diɛ, haliɠaa diɛ, diɛi a hɛni, a wali-kwɛli, a ɓala-kwɛli, a kwɛnį, awala kɛ tii, a wulu; diɛi di hva kɛɛ kaa, di hva mɛ̨nį mɛ̨n, di hva hiɛ.