Ifisiɛŋ 6:1 - Yálá laawoo hɛɓɛ (dc)

¹ Lɛapɛlɛɛ, 'ká lɛɛ ká kaa-nuą woo mu, gu Nąmu nwɛi hu, yili ɓə ɉaŋąą.

Yálá laawoo hɛɓɛ

¹ Lɛapɛlɛɛ, 'ká lɛɛ ká kaa-nuą woo mu, gu Nąmu nwɛi hu, yili ɓə ɉaŋąą.

Bible

¹ Nîa-pɛlɛɛ, ka kákaa-ƃela wóo mɛni Kúnuu-namui kponôi, kpɛ́ni fêi, nyíŋi káa a tɔ̃yâ.

Ifisiɛŋ 6:1 Kruisverwysings

Zɛnɛse 28:7

Ɉakɔbə ə nee da nąn di woo hon, ə həɠə yɛ li Aramə.

Zɛnɛse 37:13

Yələ ta, Ɉakɔbə yɛ Ɉosɛfə ɓa: «Ə́ liɛni kaa daatɛlɛɛɠaa pulu Sisɛmə, gɛ́ ə́ li ə́ kulɔ di mɛ̨i.» Ɉosɛfə yɛ mą: «Gáá li.»

Zɛnɛse 48:12

Ɉosɛfə ə nonnii həɠə nąn gɔwɔ mɛ̨i, ə kwɛli hvilɛn nąn ma.

Zɛnɛse 50:12

Ɉakɔbə lonnii di gɛ yɛ bələi ə di tí la.

Nehemi 9:13

Ə́ lɛɛ yələkɔlɔn ɉu, ə́ pələ ɓo diɛ, ə́ yɛɛ Sinai yee nwuɔ̨. Ə́ tíɓo haŋąą tɛɛ di pɔ, da tɛ̨ą tɔ́nŋąą da di hiɛ pələ. Da yɛnɛ̨ɛ̨ kɛ pələ a nɛlɛɛ.

Zôo 33:27

Yɛ́ tomą nuą ɲɛ̨i ɓa, yɛ kɛ diɛ: «Ŋą́ kɛi nɛ̨ŋɛ̨n ɉəɠə, ŋą́ kɛi túwɔ́ pələ ɲɔ̨n gulɔ, Kɛlaa Yálá nwɛi, hvo ɉón ni yɛ pələi ŋą́ túwɔ́ la.

Mąątɛ̨nɛ̨ 119:128

Yili mąą mɛ̨nį ɓa, ŋą́ ə́ wɔ tɔn nwooɠaai kəlee kaa a ɉaŋąą. Lɛɛ pələɠaa kəlee wɛli kpɛɛi mą́ą́ kpɔ tɛ-tɛ.

Mąątɛ̨nɛ̨ 119:75

Yai-Laa, ŋą́ą́ gɔlɔn gɛ́ diɛ, ə́ kwəi kiliɠaai haŋąąi, ɛlɛɛ, nwún mąąyɛɛ mɛ̨nį ə́ yəi, dɛ̨ą kaa ə́ pɔ.

Mąątɛ̨nɛ̨ 19:8

Yai-Laa nwɔ tɔ́n mąąkulɔi hvo mą, a yɛnɛ̨ɛ̨ tɛɛ nu pɔ; Yai-Laa hvaa woo hva ɉəɠə mą, a kili tɛɛ nu tunun bɔ.

Hanwon 1:8

Nón, mɛ̨nįi ə́ nąn gaa ə́ kalan ɉii la, ə́ wəli tɔɔ mą, 'Hvó lɛ̨ą ə́ lee nwɔ liɛwoo ɓa.

Hanwon 23:22

Ə́ wəli tɔɔ ə́ kaa nąn ma, ə́ lee a pɔlɔ, 'hvó mɛlɛkpɛɛ mą.

Hanwon 30:11

Nu taɠaa kaa laa, diɛ di nąn nɛ̨ŋɛ̨n naa, ɛlɛɛ, di hva lúwɔ́ too di kaa lee ɓa.

Hanwon 30:17

Ɲɛ̨ikɔw yii a yɛlɛ kulɔ nąn ɉu, yɛ gaa lee kaa a tɛɠɛ ɓo ɉulaa, goą-goąɠaa da nwolo, kuwɔ́ɠaa di gbələ.

Hanwon 6:20

Nón, ə́ nąn nwɔ liɛwoo hon, mɛ̨nį ə́ lee kaa ə́ kalan ɉii la, 'hvó ɓo mą 'hvó doo.

Ɉeremi 35:14

Nɔɔ tɔ́n Rekavə lon Yonadavə ə dɔɔ nonnii diɛ, di ɉon, di hvo ta mąą kala li, di hvo ta lɔɔ kpələ li, aa lɛɛ ɉu háákələi aa həli; daa lɛɛ di kalaɓɔlɔ woo ɲą. Kɛlaa nwɛ́i, ŋą́ pələ ɓo káá, vįi hvo ta kpɛɛ li; kɛlaa, ka hva mɛ̨n. Ŋą́ túwɔ́ pələ ɓoi kaa, ka hva mɛ̨n.

Ɉeremi 35:18

Ɉeremi yɛ Rekavə kwəlii nuą diɛ: «Yai-Laa Mɛ̨nį Kəlee ŋą Hééɓomun, Israɛlə nwɔ Yálá nwoo ka, yɛ diɛ: Yii kpɔ ka lɛɛ ka kála ɓɔlɔ Yonadavə nwɔ tɔ́n nwooɠaa pulu, niɛwooɠaai ə gɛ kaa kaa gəlee hon, mɛ̨nįɠaa ə mo kaa, ka di pɔ túwɔ́ ɓo,

Ɉeremi 35:8

Niɛwooɠaai tii ku kalaɓɔlɔ Yonadavə, Rekavə lon ə gɛ kuɔ, kwa kɛ gəlee kɛi, ku hvo ta lɔɔ kpələ li; kuɔ, ku nɛ̨ąni, ku lon ɉinąą da ku lon nɛ̨ąą.

Osia 14:9

Ɛfraimə! Nwɔ́ lə mɛ̨nį ɓə hali mɛ̨nį hu? Ɲą́ą́ ɓə ŋą́ nwoo mu hon, gɛ́ ɲɛ̨́i kɛ mą, nwɛ́i gáá lɔ yɛ wului naa ka ŋą a yələ kəlee, ɲą́ą́ ɓə ə́ ɓa a kulɔ váŋą hu.

Levetekɔ 19:3

«Nu kəlee ə nwumɛ̨ nąn da nee diɛ, ka nwɔ́ hvįįtɔɔ yələɠaai mąąwiɛ. Ɲą́ą́ ɓə gáá a Yai-Laa ka wɔ Yálá.

Lukə 2:51

Jesus ə di woo hon, ə muhəɠə, ə lɛɛ di pɔ da diɛni də li di pɔ taai Nazarɛtə. Kɛlaa, Mari nwɛ́i ə gili lɛɛ mɛ̨nįɠaa tii kəlee hu.

Lomaŋ 12:2

'Ká hvo ká kpɔɔ kɔ́ɔn háákələi yɛnɛ̨ɛ̨i ɓa, kɛlaa, ká nɛɛ laa, ka wɔɔ mɛ̨nį kɔlɔn gili ə ká pu ká nįnɛ̨ kɔlɔi, yili ɓə gaa a Yálá liiɓa, nɛlɛɛ, ɲąąnɛ̨ɛ̨, bɛliɛ ɉu.

Lomaŋ 16:2

'Ká ka yee hee mu gu Nąmu laa hu, yɛ bələi da gɛ la a nu mąąhəɠɛɛ; 'ká kpɔnmąą tɛɛ bɔ ganąn mɛ̨nįɠaa kəlee hu. Hvo gaai, yaa kpinįlee ti, aa kpɔnmąą tɛɛ nu tamąą pɔ, gəlee ə mą kɛ ŋą́ą́ Polə.

Lomaŋ 7:12

Yili ɓa, dɔ́n mąąhəɠɛɛi, bɔ liɛwoo mąąhəɠɛɛ, ɉaŋąą, nɛlɛɛ.

Korɛntə dɔlɔɔ 15:58

Yili ɓa tii, nwɛ́li kɛ mąą nuą, ka tɔɔ kpąą, ká mąą hvo kpɛlin, gu Ną́mu nwɔ kóloi hu, káá tɛ tɔwɔ a yələ kəlee. Ká gɔlɔn káá: Mɔ̨nɔ̨i ka káá mįi, hvo pai lɛɛi a kpɛli Ną́mu hu.

Dutɛrɔnome 21:18

Akɛ nu ta lon a kɛ laa, yɛ ɓo a kulɔ nwoo mu lon, yɛ ɓo a nu kpɛli kpɛli, hva gaa nuą woo mɛ̨n, mɛ̨nį yiiɠaai da niɛwoo ɓo la a wala di woo hon;

Timote dɔlɔɔ 5:4

Akɛ lonŋaa da kɛ galanin da yəi, a wala kɛ ti mąnįnni, diɛi ti ɓə tɔlɔɔ mąąnɛ̨ɛ̨ di Yálá mɛ̨nį lɛ di yəi bɛlɛ́n nuą diɛ, gwələi di kaa-nuą di bili diɛ, di da kulɔ. Yili kpɔ ɓə nɛlɛɛ Yálá ɲɛ̨i ɓa.

Piɛrə dɔlɔɔ 2:13

'Ká lɛɛ nwun nąmįną kəlee woo mu, gu Nąmu mąą mɛ̨nį ɓa, yɛ ə kɛ a tɔɔmun yai heeɓo laa kaa ɲəi,

Rutə 3:5

Rutə yɛ Naomi ɓa: «Bələi tii ə́ mo la, gáá gɛi tii.»

Samuɛlə dɔlɔɔ 17:20

Davidə ə muhəɠə yələwala pɔ, ə nąn nwɔ taatɛlɛɛɠaai lɛɛ nu ta yəi, yɛ mɛ̨i kaa. Ə diɲɛ həɠə, yɛ li yɛ bələi nąn Ɉɛse ə dɔɔ la. Ə həli ɓɛi gɔ́ ɓuwu ə kɛ laa, nuą daa di muhəɠə kɛa diɛ li gɔ́ ɓa, diɛ tomą.