Ifisiɛŋ 4:29 - Yálá laawoo hɛɓɛ (dc)

²⁹ Woo ɲɔ̨n nɔpee ta hvo kulɔ ká la, kɛlaa yaamun, ká hvaa woo ə kɛ a nɛ̨ɛ̨, yɛ pɛli nu tənən dɔɔi, yɛ mɛ̨nį lɛlɛɛ kɛ mɛ̨n nuą diɛ.

Yálá laawoo hɛɓɛ

²⁹ Woo ɲɔ̨n nɔpee ta hvo kulɔ ká la, kɛlaa yaamun, ká hvaa woo ə kɛ a nɛ̨ɛ̨, yɛ pɛli nu tənən dɔɔi, yɛ mɛ̨nį lɛlɛɛ kɛ mɛ̨n nuą diɛ.

Bible

²⁹ Káfe ǹɛɛ naa lono nyɔ́mɔɔ fe kula kála, kɛ́lɛ, lono nɔ́ a nyíi a lii-laa tɛ̀ɛ núu pɔi, nyíi ǹɛ́lɛɛ̂i mɛnii ka gɛ̂i mɛni mai, a gɛ́ɛ kálono-wooi e lûwa láa diai dîa da káwoo mɛnii.

Ifisiɛŋ 4:29 Kruisverwysings

Mąątɛ̨nɛ̨ 45:2

Woonɛ̨ɛ̨ aa kulɔ góókpala, gáá nu pɔlɔ wələi tooi tɔɔmun ma. Nɛ̨́n ə kɛ ná yɛ, hɛɓɛ́ kɛmun nwəlɛɛ, nwɔ hɛɓɛ́ kpɔw!

Mąątɛ̨nɛ̨ 5:9

Yai-Laa, 'dɛ̨́nɛ̨n dɔɔ a yɛ́ tələnmolaai; bələi mąn mą́ą́hɛnɉi nuą tamąą la, Ə́ nwɔ pələi hąŋąn ɲɛ̨́i tɔwɔ.

Mąątɛ̨nɛ̨ 52:2

Ɓɛlɔwai Doɛgə, Edɔmə mun ə paa la Saulə pɔ, yɛ kɛ mą: «Davidə kaa Ahimelɛkə yəi bɛlɛ́n.»

Mąątɛ̨nɛ̨ 71:24

Ə́ mąątɛnɛ̨ woo hva tee ná a yələ lɔpee ta, mąąhɔlɔɓoi, nuąi kɛ bɔ ɲąąnwąnąą ə laa mą́ą́, di wɛi a lɛɛ a nwumɛ̨ da ɓáá kulɔ mąą.

Hanwon 12:13

Nu paa ɓaalə kaa kɛɛ kala nuą nɛn mu, Kɛlaa, tələnmomun hva lɛɛ kwəi pili mąą hu.

Hanwon 15:23

Mɛ̨nį hutoɔ a woo nɛ̨ɛ̨, a nu kwəinɛ̨ɛ̨, mɛ̨nį ɓoɔ a moi lɔwai, yili ɲąą nɛ̨ɛ̨i kpɔ nwɔ̨nɔ̨ a mɔlɔ.

Hanwon 15:7

Kilimąą nuą hvaa woo a mɛ̨nį kɔ́lɔn ŋąą ɲąąkwɛlɛ, Kɛlaa, kilikpɛɛgwəi nuą di wɛi, a kɛ a mɛ̨nį takpɛli.

Hanwon 16:21

Nui kili kaa mą, ya ɓə da kɛ mą nwun gɛ ɉumun. Woo ɲąąlaɠi ɓə a nu kili ta pɛlɛ mą.

Ikilisiati 10:12

Kilimąą mun vaa woo a mąąwiɛ nuą lɔwai, Kɛlaa, kilikpɛɛgwəi mun vaa woo a mɛlɛkpɛɛ mą nu lɔwai.

Azaya 50:4

Nąmu Yai-Laa ə woo lɔ ná, yɛ nui da mąą kwɛli nwoo, ə woo ta ɓo mą́ą́, nui vii kpɛɛ, gɛ́ pɛli vąŋą lɔi. Yələ wala pɔ həli pələ tɛi tɛi, a nwə́li tɔɔ, gɛ́ nwoo mąn, yɛ bələi nui di kaa mąą kwɛlii, a mɛ̨nį mąn na.

Maafîu 5:16

Bələ ɓə mąąnɛ̨ɛ̨ ka wɔ kɛɛpono ə kɛ la nuą lɔwai, ə gɛ nuą di ka wɔ túwɔ́ pələ lɛlɛɛ kaa, di mąąwiɛ tɛɛ ka Nąn Yálá pɔ, yai gaa yələi.»

Lukə 4:22

Nu kəlee di kɛi mąąwiɛi kaa, ə lɛɛ, mɛ̨nį lɛlɛɛɠaa ŋɛ̨i kɛi kulɔ na yɛ mo, ə nuą kəlee kwəi pili diɛ. Di kɛi di kee mąąni kɛ, diɛ kɛ mą: «Akɛti, Ɉosɛfə lon vəi mɔ̨ɔ̨?»

Ɉaan 1:37

Ɉaan nwɔ kalan nɛa hveelɛi tii di nwoo tii mɛ̨n nɔ di hvilɛn Jesus pulu.

Lomaŋ 14:19

Yili ɓə gaa mą, ká gu liilaa hee pələ kwɛli gu kee lɔwai.

Lomaŋ 15:2

Mąąnɛ̨ɛ̨ gu gu kiliŋąhiɛ gu ɓɛlaa di wɔ mɛ̨nį lɛlɛɛ ɓa, ə gɛ, gu dɛ tɔwɔ laa na pələ mɛ̨i.

Korɛntə dɔlɔɔ 14:19

Kɛlaa, gbɔn ɉu, nɛlɛɛ ɓaa, ŋą́ woo lɔɔli ɓo, nuą di mɛ̨n, ə tɛɛ, woo waa tamąą ɓa, yii di hva mɛ̨n.

Ifisiɛŋ 4:12

bələ ɓə, ə Kristalɛaa heekpəlin na kɛ la, diɛ pɛli Kristə kɔlɔ ɲąąkɔn ɉii,

Ifisiɛŋ 4:16

Ɉáálai ɓə gɔlɔ tɔɔ-tɔɔiɠaa kəlee yiliɛ la gee ɓa kpąą, ə lɛɛ gbulɔnaɠaa kəlee heɛi gee ɓa a nwalawalaa, yɛ kɛnɛ̨ la wɛlikɛmąąlaa háálai. Gólói di tɛitɛi da pɛli gɛi, ə ɓo a ɲąąkwɛlɛɛ di lɔwai a wɛlikɛmąąlaa.

Kolosə 4:6

'Ká lono woo ə nɛ̨ɛ̨ nuą wəlii a yələ kəlee, yɛ pɛli nɛ̨ɛ̨laa pələ laa ɓoi nuą lɔwai, 'ká nu tɛitɛi woo pulu pənə, a ɲąą pənə pələ.

Tɛsalonikə dɔlɔɔ 5:11

Yili mąą mɛ̨nį ɓa, 'ká kɛ ká keeni hvaŋąlɔi a yələ kəlee, káá ká keeni liikpələ, yɛ bələi ká kɛ gɛi la a bɔlɔ.

Piɛrə dɔlɔɔ 2:12

Ká túwɔ́ pələ ə kɛ a nɛlɛɛ, hali pulu nuą lɔwai, ə mą kpɛli kɛ di kaa ká laamąą hiɛi yɛ tuwɔ pələ ɲɔ̨n gulɔ nuą, ká wɔ tuwɔ pələ lɛlɛɠaa ə di kilaa pono, ɛlɛɛ, diɛ Yálá mąąwiɛ a yələi gaa pai di nąą kaai la.

Piɛrə dɔlɔɔ 3:1

Nɛ̨ąą kaa kpɛlimąn, 'ká lɛɛ ká hilɛni woo mu, ə mą kɛ, daɠaa di hvo gɛi di hvo laa Yálá laawoo la, di di hɔlɔɓo a di nɛ̨ąni di wɔ tuwɔ pələ lɛlɛ laa, hva kɛ a di hvaa woo,

Piɛrə veelɛ 2:18

Da kpɔɔ ɲąą kɛnɛ̨ wooɠaa ɓo da kili kpɛɛ yəi woo. Nuąi daa gɛ pələ kwɛli mą daa kulɔ mɛ̨nį ɲɔ̨n gɛ nuą yee mu, nɛɛ kalan gɛ nuą ti, da gɛ pələ kwɛli mą, di pənə nwɔ̨nɔ̨ diɛ di hon bələ kwɛli a mɛ̨nį ɲɔ̨n giliŋąhiɛi gaa diɛ.