Ifisiɛŋ 3:14 - Yálá laawoo hɛɓɛ (dc)

¹⁴ Yili mąą mɛ̨nį ɓə gɛi, ŋą́ kɛ pui la nwúngbə la Ną́n Yálá ɲɛ̨i ɓa,

Yálá laawoo hɛɓɛ

¹⁴ Yili mąą mɛ̨nį ɓə gɛi, ŋą́ kɛ pui la nwúngbə la Ną́n Yálá ɲɛ̨i ɓa,

Bible

¹⁴ Nyíŋi mɛni ma ŋa pɛ́lɛ ŋ́ume ŋá Nàŋ-nuui kɔ́ɔ mu,

Ifisiɛŋ 3:14 Kruisverwysings

Tɔɔɓɛlaa dɔlɔɔ 19:18

Kɛlaa, gáá pai nu kpəli wolo lɛɛi Israɛlə a nu waa mɛ̨ihveelɛ diɛi di hvo ta pɛlɛ li di liiɓa, di hvo kwɛli hvilɛn Baalə ɓa.»

Tɔɔɓɛlaa dɔlɔɔ 8:54

Vɛli ɓo wooɠaa tii kəlee da nɛ̨ɛ̨mąą hvə wooɠaa tii kəlee, Salomɔn ə naa həli Yai-Laa ɓa, a nwoo laa kulɔi. Salomɔn ə gɛ puu ni Yai-Laa nwɔ haláá kulɔi lííla ɲeeɠaa tɛɛ ɲələi pələ, ə muhəɠə,

Kɔlɔnikɔ Veerɛi 6:13

Hvo gaai, Salomɔn aa kɛ hɛn da tɔɔ gwəli hɛ̨ąi a kwɛli kpɔlu, gwɛaa a yee laa mą lɔɔli, goloon ɉu ə ɓo a yee laa mą lɔɔli, muhəɠɛɛ a yee laa mą haaɓa, ə tɛ ɉɛn tii mɛ̨i, ə pu nwungəla; Israɛlə nu kpɔn gəlee ɲɛ̨i ɓa. Ə ɲee haɠa ɲələi pələ,

Ɛsdrasə 9:5

Yələwulii haláá kulɔi lɔwai, kpɔlɔɔn tii ŋį́ mo, ŋį́ muhəɠə, nwɔ́ həɠəɠaa tii nee ŋį́ ɉuɓɛla, ŋį́ di too gwána, ŋį́ pu nwun gbəla, ŋį́ ɲee haŋą Yai-Laa nwɔ́ Yálá pɔ pələ.

Mąątɛ̨nɛ̨ 95:6

'Ka lɔ! 'Ka gu gu mąą pɛlɛ, 'ka gu kwɛli hvilɛn mą. 'Ka gu pu gu kpəlin na, gu pɛli Yálá, Yai-Laa lii la!

Azaya 45:23

Ŋą́ą́ gwɛla, a gbį́nįlee, mɛ̨nį hąŋąnŋąą ɓə a kulɔ ná, Vá nwóó ɲali bulu. «Nu kəlee kaa pai pui gbəlin na, nííla, nɛ̨n gəlee yɛ gwɛla a Náá.

Danîa 6:10

Nwoo tii ɓoɔ pulu, tɔɔmun ə hvaa mą, ə ɲee pɔɔ too dɔ́n tii hu.

Lukə 22:41

Yili pulu ə mąą tawolo tɛ, yɛ nu a kwɛni pili, ɓɛi a too laa, ə pu laa nwungbəla la yɛ Yálá hvɛli.

Gɛlaɠaa 20:36

Yii kɛa Polə ə nwooɠaai ti ɓo diɛ, ə pu gbəlin na, da diɛni di Yálá hvɛli.

Gɛlaɠaa 21:5

Nɔwɔ tɔ̨nɔ̨i ti tɛɛ pulu, ku kuɔ hiɛi kɔ́wɔ tɔɔ, galan nɛai ti da di nɛ̨ąni ə lɛɛ da di lonnii, di pa di ku tɔɔ pələi daa kpala. Kwa diɛni ku pu ku kpəlin na laa ɲá kwɛlɛ, ku Yálá hvɛli.

Gɛlaɠaa 7:60

Yili pulu, ə pu gbəlin na, ə tomą kpɔ a nwoo kɛnɛ̨ɛ̨, yɛ mą: «Ną́mu! 'Hvó nɛ̨ŋɛ̨n ŋɛ̨i pɛ̨ɛ̨ di nwuɔ̨.» Moi ə mo tii, ə haa.

Gɛlaɠaa 9:40

Piɛrə ə nu kəlee kulɔ ɲɛnɛ̨ɛ̨, ə pu gbəlin na, ə Yálá hvɛli, yili pulu, ə tínɛ̨n nu powa pɔ pələ yɛ mą: «Tabita! 'Ə́ muhəɠə!» Nu powai ə ɲįnąąɓo, ə Piɛrə kaa, ə muhəɠə ə hee.

Ifisiɛŋ 1:3

Lúwɔ́ ə kɛ gu Ną́mu Jesus Kristə Nąn Yálá ɓa, yai aa yələkɔlɔn ɉu lúwɔ́ɠaa kəlee too guɔ Kristə hu.

Ifisiɛŋ 3:15

Yai huwu mɛ̨nį kəlee a həɠə bɔ pələ, lɔi mɛ̨i da yələkɔlɔn ɉu.

Filipə 2:10

ya ɓə a gɛ, Jesus laa hu, nu kəlee a pu nwungbə la, di gwɛli hvilɛn mą, yələkɔlɔn ɉu, lɔi mɛ̨i, da lɔi mu;