Ifisiɛŋ 2:1 - Yálá laawoo hɛɓɛ (dc)

¹ Tɔlɔɔ, ka wɔɔ nɛ̨ŋɛ̨nŋaa da ká hɔnŋaa mąą mɛ̨nį ɓa, ka haai kɛ.

Yálá laawoo hɛɓɛ

¹ Tɔlɔɔ, ka wɔɔ nɛ̨ŋɛ̨nŋaa da ká hɔnŋaa mąą mɛ̨nį ɓa, ka haai kɛ.

Bible

¹ E ká kɛ̀ a káfulu tãi ka kɛ̀ la a kasaa tɔ̂ŋ karaa sârai da sɔnyɔ̂ŋ.

Ifisiɛŋ 2:1 Kruisverwysings

Zɛnɛse 8:21

Ɉaláá tii Noe ə gulɔ ə nɛ̨ɛ̨, ə Yai-Laa liilaa. Yai-Laa yɛ gbɔwɔ ɓa: «Və́ kɛa pai lɔi nɛ̨ŋɛ̨n naai nu kan dúwɔ́ pələ mąą mɛ̨nį ɓa. Bələi mąn kpɛli di wɔ kiliŋąhiɛ hva kɛ la a nɛlɛɛ, ə gɔwɔ tɔɔ di lokolo yələ ɓa. Ɛlɛɛ, və́ kɛa pai yɛnɛ̨ɛ̨ nwun na pilii yɛ bələi ŋɛ̨i ŋį́ gɛ́ lai.

Maafîu 8:22

Jesus ə nwoo ŋąąpənə yɛ mą: «Haa nuą lɛɛ laa di di kee loo. Ə́ wɛi, hvilɛn búlú.»

Lukə 15:24

Hvó gaai, nón ŋɛ̨i, aa kɛ haa, aa pənə aa nwun; nwun na aa kɛ pili, ŋą́ą́ pənə ŋą́ą́ gaa. Diɛ kɛa mąą kwəinɛ̨ɛ̨ kulɔ.›

Lukə 15:32

Kɛlaa, ə́ ləɠəi ŋɛ̨i, mąąnɛ̨ɛ̨ gu kwəinɛ̨ɛ̨ kɛnɛ̨ kulɔ mąą mɛ̨nį hu. Mąąhɔlɔɓo, ɉaai kɛ, aa nwun, ɛlɛɛ, aa kɛ pili, ŋą́ą́ pənə ŋą́ą́ gaa!›»

Ɉaan 10:10

Nwuɔ̨mun nwɛ́i, a pa lɔ, ə gɛ, ə nwuɔ̨ kɛ, ə paa ɓo kɛ, ə lɛɛ, ə kɛɛ kala. Nwɛ́i, ŋį́ pa, ə gɛ, mɛlaaɠaa di yɛnɛ̨ɛ̨ kpɛɛ hvo mą hɔlɔɓo, di ɉɔlɔɓo kpɔ kɛnɛ̨.

Ɉaan 14:6

Jesus yɛ mą: «Ɲą́ą́ ɓə gáá a bələ gɛ́ ɓo a tɛ̨ą, gɛ́ ɓo a yɛnɛ̨ɛ̨ kpɛɛ hvo mą. Nu ta hva pɛli lii Ną́n Yálá pɔɔli akɛ hvo tɛɛ li ɲą́ą́ bɔ pələ.

Ɉaan 5:21

Bələi lɔ Ną́n a haa nuą nwun na, yɛ yɛnɛ̨ɛ̨ tɛɛ di pɔ, bələ lɔ ɓə Non a yɛnɛ̨ɛ̨ tɛɛ la nwɛlikɛmąą nuą pɔ.

Ɉaan 5:25

A tɛ̨ą, a tɛ̨ą kpɔkpɔɔ gáá moi kaa: gaa pai kɛi a yələ ta, aa gbɛa mun həli, Yálá Lon nwoo a too hąąuą wəlii; yiiɠaa da mąn, da ɓalo.

Lomaŋ 8:2

Mąąhɔlɔɓo, Kili nwɔ tɔ́n a yɛnɛ̨ɛ̨ tɛɛ nu pɔ Jesus Kristə hu, aa nwún mąąɓo nɛ̨ŋɛ̨n da haa di yəi.

Korɛntə dɔlɔɔ 15:45

Yɛ bələi bɛ̨ɛ̨ la, yɛ mą: «Nu tɔlɔɔ, Adamə, nu kɔ́lɔ ə kɛ mą, nɔ̨ɔ̨ yɛ ɓo ɉu», kɛlaa, Adamə gbɛlamąą, gaa a Yálá-taa mun, ɛlɛɛ, yɛ yɛnɛ̨ɛ̨ tɛɛ nu kanŋaa pɔ.

Korɛntə veelɛ 5:14

Kristə nwɔ wɛlikɛmąąlaa aa hee ku hu, ku kili kaa ɉu kuɔ, yii nu tɔ̨nɔ̨ ɓə nu kəlee pulu haa ɓo, akɛti kani, nu kəlee ka ti haa.

Ifisiɛŋ 4:18

Di wɔ kiliŋąhiɛ kaa a kpinį ŋą hon, diɛ ɓo a nwɛ̨ąą, Yálá nwɔ yɛnɛ̨ɛ̨ kɛ pələ hu, tɛɠii-yɛnɛ̨ɛ̨i tii di kaa ɉui, aa di kili walawala.

Ifisiɛŋ 5:14

gbala ə tɔɔ, mɛ̨nįi aa doo pono ɲą, kɛɛ pono li. Yili ɓə gɛ, da kɛ mą: «Yɛ́i ŋɛ̨i yįi, 'nwún, ə́ muhəɠə 'ə́ kulɔ haa nuą lɔwai, ɛlɛɛ, Kristə kaa pai ə́ mąą ponoi.»

Kolosə 2:13

Ɛlɛɛ, káái tɔlɔɔ ká haa kɛ, a ká wɔɔ túwɔ́ pələ ɲɔ̨nŋaa da ká wɔɔ kɛ́nɛ̨-kpolaa laa laa pɔɔ, Yálá aa yɛnɛ̨ɛ̨ tɛɛ ká pɔ, ká Kristə ni: Aa gu wɔɔ túwɔ́ pələ ɲɔ̨nŋaa mąąhvaalɛɛ,

Timote dɔlɔɔ 5:6

Kɛlaa galanin a gbɔwɔ lɔ yɛnɛ̨ɛ̨ liiɓa hu, ə mą kɛ, gaa yɛnɛ̨ɛ̨, ɉaai.

Zɔ̂ŋ Maa-ŋuŋ 3:14

Gu wɛi, gu kili kaa ɉu guɔ gwaa kulɔ haa hu, gwaa lɔ yɛnɛ̨ɛ̨ hu, hvó gaai, gwa gu nąn nonnii wɛlilakɛ. Nui wɛlikɛmąąlaa hvo ɉu gaa ni haa hu.

M̀ɛni-lɛɛi 3:1

Malakai gbɔn nwun na Sardɛsə, hɛɓɛ́ kɛ ə́ dɛɛ mą: «Nui Yálá ŋą nįį mɛ̨ihveelɛi kaa ɲəi, ɛlɛɛ da bɛmɛ̨lɛ̨n-gɔw mɛ̨ihveelɛi, nwoo ka, yɛ: Ŋą́ ə́ kɛ-mɛ̨nįɠaa kɔ́lɔn, ə́ laa tɛɛi, diɛ kɛ ə́ kaa a ə́ hvúlu, kɛlaa, ə́ haai!