Galatə 1:8 - Yálá laawoo hɛɓɛ (dc)

⁸ Kɛlaa, ə kɛ a nui lɔpee, ə mą kɛ a ku ta, a wala kɛti, yələkɔlɔn ɉu malaka ta ɓə, a pa ə nwɛlɛɛ lɛlɛɛ takpɛli laa həli káá, ə kulɔ yii ku naa həli káá bulu, nɛ̨ŋɛ̨n ə laa.

Yálá laawoo hɛɓɛ

⁸ Kɛlaa, ə kɛ a nui lɔpee, ə mą kɛ a ku ta, a wala kɛti, yələkɔlɔn ɉu malaka ta ɓə, a pa ə nwɛlɛɛ lɛlɛɛ takpɛli laa həli káá, ə kulɔ yii ku naa həli káá bulu, nɛ̨ŋɛ̨n ə laa.

Bible

⁸ Kɛ́lɛ, à kɛ̀ máŋ a kúa, kpaa máŋ Ɣâla-taa-kela é kúla ŋ̀elei su é tuŋ da kpɛni ƃó é kúla nyíi pôlu ku mò kâai, tɔɔ náɣâŋ é kɛ́ maa-nuui ma.

Galatə 1:8 Kruisverwysings

Zɛnɛse 9:25

Nąąlɔwai, Noe yɛ diɛ: «Kanaan nɛ̨ŋɛ̨n naai! Gaa pai kɛi a gaayɔwɔɠaa di wɔ luwɔ pulu luwɔ.»

Tɔɔɓɛlaa dɔlɔɔ 13:18

Yálá kwəi mɛ̨nį hukulɔ hulɔgoloi yɛ mą: «Ɲą́ą́ gbɛli, ŋą́ Yálá kwəi mɛ̨nį hukulɔ lɔ yɛ bələi ə́ kaa la. Yálá nwɔ malaka ta ə kɛ mą́ą́, 'li ə́ ɲali bulu yɛ́ mą: Yai-Laa yɛ ə́ ɲali ə́ bulu ə́ li ɲə́i bɛlɛ́n laaləi, ə́ kɔ̨nɔ̨n mįi, ə́ yá kpələ.» Ə kɛi yili ɓo tii a lɛɛ.

Nehemi 13:25

Ŋą́ haŋą diɛ, ŋį́ di nɛ̨ŋɛ̨n naa, ŋį́ daɠaa kɛlɛ di lɔwai, ŋį́ di nwun nəɠa kulɔ. Yili pulu, ŋį́ mo diɛ, di di kwɛla a Yálá laa, gɛ́ diɛ: «Ka hvo ka lon nɛ̨ąą tɛɛ da lɔpee pɔ a nɛ̨ą, ka hvo di lon nɛ̨ɛ̨nu ta həɠə a ka lon nɛ̨ą, ə mą kɛ a kaa kpinįi ka wɔɔ.

Ɉeremi 23:16

Mɛ̨nįi Yai-Laa Mɛ̨nį Kəlee ŋą Hééɓomun ə mo, ya ka, yɛ diɛ: «Nuą tii di kpɔɔ kɛi a Yálá kwəi mɛ̨nį hukulɔ nuą a lɛɛ, ka hvo ka wəli tɔɔ diɛ, di kaa ka ɓowoi. Mɛ̨nįi di kaa ka kalan ɉii la, di kaa lɔ gulɔi di nwun ɉu, hvo həɠə li Yai-Laa la.

Ɉeremi 23:36

Kɛlaa, ka hvo kɛa Yai-Laa nwɔ tiɛ̨i mąą mɛ̨nį ta ɓo. Diɲɛ kaa pai kɛi a ka kəlee tɛi tɛi ka hvaa woo. Mąąhɔlɔɓo, ka kɛ Yai-Laa Mɛ̨nį Kəlee ŋą Hééɓomun ku wɔ Yálái, yaai gaa Yálá hvulú vaa woo mąąhvaalən ɉii.

Maafîu 25:41

«Yili pulu, tɔɔmun a mo gɔɓɛyee hu nuą diɛ yɛ diɛ: ‹Ka ka mąąkwɛa mą́ą́, kaa yiɠaai ka nɛ̨ŋɛ̨n naa Yálá yəi, ka li nwɔ̨n yii luwun və mą ɉu. Yii bɛliɛ kɛ nąnį da nwɔ ɲį́nɛ̨nŋąai diɛ.

Markə 14:71

Piɛrə ə gwɛla kpɔ, ə́ mo diɛ a nwąnąi, yɛ diɛ: «A tɛ̨ą leelee Yálá ɲɛ̨i ɓa, nui ŋɛ̨i ka káá vaa ɓoi, və́ kpɛli gɔlɔn.»

Gɛlaɠaa 23:14

Də li di mo ɉaláá laa həli nuą kpɛa-kpɛaa, da galanɉonŋaa diɛ, diɛ diɛ: «Kwaa ku woo kwɛlɛ a ku kwɛlai ku mo Yálá ɓa, kuɔ, ku hva hɛn da mįi, ku hva hɛn da kpələ, yii ku hvo ni Polə paa li.

Lomaŋ 16:17

Ną́n nonnii, gáá ka liɛwoo ɓoi, gɛ́: nuąi di kaa a kɔ́wɔ tuwo kwɛni, diɛ ɓɛlaɓo too ka lɔwai, dɛ̨ąwooi di ka mąąkwɛlima daa nɛɛ laa, ka ka kpɔɔ mɛ̨i kaa di mąą mɛ̨nį ɓa; 'ká ka mąą kwɛa diɛ.

Lomaŋ 9:3

A tɛ̨ą, yii gáá bɔ, a nɛ̨ɛ̨mąn, nɛ́ŋɛ̨n ə laa, ŋį́ gulɔ Kristə nwɔ wɛlikɛmąąlaa hu, nąn nonniii, a diɛi a ɉúwu hu nuą di mąą mɛ̨nį ɓa.

Korɛntə dɔlɔɔ 12:3

Yili ɓa, gáá moi káá; nu ta a kɛli pələ ɓo Yálá ŋą Kilii yee kɔnma, hva pɛli kɛi diɛ, «Jesus nɛ̨ŋɛ̨n naai», nu ta yaan hva pɛli kɛi diɛ: «Jesus kaa a Nąmu», akɛ Kili-Mąąhəɠɛɛ hvə dɔɔ li la.

Korɛntə dɔlɔɔ 16:22

Nui gu Ną́mu wɛli hvo mą, mąą nu nɛ̨ŋɛ̨n naa ɓə. Maranata! (Mukulaa ɓaa: Ną́mu, pa!)

Galatə 1:9

Kwaa gbɛa mo káá, gáá nwɔ̨nɔ̨ pənəi ŋį́ mo yiihu, gɛ́ káá: Akɛ nu ta a wɛlɛɛ takpɛli laa həli káá, ə kulɔ yii ká ɉɔlɔɓo bulu, nɛ̨ŋɛ̨n ə laa.

Galatə 3:10

Gbala ə tɔɔ, dɔn bɔ yíiɓo nuą kəlee, di kaa dɔn ŋą nąŋɛ̨n naa yee mu, hvo gaai, ɉɛɓɛ́ yɛ diɛ: Nui hvo pai Yálá nwɔ tɔ́nŋąą ŋɛ̨i bɛ̨ɛ̨, bɔ yíiɓoi, nɛ̨ŋɛ̨n naai!

Galatə 3:13

Kristə aa gu nwun mąąɓo dɔ́n ŋą nɛ̨ŋɛ̨n naa yəi a hɔ̨nwɔ̨ kɛnɛ̨, a yaa kpinįi ti kɛi ə mo a nɛ̨ŋɛ̨n naa gu mąą mɛ̨nį ɓa. Mąąhɔlɔɓo, bɛ̨ɛ̨i ɉɛɓɛ́ hu, yɛ mą: «Nui daa ɉɛlɛn wulu ɓa, nɛŋɛ̨n naai!»

Taitɔ 3:10

Nui a kɛ gbɔn ɉu nu ɓɛlaɓoi, niɛwoo kɛ gee mɛ̨i hveelɛ, awala ə́ woo mɛ̨n, ə́ gulɔ gbɔn ɉu.

Zasua 9:23

Ə həɠə háákələi ɓa, ka nɛ̨ŋɛ̨n naai ɓə, ka ta hva kɛa kulɔ lɛɛ ɲeemu laa hu; ka lɛɛ lɔ kɛa a nwɔ́ Yálái nwɔ pɛ́lɛ́i mu kwɛi kwɛli nuą, da nwɔ yá haɠa nuą.»

Piɛrə veelɛ 2:14

Wɛli hon nɛ̨ą ɓə di kaa bɔ diɛ di kaa, nɛ̨ŋɛ̨n ɉəɠɛɛ hva di hviikpɛɛ, nuąi hvaŋą hvo di yəi, diɛ ɓə da too di mɛ̨i. Hulu hɛn Ɉɔlɔɓoɔ mąą gbana laa ɓə gaa di yəi. Yálá nwɔ nɛ̨ŋɛ̨nnaa kaa di mɛ̨i.

Samuɛlə dɔlɔɔ 26:19

Nwɔ́ mɛ̨nį nąmu tɔɔmun, ə́ wəli tɔɔ yiihu ə́ wɔ tí mun woo ɓa: ‹Akɛ Yai-Laa ɓə ə́ ɲąątɔɔi mą́ą́, ə hvaa mą, haláá hɛn di kaa dɛɛi bɔ, yili ə niilaa. Kɛlaa, akɛ nuą ɓə, mąą nuąi di kɛ a nɛ̨ŋɛ̨n naa nuą Yai-Laa ɲɛ̨i ɓa. Hvo gai, daa gbɛ́ háákələi, yɛ́ gulɔ Yai-Laa nwɔ lɔi hu, diɛ kɛ mą́ą́: Li ə́ tí haliɠaa diɛ.›