Filipə 1:8 - Yálá laawoo hɛɓɛ (dc)

⁸ A tɛ̨ą, nwɛlikɛmąą laaii gaa ɲə́i Kristə laa hu ka mąą mɛ̨nį ɓa, Yálá ɓə a gɛla.

Yálá laawoo hɛɓɛ

⁸ A tɛ̨ą, nwɛlikɛmąą laaii gaa ɲə́i Kristə laa hu ka mąą mɛ̨nį ɓa, Yálá ɓə a gɛla.

Bible

⁸ Ɣâla káa a ŋásêre a berei ŋa kákelee káwɛ̂lii la a Zîsɛ Kôrai ŋɔwɛli kɛ́-maai.

Filipə 1:8 Kruisverwysings

Zôo 16:19

Yii hui ŋɛ̨i nwɔ̨nɔ̨, nwɔ́ kɛla kaa yələkɔlɔn ɉu, nui gáá a dɔ́ɔ́ búlu, gaa hɛn gəlee nwun mɛ̨i.

Azaya 16:11

Níi kaa kpɛlin ɉii gwə́i, yɛ gwɛni ɲɛli, Moabə mąą mɛ̨nį ɓa, níi yɛ dumo gwə́i Kirə-Hɛrɛsə mąą mɛ̨nį ɓa.

Azaya 63:15

Yɛ́i tii yələ kɔ́lɔn ɉu, lɛɛ ə́ wɔ pɛlɛ mąąhəɠɛɛ lɛlɛɛi mu, ə́ ə́ ɲɛ̨i hee, ə́ kɛɛ kaa: Ə́ wɔ toloi kaa mįnɛ̨, da ə́ wɔ huwala walai? A mɛ̨nįɠaai tii da ə́ lii muhəɠəi? Ɲɛ̨́i mąą wɛli kaai ə́ kɛli mo, yaa mɔ̨ɔ̨ gbɛla bələi?

Ɉeremi 31:20

Ɛfraimə aa kɛ mɔ̨ɔ̨ a nwɛ́li kɛ mąą lon. A lón mąą mɛ̨nį kaa níí mɛ̨i? Mąąhɔlɔɓo, ŋį́ kɛ lɔ mąą mɛ̨nį ɓoi, mąą kiliŋąhiɛ yɛ too mą́ą́, ɛlɛɛ, nii yɛ kulɔ mą́ą́ mąą mɛ̨nį hu. Nwɔ wɛlikɛmąą kaa pai kɛi níí hu kpɔ a nwalawalaa. Yai-Laa woo li.

Lukə 1:78

Mąąhɔlɔɓo, ɲɛ̨imąąwɛli kaa kɛnɛ̨ kaa kuɔ Yálá yəi. Ya ɓə pai kɛɛ pono kɛnɛ̨ yɛɛi ku mɛ̨i yɛ pələi yələ wala pɔ hvóló liɛn gaa la.

Lomaŋ 1:9

Hvó gaai, Yálá kaa a nwɔ́ kɛla, yai gáá tíi mą níí hu, gɛ́ non mąą wɛlɛɛ lɛlɛɛ laa həli, ə gɔlɔn gbɔ yɛ, ŋą́ kɛ gílíŋąhiɛi kaa nwɔ́ Yálá hvɛliɛ pələ kəlee hu.

Lomaŋ 9:1

Kristə hu, tɛ̨ą ɓə gáá moi, və́ lɛɛ kɛi, ŋą́ gbɔ́ɔ́ mąą kɛla hvaaɓo a yili, Kili-Mąąhəɠɛɛ háálai, və́ lɛɛ kɛi.

Korɛntə veelɛ 13:9

A neelee, kwa kɛ kwəinɛ̨ɛ̨ kulɔi, ɓɛlɔwai ku hvįi a kɛ la a gbɛɛ, ká hvaŋą yɛ kɛnɛ̨. Ku wɔɔ hvɛli woo nwun ga, ya ɓaa, ká mąą mɛ̨nį ə pɛli ɉu.

Korɛntə veelɛ 6:12

Gaa ká kwəi, káá ká kwəi loo kuɔ, káá kpinįi ɓə ká kwəi loɔ ká kpɔwɔ ɓa.

Korɛntə veelɛ 7:15

A giliŋąhiɛ a vilɛn ká wɔɔ lɛɛ nwoo mu laa kəlee ɓa, ká wɛlii gaa mą, da lɔ ɓə a pɛlɛ mą, ɛlɛɛ, bələi ká ká yee hee la mu, a ɲɔw mąą yɛ kpɛlin.

Galatə 1:20

Mɛ̨nįɠaai ŋɛ̨i gáá moi káá ɉɛɓɛ́ hu, gəlee kaa a tɛ̨ą; gáá moi Yálá ɲɛ̨i ɓa, və́ lɛɛ kɛi.

Galatə 3:26

Mąąhɔlɔɓo, ká kəlee kpun, laa na laa háálai, káá kɛ kɛa a Yálá lonni Jesus Kristə hu.

Galatə 4:19

Nónnii, gáá mɔ̨nɔ̨ mįi ká mąą mɛ̨nį hu yɛ nɛ̨ɛ̨nu nwɔ mɔ̨nɔ̨i a mįi kwəinwąną lɔwai, ə lɛɛ ɉu, ká Kristə mąą mɛ̨nį huponoɔ kaa ká lɔwai.

Filipə 2:1

Akɛ kani, ká toliɛi Kristə hu, ká hvaŋąlɔɔ wɛlikɛmąą laa hu, ká yee lɔɔ gee hu Kili-Mąąhəɠɛɛ haalai, liinɛ̨ɛ̨ gwəi laa da ɲɛ̨imąąwɛli kaa hu,

Filipə 2:26

gaa kpɔ bɔ ə ɲɛ̨i tɔɔ káá, niihɛlɛnŋąąi, mąąhɔlɔɓo, kaa kɛ nwɔ ɲɔ̨n mɛ̨nį pələ mɛ̨n.

Filipə 4:1

Yili ɓa tii, nąn nonnii, nwɛ́likɛmąą nuą, gáá kpɔ bɔ ŋą́ ɲɛ̨́i tɔɔ kaa, káái a nwɔ́ kwəinɛ̨ɛ̨ da nwɔ́ɔ́ ɲɛ̨i pono, 'ká tɔɔ kpɔ tii gbąą, gu Nąmu nwɛi hu, nwɛ́likɛmąą nuą.

Kolosə 2:1

Gáá bɔ́, gɔ́ kɛnɛ̨i ŋɛ̨i gáá gɔi, ká gili kɔlɔn kaa diɛ, ka mąą mɛ̨nį ɓə gáá gɔi la, ə mą kɛ, Laodise nuą da nuąi kpɔ di hvo ni ɲɛ̨́ilaai kaa li.

Kolosə 3:12

Yii kani kɛa Yálá aa ká həɠə ɉu, aa ká mąąhəɠə, ká wɛli ə ɓo mąi; mąąnɛ̨ɛ̨: ɲɛ̨imąąwɛli kaa, liinɛ̨ɛ̨ gwəilaa, kpɔwɔ mąą yɛɛ laa, mɛ̨nį lɛlɛɛ kɛɛ, da liikpələ laa di kɛ ká yəi.

Tɛsalonikə dɔlɔɔ 2:5

Yili ɓə gɛ, ku hvo gɛ li a gbąnąlaa woo, káá kpinįi ká kili kaa tii ɉu, tɔlɔ kwɛli kili hvo kɛli kuɔ, Yálá kpinįi kaa a gɛla.

Tɛsalonikə dɔlɔɔ 2:8

Ká wɛli kɛ bələi tii kuɔ ɓə gɛ, ku hɛ̨ąyiliɛ kpɔ kɛ, ku Yálá nwɔ nwɛlɛɛ lɛlɛɛ laa həli káá, ə mą nwɔ̨nɔ̨ kɛ, ku wɔ yɛnɛ̨ɛ̨ ɓə, ku dɛɛ, gbala ə tɔɔ ká mąą mɛ̨nį nwąnąąi kuɔ kpɔ tii kɛnɛ̨.

Timote veelɛ 1:4

Ŋą́ gíliɲąhiɛ ŋą́ vilɛn, mą́ą́ wɔlɔi ə́ kɛli mo, mą, ŋą́ kɛ lɔ bɔ ŋą́ ɲɛ̨́i tɔɔ yɛ́, ə gɛ, nwɔ́ɔ́ kwəinɛ̨ɛ̨i laa ə kulɔ.

Filemɔn 1:12

Onesimə aa kɛ kɛa a gbíní. Gáá dɔɔi ə pa ə́ pɔ.

Filemɔn 1:20

A tɛ̨ą, gááyɔwɔ, mɛ̨nį ŋɛ̨i gáá vɛli yɛ́, gɛ́ ə́ hvaa mą́ą́ gu Ną́mu nwɔ wɛlikɛmąąlaa hu; gáá bɔ ə́ nį́ilɔ Kristə laa hu.

Zɔ̂ŋ Maa-ŋuŋ 3:17

Akɛ yɛnɛ̨ɛ̨ hɛn gɔw a kɛ nu ta yəi, ɛlɛɛ, ə nąn non gaa kąnąn ɉu, ɛlɛɛ, hva ɲɛ̨imąąwɛli kaa; a kɛ tii, Yálá nwɔ wɛlikɛmąąlaa a pɛli kɛi ləi ɉu?