Ɛsdrasə 1:7 - Yálá laawoo hɛɓɛ (dc)

⁷ Ɉɛnŋąą kpɔ wɔlɔ tɔɔmun Nabukodonosorə ə ɉəɠə Yai-Laa hee pɛlɛ́ mu Ɉerusalɛmə daai, ə paa la nwɔ haliɠaai hee pɛlɛ́ mu, tɔɔmun Sirusə ə yili kəlee kulɔ laa, ə dɛɛ di pɔ.

Yálá laawoo hɛɓɛ

⁷ Ɉɛnŋąą kpɔ wɔlɔ tɔɔmun Nabukodonosorə ə ɉəɠə Yai-Laa hee pɛlɛ́ mu Ɉerusalɛmə daai, ə paa la nwɔ haliɠaai hee pɛlɛ́ mu, tɔɔmun Sirusə ə yili kəlee kulɔ laa, ə dɛɛ di pɔ.

Bible

⁷ Zãâi kélee Gâloŋ Nɛbukinaza è wɔ́lɔ gùla Ŋ̀âla-pɛrɛ Kɛ́tɛi mu Zerusâlɛŋ ŋɔkpɛtɛ-ɣala-ŋai mɛni mai, Gâloŋ Sarɔ è dítɛ̀ɛ pôlu.

Ɛsdrasə 1:7 Kruisverwysings

Tɔɔɓɛlaa veelɛ 24:13

Ə li a Yai-Laa yəi bɛlɛ́n ɉɛnŋąą kəlee da tɔɔmun ɲəi bɛlɛ́n ɉɛngu kəlee. Ɉaláá kulɔ hɛnɠaa kpɔ Israɛlə tɔɔmun Salomɔn ə di pɛli, ə gəlee kala. Mɛ̨nį Yai-Laa ə mo, nąą ə hvɛɛla.

Kɔlɔnikɔ Veerɛi 36:10

Gwɛlan gbɛɛi lɔwai, tɔɔmun Nabukodonosorə kuláaɠaa tɔɔ, di ɉon diɛ li la Babilonə, di bɛlɛ Yai-Laa nwɔ pɛlɛ́i mu hɛnŋąą nɛlɛɛɠaa ɓa; ə nąn non Sedesiasə hee a dɔɔmun Ɉuda da Ɉerusalɛmə mɛ̨i.

Kɔlɔnikɔ Veerɛi 36:18

Yálá yəi bɛlɛ́n ɉɛnŋąą kəlee, gbɛa-kpɛaa mąn, bɛlɛɛɠaa mąn, Yai-Laa ŋą pɛlɛ́i mu hɛn gɔwɠaa, tɔɔmun ŋą pɛlɛ́i mu hɛn gɔwɠaa, ə mą kɛ, galanɉonŋąą di wɛi, di gəlee həɠə di li la Babilonə.

Kɔlɔnikɔ Veerɛi 36:7

Nabukodonosorə ə Yai-Laa ŋą pɛlɛ́i mu hɛnŋąą tamąą həɠə, ə li la ə ɉee nwɔ tɔɔ pɛlɛ́i mu Babilonə.

Ɛsdrasə 5:14

Ya ɓə gɛ, ɉɛnɲąŋąɠaai ŋɛ̨i wɔlɔ kɛ Yálá yəi bɛlɛ́n Ɉerusalɛmə daai, yɛ ɓo a hɛni da wali, Nabukodonosorə ə wɔlɔ ɉəɠə, ə li la Babilonə, ə bu nwɔ haliɠaai yəi bɛlɛ́n. Tɔɔmun Sirusə ə ɉɛnŋąąi tii kulɔ ɉali pɛ́lɛ́i tii mu, nui ŋɛ̨i da kɛ mą Sɛsbasarə yai ə ɉee a nɔi nwun nąmu, ə ɉəɠə ə dɛɛ bɔ.

Ɛsdrasə 6:5

Yili pulu, Yálá hee pɛlɛ́ mu hɛnŋąą kpɔ wɔlɔ tɔɔmun Nabukodonosorə ə ɉəɠə yɛ li la Babilonə, yɛi kɛ a hɛni, a wala kɛ tii wali, di kaa pai pai a gəlee Ɉerusalɛmə, di gəlee hee ɉeei Yálá hee pɛlɛ́ mu.›»

Ɉeremi 51:44

Babilonə halii tii a Bɛlə, gáá hee ɉu, ɉɛn ə mį́i, gáá gulɔi gwəi. Yɛnɛ̨ɛ̨ nuą di hva kɛa pa bɔ a di kpulu, Babilonə mąąkpɛ hįį kəlee kaa pui.

Danîa 1:2

Ną́mu Yálá ə hvaa mą, Babilonə tɔɔmun, Nabukodonosorə ɲee ə tɛɛ Yoyakimə ɓa, yai kɛ a Ɉuda tɔɔmun. Yili pulu, ɉɛnŋaai ŋɛ̨i kɛ Yálá hee pɛlɛ́ mu, ə bələ tɔ̨nɔ̨ həɠə, ə li a diɛ Sinearə lɔi hu, ə di pu nwɔ haliɠaai yəi bɛlɛ́n, ə ɉɛnŋaai tii pu nwɔ haliɠaai di wɔ hɛn gɔw kɛɛnąą.

Danîa 5:23

Yaa ə́ muhəɠə Yálá ŋɛ̨i gaa hɛn gəlee nwun mɛ̨i naa ɓa, yaa ɲəi bɛlɛ́n ɉɛnŋaa həɠə, yɛ́, ə́ wɔ wɛli nɛ̨ąąi, ə́ nɛ̨ąni da ə́ wɔ nu kpɛa-kpɛaɠaai, kaa lɔɔ kpələ ɉu. Yili pulu, yáláɠaai ŋɛ̨i di kaa a: wali kwɛli, hɛni, ɓala kwɛli, kwɛli, wulu da kwɛni maahaɠaaɠaa, diɛi di hva kɛɛ kaa, di hva mɛ̨nį mɛ̨n, kili hvo diɛ, kaa kwɛli hvilɛn diɛ, ka hvo gɛ li ka hvo mąąwiɛ tɛɛ Yálá pɔ, yaai ə́ nɔw kaa ɲəi, da ə́ kɛ mɛ̨nįɠaa kəlee.